ހަމަހަމަ ފުރުސަތު ނުލިބޭތީ އިދިކޮޅު މެމްބަރުންތަކެއް ޕީއެސްއެމްގެ އިސް ވެރިންނާ ބައްދަލު ކުރައްވައިފި
ރައްޔިތުންގެ މަޖިލީހުގައި ހިމެނޭ އިދިކޮޅު މެމްބަރުންތަކެއް ޕީއެސްްއެމްގެ އިސްވެރިންނާ މިއަދު ބައްދަލުކުރައްވަނީ. ފޮޓޯ: އަމީތު
18 ޖޫން 2017 - 17:04
32 comments
ދައުލަތުގެ މީޑިއާ އިން ހަމަ ހަމަ ފުރުސަތު ނުލިބޭތީ ރައްޔިތުންގެ މަޖިލީހުގެ މެމްބަރުންތަކެއް ޕަބްލިކް ސާވިސް މީޑިއާ (ޕީއެސްއެމް) ގެ އިސްވެރިންނާ ބައްދަލުކުރައްވައިފި އެވެ.
މަޖިލިސް މެމްބަރުންގެ ތެރެއިން އެ ބައްދަލުވުމުގައި ބައިވެރިވެޑައިގެންނެވީ މަޑުއްވަރީ ދާއިރާގެ މެމްބަރު މުހައްމަދު އަމީތާއި ތުލުސްދޫ ދާއިރާގެ މެމްބަރު އިބްރާހިމް ވަހީދު (ވައްޑެ) އެވެ. ޕީއެސްއެމްގެ ފަރާތުން އެ ބައްދަލުވުމުގައި މެނޭޖިން ޑިރެކްޓަރު އިބްރާހިމް ހަލީލާއި އެހެން ބައެއް ވެރިން ބައިވެރިވެވަޑައިގެންނެވި އެވެ.
އެ ބައްދަލުވުމުގައި ބައިވެރިވެވަޑައިގެންނެވި އަމީތު ވިދާޅުވީ އެ ބޭފުޅުން މަޝްވަރާކުރެއްވީ ދައުލަތުގެ މީޑިއާއިން އިދިކޮޅު ފަރާތްތަކަށް ހަމަހަމަ ފުރުސަތެއް ނުދޭތީ ކަމަށެވެ.
"އަޅުގަނޑުމެން ދެކޭ ގޮތުގައި ދައުލަތުގެ މީޑިއާ އިން ސިޔާސީ ހުރިހާ ފަރާތްތަކަށް ހަމަހަމަ ފުރުސަތު ލިބެން ޖެހޭ. މީގެ ކުރިން އެމްޑީޕީން ވެސް އެކަން ހިއްސާކުރި. ނަމަވެސް މިހާތަނަށް އެއްވެސް ފުރުސަތެއް ނުލިބޭ،" އޭނާ ވިދާޅުވި އެވެ.
އަމީތު ވިދާޅުވީ ޕީއެސްއެމް އިން ހިންގާ ޓީވީއެމްގެ "ރާއްޖެ މިއަދު" ޕްރޮގްރާމާއި ހަބަރުތަކުގައި އިދިކޮޅު ފަރާތްތަކަށް ވެސް ހަމަހަމަ ފުރުސަތު ދޭނެ ކަމުގެ ޔަގީންކަން އެ ކުންފުނީގެ އިސްވެރިން ދެއްވި ކަމަށެވެ. އަދި ޕީއެސްއެމްގެ އިސްވެރިން ދެއްކެވި ވާހަކަތަކާ އެއްގޮތަށް އަމަލުކުރައްވާނެ ކަމަށް އުއްމީދުކުރައްވާ ކަމަށް ވެސް އޭނާ ވިދާޅުވި އެވެ.
