ތިލަމާލެ ބްރިޖުގެ ތަބުތަކުގެ ބައެއް ހަރުކުރުމުގެ މަސައްކަތް ކުރަނީ-- ފޮޓޯ: އިންޑިއާ ހައިކޮމިޝަން
03 އެޕްރީލް 2025 - 17:56
މާލެ އާއި ވިލިމާލެ އާއި ގުޅިފަޅު އަދި ތިލަފުށި ގުޅުވާލަން ހަދާ ތިލަމާލެ ބްރިޖްގައި ދުނިޔޭގެ އެންމެ އުސް ޕްރީކާސްޓް ސެގްމަންޓް މިއަދު ބަހައްޓައިފި އެވެ.
އިންޑިއާ ހައިކޮމިޝަނުން ބުނީ ގުޅީފަޅުގައި ހަދަމުން އަންނަ ތިލަމާލެ ބްރިޖުގެ ސުޕަ ސްޓްރަކްޗާގެ ބައިތަކަކީ ދުނިޔޭގައި މިހާތަނަށް ހަދާ (ލޯންގް ލައިން މެތަޑުގެ) އެންމެ އުސް ޕްރީކާސްޓް ސެގްމަންޓްތައް ކަމަށެވެ.
ހައިކޮމިޝަނުން އާންމުކުރި ފޮޓޯތަކުން ފެންނަ ގޮތުގައި، ބްރިޖުގެ ސުޕަސްޓްރަކްޗާގައި "ވީ ޝޭޕް" އަށް ހުންނަ ބައިތައް މިހާރު ވަނީ އެއްކޮށް ގުޅުވަން ފަށައިފަ އެވެ.
ހައިކޮމިޝަނުން މިއަދު ބުނީ މިއަދު ބުރިޖުގެ ތަނބުގެ ބައިގެ ދިގުމިނުގައި 8.23 މީޓަރު އަދި ފުޅާ މިނުގައި 25.37 މީޓަރު ހުންނަ މި ސެގްމަންޓުގެ ބަރުދަނުގައި 216.04 މެޓްރިކް ޓަނު ހުންނާނެ ކަމަށެވެ. އަދި މިއީ ދުނިޔޭގެ އެންމެ އުސް ޕްރީކާސްޓް ސެގްމެންޓް ކަމަށް ހައި ކޮމިޝަނުން ބުންޏެވެ.
A Day of Special Achievement
— India in Maldives (@HCIMaldives) April 3, 2025
On 3 April, 2025, the tallest precast navigation span segment in the world under the 🇮🇳 🇲🇻 Greater Male Connectivity Project was erected by Afcons. The 8.23m tall and 25.37m wide segment weighs 216.04 MT and is an engineering marvel. pic.twitter.com/Zy6YI5L7E1
އެއީ ބްރިޖްގެ މަސައްކަތުގައި ހާސިލްކުރެވުނު ވަރަށް ބޮޑު ކާމިޔާބެއް ކަމަށް ހައި ކޮމިޝަނުން ބުންޏެވެ.
ޕްރީކާސްޓް ކުރުމަކީ ބްރިޖްގެ ކޮންސްޓްރަކްޝަނަށް ބޭނުންވާ ބައިތައް އެހެން ތަނެއްގައި ހަދައިގެން ސައިޓަށް ގެންގޮސްގެން ހުރިހާ ބައިތަކެއް ގުޅުވުމެވެ. ކުރިން ސިނަމާލެ ބްރިޖު ހެދިއިރު މި ބައިތައް ގެނައީ ޗައިނާގައި ހަދައިގެންނެވެ. މިފަހަރު އެ މަސައްކަތް ކުރަނީ ގުޅީފަޅުގަ އެވެ.
ތިލަމާލެ ބްރިޖް މަޝްރޫއުގެ ދަށުން މާލެ އާއި ވިލިމާލެ އާއި ތިލަފުށި އަދި ގުޅިފަޅު ގުޅުވާލަން 6.7 ކިލޯމީޓަރުގެ ބްރިޖެއް އަޅަން ނިންމާފައިވެ އެވެ. އެ ބްރިޖުގެ މަސައްކަތް ކުރަނީ އިންޑިއާގެ އެފްކޮންސް ކުންފުނިންނެވެ.
ތިލަމާލެ ބްރިޖުގެ ތަބުތަކުގެ ބައެއް ހަރުކުރުމުގެ މަސައްކަތް ކުރަނީ-- ފޮޓޯ: އިންޑިއާ ހައިކޮމިޝަން
އިންޑިއާގެ ލޯނު އެހީގައި ހިންގާ އެ މަޝްރޫއަށް 500 މިލިއަން ޑޮލަރު (7.7 ބިލިއަން ރުފިޔާ) ހަރަދުވެ އެވެ. އެއީ އިންޑިއާގެ އެގްޒިމް ބޭންކުގެ ލައިން އޮފް ކްރެޑިޓްގެ ދަށުން ދޭ 400 މިލިއަން ޑޮލަރާއި އިންޑިއާގެ ސަރުކާރުން ހިލޭ އެހީގެ ގޮތުގައި ދޭ 100 މިލިއަން ޑޮލަރެވެ.
ބްރިޖް މަޝްރޫއުގެ މަސައްކަތުގެ 40 ޕަސެންޓް މަސައްކަތް ނިމިފައިވާ ކަމަށް ސަރުކާރުން ބުނެފައިވެ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ރަނާވަތު
04 April 2025
ދަ އަންފިނިޝް ޝިޓް
ޓެއލަރު މުންޖި
04 April 2025
ފޫޓު ފީތާ ހިފާއިގެން މިދަނީ މިން އަޅަން@
އިންޑިއާ ދިދަ ހިފައިގެން
04 April 2025
ލިވަރޕޫލަށް ނުގޮސް މިތާ ކައިރީ އިންޑިއާ އިން ޖަހާފަ ފޮޓޮއެއް ނެގުން މާ ސަޅިވީސްދޯ!
