ރުޅި އައިސްގެން ރޭ ގެއިން ނުކުމެގެން ދިޔަ ފަހުން ހަބަރެއް ނުވެގެން ހޯދި ފާތިމަތު ނޫރާ ފެނިއްޖެ އެވެ.
ޅ. ނައިފަރު، ކަށިމާގެ، ނޫރާ 32 ފެނުނީ އަމިއްލަ އަށް ގެއަށް ދިއުމުންނެވެ. ރޭ އަށެއް ޖެހިއިރު ނުކުމެގެން ދިޔަ ގޮތަށް 12 ޖެހިއިރު ވެސް ގެއަށް ނުގޮސްގެން އާއިލާ އިން ފުލުހުންނަށް ރިޕޯޓްކުރީ އެވެ.
ފުލުހުން ދެންމެ ބުނީ މިއަދު 11:20 ހާއިރު ނޫރާ ގެއަށް ގޮސްފައިވާ ކަމަށް އާއިލާއިން މައުލޫމާތު ދީފައިވާ ކަމަށެވެ. އަދި އޭނާގެ ހާލު ރަނގަޅުކަމަށް ވެސް އާއިލާއާ ހަވާލާދީ ފުލުހުން ބުންޏެވެ.
ނަމަވެސް އިތުރު ތަފްސީލެއް ފުލުހުން ނުދެ އެވެ.
ނޫރާގެ އާއިލާ މީހަކު ފޭސްބުކުގައި ކޮށްފައިވާ ޕޯސްޓެއްގައި ބުނެފައިވާ ގޮތުގައި ރޭ އޭނާ ގެއިން ނުކުތީ ރުޅިއައިސްގެން "މިދަނީ މަރުވާން" ކަމަށް ބުނެ އެވެ. އޭނާ އަކީ ސިކުނޑީގެ މައްސަލަ އާއި ފިޓު ޖެހޭ މީހެއް ކަމަށް ވެސް އާއިލާއިން ބުންޏެވެ.