ދައުލަތުގެ މީޑިއާއިން އިދިކޮޅު ފަރާތްތަކަށް އެއްވެސް ފުރުސަތެއް ނުދޭތީ އެންމެ ބޮޑު އިދިކޮޅު ޕާޓީ އެމްޑީޕީ އާއި އިދިކޮޅު އެހެން ފަރާތްތަކުން ވެސް ޝަކުވާކުރެ އެވެ. ނަމަވެސް މިހާތަނަށް ޕީއެސްއެމް އިން ފުރުސަތު ދެނީ ހަމައެކަނި ސަރުކާރަށް ތާއީދުކުރާ ފަރާތްތަކަށް އެކަންޏެވެ.
މިދިޔަ ލޯކަލް ކައުންސިލް އިންތިހާބުގެ ކެމްޕޭން ދުވަސްވަރު ވެސް ދައުލަތުގެ މީޑިއާ އިން ހަމަހަމަ ފުރުސަތު ނުލިބޭތީ އިދިކޮޅު ފަރާތްތަކުން އެކަމުގެ ޝަކުވާތައް ޕީއެސްއެމް އިސްވެރިންނާ ބައްދަލުކުރައްވައި ހުށަހެޅުއްވި އެވެ. ނަމަވެސް އިންތިހާބު ނިމިގެންދިޔައިރު ވެސް އެފަދަ އެއްވެސް ފުރުސަތެއް އިދިކޮޅު ފަރާތްތަކަށް ދީފައެއްނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިދިކޮޅޭ
19 June 2017
ތިތަނުގަ އިން އިދިކޮޅު ފަރާތަކީ ކޮބައިތަ؟
އަހުމަދު
19 June 2017
ފޫނެތްފަޔަކަށް ފެންފުރުން ކަހަލަ ކަމެއް. ތިޔަތާކުން ތިޔަކަމެއްނުކުރާނެ މަޤާމަށްޓަކައިވެސް. ؟
ހަސަނު
19 June 2017
ދެން ތިއޮތީ ފުރުޞަތު ލިބިފައި. ކިތަންމެ ވަރެއް ކުރިއަސް އަހަރެމެން ނުދޭނަން ތިކުދިންނަށް ފުރުޞަތެއް. ހަނދާން ނައްތާލާ... އަހަރެމެންގެ ލޮބުވެތި ރައީސްގެ ހިތްޕުޅަކަށް ކެތެއްނުވާނެ ތިކުދިންނަށް ފުރުޞަތެއް ދޭކަށް. އެއްވެސް މީޑިއާއެއްގައި ތިއިން ކުއްޖެއްގެ ނަން ކިޔާއަޑު އަހަންވެސް އަހަރެމެންގެ ރައީސްއަށް ކެތްވާނީ ކިހިނެއް؟؟ ވެރިކަން އެކުރައްވަނީ ނުލާހިކު ކުރާހިތުން އުފަލުން....... ތާއަބަދު ތިކުދިންގެ ޚިދުމަތުގައި ހުންނަން އެދެނީ....
އަލީ
19 June 2017
މިއަށްވުރެ ޑިމޮކްރަސީއާއި ބީރައްޓެހި ސަރުކާރެއް ނެތް
ބަލީ
19 June 2017
ނަޝީދު ސަރުކާރުގައި އެމްއެންބީސީ އަށް އަރަންވާ މީހުންގެ ލިސްޓް ފޮނުވަނީ އެމްޑީޕީ ހަރުގެއިން. މައްސަލައެްނޫން. ނަމުގައި ޑިމޮކްރެޓިކް ލާފައި އޮންނާތީ ބުނެލީ.
ކޯއްޗެއްތޭ
19 June 2017
ކޮން ޑިމޮކްރަސީ އެއްތޭ. ޑިމޮކްރަަސީ އޮޅާލާ އިނގޭތޭ.
