ސަން ފްރަންޓު މައްސަލަ: އިސްތިއުނާފު ކުރަން ލަފާދިން އިރު އެކަން އޮތީ ދައުލަތުން ފުރިހަމަކޮށްފައި!

އޮޑިޓާ ޖެނަރަލް ނިޔާޒީ: ސަން ފްރަންޓް މައްސަލަ އިސްތިއުނާފުކުރަން އޮޑިޓާ ޖެނަރަލް ލަފާދިން އިރު އެކަން އޮތީ ދައުލަތުން ކޮށްފައި - ފޮޓޯ: މިހާރު

ނާޒިމް ހަސަން، މިހާރު

21 ނޮވެމްބަރ 2025 - 11:36

15 comments

ދައުލަތުން ސަން ފްރޮންޓަށް ގެއްލުމުގެ ބަދަލުގެ ގޮތުގައި 20 މިލިއަނަށް ވުރެ ގިނަ ރުފިޔާ ދޭން ޖެހޭނެ ކަމަށް ސިވިލް ކޯޓުން ކުރި ހުކުމް އިސްތިއުނާފު ކުރަން އޮޑިޓާ ޖެނެރަލްގެ އޮފީހުން އިއްޔެ އާންމުކުރި ރިޕޯޓުގައި ދައުލަތަށް ލަފާދިން ނަމަވެސް ބަންޑާރަ ނައިބުގެ އޮފީހުން އެކަން އޮތީ މީގެ ހަތަރު މަސް ކުރިން ފުރިހަމަ ކޮށްފައި ކަން ހާމަވެއްޖެ އެވެ.

ސަން ފްރޮންޓަށް ގެއްލުމުގެ ބަދަލުގެ ގޮތުގައި 20.8 މިލިއަނަށް ވުރެ ގިނަ ރުފިޔާ ދައްކަން މިދިޔަ ޖޫން މަހު ސިވިލް ކޯޓުން ހުކުމްކުރީ މާލޭގެ ހުޅަނގު ދެކުނު ހާބަރު ސަރަހައްދުން ބިން ގަތުމަށް އެ ކުންފުނިން 2010 ވަނަ އަހަރު ސަރުކާރަށް ފައިސާ ދެއްކުމުން ބިން ހަވާލު ނުކޮށް އަދި ފައިސާ އަނބުރާ ހަވާލު ނުކުރި މައްސަލާގަ އެވެ.

އޮޑިޓާ ޖެނެރަލްގެ އޮފީހުން ހާއްސަ އޮޑިޓެއް ހަދައި އިއްޔެ އާންމުކުރި ރިޕޯޓްގައި ބުނީ ދައުލަތުން ސަން ފްރޮންޓަށް ގެއްލުމުގެ ބަދަލުގެ ގޮތުގައި 20 މިލިއަނަށް ވުރެ ގިނަ ރުފިޔާ ދޭން ޖެހޭނެ ކަމަށް ސިވިލް ކޯޓުން ހުކުމްކުރި ނަމަވެސް ހިސާބުތަކަށް ބަލާއިރު، އެ ކުންފުންޏަށް ބަދަލުގެ ގޮތުގައި ދޭން ޖެހޭނީ 10.7 މިލިއަން ރުފިޔާ ކަމަށެވެ. އެހެންވެ. އެ މައްސަލަ ހައި ކޯޓުގައި އިސްތިއުނާފު ކުރުމަށް އެ ރިޕޯޓުގައި އޮޑިޓާ ޖެނެރަލް ހުސައިން ނިޔާޒީ އިއްޔެ ލަފާ ދެއްވި އެވެ.

ނަމަވެސް، ހައި ކޯޓުގެ ރަޖިސްޓަރީ ދައްކާ ގޮތުން ސިވިލް ކޯޓުގެ ހުކުމް ބަންޑާރަ ނައިބުގެ އޮފީހުން ހައި ކޯޓުގައި މިދިޔަ ޖުލައި މަހު ވަނީ އިސްތިއުނާފު ކޮށްފަ އެވެ. ހައި ކޯޓުގައި މިހާރު ވަނީ އެ މައްސަލަ ރަޖިސްޓަރީ ވެސް ކޮށްފަ އެވެ.

Sunfront ah badhalah dheyn engee 2 guna bodu adhadheh: Audit

The most trusted news source in the Maldives

Mihaaru

ސަން ފްރޮންޓް މައްސަލާގައި، އެ ބިން ގަތުމަށް ދެއްކި 26.9 މިލިއަން ރުފިޔާ އަނބުރާ ދައްކަން 2014 ވަނަ އަހަރު ސިވިލް ކޯޓުން ހުކުމްކޮށް އަދި ގެއްލުމުގެ ބަދަލު ހޯދަން ވަކިން ދައުވާ ކުރުމުގެ ހައްގު އޮތް ކަމަށް އޭރު އޮތީ ހުކުމްކޮށްފަ އެވެ.

