އަލީމް ގެންދިޔަ 85،000ރ. ސިވިލް ކޯޓުގައި. ވަކި ލާރި ހިފައިގެން ދިއުމުން އެ ކޯޓުން ބަލައި ނުގަތް ކަމަށް އޭނާ ބުނި.
08 މެއި 2017 - 16:10
27 comments
ކޯޓު ހުރުމަތް ކެނޑިކަން ސާބިތުވެ، ކުރީގެ ރައީސް މައުމޫން ފެކްޝަންގެ ސެކްރެޓަރީ ޖެނެރަލް އަބްދުލް އަލީމް 85،000ރ. އިން ކުރި ޖޫރިމަނާގެ ފައިސާ، ވަކިލާރިން ދައްކަން ދިއުމުން ބަލައިނުގަތުމުން ނޫޓަށް ބަދަލުކޮށްގެން ސިވިލް ކޯޓަށް މިއަދު ދައްކައިފި އެވެ.
ކޯޓުގައި ހުންނަވައިގެން އަލީމް މިއަދު ވިދާޅުވީ ޖޫރިމަނާ ދައްކަން 85،000ރ. ގެ ވަކި ލާރި ހިފައިގެން ސިވިލް ކޯޓަށް ދިއުމުން އެ ފައިސާ ބަލައިނުގަތް ކަމަށެވެ. އެހެންވެ، އެމްއެމްއޭ އަށް ވަޑައިގެން އެ ތަނުން ވަކި ލާރިތައް ނޫޓަށް ބަދަލު ކުރީ ކަމަށް އޭނާ ވިދާޅުވި އެވެ.
"އެމްއެމްއޭ އަށް ދިއުމުން ފަސް ރުފިޔާ އާއި 10 ރުފިޔާގެ ނޫޓުތައް ދިނީ، ބާކީ 1000 ވަކި ލާރި ހުރި ނޫޓަށް ބަދަލު ނުކުރެވި. އެކަމަކު އެ ވެސް ބަލައިގެންފައި ވަނީ،" އަލީމް ވިދާޅުވި އެވެ.
ކޯޓުތަކުން ކުރާ ޖޫރިމަނާ ދައްކަން ޖެހެނީ އެ ކޯޓަކަށް ކަމަށް ވާތީ ސިވިލް ކޯޓަށް އޭނާ ވަޑައިގަތީ ވަކި ލާރިން 85،000ރ. ހަމަކޮށް، ކޮތަޅުތަކަށް އަޅައިގެންނެވެ.
އަލީމަށް އެ ޖޫރިމަނާ އައީ ޕީޕީއެމް ހިންގުން ރައީސް އަބްދުﷲ ޔާމީނާ ހަވާލުކޮށް އެ ކޯޓުން މިދިޔަ އަހަރު ކުރި ހުކުމާ ޚިލާފަށް އަމަލު ކުރެއްވި ކަން ސާބިތުވެގެންނެވެ. ކޯޓުގެ ހުކުމުގައި އަލީމަށް އަންގާފައި އޮތީ 10 ދުވަހުގެ ތެރޭގައި އެ ފައިސާ ދެއްކުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލިބެ
09 May 2017
އިންސާފެއް ލޯބީގައި ނެތޭ... ކެހިވެރި މިދުނިޔޭގައި... ރޯލާ....ރޯލާ... އޮވެދާނަން އަނދިރީގައި...
ކޯޓް
09 May 2017
މަނަމަ އަލީމް ލައްވާ ވަކިލާރިތައް ދިހަ ރުފިޔާއިން ދިހަ ރުފިޔާއިން ކޯޓުގައި އިދެގެން ޕެކްކުރަން އެންގީމުސް. އޭރުން ކޯޓަކަށް ނުޖެހޭނެ މާބޮޑު ތަކުލީފެއް.
