މަސީހުގެ އިތުބާރު ނެތް ކަމުގެ ވޯޓާ ގުޅިގެން އިދިކޮޅު ފަރާތްތަކާ އެކު ފާރިސް ޕްރެސް ކޮންފަރެންސްގައި ބައިވެރިވެވަޑައިގަންނަވަނީ: ޕީޕީއެމްގެ ނަމާއި ލޯގޯ އަދި ދިދަ ބޭނުންކޮށްގެން ފާރިސް އަށް އެއްވެސް ހަރަކާތެއްގައި ބައިވެރި ނުވެވޭނެ ކަމަށް އެ ޕާޓީން ބުނޭ. --ފޮޓޯ: ނިޝާން އަލީ/ މިހާރު
23 މާޗް 2017 - 09:41
35 comments
ވެރިކަން ކުރާ ޕީޕީއެމްގެ ނަމުގައި ދިއްގަރު ދާއިރާގެ މެމްބަރު އަހްމަދު ފާރިސް މައުމޫން ހިންގަވަނީ ވަރަށް ދަށު ދަރަޖައިގެ އަމަލުތަކެއް ކަމަށާއި އެ މައްސަލާގައި ގާނޫނީ ގޮތުން އެޅެން ހުރި ފިޔަވަޅުތަކާ މެދު ވިސްނަމުންދާ ކަމަށް އެ ޕާޓީން ރޭ ބުނެފި އެވެ.
ޕީޕީއެމުން ވަކިކޮށްފައިވާ ފާރިސްއާ ދެކޮޅަށް، އެ ޕާޓީން ބަޔާން ނެރެފައި މިވަނީ، ރައްޔިތުންގެ މަޖިލީހުގެ ރައީސް އަބްދުﷲ މަސީހް ވަކިކުރުމާ ގުޅޭގޮތުން އިދިކޮޅު ޕާޓީތައް ގުޅިގެން އިއްޔެ ބޭއްވި ނިއުސް ކޮންފަރެންސްގައި ޕީޕީޕީއެމް ތަމްސީލް ކުރެއްވުމުންނެވެ.
އެކަން ކުށްވެރި ކުރައްވައި ނެރުނު ބަޔާނެއްގައި ޕީޕީއެމުން ބުނީ ޕީޕީއެމް ހިންގުމާ ގުޅޭ ގޮތުން ސިވިލް ކޯޓުން ކުރި ހުކުމާ އެއްގޮތަށް ކައުންސިލް ބައްދަލުވުމެއް ބާއްވައި ޕާޓީ ހިންގުން މުސްތަޝާރު، ރައީސް އަބްދުﷲ ޔާމީނާ ހަވާލުކޮށްފައިވާ ކަމަށެވެ. އެހެންކަމުން ޕީޕީއެމްގެ ނަމުގައި ހަރަކާތްތައް ހިންގުމާއި ބައިވެރިވުމާއި އެކި ފޯރަމްތަކުގައި ޕީޕީއެމް ތަމްސީލްކުރާނެ ފަރާތްތައް ކަނޑައެޅުމުގެ ބާރު އޮތީ ރައީސް ޔާމީން ނުވަތަ އެމަނިކުފާނު ކަނޑައަޅާ ފަރާތަކަށް ކަމަށެވެ.
އެ ބަޔާނުގައި ބުނީ ޕީޕީއެމްގެ ނަން ކިލަނބުވާ ގޮތަށް ޕާޓީގެ ދިދަ އާއި ލޯގޯ ބޭނުންކޮށްގެން ހިންގަނީ މެމްބަރުންގެ ހައްގުތަކަށް އަރައިގަތުމުގެ ގޮތުން ހިންގާ ވަރަށް ދަށު ދަރަޖައިގެ އަމަލެއް ކަމަށެވެ.
"އަދި އަމުދުން މާތްވެގެންވާ އިސްލާމްދީނަށް ހަޖޫޖަހާ، މި ލޮބުވެތި ވަތަނަށް އެތަކެއް ގެއްލުންދޭ، ބައިނަލްއަގުވާމީ މައިދާނުގައި ރާއްޖޭގެ ނަން ކިލަނބުކުރާ އަދި ދިވެހި ރައްޔިތުންގެ މެދުގައި އޮތް ލޯތްބާއި ކުލުނުވެރިކަން ކަނޑާލައި ހަމަނުޖެހުންތަަކަށް އަބަދުމެ މަގުކޮށް ބަޔަކާ އެކު ދިވެހި އެއްވެސް ރައްޔިތަކު އެއް މޭޒަކަށް އަރަން ބޭނުން ނުވާނެ ކަން ކަށަވަރެވެ،" ބަޔާނުގައިވެ އެވެ.
ޕީޕީއެމުން ބުނިގޮތުގައި ރައީސް އަބްދުﷲ ޔާމީން ގައުމަށް ގެނެސްދެއްވާ ތަރައްގީއާ މެދު ހަސަދަވެރިވެ ގައުމުގެ އަގު ވައްޓާލަން އުޅޭ ބަޔަކާ ބައިވެރިވުމަކީ ޕީޕީއެމްގެ މެމްބަރުން ގަބޫލުކުރާނެ ކަމެއް ނޫނެވެ.
