ރ. އަނގޮޅިތީމުގައި 72 އަހަރުގެ ދިވެހި އަންހެނަކު ނަމާދަށް ހުއްޓާ، މަރާލާނެކަމުގެ އިންޒާރުދީ ޖިންސީ ގޯނާކުރި މީހަކު ހައްޔަރުކޮށްފި އެވެ.
ފުލުހުންގެ މީޑިއާ އޮފިޝަލަކު ވިދާޅުވީ އެ މައްސަލަ ރިޕޯޓްކޮށްފައިވަނީ ރޭ 8:30 ހާއިރު ކަމަށެވެ.
ފުލުހުން ބުނީ އަނިޔާ ލިބުނު މީހާއަށް އެ ރަށު ހެލްތު ސެންޓަރުގައި ފަރުވާދިނުމަށް ފަހު މިހާރު ދޫކޮށްލާފައިވާ ކަމަށެވެ.
އެ މައްސަލާގައި ކޯޓު އަމުރެއްގެ ދަށުން، 44 އަހަރުގެ ދިވެހި ފިރިހެނަކު ރޭ 9:57 ހާއިރު ހައްޔަރުކޮށްފައިވާ ކަމަށް ފުލުހުން ބުންޏެވެ.
އެނގިފައިވާ ގޮތުގައި އެ މީހާއަށް ޖިންސީ ގޯނާކޮށްފައި ވަނީ އެ އަންހެން މީހާ ކޮޓަރީގައި ރޭ އިޝާ ނަމާދަށް ހުއްޓަ އެވެ. ނަމަވެސް އެ ހާދިސާ ހިނގި ގޮތުގެ އިތުރު ތަފްސީލެއް ނުލިބެ އެވެ.
ފުލުހުން ބުނީ މައްސަލަ އިތުރަށް ތަހުގީގުކުރަމުން އަންނަ ކަމަށެވެ.