2022 އާއި 2023ގެ ގަދަ 10ގައި 1،800 އަށްވުރެ ގިނަ ދަރިވަރުން

ދަރިވަރުންތަކެއް މީގެ ކުރިން ބޭއްވި އޯލެވެލް ގަދަ 10 ހަފްލާއެއްގައި ބައިވެރިވަނީ--

ފާތިމަތު އަޖްފާން، މިހާރު

20 ޖޫން 2025 - 11:41

ދެހާސް ބާވީސް ވަނަ އަހަރާއި ދެހާސް ތޭވީސް ވަނަ އަހަރު އޯ ލެވެލް އިމްތިހާނު ނިންމައި ގަދަ 10ގައި ހިމެނުނު ދަރިވަރުންގެ އަދަދު 1،800 އަށްވުރެ ގިނަ ކަމަށް އެޑިޔުކޭޝަން މިނިސްޓްރީން ބުނެފި އެވެ.

އެ ދެ އަހަރުގެ އޯލެވެލް އިމްތިހާނުގެ ގަދަ 10 ގައި ހިމެނުނު ދަރިވަރުންނަށް އެވޯޑް ދިނުމުގެ ޖަލްސާ ބާއްވާނީ މާދަމާ އަދި އޭގެ އަނެއް ދުވަހު އެވެ.

ފަސް ދަންފަޅިއަށް ބަހާލައިގެން ކުރިއަށް ގެންދާ އެ ރަސްމިއްޔާތު ބާއްވަން ނިންމާފައި ވަނީ ސޯޝަލް ސެންޓަރުގަ އެވެ.

މިނިސްޓްރީން ބުނީ އެ ރަސްމިއްޔާތުގައި އޯލެވެލް އަދި އޭލެވެލްއިން އެއް ވަނަ ހޯދާ ދަރިވަރުންނަށް ރައީސް ދެއްވާ އިނާމާއި، އޭލެވެލް އިން އެއް ވަނަ ހޯދި ދަރިވަރުންނަށް ރައީސް ދެއްވާ ސޮކޮލާޝިޕްގެ އިތުރުން އޭ ފާސް ނުވަތަ އެއަށްވުރެ މަތިން ހޯދި ދަރިވަރުންނަށް ދެވޭ ހައި އެޗީވާސް ސްކޮލާޝިޕް ވެސް ހަވާލުކުރާނެ ކަމަށެވެ.

ސާނަވީ އަދި މަތީ ސާނަވީ ނިންމި އިމްތިހާނުތަކުން އެންމެ ރަނގަޅު ނަތީޖާ ހޯދައިގެން، 1،800 އަށްވުރެ ގިނަ ދަރިވަރުން މަތީ އަރުތަވެރިންގެ އިނާމު ހާސިލް ކުރި ކަމަށް މިނިސްޓްރީން ބުންޏެވެ.

އޯ ލެވެލްގެ 2022 އާއި 2023 ގެ ބެޗުގެ ގަދަ 10 ގެ ޖަލްސާ ނުބާއްވައި ދިގުލައިގެން ދިޔަ ސަބަބެއް އެޑިއުކޭޝަން މިނިސްޓްރީއަކުން އަދި ނުބުނެ އެވެ.

އެ މި ދެ އަހަރުގެ އޯލެވެލް އިމްތިހާނުގައި ދުނިޔޭގެ ފެންވަރުގައި އެންމެ ރަނގަޅު ނަތީޖާ ހޯދި ދަރިވަރުންނަށް ސަރުކާރުން ދޭ "މަތީ އަރުތަވެރީންގެ އިނާމު" މިދިޔަ އަހަރުގެ އޭ ލެވެލްގެ ގަދަ 10 ޖަލްސާގައި ދިނެވެ. ނަމަވެސް 2022 އަދި 2023 ގެ އޯ ލެވެލްގެ ގަދަ 10 ގެ ޖަލްސާ އަދި ނުބާއްވަ އެވެ.

ތައުލީމް އެޑިއުކޭޝަން މިނިސްޓްރީ އޯ ލެވެލް ގަދަ ދިހައެއް

12 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮކި

21 June 2025

މި ދެންޏާ ޕްރައިޒްޑޭ ގަ ދޭންވީނުން. ހާދަ ޚަރަދެއް ދެޔޭ ބެލެނިވެރިން އަތުން ވެސް މިކަމަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޑަހަންޖާ

21 June 2025

އަދުގެ ދުނިޔޭގައި އިނގިރޭސިވިލާތަކީ ތައުލީމާއި އީޖާދުކުރުމާއި އުފެއްދުންތެރުކަމާއި މިކަހަލަ ކަންކަމުގައި މާމުހިންމުކަމެއް ހުރި ގައުމެއްނޫން. ތިޔަ އިނގިރޭސިންގެ ޓެސްޓުން ކޮންމެއަހަރަކު ގަދަ 10 ހޮވަހޮވާ ތިއްބާ ޖީލެއް މިއޮތީ ހަލާކުވެފަ. އިނގިރޭސިން ފަހަތުން ދުވުމުގެ ބަދަލުގައި ޗައިނާ، ކޮރެއާ، ޖަޕާނުފަދަ ގައުމުތަކުގެ މުގައްރަރަށް ކިޔަވަދޭން ފަށަން އަވަސްވެގަންނަންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަގަތްފާނު

21 June 2025

ގަދަ 15 ހޮވައިފިއްޔާ ހުރިހާ ކުދިން ހިމެނޭނެތާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކީއްކުރަނީ

20 June 2025

އެވެސް 2 އަހަރުގެ އޭލެވެލް އޯލެވެލް އެއްކޮށް ވީމަދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެއްވާކަން

20 June 2025

އަހަރެން ޓޮޕް ޓެން އަށް އެރި އިރު އެންމެ 500 ވެސް ހަމަނުވޭ. ވަރަށް މަސައްކަތުން މަތީ ނަތީޖާ ހޯދީ. އެކަމަކު މިހާރު ޓިއުޝަނަށް 10000 ހޭދަކޮށްފަ ޕާސްޓްޕޭޕަރު ގިރައިގެން ބޮއެގެން ވަނަ ހޯދަނީ. ކްރިޓިކަލް ތިންކިންގ އެއް، ޕްރޮބްލަމް ސޯލްވް ކުރުން ސުމެއްގަ. ޓޮޕްޓެން އުވާލާ.