ފެހެންދޫ ސްކޫލަށް ޓީޗަރުން ނުލިބޭ މައްސަލަ ހައްލުކުރަނީ

ބ. ފެހެންދޫ ރައްޔިތުންނާއެކު މިއަދު ބެއްވި ބައްދަލުވުމުގައި ރައީސް ޑރ. މުހައްމަދު މުއިއްޒު ބައިވެރިވެލައްވަނީ.-- ފޮޓޯ: ރައީސް އޮފީސް

ފާތިމަތު އަޖްފާން، މިހާރު

12 އޯގަސްޓް 2025 - 20:31

11 comments

ބ. ފެހެންދޫ ސްކޫލަށް ދިމާވެފައިވާ ޓީޗަރުން ނުލިބުމުގެ މައްސަލަ ހައްލުކުރުމަށް ޓީޗިން ތަމްރީނާއި އެހީތެރިކަން ސަރުކާރުން ފޯރުކޮށްދޭނެ ކަމަށް ރައީިސް ޑރ. މުހައްމަދު މުއިއްޒު ވިދާޅުވެއްޖެ އެވެ.

ބ. އަތޮޅަށް ރައީސް ކުރައްވާ ދަތުރުފުޅުގެ ތެރެއިން މިއަދު ހަވީރު ފެހެންދޫއަށް ވަޑައިގެން އެ ރަށުގެ ރައްޔިތުންނާ ވާހަކަ ދައްކަވަމުން ރައީސް ވިދާޅުވީ ތައުލީމީ ދާއިރާ ކުރިއެރުވުމަށް މިނިސްޓްރީން ގިނަ މަސައްކަތްތަކެއް ކުރައްވާ ކަމަށެވެ.

އެ ރަށުގައި ތިބޭނެ ދާއިމީ ޓީޗަރުން ހޯދުމުގެ މަސައްކަތް ކުރި ނަމަވެސް އަދި މިހާތަނަށް އެކަން ކާމިޔާބު ނުވާކަން ފާހަގަ ކުރައްވައި، ރައީސް ވިދާޅުވީ ތަމްރީނުތައް ފޯރުކޮށްދީ ބޭނުންވާ އެހީތައް ދީގެން ވެސް ޓީޗަރުންގެ ދަތިކަން ހައްލު ކޮށްދެއްވާނެ ކަމަށެވެ.

"ބޭނުންވަނީ އެކަމުގައި ޝައުގުވެރިކަން ފާޅުކޮށްގެން މި ރަށުގައި ގާއިމްވެ ތިބުމަށް ބޭނުންވާނެ ޓީޗަރުން ހޯދަން. އަދި ޓީޗަރެއް ނެތިއްޔާ ޓީޗާ ޓްރެއިނިންގް ދީގެން ވެސް އަޅުގަނޑުމެން ރަށުގެ ކުދިންނަށް ބޭނުންވާ ތައުލީމު ފޯރުކޮށްދޭން ބޭނުންވާ ފެންވަރަށް ޓެރެއިނިން ދޭން ވެސް މިތިބީ ތައްޔާރަށް،" ރައީސް ވިދާޅުވި އެވެ.

"އިރާދަކުރެއްވިއްޔާ މިއަހަރުގެ ތެރޭގައި މި މަސައްކަތް އަމަލީ ގޮތުން މިރަށުގައި ފެށިގެންދާނެ."

ފެހެންދޫ ސްކޫލުގައި މިހާރު ކިޔަވައިދެނީ ސެޓްލައިޓް ކޮށެވެ. އެ ސްކޫލު ހިންގަނީ ބ. ގޮއިދޫ ސްކޫލުންނެވެ. އެ ސްކޫލުގައި 26 ކުދިން ކިޔަވަމުން އަންނައިރު ކިޔަވައިދޭން ތިބެނީ އެންމެ ތިން ޓީޗަރުންނެވެ.

ދިވެހި ޓީޗަރުން ނުލިބުމުގެ މައްސަލައަކީ ރާއްޖޭގެ ހުރިހާ ރަށަކަށް ވެސް މިހާރު ދިމާވެފައިވާ މައްސަލައެކެވެ. ހާއްސަކޮށް އާބާދީ ކުދި ރަށްތަކުގައި ވަޒީފާ އަދާކުރަން ޓީޗަރުން ބޭނުންނުވާ މައްސަލަ ބޮޑެވެ.

