މަޖިލީހުގެ ހާޒިރީން ފުލަށް ސިޔާމާއި ފައިސަލް

ރައްޔިތުންގެ މަޖިލީހުގެ މިދިޔަ ދައުރުގައި އެންމެ މަދުން ޖަލްސާތަކަށް ހާޒިރުވި ބޭފުޅުންގެ ގޮތުގައި މީދޫ ދާއިރާގެ މެމްބަރު އަދި އެމްޑީއޭގެ ލީޑަރު އަހުމަދު ސިޔާމް މުހައްމަދާއި ކާށިދޫ ދާއިރާގެ ޖުމްހޫރީ ޕާޓީގެ މެމްބަރު ފައިސަލް ނަސީމް ހިމެނިއްޖެ އެވެ.

މަޖިލީހުން މިއަދު އާންމުކުރި މިދިޔަ ދައުރުގެ ހާޒިރީގައިވާ ގޮތުން އެ ދައުރުގައި 11 ޖަލްސާއެއް ބޭއްވިއިރު، ފައިސަލް ވަޑައިގަތީ އެންމެ ޖަލްސާއަކަށެވެ. ސިޔާމް ވެސް އެންމެ ޖަލްސާއަކަށް ވަޑައިގެންނެވިއިރު، ހަ ޖަލްސާއެއް ބޭއްވި ދުވަހު ހުންނެވީ ޗުއްޓީގަ އެވެ. ވަކި ސަބަބެއް ނާންގަވައި ހަތަރު ޖަލްސާއަކަށް ސިޔާމް ވަޑައެއް ނުގަންނަވަ އެވެ.

ދެން އެންމެ މަދުން ޖަލްސާތަކަށް ވަޑައިގަތީ ތުޅާދޫ ދާއިރާގެ ޕީޕީއެމްގެ މެމްބަރު ނާޒިމް ރަޝާދެވެ. އޭނާ ވަޑައިގަތީ އެންމެ ތިން ޖަލްސާ އަށެވެ.

މަޖިލީހުގެ މި އަހަރުގެ ދެވަނަ ދައުރުގައި ހުރިހާ ޖަލްސާއަކަށް ވަޑައިގަތީ 36 މެމްބަރެކެވެ.

އެއީ:

1- މެދު ހެންވޭރު ދާއިރާގެ މެމްބަރު އަލީ އާޒިމް (އެމްޑީޕީ)

2- ގަލޮޅު އުތުރު ދާއިރާގެ މެމްބަރު އީވާ އަބްދުﷲ (އެމްޑީޕީ)

3- މައްޗަންގޮޅި އުތުރު ދާއިރާގެ މެމްބަރު މާރިޔާ އަހުމަދު ދީދީ (އެމްޑީޕީ)

4- މާފަންނު ދެކުނު ދާއިރާގެ މެމްބަރު އަބްދުﷲ ރިފާއު (ޕީޕީއެމް)

5- ވިލިމާލޭ ދާއިރާގެ މެމްބަރު އަހުމަދު ނިހާން (ޕީޕީއެމް)

6- އިހަވަންދޫ ދާއިރާގެ މެމްބަރު މުހައްމަދު އަބްދުﷲ (ޕީޕީއެމް)

7- ނޮޅިވަރަމް ދާއިރާގެ މެމްބަރު ހުސެއިން އަރީފް

8- ވައިކަރަދޫ ދާއިރާގެ މެމްބަރު މުހައްމަދު ނާޒިމް (އެމްޑީޕީ)

9- ކުޅުދުއްފުށީ ދެކުނު ދާއިރާގެ މެމްބަރު މުހައްމަދު ނަޝީދު (ޕީޕީއެމް)

10- މަކުނުދޫ ދާއިރާގެ މެމްބަރު އަނާރާ ނައީމް (އަދާލަތު ޕާޓީ)

11- މިލަންދޫ ދާއިރާގެ މެމްބަރު ހަސަން މުފީދް (ޕީޕީއެމް)

12- ފުނަދޫ ދާއިރާގެ މެމްބަރު އަހުމަދު ސަލީމް (ޕީޕީއެމް)

13- މަނަދޫ ދާއިރާގެ މެމްބަރު އުމަރު ހުސެއިން (އެމްޑީއޭ)

14- ވެލިދޫ ދާއިރާގެ މެމްބަރު އަބްދުﷲ ޔާމީން (ޕީޕީއެމް)

15- ހޮޅުދޫ ދާއިރާގެ މެމްބަރު އަލީ މުހައްމަދު (ޕީޕީއެމް)

16- އަލިފުށީ ދާއިރާގެ މެމްބަރު މުހައްމަދު ރަޝީދު ހުސެއިން (އެމްޑީޕީ)

17- ދުވާފަރު ދާއިރާގެ މެމްބަރު މުހައްމަދު އަލީ (ޕީޕީއެމް)