އެ ހުކުމުގެ ދަށުން ބަދަލުގެ ގޮތުގައި 20.8 މިލިއަން ރުފިޔާ ހޯދަން އެ ކުންފުނިން ދައުވާ ކުރުމުން، އެ ފައިސާ ދައްކަން ސިވިލް ކޯޓުން ހުކުމްކުރި މައްސަލާގައި އޮޑިޓާ ޖެނެރަލްގެ އޮފީހުން އިއްޔެ ނެރުނު ރިޕޯޓުގައި ވަނީ ސަން ފްރޮންޓުން ދެއްކި ފައިސާ އަނބުރާ ލިބުން ލަސްވުމުން ބަދަލުގެ ގޮތުގައި ލިބެންޖެހޭ ކަމަށް ބުނެ ހަދާފައިވާ ހިސާބުތަކަކީ އަންދާޒާތަކެއް ކަމަށެވެ.

ސަން ފްރޮންޓަށް ލިބުނު ގެއްލުން ހިސާބު ކުރުން އެންމެ ރަނގަޅު މިންގަނޑަކީ އެ ކުންފުނީގެ މާލީ ހިސާބުތައް "އެކްޗުއަލް" އަދަދު ބޭނުން ކޮށްގެން ކުންފުނީގެ ނެޓް ޕްރޮފިޓް މާޖިން ހިސާބުކޮށް، ވިޔަފާރީގެ ފައިދާ ކަނޑައެޅުން ކަމަށް ރިޕޯޓުގައިވެ އެވެ.

އެ އުސޫލުން ހިސާބު ކުރާއިރު، ދައުލަތުން ބަދަލުގެ ގޮތުގައި ސަން ފްރޮންޓަށް ދޭން ޖެހޭނީ 10.7 މިލިއަން ރުފިޔާ ކަމަށް އޮޑިޓާ ޖެނެރަލް ނިޔާޒީ ސޮއި ކުރައްވައި، އިއްޔެ ނެރުއްވި ރިޕޯޓުގައި ވެ އެވެ. އަދި އެ މައްސަލާގައި ސަން ފްރޮންޓުން 20 މިލިއަން ރުފިޔާގެ ބަދަލަކަށް އެދުނު ނަމަވެސް، އެ އަދަދު ރަނގަޅު ނޫން ކަމަށް ދައުލަތުން ސިވިލް ކޯޓުގައި ފާހަގަ ކުރުމުން، ދައުލަތުން ފާހަގަކުރި ގޮތަށް 10.7 މިލިއަން ރުފިޔާ އަށް ބަދަލުގެ މިންވަރު ކުޑަކުރަން އެ ކުންފުނިން ކޯޓުގައި އެއްބަސްވި ކަމަށް އޮޑިޓް ރިޕޯޓުގައި ބުންޏެވެ.

ސިވިލް ކޯޓް ހައި ކޯޓް އޮޑިޓާ ޖެނެރަލް އޮފީސް އެޓާނީ ޖެނެރަލް ހުސައިން ނިޔާޒީ (އޮޑިޓާ ޖެނެރަލް) ސަންފްރަންޓް

15 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލުކުލުކު

26 November 2025

މޮޅު ހިސާބެއް. ބިންގަންނަށް ދެއްކީ 26.9 މިލިއަން. އަލުން ފައިދާގެ ހިސާބު ޖެހީމަ 15 އަހަރުފަހުން ދައްކަން ޖެހެނީ 10 މިލިއަން. މާނަޔަކީ ކުންފުނި 15 އަހަރު ދިޔައީ ގެއްލުމުގަޔޭ. ނިޔާޒީ ހިސާބު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދައުލަތް

22 November 2025

ތިކަހަލަ ކިތައް މައްސަލައިގަބާ އިސްތިއުނާފުކޮށްފަވެސް އަނބުރާ ގެންގޮސްފަ އޮތީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް +

22 November 2025

ސެންފޯޒެޑު މައްސަލަ މިހާރު އޮތީ ކިހާ ހިސާބެއްގަ ތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރާންތިން

21 November 2025

މިލިއަނުން ބަޖެޓް ކާލައިގެން ލައްކައިގެ މުސާރައެއް ނަގައިގެން ތާ އަބަދު ނާޗަރަންގީ ދަތުރުކޮށް އުޅެފައި ބަލާނުލާ އޮޑިޓް ރިޕޯޓެއް ނެރެލަފާނެ. ބޭކާރު އޮފީހެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރާންތު

21 November 2025

އެއިދާރާގެ ބަހެއްވެސް މީގަ ބެލީމަދޯ ވީގޮތް އިންގޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔަގީނޭދޯ

