ރާއްޖެ އާއި އީޔޫއާ ދެމެދު މަޝްވަރާތައް ފެށުމަށް ބަންޑޮސް އައިލެންޑް ރިސޯޓުގައި މިއަދު ފެށި މަޝްވަރާ ބައްދަލުވުމުގައި ދިވެހި ސަރުކާރުގެ ބައެއް ވަޒީރުން ބައިވެރިވެވަޑައިގަންނަވަނީ.--- ފޮޓޯ: ހުސެއިން ވަހީދު/ މިހާރު
23 މެއި 2017 - 16:20
18 comments
ޔޫރަޕިއަން ޔޫނިއަން (އީޔޫ) ގެ ގައުމުތަކުގެ ސަފީރުން ހިމެނޭ ވަފުދާއެކު، ދިވެހި ސަރުކާރުގެ އިސްވެރިން ބާއްވާ ތިންވަނަ މަޝްވަރާ ބައްދަލުވުން މިއަދު ފަށައިފި އެވެ.
ބަންޑޮސް އައިލެންޑް ރިސޯޓުގައި ފެށި މި ބައްދަލުވުމުގައި އީޔޫގެ ބޮޑެތި ގައުމުތަކުގެ ނުވަ ސަފީރުން ބައިވެރިވެވަޑައިގަންނަވަ އެވެ. އަދި ސަރުކާރުގެ ބައެއް ވަޒީރުންނާއި ބައެއް މުއައްސަސާތަކުގެ އިސްވެރިންނާއި ބޭރު ގައުމުތަކަށް ރާއްޖޭން ކަނޑައަޅާފައިވާ ސަފީރުން ވެސް ބައިވެރިވެވަޑައިގަންނަވަ އެވެ.
މަޝްވަރާ ބައްދަލުވުން ފެށުމުގެ ކުރިން ނޫސްވެރިންނާ ވާހަކަ ދައްކަވަމުން ފޮރިން މިނިސްޓަރު ޑރ. މުހައްމަދު އާސިމް ވިދާޅުވީ ރާއްޖެ-އީޔޫ ޕޮލިސީ ޑައިލޮގްގެ ބޭނުމަކީ ތަފާތު އެކި ދާއިރާތަކާ ގުޅޭ ގޮތުން މަޝްވަރާ ކުރުން ކަމަށެވެ. ހާއްސަކޮށް އިޖުތިމާއީ ދާއިރާ، މަސްވެރިކަމުގެ ދާއިރާ އަދި ތިމާވެއްޓާ ބެހޭ ދާއިރާއާ ގުޅޭ ގޮތުން މަޝްވަރާތައް ކުރިއަށް ގެންދާނެ ކަމަށް އޭނާ ވިދާޅުވި އެވެ.
މަޝްވަރާ ބައްދަލުވުންތައް ފެށުމުގެ ކުރިން ފޮރިން މިނިސްޓަރު އާސިމް ނޫސްވެރިންނާ މިއަދު ވާހަކަ ދައްކަވަނީ.--- ފޮޓޯ: ހުސެއިން ވަހީދު/ މިހާރު
ބައްދަލުވުމުގެ މުހިންމުކަން ފާހަގަ ކުރައްވަމުން އާސިމް ވިދާޅުވީ ރާއްޖެ އާއި އީޔޫ ގުޅިގެން ތިމާވެއްޓާ ބެހޭ ދާއިރާގާއި ވަރަށް ގިނަ މަސައްކަތްތަކެއް ކުރަމުން އަންނަ ކަމަށެވެ.
"ވީހާ ވެސް ފުޅާ ދާއިރާއެއްގައި މަޝްވަރާ ކުރާނީ. އަޅުގަނޑުމެންގެ ފަރާތުން އީޔޫއާ ގުޅިގެން ކުރަން ޖެހޭ މަސައްކަތްތަކާއި އަމަލީ ގޮތުން ކުރާނެ ކަންތައްތަކާ މެދު ވެސް މަޝްވަރާ ކުރާނެ،" އާސިމް ވިދާޅުވި އެވެ.
