އުމްރާއަށް ސައުދީއަށް ފުރުމަށް ބަޔަކު މޯލްޑިވިއަންގެ ބޯޓަކަށް އަރަނީ: އުމްރާވެރިން މާލެ އަންނަ މޯލްޑިވިއަންގެ ފްލައިޓެއް ވަނީ ވަރަށް ބޮޑަށް ޑިލޭވެފައި.-- ފޮޓޯ: މޯލްޑިވިއަން
09 އޯގަސްޓް 2025 - 20:13
ބައެއް އުމްރާވެރިން އެނބުރި މާލެ އައުމަށް މިއަދު ހަމަޖެހިފައި އޮތް މޯލްޑިވިއަން އެއާލައިންގެ ފްލައިޓަށް ދިމާވި މައްސަލަ ހައްލުކޮށް ދެންމެ ފުރައިފި އެވެ.
ޑިލޭވީ، ސައުދީ ގަޑިން މިއަދު މެންދުރު ފަހު 3:45 ގައި ފުރާ ގޮތަށް ހަމަޖައްސާފައި އޮތް ގައުމީ އެއާލައިން މޯލްޑިވިއަންގެ ފްލައިޓް ކިއު2 6361 އެވެ. އެއީ މޯލްޑިވިއަންގެ އެންމެ ބޮޑު ބޯޓު، އޭ330-200 އެވެ.
ހައްޖު ކޯޕަރޭޝަންގެ ސީއީއޯ މުހައްމަދު ޝަކީލް އެކްސްގައި ކުރެއްވި ޕޯސްޓެއްގައި ވިދާޅުވީ އެ ބޯޓަށް ނުފުރި ލަސްވީ ދިމާވި ޓެކްނިކަލް މައްސަލައެއްގެ ސަބަބުން ކަމަށެވެ. އެ މައްސަލަ ހައްލުކޮށް ސައުދީ ގަޑިން މިއަދު ހަވީރު 6:00 ގައި އެ ފްލައިޓް މާލެ އައުމަށް ފުރާ ގޮތަށް ހަމަޖެހިފައިވާ ކަމަށް އޭނާ ވިދާޅުވި އެވެ.
ޝަކީލް ވިދާޅުވީ އެ ފްލައިޓުން ދަތުރުކުރާ ހުރިހާ އުމްރާވެރިންގެ ހާލު ވެސް ރަނގަޅު ކަމަށެވެ.
މޯލްޑިވިއަންގެ އޮފިޝަލަކު "މިހާރު" އަށް ކުރިން ވިދާޅުވީ އުމްރާވެރިން ގޮވައިގެން ސައުދީގެ ޖިއްދާއިން މާލެއަށް ދަތުރުކުރާ ފްލައިޓެއް ޑިލޭވި ކަމަށެވެ.
ގާތްގަނޑަކަށް ދެ ގަޑިއިރަށް ފްލައިޓް ޑިލޭވި ސަބަބެއް އެ އެއާލައިނުން އަދި ހާމައެއް ނުކުރެ އެވެ.
މި ސްކޫލް ބަންދުގައި ހައްޖު ކޯޕަރޭޝަނާއި އަމިއްލަ ގްރޫޕެއްގެ ފަރާތުން އުމްރާއަށް ދިޔަ 750 އަށް ވުރެ ގިނަ މީހުންގެ ވައިގެ ދަތުރުފަތުރުގެ އިންތިޒާމު ހަމަޖައްސާފައި ވަނީ މޯލްޑިވިއަން މެދުވެރިކޮށެވެ. އުމްރާ ވެރިން ގެންދިއުމަށް އެ އެއާލައިނުން ވަނީ މާލެއިން ޖިއްދާއަށް ޑައިރެކްޓް ފްލައިޓުތައް ބާއްވައިފަ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
އޮނަރަބްލް އަފީފު ދީދީ
10 August 2025
ބައިނަލްއަޤުވާމީ ދަތުރުތައް ޚާއްސަކޮށް ޔޯރޮޕާއި، ޗައިނާ އަދި ޤަލްފް ގެ ޤައުމުތައް ފަދަ ވާދަވެރި އަދި ޚަރަދު ބޮޑު މަންޒިލްތަކަށް ދަތުރުކުރަން ކުންފުނީގެ ފްލީޓަށް A-330 ފަދަ ބޯޓް ތައް ހޯދައި "ގެއްލުމުގައި" މިކަންކުރުމަށް ވުރެން ހުރިހާ ގޮތަކުންވެސް ޚަރަދުކުޑަ، ފަސޭހަ އަދި ޔަޤީން ވިޔަފާރިއެއް ކަމަށްވާ އެތެރޭގެ ސީޕްލޭން ފްލީޓް ބޮޑުކޮށް އެކަން ފުޅާކުރެވެން އޮތްވާ ތިޔަ ވައިލްޑް ބޮޑީތަކެއް ގެނައީ އަނެއްކާވެސް ތިކުންފުނި ބަޤުރޫޓް ކުރަންވެގެން ނޫންތޯ.
ހސވސވ
10 August 2025
الحمد للله ޖައްސައިފި.
12322
09 August 2025
ފްލައިޓައް ދިމާވި ކަމެއް އެގުން ވަރައް މުހިންމު
ދަންތުރު
09 August 2025
އެއި ވެދާނެކަމެއް ކެއްތެރި ވާން ދަސްކޮށްބަލަ
ބަޗޭސް
10 August 2025
ވެދާނެ. އެކަމާއެކަކުވެސް ދެކޮޅެއް ނުހަދާނެ. ނުވެސް ހެދޭނެ އެއޮތީ ދިމާވެފައެއްނު.