ޖެނެރޭޝަން ބޭންއަށް އަންނަ ހޮނިހިރު ދުވަހު އަމަލުކުރަން ފަށާނެ

ޖެނެރޭޝަން ބޭންގެ ގާނޫނު ތަސްދީގުކުރުމަށް މިދިޔަ މެއި މަހު ރައީސް އޮފީހުގައި ބޭއްވި ރަސްމިއްޔާތުގައި ރައީސް ޑރ. މުއިއްޒު ވާހަކަފުޅުދައްކަވަނީ.-- ފޮޓޯ: ރައީސް އޮފީސް

އާސިމާ ނިޒާރު، މިހާރު

26 އޮކްޓޯބަރ 2025 - 18:20

5 comments

ދުންފަތުގެ ޖެނެރޭޝަން ބޭން ނުވަތަ 2007 ވަނަ އަހަރުން ފެށިގެން އުފަން ވެފައިވާ އަދި އުފަން ވާނެ ކުދިންނަށް ދުންފަތް މަނާކުރުމަށް އަންނަ ހޮނިހިރު ދުވަހު އަމަލުކުރަން ފެށުމުގެ ކުރިން، އެކަން ތަންފީޒުކުރުމާ ގުޅޭ ގަވައިދު ގެޒެޓުކުރާނެ ކަމަށް އެޗްޕީއޭއިން މިއަދު ބުނެފި އެވެ.

ދުންފަތް ކޮންޓްރޯލްކުރުމާ ބެހޭ ގާނޫނަށް މިދިޔަ މެއި މަހު ގެނައި ބަދަލަށް، އަންނަ ހޮނިހިރު ދުވަހުން ފެށިގެން އަމަލުކުރަން ފަށާނެ އެވެ. އެއާއެކު، 2007 ވަނަ އަހަރުން ފެށިގެން އުފަންވެފައިވާ މީހުންނަށް އަދި އުފަންވާނެ މީހުންނަށް ދުންފަތް ވިއްކުން މަނާވާނެ އެވެ.

އެޗްޕީއޭގެ އޮފިޝަލަކު ވިދާޅުވީ ޖެނެރޭޝަން ބޭން ކުރުމާ ގުޅޭ ގަވައިދު، އަންނަ ހޮނިހިރު ދުވަހުގެ ކުރިން އާއްމުކުރާނެ ކަމަށެވެ. އޭގެ ދަށުން، ކޮންމެ އުމުރެއްގެ މީހެއް ވިއަސް ދުންފަތުގެ ބާވަތެއް ވިއްކޭނީ އުމުރު ކަށަވަރުކުރެވޭނެ، ފޮޓޯ ޖެހި ރަސްމީ ލިޔުމެއް ބެލުމަށްފަހު ކަމަށް އޭނާ ވިދާޅުވި އެވެ.

އެ ގާނޫނަށް މިދިޔަ އަހަރުގެ ފަހުކޮޅު ގެނައި ބަދަލުގައިވާ ގޮތުން، ދުންފަތުގެ ބާވަތްތައް ވިއްކޭނެ އެންމެ ހަގު އުމުރު ވެސް ވަނީ 18 އަހަރުން 21 އަހަރަށް މަތިކޮށްފަ އެވެ. އަދި އެ އުމުރާ މެދު ޝައްކުވާނަމަ، ދުންފަތުގެ ބާވަތްތައް ވިއްކޭނީ އުމުރު ކަށަވަރުކުރުމަށްފަހުގަ އެވެ.

2007 ge fahun ufanvi meehunah dhunfaiy manaakuraa bill Raees thasdheegu kuravvaifi

The most trusted news source in the Maldives

Mihaaru

ދުޅަހެޔޮ ޖީލެއް ބިނާކުރަން ކުރާ މަސައްކަތުގައި ރާއްޖެއަށް ވޭޕާއި އީ-ސިނގިރޭޓު އެތެރެކުރުން ވެސް މިދިޔަ ނޮވެމްބަރު 15 އިން ފެށިގެން ވަނީ މަނާކޮށްފަ އެވެ.