ޑރ ވާންޗޯ
04 April 2025
ދުނިޔޭގަ އަދި މިހާތަނަށް ކަނޑުގަ ބްރިޖްއެއް އަޅާފަނުވާ އެންމެ ސްލޯ ކޮމްޕެނީގެ ވޯލްޑްރެކޯޑްއަށް ކުރިމަތިލީނަމަ ކާމިޔާބުވީސް.
ގެރި މޯދީ
04 April 2025
ކަޑައެޅިގެން ދޮގެއް. ތިޔަށް ވުރެ މާ އުސް ބުރިޖު ހުރޭ. އުސްނަމަ ރެކޯޑް ފޮތަށް އަރުވަން އުޅުނީސް
އިކްލީލް
04 April 2025
ކަލޭނޭ އެކިޔަނީ ބްރިޖުގެ އުސްމިނުގެ ވާހަކައެއް ނޫނޭ. އެ ޕްރިކާސްޓް ސެގްމެންޓްގެ ވާހަކަ.
7123456
04 April 2025
ޕްރީކާސްޓް ސެގްމެންޓުގެ މާނަ ބަލާލަފައި ޗެޓްޖީޕީޓީ ކައިރި އަހާލާ
ގައުމީ ދޫ
04 April 2025
ލޯނަކީވެސް އެހީއެއް! ލިޔުނު ފަރާތަށް ސަލާން
ދޫނިދޫ
04 April 2025
ހެޔޮބަހެއް ބުނުމަކީވެސް އެހީޔެއް
ކައުންސެލަރު....
04 April 2025
ތިޔާ އެއްޗަކު ވެއްޓޭޅެ އަޅާ ނުނިމެނީސް ބަލަން ތިބޭތި. ތިޔާއީ ކައްޕަޅި ބުރިޖު ސަބަބަކީ އެއީ. އާނ އެހެންތާވާނީ، މިހާރުވެސް އަމިއްލަގައުމުގެ ބުރިޖުތަކުހާލަކީ އެއީ ވިއްޔަ
ޙަމަހަމަ
04 April 2025
ބަލާލަބަލަ ޗައިނާގެ ޕިންގްޓަންގް ބްރިޖް. ތި ޚަބަރު ގައި ހުރި މައުލޫމާތު ރަނގަޅެއް ނޫން.
އިކްލީލް
04 April 2025
ތިކިޔަނީ ބިމުން ފެށިގެން ބްރިޖްގެ އުސްމިނުގެ ވާހަކަ. އެ ޕްރިކާސްޓް ސެގްމެންޓްގެ އުސްމިން (ޓޯލް) އެއީ އެހެން އެއްޗެއް.
ޖޯކް
04 April 2025
ސޯލިހަށް މިވަރުވެސް ކޮށް ނުލެވުނު. ބަންދުނިމުނީ ބައިގަނޑު ނުކުންނާނެ މަގުތަކަށް
ރަބަތު
04 April 2025
މި ޖޯކްމެންގެ ނަޒަރުގައި އެންމެ ފުރަތަމަ ވީ މިސެގްމެންޓް ބަހައްޓަން. ކަނޑު އަޑީގައި ކުރަންޖެހޭ އެއްވެސްކަމެއް ކުރާނެކަމެއް ނެތް. ކަނޑުއަޑީގައި ކޮށްފަހުރި މަސައްކަތް ވެސް ލޮލަށް ފެންނަން ހުންނަނަމަތާ ކަމެއް ނުކުރާކަމެއް އިނގުނީހީ
ގުދުގުދާބެއްޔާ
04 April 2025
ކަލޯ މިބުރިޖް އެޅީ ސޯލިހު! ކޮންމެހެން މެޑެލްޖަހާ ރިބަންކަނޑަން އުޅޭނެކަމެއްނެތް!
އަނެއްޖޯކް
04 April 2025
މިހާރު އެބަ މާ ބޮޑު ވަރެއް ކުރެވޭތަ؟ ސްލޯކަމުގެ މިންގަނޑު ހުރީ ހަމަ އެއްވަރެއްގަ. ބްރިޖް މަސައްކަތުގެ ވާހަކަ ދެއްކުމުގެ މިނިވަންކަމެއް އަދި ބާރެއްވެސް ދިވެހިންނަކަށް ނެތް. އެސަރުކާރާ މިސަރުކާރާ ތަފާތެއް ނެތް.
އަލްއުސްތާޒު
03 April 2025
ކުރިން ބުރިޖްގެ އަޕްޑޭޓްތައް ދީ ހެނދީ އެއިރުގެ ހައުސިންގ މިނިސްޓްރީއިން. މިހާރު އެކަންވެސް ކުރަނީ އިންޑިއާ ހައި ކޮމޮޝަނުންތަ؟
އޮޑިހަނު
04 April 2025
އެހެންނުވާނެ. ކުރިންވެސް. ޢަޕްޑޭޓުތައް ދީ ހެދީ އިންޑިއާ އެމްބަސީއިން. އަދި މި މަޑުކުރަނީ ދިވެހިންގެ މުއައްސަސާއެއްގެ ތެރެއިން އަޕްޑޭޓުތައް ލިބޭނެ ދުވަހަކަށް