އީޔޫ ވަފުދުގެ ބައެއް ބޭފުޅުން މިއަދުގެ ބައްދަލުވުމުގައި.---މިހާރު ފޮޓޯ: ހުސެއިން ވަހީދު
މީގެ އިތުރުން ކައުންޓާ ޓެރަރިޒަމްގެ ދާއިރާ އިން ވެސް ހުށަހެޅުންތަކެއް ހުށަހަޅާނެ ކަމަށް އޭނާ ވިދާޅުވި އެވެ. މިނިސްޓަރު ފާހަގަ ކުރެއްވި ގޮތުގައި ދުނިޔޭގެ އެކި ގައުމުތަކެކޭ އެއްގޮތަށް ރާއްޖެ އަށް ވެސް އެންމެ ބޮޑަށް ދިމާވެފައި އޮތް މައްސަލައަކީ ޓެރަރިޒަމްގެ މައްސަލަތަކެކެވެ.
ރާއްޖެ-އީޔޫގެ މަޝްވަރާ ބައްދަލުވުމުގައި ބައިވެރިވާ ދިވެހި ބައެއް ސަފީރުން.---މިހާރު ފޮޓޯ: ހުސެއިން ވަހީދު
މިއަދުގެ ނިޔަލަށް ކުރިއަށް ގެންދާ މި ބައްދަލުވުމުގައި އާސިމްގެ އިތުރުން އެޓާނީ ޖެނެރަލް މުހައްމަދު އަނިލް، ތިމާވެއްޓާ ބެހޭ ވަޒީރު ތޯރިގް އިބްރާހިމް، ރައީސް އޮފީހުގެ ލީގަލް އެފެއާޒް މިނިސްޓަރު އައިޝަތު އާޒިމާ ޝަކޫރާއި ފިޝަރީޒް މިނިސްޓަރު ޑރ.މުހައްމަދު ޝައިނީ ވެސް ބައިވެރިވެވަޑައިގަންނަވަ އެވެ.
އީޔޫގެ ގައުމުތަކުގެ ސަފީރުން ހިމެނޭ ވަފްދުން ވަނީ އިދިކޮޅު ފަރާތްތަކާ ވެސް ރޭ ބައްދަލުކޮށްފަ އެވެ. ރާއްޖޭގެ ސިޔާސީ މަސްރަހުގެ ހާލަތު ދެނެގަތުމަށް ރާއްޖެ އައިސް އުޅޭ އީޔޫގެ ވަފުދުގައި އިނގިރޭސިވިލާތާއި ޕޮލެންޑާއި އަޔަލެންޑާއި ޖަރުމަނާއި އިޓަލީ އާއި ފްރާންސް އަދި ސްވިޑްންގެ ސަފީރުން ހިމެނެ އެވެ. ރާއްޖެ އާއި އީޔޫއާ ދެމެދު މަޝްވަރާ ބައްދަލުވުންތައް ފެށީ 2015 ގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލިފު
24 May 2017
އެޖެންޑާގަ އެއްވަނާގަ ހުރިހާ ލީޑަރުންނަށް ރިޔާސީ އިންތިޚާބަށް ކުރިމަތި ލެވެން ޖެހޭ ކަމަށް
ސަހަރޯ
24 May 2017
ނޫން ކުއްކޮށްގެނެއް ނޫން ބަންދުކޯށްފައި އެތިބީކީ އަދި ހަމއެހެންމެ ތިބުނ ހުކުމެއް އިއްވާ އެވަނީއަކީ ތިބުނ ޤާނޫން ތަކުގައި ވާގޮތަކަށްނޫން ވަރަށް ސަލާމް
އަރުވާލި އާދަނުގެ ސިޔާސީ ހާސަރު