ޖެނެރޭޝަން ބިލްގެ ގާނޫނު ތަސްދީގުކުރެއްވުމަށްފަހު ރައީސް ޑރ. މުހައްމަދު މުއިއްޒު ވިދާޅުވީ އެންމެން ގުޅިގެން މަސައްކަތްކޮށްގެން މުޖުތަމައުގައި ހުރި އެ ފަދަ ނުރަނގަޅު އާދަތައް ނައްތާލެވިދާނެ ކަމަށެވެ.

ރައީސް ވިދާޅުވީ ދުންފަތް ކޮންޓްރޯލްކުރުމާ ބެހޭ ގާނޫނަށް ކުރިން ގެނެސްފައިވާ އިސްލާހުތައް ތަންފީޒުކުރުމުގައި ގިނަ ދަތިތަކެއް ހުރިކަން ފާހަގަކުރެވުމުން އަލަށް ގެނައި އިސްލާހުގައި އެ ހުރަސްތައް ކުޑަކުރުމަށް ކަންކަން ހިމަނާފައިވާ ކަމަށެވެ.

"އެންފޯސްކުރުމުގައި ވޭޕާއި ދުންފަތުގެ އިސްތިއުމާލްކުރުމާ ބެހޭ ތަކެތި ގެންގުޅުމާއި އެތެރެކުރުމާއި ބެހެއްޓުމާއި ނައްތާލުމާއި މި ތަކެތި އަތުލުމަށް ފަހު އެ ތަކެތި ބަލަހައްޓާ ނައްތާލުމާ، މި ހުރިހާ ކަމެއްގެ ޕްރޮސީޖަރަލް ކަންތައްތައް، އިޖުރާއަތްތައް ވަރަށް ފުރިހަމަކޮށް ބަޔާންކޮށްފައި މިހާރު އޮންނާނެ." ރައީސް ވިދާޅުވި އެވެ.

ދުންފަތް ދުޅަހެޔޮ ދިރިއުޅުން ދުންފަތާ ބެހޭ ގާނޫނު ހެލްތު ޕްރޮޓެކްޝަން އެޖެންސީ ހެލްތު މިނިސްޓްރީ

5 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އުދުހޭ

26 October 2025

ސިގިރޭޓް ބުއިން މަނާކަން އަނގައިދޭ ބޯޑުކައިރީގަ ބޯއިރުވެސް ކަމެއް ނުކުރެވޭ. މޮޅެތި ގާނޫނުތަށް ހަދައިގެން ވާ ފައިދާއެއް ކޮބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަންފީޒު ހަފީޒު

26 October 2025

ކިތައްމެ މޮޅު ނަމެއްކިޔައިގެން ގާނޫނު ހެދިޔަސް ތަންފީޒުކުރަނީއެއްނޫން. ވޭޕުވެސް މަނާކުރި. މިހާރު ހަމަ އެބޮނީ މަގުމަތީގަ. ފުލުހުންވެސް ބޮއެނަގަނީ. އެކަން ހުއްޓުވާނެ އެއްވެސް އިދާރާއެއްނެތް. ތިކިޔާ ބޭން ވެސް ތަންފީޒެއްނުވާނެކަން ކަށަވަރު. ގައުމެއް ނެތް ދަރިންނޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަަސް

26 October 2025

ޖެނެރޭޝަން ބޭންއޭ ކިޔާބަހައްޓާފާ އަނެއްކާ ރާއްޖެއަށް ވަންނަ ޖަނަރޭޓަރުތަކެއްނޫން ބޭރުކޮށްލާނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

26 October 2025

ތަންފީޒް އެއް ނުކުރެވެ އެވެ. އެމްޑަބްލިއު އެސްސީ ކުރިމަތީ ހުންނަ ފުލުސް އޮފީހުގެ ބޭފުޅުން ކޮންމެ ދުވަހަކު ޖެހިގެން އޮންނަ ގޯޅިގަނޑުގަ ޔުނީފޯމް ލައިގެން އާއްމުން ކުރިމަތީ ސިނގިރޭޓް ބޮނީ އެވެ. އެސަރައްހައްދު އޮފީސް ތަކުގެ މީހުން ޔުނީފޯމްގަ ސިނގިރޭޓް ބޮނީ އެވެ. ނޫސްވެރީންވެސް ބަލާލަ ބަލާށެވެ.