"މި ޕާޓީގެ ލޮބުވެތި އެންމެހާ މެމްބަރުންނާއި ހެޔޮއެދިވަޑައިގަންނަވާ ބޭފުޅުންގެ ހައްގުގައި، މިފަދަ އަމަލުތައް ހިންގާ ފަރާތްތަކާ މެދު ގާނޫނީ ގޮތުން އެޅެން ހުރި ފިޔަވަޅުތަކާ މެދު މި ޕާޓީން ވިސްނަމުން ގެންދާ ކަން ވެސް މި ފުރުސަތުގައި ހާމަކުރަމެވެ،" ޕީޕީއެމްގެ ބަޔާނުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަމިދު
23 March 2017
ފިޔަވަޅު އަޅައަޅާ ތިބޭ ތިގޮތަށް ފިޔަވަޅު އަޅަމުން ދަނިކޮށް އެއްފިޔަވަޅުމަތީ އަނެއް ފިޔަވަޅުއެޅި އަނގަވަތަށް އަދިވެއްޓޭނެ
ކުވާލާ
23 March 2017
ވޯޓަށް ނުފޫޒް ފޯރުވުމަށްޓަކައި ވިޔަފާރިވެރިނަށް ބިރުދައްކާ ކުންފުނިތަކުގެ އެކައުންޓްތައް ފްރީޒް ކުރުމަކީ ވަރަށް މަތީ ދަރަޖައިގެ އަމަލެއް
ބައުކަލޯ
23 March 2017
އަމިއްލަ ޕާޓީ ކޮންޓްރޯލް ނުވެގެން އުޅުއްވާއިރު ކިހިނެއްތޯ ޤައުމު ކޮންޓްރޯލް ކުރާނީ؟
ތުއްތުބޭބެ
23 March 2017
ވައްކަމާއި ކޮޮރޮޕްޝަނުން ފޯވެފައިވާ މީހުނަށް އެފުރުސަތު ގެއްލިދާނެތީ ވަރަށް ކަންބޮޑުވާނެ ފާރިޝް ތިކުރައްވާ މަސައްކަތްޕުޅަށް ޤައުމުޔެ ގިނަ ރައްޔިތުން ތާއީދު ކުރާނެކަން ޔަގީން . މާތްﷲގެ އިރާދަފުޅުން ކާމިޔާބުވާނެ އިންޝާﷲ
މެޑެމް ފާތިމެ
23 March 2017
މަމެންގެ ފާރިސަށް ހަމަ ސާބަސް
މަރީ
23 March 2017
ދަށުދަރަޖައިގެ އަމަލަކަށް ވަނީ ޕީ.ޕީ.އެމް އާ ދެކޮޅަށް ކަމެއް ހިންގީމަތަ؟
ނަބާ
23 March 2017
ކީއްވެތަ އެހާ ޔަޤީން ކަން އޮތިއްޔާ، އަދުރޭމެން، ނިހާންމެން، އެހާ ބިރުން އެއުޅެނީ؟؟ ސަރުކާރުގަ ބާރު އެބައޮތް، ފައިސާ އބަހުރި، ނުވިތާކަށް ހުރިހާ މަޖޯރިޓީ ވެސް އެބައޮތް!! އިދިކޮޅުގަ އެއްވެސް އާރެެއް ބާރެއް ނެތް!! އކަމަކު އިދިކޮޅު މީހަކު އެއްޗެކޭ ބުނާ އިރަށް، މިރިހަ ސަރުކާރުގަ އުޅޭ ޕޕ އެމް މެމްބަރުންނަށް ވާގޮތެއް ނިކަން ބަލާބަލަ!! ސަރުކާރަށް އެއްވެސް އިތުބާރެއް މިމީހުންގެ މައްޗަށް ނެއްކަން ވަރަށް ސާފް!! އެހެން ނޫންނަމަ އެހާ ބިރުން އުޅޭކަށް ނުޖެހޭނެ!!ﷲ އިރާދަ ކުރެެއްވިއްޔާ މިފަހަރު އިދިކޮޅު ފަރާތް ތަކަށް ކާމިޔާބު ލިބޭނެ!! ސަރުކާރު ބަލިވާނެ!! އާމީން
ބެންހާ
23 March 2017
ފާރިޝަށް ވަރަށް ބޮޑަށް ޝުކުރިއްޔާ.
ރަހުމަތު ފަވާޒު
23 March 2017
ސާބަސް ފާރިސް
ސިޔާސީ
23 March 2017
މަށަށް ހަމަ ފެނަނީ މި ސިޔާސީ ހަބަރުތައް ލިޔުން ހުއްޓަން. ފިތުނަ ނޫން އެހެންކަމެއް ނުވޭ ވިއްޔާ!