ވިއްސާރައިގެ ގެއްލުމުން އެނގެނީ މޫސުމީ ބަދަލުގެ ނުރައްކާ: ރައީސް

ވިއޭޓްނާމަށް ކުރަމުންދާ ވިއްސާރައިގެ ސަބަބުން ފެންބޮޑުވެ، އެތައް ބަޔަކު ހާލުގައި ޖެހިފައި: ވިއްސާރައިގެ ގެއްލުންތަކުން ހާމަވަނީ މޫސުމަށް އަންނަމުންދާ ބަދަލުތަކުން ކުރިމަތިވަމުންދާ ނުރައްކާތައް ކަމަށް ރައީސް ޑރ. މުހައްމަދު މުއިއްޒު ވަނީ ވިދާޅުވެފައި --- ފޮޓޯ/އޭއެފްޕީ

އާސިމާ ނިޒާރު، މިހާރު

28 ނޮވެމްބަރ 2025 - 21:43

2 comments

ދެކުނު އިރުމަތީ އޭޝިއާ ސަރަހައްދަށް މިހާރު ކުރަމުންދާ ވިއްސާރައަކީ މޫސުމަށް އަންނަމުންދާ ބަދަލުތަކުގެ ނުރައްކާ އިތުރު ވަމުންދާކަން ހާމަވާ ކަމެއް ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.

ދެކުނު އިރުމަތީ އޭޝިއާގެ ގައުމުތަކަށް މިހާރު ކުރަމުންދާ ވިއްސާރައިގެ ސަބަބުން ތައިލެންޑާއި އިންޑޮނޭޝިއާ އާއި ވިއެޓްނާމްގައި ފެން ބޮޑުވެ، އެތައް ބަޔަކު ވަނީ ހާލުގައި ޖެހިފަ އެވެ. އަދި ސްރީލަންކާއަށް ވެސް މިހާރު ކުރަމުންދާ ވިއްސާރައިގެ ސަބަބުން ބޮޑު ސަރަހައްދެއްގައި ވަނީ ފެން ބޮޑުވެފަ އެވެ.

އެކަމާ ގުޅިގެން ސޯޝަލް މީޑިއާގައި ރައީސް ކުރެއްވި ޕޯސްޓްގައި ވިދާޅުވީ އެ ވިއްސާރައިގެ ސަބަބުން ތައިލެންޑާއި އިންޑޮނޭޝިއާ އަދި ވިއެޓްނާމަށް ލިބެމުންދާ ގެއްލުންތަކުގެ ހިތާމައިގައި ރާއްޖެއިން ބައިވެރިވާ ކަމަށެވެ. އަދި އެކަމުން ހާމަވަނީ މޫސުމަށް އަންނަ ބަދަލުގެ ނުރައްކާތައް ކަމަށް އެ ޕޯސްޓްގައިވެ އެވެ.

އޭގެ އިތުރުން ހޮންކޮންގުގެ އިމާރާތްތަކެއްގައި ރޯވެ، 100 އަށް ވުރެ ގިނަ މީހުން މަރުވި ހާދިސާއާ ގުޅިގެން ވެސް ރައީސް ވަނީ ޗައިނާގެ ރައީސް ޝީ ޖިންޕިން އާއި މަރުވި މީހުންގެ އާއިލާތަކަށް ތައުޒިޔާ ފޮނުއްވައިފަ އެވެ.

The extreme weather devastating Southeast Asia is a tragic reminder of the escalating impacts of climate change. The Maldives mourns the loss of lives and the destruction across Thailand, Indonesia, and Vietnam.

We are also extremely saddened by the tragic fire in Hong Kong…
— Dr Mohamed Muizzu (@MMuizzu) November 28, 2025

މިހާރު ކުރަމުންދާ ވިއްސާރައިގައި އެންމެ ބޮޑު ގެއްލުމެއް ލިބުނީ ސްރީލަންކާއަށެވެ. އެގޮތުން ތޫފާން ދިތުވާގެ ސަބަބުން ސްރީލަންކާގައި ފެންބޮޑުވެ، ބިންގަނޑު ކަނޑައިގެން ދިއުމުގެ ހާދިސާތަކުގައި 56 މީހަކު މަރުވެ އަދި 21 މީހަކު ވަނީ ގެއްލިފަ އެވެ.

މޫސުން ވާރޭ ރައީސް އޮފީސް ރައީސް ޑރ. މުހައްމަދު މުއިއްޒު ކްލައިމެޓް ޗޭންޖް

2 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކަލޭގެސަން

29 November 2025

ގަހެއް ހުރިއްޔާއި ކަނޑާފައި، ރުކެއް ހުރިއްޔާއި އުފުރާފައި، ކޮނެގެން ވެލި ނަގައި ހިއްކައި ކޮންމެ ރަށެއްގައި އެއާޕޯޓެއް އަޅާފައި ދައްކަން އެންމެ ރަނގަޅު ވާހަކަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

28 November 2025

މޫސުމީ ނުރައްކަލުން ޙިމާޔަތް ހޯދުމަށްޓަކާ ފަޅެއް އޮތް ނަމަ ހިއްކާ ތަންކޮޅެއް ދުވަސް ވެފައި ބިޔަކޮށް ހެދިގައިހުރި ގަހެއްނަމަ އެ ގަސް ކަޑާ ބިމާ ހަމަކޮށްފައި މިލިޔަނުން އަދަދު ކިޔާފައި ވުޖޫދުގައި ފެންނާން ނެތް ގަސްތަކެއް އިންދަައިފި ކަމަށް ކަރުދާހުގައި ލިއުނީމަ ރަނގަޅުވާނެ.