ޕީއެޗްޑީ ގަބޫލުކުރަން ކުރި ހުކުމް ސުޕްރީމް ކޯޓުން ބާތިލްކޮށްފި

ުސުޕްރީމް ކޯޓް: ތިން މީހެއްގެ ޕީއެޗްޑީ ސެޓްފިކެޓް ގަބޫލުކުރަން އެންގި ހުކުމް އެ ކޯޓުން ވަނީ ބާތިލްކޮށްފައި --- ފޮޓޯ/މިހާރު

މުއިއްޒު އިބްރާހިމް، މިހާރު

26 އޮކްޓޯބަރ 2025 - 20:37

8 comments

މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ) އިން ގަބޫލު ނުކުރަން ނިންމާފައިވާ ރާއްޖެއިން ބޭރުގެ ޕީއެޗްޑީ ކޯހެއްގެ ސެޓްފިކެޓް ގަބޫލުކުރަން ހައި ކޯޓުން ކުރި ހުކުމް ސުޕްރީމް ކޯޓުން މިއަދު ބާތިލްކޮށްފި އެވެ.

ފިލިޕީންސްގެ ކޮލެޖަކުން ސަނަދު ލިބޭ ގޮތަށް ސްރީލަންކާގެ ކޮލެޖަކުން ތިން މީހަކު ހެދި ޕީއެޗްޑީ ގަބޫލު ނުކުރަން އެމްކިއުއޭއިން 2021 ވަނަ އަހަރު ނިންމި މައްސަލާގައި ހައި ކޯޓުން މިދިޔަ އަހަރު ހުކުމްކުރީ އެ ތިން މީހުންގެ ސެޓްފިކެޓް ވެސް ގަބޫލުކުރަން ޖެހޭނެ ކަމަށެވެ. އެއީ އެ ކޯސް ގަބޫލު ނުކުރާނެ ކަމަށް އެމްކިއުއޭއިން އެންގީ އެ މީހުން ކިޔަވަން ފެށިފަހުން އެމްކިއުއޭއިން އަމަލުކުރަން ފެށި އުސޫލަކަށް ބިނާކޮށްގެން ކަމަށްވާތީ ކަމަށް ހައި ކޯޓުގެ ހުކުމުގައި ވެ އެވެ.

އެ މައްސަލަ ދައުލަތުން ސުޕްރީމް ކޯޓުގައި އިސްތިއުނާފް ކުރުމުން އެ ކޯޓުން މިއަދު ކުރި ހުކުމުގައިވަނީ އެ ކޯސް ބަލައިގަންނާނެ ކަމަށް އެމްކިއުއޭއިން ކުރިން އަންގާފައިވީ ނަމަވެސް އޭރު އެގޮތަށް އަމަލުކުރީ ބަލަންޖެހޭ މިންވަރަށް ބެލުމެއް ނެތި ކަމަށެވެ. އަދި ބަލަންޖެހޭ މިންވަރަށް ބެލުމެއް ނެތި އެމްކިއުއޭއިން ދޫކުރި ލިޔުމަކަށް ބިނާކޮށް އެ ސެޓްފިކެޓް ގަބޫލުކުރަން އަމުރު ނުކުރެވޭނެ ކަމަށް އެ ހުކުމުގައި ވެ އެވެ. އަދި އެމްކިއުއޭއިން ގާނޫނީ އިމުން ބޭރުން ފޮނުވި ލިޔުމަކާ އެއްގޮތަށް އަމަލުކުރަން އަމުރު ނުކުރެވޭނެ ކަމަށް ހުކުމުގައި ވެ އެވެ.

ނަމަވެސް އޭގެ ތެރެއިން އެކަކު ޕީއެޗްޑީ ކޯސް ފަށާފައިވަނީ އެ ކޯސް ގަބޫލު ކުރާނެކަމުގެ ލިޔުމެއް އެމްކިއުއޭއިން ދޫކުރުމުން ކަމަށްވާތީ އެ ކޯހުގެ ސެޓްފިކެޓް ގަބޫލު ނުކުރުމުން އޭނާއަށް ގެއްލުމެއް ލިބިފައިވާނަމަ އޭގެ ބަދަލު އެމްކިއުއޭއިން އެ މީހާއަށް ދޭން ޖެހޭނެ ކަމަށް އެ ހުކުމުގައި ވެ އެވެ. ނަމަވެސް ދެން ތިބި ދެ މީހުންނަށް އެފަދަ ލިޔުމެއް ދޫކޮށްފައި ނުވާތީ އެ މީހުންނަށް ބަދަލު ދޭން ނުޖެހޭނެ ކަމަށް އެ ހުކުމުގައި ވެ އެވެ.

އެ ކަންކަން ފާހަގަކޮށް، ތިން ފަނޑިޔާރުންގެ އިއްތިފާގުން ކުރެއްވި ހުކުމުގައިވަނީ އެ މީހުންގެ ޕީއެޗްޑީ ސެޓްފިކެޓް ގަބޫލުކުރަން ކުރި ހުކުމް ބާތިލްކުރާ ކަމަށެވެ. އަދި އޭގެ ތެރެއިން ދެ މީހަކަށް ބަދަލު ދޭން ނުޖެހޭނެ ކަމަށާއި ނަމަވެސް ތިން ވަނަ މީހާއަށް ބަދަލު ދޭންޖެހޭތީ ބަދަލުގެ މިންވަރު ކަނޑައެޅުމަށް ހައި ކޯޓަށް އެ މައްސަލަ ތަހުވީލުކުރީ ކަމަށް އެ ހުކުމުގައި ވެ އެވެ.

