ހެލްތު މިނިސްޓަރު ނާޒިމް، ބިދޭސީންގެ ސިއްހަތާ ގުޅޭ ގައުމީ ސިޔާސަތު މިއަދު ލޯންޗުކޮށްދެއްވަނީ.-- ފޮޓޯ: ހެލްތު މިނިސްޓްރީ
30 ޖޫން 2025 - 17:22
1 comments
ބިދޭސީންގެ ސިއްހަތާ ގުޅޭ ގައުމީ ސިޔާސަތު މިއަދު އިފުތިތާހުކޮށްފި އެވެ.
މީރުމާގައި ބޭއްވި ރަސްމިއްޔާތެއްގައި އެ ސިޔާސަތު އާންމު ކޮށްދެއްވީ ހެލްތު މިނިސްޓަރު އަބްދުﷲ ނާޒިމް އިބްރާހިމެވެ.
ހެލްތު މިނިސްޓްރީން ބުނީ އިންޓަނޭޝަނަލް އޯގަނައިޒޭޝަން ފޯ މައިގްރޭޝަން (އައިއޯއެމް) އަދި ކަމާގުޅުން ހުރި އިދާރާތަކާއި ޖަމިއްޔާތަކުގެ ބައިވެރިވުމާ އެކު، އެކުލަވައިލި ޕޮލިސީގެ ބޭނުމަކީ ރާއްޖޭގައި ދިރިއުޅޭ ބިދޭސީންގެ މެދުގައި ބަލިތައް ފެތުރޭ މިންވަރު ކުޑަކުރުމާއި މައިގްރޭޝަން ސައިކަލްތަކުގެ ހުރިހާ މަރުހަލާއެއްގައި އެ މީހުންގެ ސިއްހީ ހާލަތު ރަނގަޅު ކުރުން ކަމަށެވެ.
ބިދޭސީންގެ ސިއްހަތާ ގުޅޭ ގައުމީ ސިޔާސަތު ލޯންޗުކުރުމަށް މިއަދު ބޭއްވި ރަސްމިއްޔާތުގައި ބައިވެރިވެވަޑައިގެންނެވި ބޭފުޅުން.-- ފޮޓޯ: ހެލްތު މިނިސްޓްރީ
ރާއްޖޭގައި ދިރިއުޅޭ ބިދޭސީންގެ ސިއްހީ ހާލަތު ދެމެހެއްޓެނިވި ނިޒާމެއްގެ ދަށުން ބެލެހެއްޓުމާއި ބަލި މީހުންނަށް އެކަށީގެންވާ ފަރުވާ އާއި އެހެނިހެން ހިދުމަތްތައް ފޯރުކޮށްދިނުމާއި ފަރުވާ ހޯދުމަށް ދިމާވާ ގޮންޖެހުންތައް ކުޑަކުރުމަކީ ވެސް އޭގެ އެއް ބޭނުމެވެ.
ބިދޭސީންގެ ސިއްހަތާ ގުޅޭ ސިޔާސަތު އެކުލަވާލުމުގައި އައިއޯއެމް ޑިވެލޮޕްމަންޓް ފަންޑުން ފަންނީ އަދި މާލީ އެހީތެރިކަން ފޯރުކޮށްދީފަ އެވެ.
މިނިސްޓްރީން ބުނީ އެ ޕޮލިސީގެ ސަބަބުން ރާއްޖޭގައި ދިރިއުޅޭ މީހުންނަށް ސިއްހީ ގޮތުން ލިބެންޖެހޭ އަސާސީ ހައްގުތައް އެންމެ ފުރިހަމައަށް ހޯދާ ދިނުމަށް ކުރާ މަސައްކަތްތަކާއި އެސްޑީޖީ ހާސިލްވެގެންދާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
1245
30 June 2025
ދިވެހިންނާ މަސްހުނި ނުވާނެ ގޮތަކަށް ބިދޭސީ ލޭބަރުންނަށް ސިއްހީ ހިދުމަތް ދެވޭނެ ގޮތެއް ހަމަހައްސަން ނުވޭތޯ؟ އެމީހުންގެ އާބާދީ ނުހަނުބޮޑުވެ ތަފާތު ބަލިތައް ފަސޭހައިން ފެތުރުމުގެ ފުރުސަތު ކުރުމަށް.