ވޭޕްގެ ބޮޑު ޝިޕްމެންޓް ގެނައީ ޑިޓަޖެންޓްގެ ނަމުގައި ފުޅިފުޅީގައި ބަންދުކޮށްގެން

ފުލުހުން ކުރިން ހިންގި އޮޕަރޭޝަނެއްގައި އަތުލައިގަނެފައިވާ ވޭޕާއި އެއާ ގުޅުން ހުރި އާލާތްތަކެއް.-- ފޮޓޯ: ޕޮލިސް

މުހައްމަދު ނަސީމް، މިހާރު

11 ޑިސެމްބަރ 2025 - 10:59

ވޭޕްކުރަން ބޭނުންކުރާ ތަކެތި، ރާއްޖެ އަށް އެތެރެކުރުން މަނާކުރި ފަހުން ވަގަށް އެތެރެކުރި އެންމެ ބޮޑު ޝިޕްމެންޓް ގެނައީ ޑިޓާޖެންޓް ފުޅިތަކެއްގައި ބަންދު ކޮށްގެން، ޑިޓާޖެންޓްގެ ނަމުގައިކަން އެނގިއްޖެ އެވެ.

ކަސްޓަމްސް އިން އިއްޔެ ބުނި ގޮތުގައި މި ތަކެތި ފެނުނީ ކަނޑުމަގުން ގެނައި ޝިޕްމަންޓެއްގައި ގާނޫނާއި ގަވާއިދާ ހިލާފު ތަކެތި ހުރެދާނެ ކަމަށް ފާހަގަކުރެވިގެން މިދިޔަ ބުރާސްފަތި ދުވަހު އެ ޝިޕްމަންޓް ފާސްކުރި އިރު ކަމަށެވެ.

މިކަމާ ބެހޭ ތަފްސީލު ކަސްޓަމްސް އިން އަދި ހާމައެއް ނުކުރެ އެވެ. ނަމަވެސް މައުލޫމާތު އެނގޭ އޮފިޝަލަކު "މިހާރު" އަށް ވިދާޅުވި ގޮތުގައި ވޭޕް ކުރުމަށް ބޭނުންކުރާ ތަކެތި ފޮރުވާފައި ހުރީ ޑިޓާޖެންޓް ފުޅިތަކެއްގަ އެވެ. އަދި އެ ޝިޕްމަންޓުގައި ނެޕީ ފަދަ އެހެން ބައެއް ބާވަތްތައް ވެސް ހުރި ކަމަށްވެ އެވެ.

މި ތަކެތި ރާއްޖެއަށް އިމްޕޯޓްކޮށްފައިވަނީ "ސެރެނިޓީ ބްލޫ" ކިޔާ އަމިއްލަ ފަރުދުންގެ ވިޔަފާރިއެއްގެ ނަމުގަ އެވެ. މިއީ 2020 ވަނަ އަހަރު ރަޖިސްޓަރީ ކޮށްފައިވާ ވިޔަފާރިއެކެވެ.

ކަސްޓަމްސް އިން ބުނެފައިވާ ގޮތުގައި މި ޝިޕްމަންޓުގެ ތެރެއިން 10،800 ވޭޕް ކާޓްރިޖް ހޯދައި ކަސްޓަމްސްގެ ބެލުމުގެ ދަށަށް ވަނީ ގެންގޮސްފަ އެވެ. އެ އިދާރާ އިން ބުނި ގޮތުގައި މި ތަކެތީގެ އަގު ރާއްޖޭގައި މިހާރު މި ބާވަތުގެ ތަކެތި ކަޅު ބާޒާރުގައި ވިއްކާ ރޭޓުން ބަލާއިރު 2.7 މިލިއަން ރުފިޔާއަށް އަރާނެ އެވެ.

ރާއްޖެ އަށް ވޭޕާއި އެއާ ގުޅުން ހުރި އާލާތްތައް އެތެރެކުރުން މަނާކުރީ ނޮވެމްބަރު 15، 2024 ގަ އެވެ.