އަލީ
09 May 2017
ކަލޯ ތިޔަ ޖެއްސުން ކުރެވުނީ ކޯޓަކަށް ނޫނީ ސަރުކާރަކަށް ނޫން. އެ ލާރި ގުނަން ޖެހޭނީ އެތާ ކައުންޓަރުގަ އިންނަ ނިކަމެތި ކުއްޖާ/މީހާ އަށް. ވެރިން ތިބޭނީ ފިނި ކޮޓަރީގަ އަރާމުގަ ކަހެރުވަކެކޭވެސް ހިތަށް ނާރާނެ. ނިކަމެއްޗަކަށް ބުރައެއް ތިޖެއްސުނީ.
ފުވައްމުލަކު ހަސަންދީ
09 May 2017
މިހާ އަވަހަށް މިއީ ކޮންތާކުން ކިހިނެއް ހޯދި ފައިސާއެއްބާ؟؟ މުއްސަނދި މީހުންގެ ލިސްޓަށް އަރުވަން ފެނޭ. މިހެން މިބުނެލީ ޖޮބްލެސް މީހުން ގޭގައި ސީރީޒް ބަލަން ޓީވީ ދޮށުގައި ތިބެލާފައި ގޮސް ބޮޑެތި އަދަދުތައް ހަމަކޮށްލާލެއް އަވަސްކަމުން.
މައިޝާ
09 May 2017
މިހާ ނުލިބޭ ދިވެހިން ކަން އެނގި މިހާ ބޮޑެތި ޖުރުމާނާ ކުރާ ބަޔަކާ ދޭތެރޭ ވިސްނުން މާ ބުއްދިވެރި....
ނޫރޭ
08 May 2017
ހާދަ އަވަހޭ ދޯ؟ 5ރ. ހަމަ ކޮށްލިލެއް. ހަމަގިނައީ ދޯ
ސާދިގު
08 May 2017
ގާނޫނީ ނަޒަރަކުން ބަލާއިރު ކޯޓްތަކުން ކަންކަމުގައި ނިންމާ ނިންމުންތަކާއި، ކަނޑައަޅާ ކަނޑައެޅުންތައް އެއީ އުސޫލެއްގެ ގޮތުން ގާނޫނީ ނިންމުންތަކެއް ނޫނީ އެއިގެ ފަހުން އެފަދަ ކަންކަމުގައި ގޮތްނިންމުނުގައި އަމަލު ކުރަން ޖެހޭ ގާނޫނީ އުސޫލް. މިހަމައިން ވިސްނާއިރު އެއްވެސް ސަބަބަކާއި ލައިގެން ދައުލަތުގެ އަދި އަމިއްލަ ފަރާތަކަށްވިޔަސް ދައްކަންޖެހޭ އެއްވެސް ފައިސާއެއް ދެން ވަކިލާރިން ނުދެއްކޭނެ. ދިވެހި ދައުލަތުގެ ސިއްކަ ޖަހައި ދިވެހި ފައިސާގެ ގޮތުގައި ބޭނުން ކުރުމަށް ދިވެހި މަރުކަޒީ ބޭންކުން ނެރެފައިވާ ފައިސާއެއް ކޯޓަކުން ބަލައި ނުގަތުމަކީ ގާނޫނީ ވިސްނުމަކުން ވިސްނާއިރު އެފައިސާގެ ނޫނީ ދިވެހި ވަކިލާރީގެ ސައްހަކަމާއިމެދު ސުއާލު އުފެދޭ ވަރަށް ނާޒުކު މައްސަލައެއް. ކޮންމެވެސް ގާނޫނީ ފަރާތަކުން ވަކިލާރީގެ ސައްހަކަން ކަށަވަރު ކުރުމަށް ކޯޓަކަށް ނޫނީ އެމްއެމްއޭ އަށް ހުށަހަޅަން ގޮވާލަން.
މުހައްމަދު
09 May 2017
މޯލްޑިވްސް މަނިޓަރީ އޮތޯރިޓީގެ ޤާނޫނު 1981 ގެ 16 ވަނަ މާއްދާ ބައްލަވާލެއްވުމަށްފަހު ކޮމެންޓްކުރައްވާ! ދެލޯފުޅާ ރަންކޮޅާއެވެ. ލީގަލް ޓެންޑަރެއް ނަމަވެސް ތަންތަނަށް ފައިސާ ދެއްކުމުގައި އަގުދެއްކުމުގައި ބޭނުންކުރާ ހަމައެއް އޮތީ ގާތްގަނޑަކަށް މީގެ 37 އަހަރުކުރިން ގާނޫނުގައި ލިޔެފައެވެ.