18- އިނގުރައިދޫ ދާއިރާގެ މެމްބަރު މުހައްމަދު ފަލާހް (ޕީޕީއެމް)

19- ހިންނަވަރު ދާއިރާގެ މެމްބަރު އިބްރާހިމް މުހައްމަދު ސޯލިހް (އެމްޑީޕީ)

20- ނައިފަރު ދާއުރާގެ މެމްބަރު އަހުމަދު ޝިޔާމް (ޕީޕީއެމް)

21- ގުރައިދޫ ދާއިރާގެ މެމްބަރު އަހުމަދު ރިޒާ (ޕީޕީއެމް)

22- މަތިވެރި ދާއިރާގެ މެންބަރު ހުސައިން މުހައްމަދު (ޖޭޕީ)

23- ތޮއްޑޫ ދާއިރާގެ މެންބަރު އިބްރާހިމް ހަސަން (ޖޭޕީ)

24- މުލަކު ދާއިރާގެ މެންބަރު އިބްރާހިމް ނަސީރު (އެމްޑީޕީ)

25- ބިލެއްދޫ ދާއިރާގެ މެންބަރު އަހްމަދު މުބީން (ޕީޕީއެމް)

26- ކުޑަހުވަދޫ ދާއިރާގެ މެންބަރު އަހުމަދު އާމިރު (އެމްޑީއޭ)

27- ވިލުފުށި ދާރިއާގެ މެންބަރު ރިޔާޒް ރަޝީދު (ޕީޕީއެމް)

28- ކިނބިދޫ ދާއިރާގެ މެންބަރު އަބްދުﷲ ރިޔާޒް (ޖޭޕީ)

29- ގުރައިދޫ ދާއިރާގެ މެންބަރު ހުސައިން މަނިކު ދޮންމަނިކު (ޕީޕީއެމް)

30- ފޮނަދޫ ދާއިރާގެ މެންބަރު އަބްދުއްރަހީމް އަބްދުﷲ (ޕީޕީއެމް)

31- މަޑަވެލި ދާއިރާގެ މެންބަރު މުއާޒު މުހައްމަދު ރަޝީދު (ޕީޕީއެމް)

32- ފަރެސްމާތޮޑާ ދާއިރާގެ މެންބަރު ހުސައިން މުހައްމަދު ލަތީފް (ޕީޕީއެމް)

33- މަޖިލީހުގެ ރައީސް އަބްދުﷲ މަސީހު (ޕީޕީއެމް)

34- ހުޅުދޫ ދާއިރާގެ މެންބަރު މުހައްމަދު ޝާހިދު (ޕީޕީއެމް)

35- ފޭދޫ ދާއިރާގެ މެންބަރު އިބްރާހިމް ދީދީ (ޕީޕީއެމް)

36- ހިތަދޫ އުތުރު ދާއިރާގެ މެންބަރު އިބްރާހިމް މުހައްމަދު ދީދީ (އެމްޑީޕީ)

ގޮނޑި ގެއްލުނު ކަމަށް އިލެކްޝަންސް ކޮމިޝަނުން ކަނޑައެޅި ދިއްދޫ ދާއިރާގެ މެމްބަރު އަބްދުލް ލަތީފް މުހައްމަދާއި މަޑުއްވަރީ ދާއިރާގެ މެމްބަރު މުހައްމަދު އަމީތުގެ އިތުރުން ތުލުސްދޫ ދާއިރާގެ މެމްބަރު މުހައްމަދު ވަހީދު އިބްރާހިމް އަދި ވިލިނގިލީ ދާއިރާގެ މެމްބަރު ސައުދު ހުސެއިން ވަނީ ގޮނޑި ގެއްލުމާ ހަމައަށް ހުރިހާ ޖަލްސާއަކަށް ހާޒިރު ވެފަ އެވެ.

މަޖިލިހުގެ މިދިޔަ ދައުރުގައި އެކަށީގެންވާ ނަތީޖާއެއް ނުނެރި، ބޮޑެތި ސިޔާސީ ކޯޅުމުގައި މެމްބަރުން އުޅުއްވުމަށް ފަހު، ގަވައިދުގައިވާ ގޮތުގެ މަތިން އެއް މަސް ދުވަހުގެ ޗުއްޓީއަކަށް ވަޑައިގެންނެވި މައްސަލާގައި އެތައް ބައެއްގެ ފާޑުކިޔުން އަމާޒުވެފައިވާއިރު، އެ ދައުރުގެ ތިން މަސް ދުވަހު ބޭއްވުނީ ވެސް އެންމެ 11 ޖަލްސާ އެވެ. އެކަމަކު ދެވަނަ ދައުރުގައި 39 ޖަލްސާ ބާވަން މަޖިލިހުގެ ގަވައިދުގައި ވަނީ ކަނޑައަޅައިފަ އެވެ.