ކަސްޓަމްސް އިން ބުނި ގޮތުގައި، މިއީ ވޭޕް މަނާކުރި ފަހުން އެއް އަހަރުގެ ތެރޭގައި ކަސްޓަމްސް އިން ހިފެހެއްޓި ވޭޕްގެ އެންމެ ބޮޑު ޝިޕްމަންޓެވެ. އަދި އެކި އޮޕަރޭޝަންތަކުން މިހާތަނަށް 66،000 އަށް ވުރެ ގިނަ ވޭޕް އަތުލައިގެންފައިވާ ކަމަށް އެ އިދާރާއިން ބުންޏެވެ.

މައުލޫމާތު ހޯދައި ލިބިގަތުމުގެ ގާނޫނުގެ ދަށުން "މިހާރު" އަށް ކަސްޓަމްސް އިން އޯގަސްޓް މަހު ދީފައިވާ މައުލޫމާތުގައިވާ ގޮތުން މިދިޔަ ޖޫން މަހުގެ 15 އާ ހަމައަށް 69 މީހަކު ވަނީ ވޭޕް އެތެރެކޮށްގެން ޖޫރިމަނާކޮށްފަ އެވެ. އެ ޖޫރިމަނާގެ ޖުމްލަ 400 މިލިއަނަށް ވުރެ މައްޗެވެ.

ދުންފަތުގެ އިސްތިއުމާލުކުރުން ދުންފަތް ކަސްޓަމްސް ދުންފަތާ ބެހޭ ގާނޫނު

10 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

1828

11 December 2025

ނަމުގައި ވޭޕް މަނާކޮށްފައި. އެކަމަކު ވަގަށް އެތެރެކުރާވަރު މަދެއްނުވޭ. ބްލެކް މާކެޓްގައި ވިއްކާވަރު މަދެއްނުވޭ. ބްލެކް މާކެޓްގައި ގަންނަވަރު މަދެއްނުވޭ. ރިސޯޓްތަކުގައި ވޭޕް ބޭނުންކުރާވަރު މަދެއްނުވޭ. ހުރިހާ ޝުކުރެއް ހައްޤުވަނީ މިހާރުގެ ރައީސް ޑރ.މުޙައްމަދު މުޢިއްޒަށް. މަރުހަބާ ދިވެހީންގެ ދިވެހިރާއްޖެއަށް. މަރުހަބާ މޯލްޑިވްސް 2.0-އަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

11 December 2025

މިކަން މިގޮތަށް ކުރަނީ ކީއްވެ؟ ސަބަބު ބަޔާންކުރޭ. (10 މާކްސް) މިކަން މިގޮތަށް ކުރަނީ އެތެރެކުރުން މަނާކުރުމުން. ސަބަބަކީ އަދިވެސް ވޭޕްކުރުމަށް އޮތް ޑިމާންޑް ދަށަށް ނުދާތީވެ. ބްލެކް މާކެޓްގައި އަދިވެސް މިތަކެތި ވިއްކާ / ގަނެހަދާތީވެ. ބްލެކް މާކެޓްގައި ވޭޕް އަދި ވޭޕް ކާޓްރިޖް ވިއްކާކަން ދިވެހި ފުލުހުންގެ ޚިދުމަތަށް އިނގޭއިރުވެސް އެކަންކަން ހުއްޓުވަން މަސައްކަތްނުކުރާތީވެ، ވިއްކާމީހުން އެތަކެތި ވަގަށް އެތެރެކޮށްގެން އެ ވިއްކަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

11 December 2025

މަނާކޮށްބަލަ މިނަރަލް ވޯޓާ ފެން. އޭރުން އަލިފާން ނަމުގަ ނަމަވެސް އެ އެތެރެކުރާނެ. ފޯރި ހުރިކަމެއްތީ. ގާނޫނު މަނާކުރުމުން އެއާ ދުރަށްދޭބަލަ. ދެރަކަމެއްނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޭޕްޑެޑީ

