ކަރަންޓު ކެނޑުނު ސަބަބު ދިރާސާކޮށް، އެކަން ތަކުރާރު ނުވާނެ ގޮތެއް އެބަ ބަލަން: ތޯރިގު

އެންވަޔަރަނަމަންޓް މިނިސްޓަރު ތޯރިގް އިބްރާހިމް ވާހަކަދައްކަވަނީ.-- ފޮޓޯ: މިހާރު

މާއިދާ މުހައްމަދު ރަޝާދު، މިހާރު

01 ޖޫން 2025 - 18:30

މުޅި މާލެ އާއި ހުޅުމާލެއިން އެއްފަހަރާ ކަރަންޓު ކެނޑެން މެދުވެރިވި ސަބަބު ދިރާސާކޮށް، އެފަދަ މައްސަލަތައް ތަކުރާރު ނުވާނެ ގޮތެއް ބަލަމުން އަންނަ ކަމަށް އެންވަޔަރަނަމަންޓް މިނިސްޓަރު ތޯރިގު އިބްރާހިމް މިއަދު ވިދާޅުވެއްޖެ އެވެ.

މެންދުރު 12:45 ހާއިރު މާލެ އާއި ހުޅުމާލެއިން ކަރަންޓު ކެނޑުމަށް ފަހު މިހާރު މުޅި މާލެއަށް ވަނީ އަލުން ކަރަންޓު ދީފަ އެވެ. އެކަމަކު ހުޅުމާލޭގެ އެއް ސަރަހައްދަކަށް އަދިވެސް ކަރަންޓެއް ނުދެ އެވެ.

ތޯރިގު އެކްސްގައި ކުރެއްވި ޕޯސްޓެއްގައި ވިދާޅުވީ މާލެ އާއި ހުޅުމާލެ އަދި ހުޅުލެއިން ކަރަންޓު ކެނޑުމާ ގުޅިގެން ކަރަންޓުގެ ހިދުމަތް އަނބުރާ ދިނުމަށް ކުރަންޖެހޭ ހުރިހާ މަސައްކަތެއް ކުރަމުން އަންނަ ކަމަށެވެ. އަދި ދިމާވި މައްސަލަ ދިރާސާކޮށް، ބަލައި ކުރިއަށް އޮތްތަނުގައި އެފަދަ މައްސަލަތައް ދިމާނުވާނެ ގޮތަށް އިންތިޒާމުތައް ހަމަޖެއްސުމަށް ކުރަންޖެހޭ ކަންކަން ކުރަމުން އަންނަ ކަމަށެވެ.

މާލެ، ހުޅުމާލެ އަދި ހުޅުލެ އިން ކަރަންޓު ކެނޑުމާއި ގުޅިގެން ކަރަންޓުގެ ޚިދުމަތް އަނބުރާ ދިނުމަށް ކުރަންޖެހޭ ހުރިހާ މަސައްކަތެއް މިދަނީ ކުރަމުން އަދި ދިމާވި މައްސަލަ ދިރާސާކޮށް ބަލައި ކުރިއަށްއޮތްތަނުގައި މިފަދަ މައްސަލަތައް ދިމާނުވާނެގޮތަށް އިންތިޒާމްތައް ހަމަޖެއްސުމަށް…
— Thoriq Ibrahim (@Thoriqibrahim) June 1, 2025

މިއަދު މާލެ ސަރަހައްދުން ކަރަންޓު ކެނޑުމުގެ ސަބަބުން އޮފީސްތަކާއި ފިހާރަތަކާއި ކެފޭ ފަދަ ތަންތަނުގެ މަސައްކަތް ހުއްޓުމަކަށް އައިސް ބޮޑެތި ދަތިތައް ކުރިމަތިވި އެވެ.