24 May 2017
ކޮމަންވެލްތުން މުތުލަގަށް ވަކިވެ. އީ ޔޫ އާއެކު މަޝްވަރާ. މަޝްވަރާއިން ވަކި ނުވާނެ ބާ؟
ޙެ ހެ ހެ ހެ
23 May 2017
މިސަރުކާރަކުން ހުޅަގުގެ މީހުންނަކާ ނުގުޅޭނެ (ދޮންމީހުންނަކާ ނުގުޅޭނެ ) އަބަދުވެސް ބަލާނީ އިރުމަށްޗަށް ހިތައްއަރާ މިމީހުންގެ ލަދުކޮަބާހޭ މިހާރުވެސް ޔޫރަޕިއަން ޔޫނިއަނުންނާ ވާހަކަމި ދައްކަނީ މީމަޖާކަމެއް މިވަރުކަމެއް އަޅެދެ ދެކުނިންތަ މީހަކު ހެހެ ހެހެ
އަޒޫ
23 May 2017
ރާއްޖެއައި ޓީމުގައި އިނގިރޭސި ސަފީރު ކީއްކުރަނީ. އީޔޫއިން ވަކިވެގެންވެސް އިނގިރޭސިން އީޔޫގެ ވަފުދުގަ ހިމެނެނީ ކިހިނެތް
ބޮންޑް
23 May 2017
ކޮއްކޯ، އިނގިރޭސިން އަދި އީޔޫ އަކުން ވަތްކެއް ނުވޭ. ވަކިވުމުގެ ފުރަތަމަ މަރުހަލާގައި އެ އުޅެނީ. ވަކިވާން އަދި އަހަރެއް ނުވަތަ ދެ އަހަރު ވަރު ނަގާނެ ކަމަށް މާހިރުން ބުނަނީ. ކޮމެންޓް ކުރުމުގެ ކުރިން މިކަހަލަ ކަންތަކާ އަޕްޑޭޓް ވެލުން މުހިންމު ކަމަށް ދެކެން.
ކަމަނަ
24 May 2017
ވަކިވާން އަދި ނިންމީ ވަކިވާނީ 2 އަހަރު ފަހުން ކަން ނޭނގޭނަމަ ކޮމެންޓް ނުކުރުން ރަނގަޅުވާނެ ކަންކަމަށް ކޮމެންޓް ކުރާއިރު ކޮންމެވެސް ވަރަކަށް ކަންހިނގާގޮތް އެނގިފަ އޮތުން ރަނގަޅުވާނެ. ދެންވެސް ކަންކަމަށް ކޮމެންޓް ކުރާއިރު ދަންދޮރު ބަލާނެކަމަށް ހީކުރަން
magie
24 May 2017
އަޒޫ ތިބުނީ ރަނގަޅަށް. ވަކިވާން ބޭނުންވެގެން އުޅޭމީހުން ވަކިވެގެން ގޭގަ އޮވެބަލަ
ސައްޕު
24 May 2017
އަނެއްކާ އަނެއްކަންތައް! ރައްޔިތުންގެ އަޣުލަބިއްޔަތުން ވަކިވާން ނިންމީމާ އެކަން އެ ނިމުނީ! އިދާރީކަންކަން ނިންމަން 5 އަހަރަށް ދެންމިޔަސް އެކަން އެއޮތީ ނިމިފައި! ދެންކޮން ވާހަކައެއް! އާނ އެހެންނުން ވާނީ! އިގިރޭސިރައްޔިތުން އެކަން ނިންމީ، ރޫޙާނީ ލީޑަރު ތިހެން ނުދާށޭ ކިޔަކިޔާ އާދޭސްކުރަނިކޮށް ވިއްޔަ!