ވަކި ލާރި
08 May 2017
ކޯޓުން ބަލައިނުގަންނަ އެއްޗެއް އަޅުގަނޑުމެން ރައްޔިތުން ބަލައިގަންނާނީ ދެން ކިހިނެއްތޯ؟ އަޅުގަނޑުވެސް ދެން ވަކި ލާރި ބަލައެއް ނުގަންނާނަން.
މޮހޮދު
08 May 2017
ޖެއްސުމެއްނޫން ދާދި އިހަކަށްދުވަހު ނޫންތޯ ފޯނުގެ ވިޔަފާރި ކުރާދެކުންފުނިން ޖޫރީމާނެ ދެއްކީ ވަކިލާރިން އިއަށްެސް ކިޔާނީ ޖެއްސުންތޯ..ހަމަބަލައިގެންވެސް ފި.......
ހަސަންބެ
08 May 2017
އަހަރެމެން އެމެރިކާގެ ޑިމޮކުރަސީ ހޯދަން މިއުޅެނީ ނޫސް ތަކުން ކިތަންމެ ގނައިންވެސް ފެނޭ ވަކިލާރިން ފައިން ތައް ދައްކާވާހަކައިގެ އަޑު ހަމަ އެމީހުން ބަަލައިވެސް ގަނޭ.
ނުރަބޯ
09 May 2017
ވަކިލާރިން ފައިސާ ދެއްކި މީހާއަށް ދެންވީ ކިހިނެއްކަންވެސް ހަސަންބެ ސާފުކޮށްލިނަމަ ތިކޮމެންޓެއް ނުކުރީސް. ކޯޓުތަކުގެ ވަގުތު ބޭކާރުކުރަން މަސައްކަތްކުރިކަމުގެ ދައުވާ އުފުލައި އަލުން އިތުރަށް ޖޫރިމަނާ ކުރީ.
ދދ
08 May 2017
ދިވެހި ފައިސާ އަކީ ކޮބައިކަން މިހާރު އޮޅިއްޖެ ހަމަ އެކަނި ދިވެހި ފައިސާ އަކީ ކަރުދާސް ފައިސާތޯ ކޮއިންގެ ސިފާގައި ހުރި ކަރުދާސް ނޫން ތަކެއްޗަކީ ފައިސާއަށް ނުވަނީތޯ؟ ފައިސާ ފައިސާކަން ނިންމަނީ ކޯޓްތޯ ނޫނީ މަނިޓަރީ އޮތޯރަޓީތޯ؟
ވާނުވާ
09 May 2017
ވާނުވާ އެނގިގެން ވާހަކަ ދައްކަވާ... ޢެމް.އެމް.އޭ އެކްޓް 16.1 ގައި ވަނީ މިފަދައިން މި މާއްދާގެ 2 އާއި ޚިލާފުނުވާގޮތުގެ މަތިން ފައިސާ ދެއްކުމުގައި ތިރީގައި ބަޔާންވެގެންވާ ގޮތުގެ މަތިން ހުށަހަޅާ ނޫޓާއި ފައިސާފޮއްޗަކީ ލީގަލްޓެންޑަރެވް. ހ- ނޫޓުންދައްކާނަމަ ކޮންމެ އަދަދެއް ށ- އެެއްލާރީގެ ފައިސާފޮތިން ދައްކާނަމަ އެއްރުފިޔާއަށްވުރެ ގިނަނޫން އަދަދެއް ނ- އެއްލާރިއަށްވުރެ މަތީ އަދަދެއްގެ ފައިސާފޮތިން ދައްކާނަމަ، އެފޮއްޗެއްގެ ސިއްކައިގެ އަގުގެ ފަންސާސް ގުނައަށްވުރެ އިތުރުނޫން އަދަދެއް. ވީމާ، 85000 ރުފިޔާގެ ވަކިލާރިން ދެއްކޭނެ ޤާނޫނީ ހަމައެއްނެތް.