11 December 2025

"އެ އިދާރާ އިން ބުނި ގޮތުގައި މި ތަކެތީގެ އަގު ރާއްޖޭގައި މިހާރު މި ބާވަތުގެ ތަކެތި **ކަޅު ބާޒާރުގައި** ވިއްކާ ރޭޓުން ބަލާއިރު 2.7 މިލިއަން ރުފިޔާއަށް އަރާނެ އެވެ". ކަޅު ބާޒާރުގައި ވިއްކާ ރޭޓްތައް ވެސް އިނގޭ، އެކަމަކު ކަޅުބާޒާރުގެ ވިޔަފާރިއެއް ނުހުއްޓުވޭ!؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުވައްޒަފުން

11 December 2025

ކީއްކުރަން ކުރާ ކަމެއް. މުއިއްޒު ނޫޅޭ ކަސްޓަމުން ކުރާކަމެއް ބަލާކަށް. ޕާފޮމަންސް ރަނގަޅުކޮށްގެން ވާކަމެއް އެބައޮތްތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޱރ ވާނުވާ ހަސަންމަނިކު

11 December 2025

މިފަހަރު ވ ރަނގަޅައް އެބަޖެހޭ ކަސްޓަމްސް އިން މިކަމުގެ މައުލޫމާތު ހާމަކުރަން ކޮންގައުމަކުންތޯ އެތެރެ ކުރީ އަދި މުދާ ފޮނުވި ކުންފުނީގެ ނަންވެސް މިހެންމިބުނީ މިކަހަލަ ކަންތަކުގަ މުދާ ފޮނުވާފަރާތުގެވެސް ކޮންމެވެސް ވަރެއްގެ ޒިންމާތަކެއް އޮތަތީވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުއްޅަބޭ

11 December 2025

މުދާ ފޮނުވާ ފަރާތާއި ގަންނަފަރާތުން ރާވައިގެން ކުރާ ކަންތައްތިއީ، އަޑީގަ ތިބޭނެ ކަސްޓަމް މީހުންވެސް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޱރ ސާފު

11 December 2025

ތިޔަކަންތައް ކުރިބަޔަކު ފުރަތަމަ މަރުހަލާގަ ފިއަފާރީގެ ނަން ހާމަކުރަންޖެހޭނެ ބިރުކަނޱާލާފަ. ނޫސްވެރިންވެސް އިތުރު މައުލޫމާތު ހޯދަން މަސައްކަތްކުރަންވާނެ. މިބާވަތުގެ އަމަލުތަކުން ތާހިރު ވިއަފާރިކުރާ ފަރާއްތަކަށް ވ ބޮޱުތަކުލީފުތަކެއްނޖެހޭނެކަން ހަމަޔަޤީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމްސުންނިސާ

11 December 2025

ގެނައީ ކޯންޗަކުކަމެއް ބަލާކަށް ބޭނުމެއްނެތް. ބަލަންބޭނުންވަނީ ކޮންބައެއްތޯ ގެނައީ؟ އަނެއްކާވެސް ބިންލާދިން ކޮންޓޭނަރެއްގާތޯ ގެނައީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަލޭގެސަން

11 December 2025

ނުކިޔަން ދޯ؟ "މި ތަކެތި ރާއްޖެއަށް އިމްޕޯޓްކޮށްފައިވަނީ "ސެރެނިޓީ ބްލޫ" ކިޔާ އަމިއްލަ ފަރުދުންގެ ވިޔަފާރިއެއްގެ ނަމުގަ އެވެ. މިއީ 2020 ވަނަ އަހަރު ރަޖިސްޓަރީ ކޮށްފައިވާ ވިޔަފާރިއެކެވެ."