ކުރި
23 May 2017
ތި މީހުންނާ ކުރާނެ މަސްވަރާއެއް ނޯންނާނެ އެންމެ ފަހު ވަގުތު ބޮލަށް ފައިން އެރޭ ތޯ ބަލަބަލަ ތިބޭނީ
އުމަރު
23 May 2017
ކިތންމެވަރަކަށް ތިޔަފަދަ ބައްދަލުވުން ކުރިއަށް ދިޔަކަމުގައިވިޔަސް ރައީސް ޔާމީނު ބައިވެރިވެ އެމަނިކުފާނު އަޑުއައްސަވާ ނިންމާނެކަންކަމުގެ އިތުރުން އެއްވެސްކަމެއް ކިތަންމެ މަޝްވަރާތަށްކުރިޔަސް ކުރިއަކަށްނުދާނެ، ތިޔަފަދަ ކޮންމެ މަޝްވަރާއެއްގެ މައިގަނޑު ސަބަބަކީ ޑިމޮކްރަސީއަށް އެޅިފައިވާ ހުރަސް ނައްތާލަން، އެހެންކަމުން ޑިމޮކްރަސީއަށް އެޅިފައިވާ ހުރަސްތަށް ނައްތާލެވޭނީ އިޖްތިމާއީ، އިޤްތިސާދީ، ޓެރެރިޒަމްގެ ކަންކަމާއިގެންވެސް ބަޔަކު އުޅެގެން އެހެންކަމުން ޑިމޮކްރަސީގެ ކަންކަން ނުނިމެނީސް ތިޔަކަމުންލިބޭނެ މާކަބޮޑު އެހީތެރިކަމެއް ނޮއޮންނާނެ، އެހެންކަމުން ޑިމޮކްރަސީ ފުރަތަމަ ގެންނާށެވެ.
ެެއެމޭޒިންގ
23 May 2017
ޖޭމްސް ޑައުރިސް ތިޔަތާގައި އިންނާކަށް ނުޖެހޭ. ބެރެކްޒިޓް ވެއްޖެ. ރައީސް ޔާމީނަށާއި މިނިސްޓަރ އާސިމަށް ހެޔޮ ދުޢާ ސަލާމް!
ޝަހާމު އިދްރީސް
23 May 2017
އީޔޫ ގެ މަޝްވަރާތަކަށް ވަކި ޝަރުތެއް ކަނޑައެއް ނާޅާ. އެކަމަކު ސަރުކާރާއި އިދިކޮޅު ފަރާތްތަކާ ދެމެދު މަޝްވަރާއެއް ފަށަންޏާ އެބަ ޖެހޭ އެމީހުން އެބުނާ ގޮތުންނަމަ ބަންދުކޮށްފައި ތިބި ސިޔާސީ ހުރިހާ ކުއްވެރިން ފުރަތަމަ ވެސް ދޫކޮށްލަން. ކިހިނެތް އެހެންވާނީ. ބަންދުކޮށްފައި ގައިމު އެތިބީ ކުއް ކުރީމަ. ކުށެއް ނުކުރާނަމަ ބަންދެއް ނުކުރާނެ. ކޯޓުތަކަކުން ހުކުމެއް ވެސް ނުކުރާނެ. މަޖްލިހުން ފާސްކޮށްފައިވާ، ހާއްސަ ގޮތެއްގައި އެމްޑީޕީގެ ރުހުމާވެސް އެކުގައި ފާސްކޮށްފައިވާ ގާނޫނުތަކުގެ ތެރެއިން ހުކުމް ކުރަމުން މިދަނީ.
ކުޑަދޫއަހްމަދު
23 May 2017
މިއީ އައުޓުޑޭޓެޑު ޕީއާރު ސްޓަންޓެއް! މިއީ 19 ވަނަ ގަރުނުގައި ގެންގުޅު ސްޓަންޓެއް! މިހާރު މިގޮތަށް މިގައުމުގައި ހިންގާ ޖަރީމާތަށް ނުފޮރުވޭނެ! އީޔޫގެ ގައުމުތަކަށް ދިވެހިރާއްޖެ ވަރަށް ފަރިތަ