ޓީޗަރުން ބ.ފެހެންދޫ ރައީސް ޑރ. މުހައްމަދު މުއިއްޒު

11 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބާރަށު މީހާ

14 August 2025

ބާރަށު ސްކޫލުގައި މަސައްކަތް ކުރާ ވަގުތީ ޓީޗަރުން ތަމްރީނު ކޮށްދެއްވާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިންތު ސަލީމް

13 August 2025

2022 ވަނަ އަހަރުގެ ބޯހިމެނުން ދައްކާ ގޮތުން ފެހެންދޫގެ އާބާދީ އަކީ 198 މީހުންނެވެ. ރައީސުލްޖުމްހޫރިއްޔާއި މަޖުލިސް މެމްބަރުންނާއި ވަޒީރުން ތިޔަ ރަށުގައި ކުރާނެ ނުކުރާނެ ކަމެއް ނޭނގިގެން އުޅޭ ޚަބަރު ނޫސްތަކުން ފެނުމުން ހައިރާންވަމެވެ. ވައްސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަނީސައިޑްބޮންޑް

13 August 2025

ތިހުރިހާ ހާސަރެއްނުދަމާ ކައިރީގަތިއޮތް ގޮއިދޫއަށް ފާލަމެއް އަޅާލާފަ ބަސްރޫޓެއް ހަދާލީމަނިމުނީ. ތިބުނީވިއްޔަ އެންމެ 26 ކުދިންނޭ ސްކޫލްގަތިބީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކޮއި

13 August 2025

އަޅެ ހެޔޮވާނީ ކިހިނެއް ދޯ! ތިޔަ 26 ކުދިންނަށް ކިޔަވައިދޭން ތިއަށްވުރެ ރަނގަޅު އިންތިޒާމެއްވެސް ހަމަޖެއްސާނެކަމަށް ދެކެން. އަތޮޅުގެ އާބާދީ ބޮޑެތިރަށްތަކުގެ ތެރެއިން ރަށްތަކަށް ތިޔަކުދިންނާއި ތިޔަކުދިންގެ ޢާއިލާތަށް ބަދަލުކޮށްފިނަމަ އެކުދިންނަށް ލިބިގެންދާނެ ތަޢުލީމާއި ތަމްރީން މާބޮޑަށްވެސް ފުރިހަމަވެގެންދާނެކަމަށް ދެކެން. އެކުދިންނަށްޓަކައި ހިލޭ ފުލެޓް ނުވަތަ ރޯ ހައުސްއަޅައިދީގެން މައްސަލަ ޙައްލުކުރިއަސް ތިއަށްވުރެ މާ ފުރިހަމަވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މފއއ

13 August 2025

އެ ސްކޫލުގައި 26 ކުދިން ކިޔަވަމުން އަންނައިރު ކިޔަވައިދޭން ތިބެނީ އެންމެ ތިން ޓީޗަރުންނެވެ. "އެންމެ" އަންނަންވީ ޓީޗަރުންގެ ކުރިއަށްތަ؟ ނޫނީ ކުދިންގެ ކުރިއަށްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މެކްސް

13 August 2025

ކޮންޓީޗަރުންނެއް ބޭނުންވަނީ؟ ގެޒޓަކުންނެތް ފެންނާކަށް ބޭނުންވެގެން އުޅޭކަމަށްވެސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެއްފަސް

12 August 2025

ކޮންމެ ރަށެއްގައި ހުރިހާ ވަސީލަތްތަކެއް ފުރިހަމަކޮށްދިނުމަށް ސިޔާސީ މީހުން ވާ ވައުދުތަކަކީ ރައްޔިތުންގެ ޖަޒުބާތާ ކުޅެގެން، ވޯޓްހޯދައި، ސިޔާސީ ބާރު ދަމަހައްޓަން ޖައްސާ ސްކޭމެއް. ހަގީގަތަކީ މެޖޯރިޓީ ދިިވެހިން މިއަދު ބޭނުންވަނީ ހަމަ "ހުޅުމާލެ" އެއްގައި އުޅެންް. ކުދިކުދި ރަށްރަށުގައި ހިންގާ ދެމެހެއްޓުންތެރިކަމެއް ނެތް ޕްރޮޖެކްޓްތަކުގެ ބަދަލުގައި އެ ފައިސާއިން ރަށު އެންމެންނަށް މާލެ ސަރަހައްދުގައި ފްލެޓް އެޅޭނެ. ހުރިހާގޮތަކުންވެސް މިގޮތް މާ ރަނގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަސި.

12 August 2025

ދެން ރައީސް ސީދާ ގޮސް ގެން ނޫނިއްޔާ ތިކަން ވެސް ހަމަ ޖެހޭ ކަމަކަށްނުވޭދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަނގަޅު

12 August 2025

150 މީހުންނަށް 5 ކައުންސިލަރުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޖައިބެކޭ

12 August 2025

150 މީހުންނަށް ފެނާނަރުދަމަޔާ ބަނދަރާ 16 ޓީޗަރުން ނުހޯދާ ރައްޔިތުންގެ ޓެކްސްފައިސާ އިސްރާފުނުކޮށް ހިދުމަތްތައް ހުރިރަށަކަށް ބަދަލުކޮށްބަލަ. ތިފަޅުގަ ގޮއިދޫވެސް އެބައޮތެއްނު.