21 November 2025

ސަން ފްރަންޓް އިން ދައްކާ ޖީއެސްޓީ ތަކާއި ބީޕީޓީ ތައް ވެސް ރިވިއުކުރަން ޖެހޭނެއޭ މާލޭގެ ވަރަށް ގިނަ ކުންފުނި ތަކުން ޖީއެސްޓީ އަށް މަކަރު ހަދާ ޚާއްސަކޮށް ގިނައިން އާމްދަނީ ލިބޭ ކުންފުނި ތައް މީރާ އަށް ވެސް ފެންނަނީ ކުދި ކުދި ކުންފުނި ތައް ލޫޓުވާލާށޭ ބޮޑެތި ކުންފުނި ތަކުން ކުރާ ކަންކަން މީރާ އަށް ނުބެލެނީ މީރާގެ ބޮޑުންނާއި އެމެންނާއި ގުޅުން އޮންނާތީއޭ އެއީ ޔަގީންކަމެކޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިކިފަ

21 November 2025

ވިކިފަ އޮތް ނޫހެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަކީލް

21 November 2025

ކުންފުނިން އެއަދަދަށް އެއްބަސްވުމުންވެސް ބޮޑު އަދަދެއް ދައްކަން ހުކުމްކުރުމުގަ ވަރަށް ބޮޑު ގޯހެއް އެބައުޅޭ. މަންޒަރުގެ ފުރަގަހުން ގޯހެއް ހިނގުން ނުވަތަ ދެއްކި ވާހަކަތައް ރަނގަޅަށް ނުބަލާ އިހުމާލުވުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަމެންދޯ

21 November 2025

ސަން ފްރަންޓް އެއީ ތެދުވެރިކަމެއް ހުރި ކުންފުންނެއް ނަމަ ސަރުކާރު އަތުން ވަގަށް ގެންދިޔަ 20 މިލިއަން ރުފިޔާ އަނބުރާދޭނެއޭ ސަރުކާރުން ކޯޓް ހުކުމެއް އެގޮތަށް ނުކުރަނީސް އެކަމަކު ރާއްޖޭގެ ވިޔާފާރިވެރިން އަހަރަކު ދެފަހަރު އުމްރާ އަށް ދާނެ އަދި ހައްޖަށްދާނެ ތުނބުޅި ވަރަށް ދިގުވާނެ ފަޓްލޫނުގެ ފައިކުރި ބުރިކޮށްގެން އުޅޭނީ އެކަމަކު ފައިސާ އާއި ޖެހިއްޖެނަމަ ދަވާލަން ފަސްވެސް ނުޖެހޭނެއޭދޯ މީ ފެންނަ ހަގީގަތަކީ މުޅި މާލޭން ވެސް ނަރަކައިގެ އަޑީގައިދޯ އެންމެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަމުންދަނީދޯ

21 November 2025

ރާއްޖޭގެ ޝަރުއީ ކޯޓްތަކުގެ ގާޒީންގެ ފެންވަރު މިފެންނަނީ ދެން މާލެ އަށް ރާއްޖެތެރޭން އަރާތިބޭ ތެލިދޮންނަ ގްރޫޕް ވެސް ވަކީލު ކަމުގެ ސަނަދު ނަގައިފިނަމަ އެމެންނަށް މާލޭގެ ކޯޓްތަކުގެ ގާޒީކަން ދެނީއޭ އިސްލާމް ދީން ދުނިޔެ އަށް ފެތުރެމުން އައި ދުވަސްވަރުވެސް ފަނޑިޔާރުންގެ ގޮތުގައި ތިބެނީ އެއީ އާންމުރައްޔިތުންގެ އިތުބާރު އޮންނަ ތެދުވެރި އަދި އިލްމީ ގޮތުންވެސް ގާބިލް ފުދިގެންތިބޭ މީހުންނޭ އެނަމޫނާ ނަކަލު ކުރިނަމަ މިކަން މިގޮތަށް ނުހިނގާނެއޭދޯ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަގުންނޭވަގުންނޭ

21 November 2025

ދިވެހި ސަރުކާރުން ބަދަލު ދޭން ޖެހޭ ގޮތަށް ކަންކުރާ ސަރުކާރެއް ހިންގާ ރައީސަކު ޖެހޭނީ އެފަދަ ބަދަލު ދޭން އެއީ ސަރުކާރުން ކުރަން ޖެހޭނެ ކަމެއް ނޫނޭ މި ޒިންމާ ނަގަން ޖެހޭނީ ރައީސް މީހާ މިހާރު ކަން މިދާ ގޮތުން މާލެ ތެރޭގައި އުޅޭ ފަސްމާމުލު ފަސްވަގުންގެ އާއިލާ އިން އެއިރެއްގައި އޮންނަ ސަރުކާރެއްގެ ވަށައިގެން އައިސް މާބުރުތަކެއް އެނބުރޭ ގޮތަށް އެނބުރުމުން ހަދިޔާއެއްގެ ގޮތުން އެމެންނަށް ސަރުކާރުން މިދެނީ ޓެކްސްފައިސާ ދައްކާ މީހުންގެ ފައިސާ ބިލިއަނުން