އުޅެގަ
19 June 2017
ހަމަ ހަމަ ފުރުސަތު ނުލިބި ކޮބާތޭ ތަމެން އިދިކޮޅު ކްރިޓިކްސް އަށް. ތަމެން ސިޓީލާ ހަމަ ފުރުސަތު ހޯދަން. ދެން ކިއޫ ތަރްތީބުން ތަމެންނަށް ހަމަ ހަމަ ފުރުސަތު ލިބޭނެއެވެ. ލިބޭނީ މަމެން ޕިންކީންގެ މެމްބަރުންނާއި އެއް ހާޒިރެއްގައި ވާހަކަ ދައްކާ ގޮތަށެވެ. އަދި ތަމެން ދައްކާނެ ވާހަކައިގެ ތަފްސީލް އެއް ދޭން ޖެހޭނެ ޕީއެސް އެމްއަށް ކުރިއާލާ ޑިފަމޭޝަން ގާނޫނަށް ފެތޭތޯ ބަލަން. ބިކޮޒް ތަމެން ތިިއޮންނަނީ އަބަދު އަބަދު ޖޫރީމަނާ ވެފައި ވިއްޔާ ސްޓީލިންގް ވެސް ދައްކައިގެން. ތަމެން އުޅެގަ ދެން މިގޮތަށް ބަސް އަހައިގެން އިނގޭ.
އެނަލިސިސްޓް
19 June 2017
ޕީސްފުލް ރިވޮލިއުޝަނަރީ ސްޓްރެޓީޖިކް އެޖެންޑާ ކުރިއަށް ގެންދެވުމަށްޓަކައި ކުރައްވަން އެންމެ ރަނގަޅު އެއްކަންތައް ތިޔައީ. އެކަމަކު އެބަޔަކު އަޑުއަހާފިއްޔާ ތާ! ހަމަ ހިލާ ފުރުޞަތެއް ދޭނެހެނެއް ހިއެއްނުވޭ. ބާކީ އަދި ކުރަންޖެހިފައި ހުރި ކިތަންމެ ކިތަންމެ ކަމެއް އެބަހުރި.
އަސްލިމީހާ
19 June 2017
ދުނިޔޭގެ އެއްވެސް ގައުމެއްގެ ދައުލަތުގެ މީޑިޔާއިން ސަރުކާރާ އިދިކޮޅު ފަރާތް ތަކެއްގެ ފިތުނަ ހަބަރެއް ނުދައްކާނެ، ކޮން ހަމަހަމަ ކަމެކޭ މިކިޔަނީ، ސީއެންއެންއާއި ބީބީސީއިން ހަމަހަމަ ކަމާއެގު ގެނެސްދިން ހަބަރެއް ބުނެެދަިބަލަ ވައްޑޭ
ފަޅުވެރިން
18 June 2017
ރާޓީވީ، ވީޓީވީ، ސަންގުޓީވީ، މިހުރިހާ ޗެނެލްތަކުން ކެނޑިނޭޅި ފަތުރަމުންގެންދާ ޕްރޮޕެގެންޑާއިންވެސް ނުފުދިގެންދޯ ތިޔައުޅެނީ؟
ޙުސެޔނު
19 June 2017
ކަލޯ ކަލެޔަށް ހަޖަމް ނުވީދޯ
ވާނުވާ
18 June 2017
ހަހަހަހަ. ޓީވީއަކުން ޖާގަ ނުލިބެނީ ދޯ؟
ހީހީ ހަލާކު
18 June 2017
ޕީއެސްއެމަކީ ދިވެހި ރައްޔިތުންގެ ފައިސާއިން ޚަރަދުކޮށްގެން ހިންގާ ވަކި ފިކުރެއް ޕްރޮމޯޓްކުރާ ތަނެއް. ޕީއެސްއެމް އުފެއްދިތާ ކުުރީކޮޅު ތަފާތު ފިކުރުގެ މީހުންނަށް ހަމަހަމަ ފުރުސަތު ލިބުނު. އެހެންނަމަވެސް މިހާރު އެއީ ދެވަނަ ޗެނެލް 13. މިފުރުސަތުގަ ބުނެލަން ބޭނުން ކުރީގެ ވެރިކަމުގަވެސް ހަމަ ޕީއެސްއެމް ވެފައޮތީ ދެވަނަ ރާއްޖެ ޓީވީއަށް.