ސުޕްރީމް ކޯޓުން އެ މައްސަލަ ބެއްލެވީ ފަނޑިޔާރު ހުސައިން ޝަހީދާއި ފަނޑިޔާރު އަލީ ރަޝީދު ހުސައިނާއި ފަނޑިޔާރު އަބްދުﷲ ހަމީދެވެ. އެ ބެންޗުގެ ރިޔާސަތު ބެލެހެއްޓެވީ ފަނޑިޔާރު ޝަހީދެވެ.

ސުޕްރީމް ކޯޓް ހައި ކޯޓް މަތީ ތައުލީމު ކޮލިފިކޭޝަން އޮތޯރިޓީ

8 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަރު ބާދު

26 October 2025

ކޯޓު ތަކުގައި ތިބެނީ ކުޑަ ކުޑަ ޒުވާނުން! ހުކުމް ކުރުމުގައި މުޖުރިމަކު ދޫކޮށްލަން ވެސް ފަހަތަކަށް ނުޖެހޭ؟ ބަންދު ކުރި ބޭފުޅާ ހުކުމް ކުރަމުން ދިޔައީ ފެންފޮދެއްހެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައީދ

26 October 2025

ވަރަށް ރަގަޅު ނިންމުމެކެވެ. ކޮންމެ ސަބަބަކާއި ހެދި ކޮންމެބަޔަކު ކޮންމެ ލިޔުމެއް ދިނަސް އެސެޓްފިކެޓަކީ ގަބޫލު ކުރެވޭފެންވަރަށް ކިޔަވައި ނުދޭ އިންސްޓިޓިއުޓަކުން ދޫކުރި ސެޓްފިކެޓެށްކަން އެގޭ ހިސާބުން އެ ސެޓްފިކެޓް ބާތިލުކޮށް އެއިންސްޓިޓިއުޓް ބުލެކް ލިސްޓް ކުރުމަކީ ކޮންމެހެން ކުރަން ލާޒިމް ކަމެކެވެ. ލާރި ހުރީމަ ސެޓްފިކެޓް ގަނެގެން މަސައްކަތުގެ މާހައުލަށް މިނިކުންނަ މީހުންގެ ސަބަބުން ލިބެނީ ފޫނުބެއްދޭވަރުގެ ގެއްލުމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަޓް؟

26 October 2025

3 މަހުން ހަދަން މިއީ ފަހާކޯހެއްތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

26 October 2025

މިވެސް ހަމަ އިންސާފު؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުގެނުމުމުގެ ހައްގު ހަނިކުރުން

26 October 2025

މިދެންކޮންކަމެއް. ރާއްޖޭގަ ހަދާ ޕީއެޗްޑީ އަކީ އެއްވެސް ތަނަކުން ގަބޫލްކުރެވޭ ފެންވަރެއްހުންނަ އެއްޗެއްބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިކުނޑި

26 October 2025

ސުޕްރީމް ކޯޓަކީ ސަރުކާރާއި ސަރުކާރުގެ އިދާރާތަކުން ކުރާ ތާކުންތާކު ނުޖެހޭ ކަންކަން ދިފާޢުކުރަން އޮތް ބައެއްނޫން! ސަބަބުވެރި އިންސާނެއްގެ ސިކުނޑިން ވިސްނާލީމާ އިނގޭ މިއީ އެއްވެސް އުރަތްޕެއް ނެތް ހުކުމެއްކަން! މިވަރުގެ ނާގާބިލު ފަނޑިޔާރުން ލައިގެން ދިވެހި ދައުލަތް އޮރިޔާން ނިވާނުވާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮލްސް

26 October 2025

އެއްވެސް އުރަތްޕެއް ހުރި ކޮމެންޓެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަބަބުވެރިދެއިންސާނުން

26 October 2025

ސަބަބުވެރިއިންސާނެއްގެސިކުނޑިންވިސްނާލީމާއެނގެންވާނީސަބަބުވެރިއިންސާނާވަކިފަރާތަކަށްނުޖެހިހުރެވިސްނާލީމާވިސްނޭނެގޮތަށް.މީހާހާސިލުވަކިފެންވަރެއްހާސިލުވެއްޖެތޯބަލާނެމިންގަޑަކުންބަލާފައިކަމެއްނިންމަންޖެހޭއިރުއެގޮތަށްނުބަލައިބުނިބުނުމަކާހުރެނުވަތަވަކިމީހަކުކަމެއްހާސިލުކުރުމަށް މަސައްކަތްކޮށްފައިވާކަންއެގޭތީއެކަމެއްހާސިލުވެއްޖެކަމަށްގަބޫލުކުރަންކޯޓުންއެންގުމަކީގަބޫލުކުރެވޭހަމައެއްނޫންކަމަށްސަބަބުވެރިއިންސާނެއްގެވިސްނުމަށްއެބަފެނޭ.