ސްޓެލްކޯ އިން ބުނި ގޮތުގައި ކަރަންޓު ކެނޑެން ދިމާވި ސަބަބު އަދި ހޯދިފައެއް ނުވެ އެވެ. އެކަމަކު ކަރަންޓުގެ މައްސަލަ ހައްލުކުރުމަށް ފަހު އެކަން ބަލާނެ ކަމަށް ބުންޏެވެ.

ރައީސް ޑރ. މުހައްމަދު މުއިއްޒު ވެސް ވަނީ މާލޭ ސަރަހައްދުން ކަރަންޓު ކެނޑެން ދިމާވި މައްސަލަ ސީރިއަސް ކަމެއްގެ ގޮތުގައި ބެލުމަށް އަންގައިފަ އެވެ.

ކަރަންޓު ސްޓެލްކޯ ތޯރިގް އިބްރާހިމް (ޓޫރިޒަމް މިނިސްޓަރު)

12 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މިންހާޖްް

02 June 2025

މިދިޔަ ސަރުކާރުން ފޭކް އެއްޗެހި ބޮޑުއަގުގައި ގަނެ ކަންކުރީމަ ވީގޮތެއްކަމަށް ބެލެވެނީ. މިކަން ތަހުގީގުކޮށް އޭރުގެ ވެރިންނަށް ފިޔަވަޅު އަޅަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުއްތަލިބް.

02 June 2025

ފަހުމީގެ ދުވަސް ތިދިޔައީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާއިޒް މޫސާ

02 June 2025

ވަރަށް ރަނގަޅު ވާހަކައެއް. މިފަދަ ކަންކަން ތަކުރާރު ނުވާނެ ގޮތަކަށް އަވަސް ފިޔަވަޅުތަށް އަޅަންވީ. މިއީ މިދިޔަ ސަރުކާރުތަކުން ސްޓެލްކޯއަށް ވި އިހުމާލު މިއަދު ރައްޔިތުންނަށް މިޖެހެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާސިފާާ

02 June 2025

މިފަދަ ކަންކަން މި ތޮއްޖެހިފަ އޮތް މާލެއަށް ކިތަންމެވަރަކަށް ވެސް ދިމާވާނެ. މިއީ ސަޕްރައިޒެއްނޫން. އެހެންވިޔަސް މިފަދަ ކަންކަން ކުރިޔަށް އޮތްތާގައި ރަނގަޅުކުރުމަށް ބަލަންޖެހޭ ކަންކަން ބަލުން މުހިންމު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިޓިޒަން އޮފް މާލެ

02 June 2025

ހަކަތައިގެ ސިޔާސަތާ، ރައްކާތެރިކަމާ އަދި ދިގުމުއްދަތުގެ ރޭވުންތެރިކަން ބެލެހެއްޓޭނީ ވަކި ވުޒާރާ އަކަށް ކަމުގައި ދެކެން! ބޮޑު ދެ ސިނާއަތް އެއްކޮށްލައިގެން މެނެޖް ނުކުރެވިގެން އުޅޭ ކަމަށް ފެނޭ! ތިޔަފަދަ ދިރާސާއެއް އަދި ހައްލެއް ހޯދުމުގެ ގާބިލްކަން ނުވަތަ ތަޖުރިބާ އެއް ވަޒީރުގެ، ނުވަތަ ވުޒާރާގެ މުވައްޒިފުންގެ ނުވަތަ ޔޫ. އާރް. އޭ. ޣައި ތިބި މުއައްޒިފުންގެ ނެތްކަމަށް ފެންނަނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިނާދްް

02 June 2025

ހަމަ ހުރެފަ ގާބިލްކަން ނެތްކަމަށް ނިންމޭނީ ކިހިނަކުންތޯ. މިފަދަ ކަންކަން ދިމާވީމާ އަބަދުވެސް ކަންކުރާގޮތަށް ކަންކަން ބަލާ އިތުރަށް ރަނގަޅުކުރަންޖެހޭ ކަންކަން ރަނގަޅު ކުރާނީ.