ފިހިގެން ނިޔާވި ސްޓެލްކޯގެ މުވައްޒަފުގެ ޖަނާޒާ މިރޭ ބާއްވަނީ

އަޒްފިހިގެން ނިޔާވި ސްޓެލްކޯގެ މުވައްޒަފު އަހްމަދު އަޒްމީލް.

އިފްރާޒް އަލީ، މިހާރު

16 ޑިސެމްބަރ 2025 - 15:04

ހުޅުމާލޭގައި ހުންނަ ސްޓެލްކޯގެ ބާ އިންޖީނުގޭގައި މިދިޔަ މަހު ހިނގި އަލިފާނުގެ ހާދިސާގައި ފިހިގެން ލިބުނު އަނިޔާތަކާ ގުޅިގެން ރާއްޖެ އިން ބޭރުގައި ފަރުވާ ދެމުން އަންނަނިކޮށް ނިޔާވި މީހާގެ ޖަނާޒާ މިރޭ ބާއްވާ ގޮތަށް ހަމަޖައްސައިފި އެވެ.

އަލިފާނުގެ ހާދިސާގައި ފިހުނީ ސްޓެލްކޯގެ ސުޕަވައިޒަރެއްގެ ގޮތުގައި މަސައްކަތް ކުރަމުން އައި އުމުރުން 42 އަހަރުގެ އަހުމަދު އަޒްމީލް އެވެ.

އޭނާ އަށް ތައިލެންޑުގެ ވެރިރަށް ބެންކޮކްގެ ހޮސްޕިޓަލެއްގައި ފަރުވާ ދެމުން ދަނިކޮށް ނިޔާވީ މިދިޔަ ބުރާސްފަތި ދުވަހު އެވެ. އޭނާގެ ހަށިގަނޑު ރާއްޖެ އަށް ގެނައީ މިދިޔަ އާދިއްތަ ދުވަހު އެވެ.

އަޒްމީލްގެ ޖަނާޒާ ބާއްވަނީ ހުޅުމާލެ ސަހަރާގަ އެވެ. ކަށުނަމާދު ކުރަނީ މިރޭ އިޝާ ނަމާދަށް ފަހުގަ އެވެ.

އަޒްމީލް ނިޔާވިއިރު އަންބަކާއި ދެ ކުދިން ތިބެ އެވެ. އަދި އަނބިމީހާ މިހާރު އިނީ ތިންވަނަ ދަރިފުޅަށް ބަލިވެ އެވެ.

ސްޓެލްކޯ މަރު

4 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަކޭ

16 December 2025

ކުންފުނީގެ މަސައްކަތެއްގެ ތެރެއިން އެވަރުގެ ބޮޑު ގެއްލުމެއް މުވައްޒަފަކަށް ކުރިމަތިވިއިރު، އެއާއިލާއަށް ދިމާވާ ގެއްލުން ކޮންމެވެސް މިންވަރަކަށް ކުންފުނިން ބަލައިލުން މުހިއްމު. ޢެމުވައްޒަފުގެ ފުލެޓްގެ ލާރި އެއްކޮހަލާސްކޮށްދީ ނުވަތަ އެމުވައްޒަފުގެ ކުދިން 18 ފުރެންދެން ހުރިހާ ހަރަދެއް ކުންފުނިން ދިނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުބިންސުލައިމާން

16 December 2025

މިއީ ހުޅުމާލޭގައި ހިނގި މިފަދަ ދއވަނަ ހާދިސާ. ކުރިން ހިގި ހާދިސާ ގައި ނަސީބު ރަގަޅޫކަމުން މީހަކު ނިޔާ ނުވޭ. ނަމަވެސް މީހެއްގެ ދެއަތް އުޅަބޮށިން ފެށިގެން ރޯވި. ސްޓެލްކީގެ އެންމެ މަތީ 4 މަގާމުގަ ޓެކުނިކަލް މީހެއް ނެތް. ހަމައެކަނި ސިޔާސީ ވީމަ ނިމުނީ.