ޚަބަރު / މެމްބަރު އަބްދުﷲ ރިޔާޒް (ތިމަރަފުށި)

އިންތިޚާބުގައި ގުޅިގެން މަސައްކަތް ކުރުމުގެ މަޝްވަރާއަށް ޖޭޕީ ތައްޔާރު: ރިޔާޒް

ޖޭޕީގެ ޑެޕިއުޓީ ލީޑަރު ރިޔާޒް ކުރީގެ ރައީސް މައުމޫނާ ސަލާމް ކުރައްވަނީ: އިދިކޮޅު ކޯލިޝަން ގުޅިގެން އެއް ކެންޑިޑޭޓަކު ނެރެން ނަޝީދު ވަނީ ގޮވާލައްވާފައި---މިހާރު ފޮޓޯ: ހުސެއިން ވަހީދު

މުއިއްޒު އިބްރާހިމް، މިހާރު

21 އޮކްޓޯބަރ 2017 - 19:00

11 comments

ކުރިއަށް އޮތް ރިޔާސީ އިންތިޚާބުގައި އިދިކޮޅު ފަރާތްތައް ގުޅިގެން މަސައްކަތް ކުރުމަށް މަޝްވަރާ ކުރަން ޖުމްހޫރީ ޕާޓީން ތައްޔާރު ކަމަށް އެ ޕާޓީގެ ޑެޕިއުޓީ ލީޑަރު އަބްދުﷲ ރިޔާޒް މިއަދު ވިދާޅުވެއްޖެ އެވެ.

ކުރީގެ ޕޮލިސް ކޮމިޝަނަރު އަދި ރައްޔިތުންގެ މަޖިލީހުގެ ކިނބިދޫ ދާއިރާގެ މެމްބަރުކަން ވެސް ކުރައްވާ ރިޔާޒް އެގޮތަށް ވިދާޅުވީ އަންނަ ރިޔާސީ އިންތިޚާބުގައި ހޮވަން ޖެހޭނީ އިދިކޮޅު ފަރާތްތައް ގުޅިގެން ނެރޭ އިންތިގާލީ ރައީސެއް ކަމަށް ކުރީގެ ރައީސް މުހައްމަދު ނަޝީދު މިއަދު ވިދާޅުވެފައި ވަނިކޮށެވެ.

އެކަމާ ގުޅިގެން ރިޔާޒް ކުރެއްވި ޓްވީޓެއްގައިވަނީ އަންނަ ރިޔާސީ އިންތިޚާބާއި 2019 ގައި އޮންނަ މަޖިލީހުގެ އިންތިޚާބުގައި އިދިކޮޅު ކޯލިޝަން ގުޅިގެން މަސައްކަތް ކުރާނެ ގޮތާ ބެހޭގޮތުން މަޝްވަރާ ކުރަން ޖުމްހޫރީ ޕާޓީން ތައްޔާރު ކަމަށެވެ. މިއީ ނަޝީދު އެ ގޮވާލެއްވުމާ ގުޅިގެން އިދިކޮޅު ކޯލިޝަންގެ ޕާޓީއަކުން ޖަވާބު ދިން ފުރަތަމަ ފަހަރެވެ.

އިނގިރޭސިވިލާތުގެ ހިމާޔަތުގައި މިވަގުތު ހުންނެވި ނަޝީދު ވިދާޅުވެފައިވަނީ އިދިކޮޅު ކޯލިޝަން ގުޅިގެން އިންތިގާލީ ރައީސަކު ހޮވުން ނޫން އިތުރު ގޮތެއް ނެތް ކަމަށާއި މިނިވަން އިންސާފުވެރި އިންތިޚާބެއް ލިބޭނެ ކަމުގެ ޔަގީންކަމެއް ނެތް ކަމަށެވެ.

އިދިކޮޅު ކޯލިޝަން ހުރިހާ ލީޑަރުންހެން މިވަގުތު ތިއްބެވީ ރިޔާސީ އިންތިޚާބުގައި ވާދަ ނުކުރެވޭނެ ފަދަ ހާލަތެއްގަ އެވެ. ނަޝީދާއި އަދާލަތު ޕާޓީގެ ރައީސް ޝައިހް އިމްރާނަށް ދިގު ޖަލު ހުކުމެއް އައިސް، އިންތިޚާބުގައި ވާދަ ކުރުމުގެ ފުރުސަތު ގެއްލިފައިވާއިރު ޖުމްހޫރީ ޕާޓީގެ ލީޑަރު ގާސިމް އިބްރާހިމާއި ކުރީގެ ރައީސް މައުމޫނަށް 65 އަހަރު ފުރިފައިވާތީ ރިޔާސީ އިންތިޚާބުގައި އެ ދެ ބޭފުޅުންނަށް ވާދައެއް ނުކުރެވޭނެ އެވެ.

ރައީސް މުހައްމަދު ނަޝީދު އިދިކޮޅު ފަރާތްތައް މެމްބަރު އަބްދުﷲ ރިޔާޒް (ތިމަރަފުށި) ޖުމްހޫރީ ޕާޓީ

11 ކޮމެންޓް, 42 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޕޮކަންޑިމޭން

22 October 2017

މަޝްވަރާކޮށްގެން އަލިމަގެއް ނުފެންނާނެ. އެންމެންވެސް ބޭނުންވަނީ ވެރިކަން. ވެރިކަމަށް މީހަކު ނެރެންޖެހޭ ހިސާބުން ހުޅު ފަޅައިގެންދާނެ. މިއީ އަމިއްލަ މައިންބަފައިންނާއި ރޭދުވާ ޔަޤީންވާ ފަދައިން ޔަޤީންވާ ކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަހާމު ޝަރީފް

22 October 2017

އިދިކޮޅު ޕާޓީތައް ފޭއިލްވީ، މިހާ ދުވަސްވީއިރުވެސް ޕާޓީގައިތިބި ނުފޫޒްގަދަ ދެތިން މީހެއްގެ ކިބައިން ޕާޓީތައް މިނިވަންކޮށް މިނިވަން އިންތިހާބަކުން ހޮވާ ޕާޓީގެ ރައީސަކަށް ނުވަތަ ޕްރައިމަރީއަކުން ހޮވާ ކެންޑިޑޭޓެއް ޢާންމުންނަށް ދާއްކާ އޭނާ މުޅި ބިމަށް ރުކުރުވާލަން ނުކެރިގެންނެވެ. އެހެންނޫނަމަ، 2018 ގެ އިންތިހާބުގެފުރަތަމަ ބުރުގައި ޖޭޕީގެ ފަރާތުން އުމަރުނަސީރު، އެމްޑީޕީގެ ފަރާތުން، ޕްރޮފެސަރު އުގައިލް ހުންނާނީ މިހާރު ހަމަޖެހި ނިމިފައެވެ. ދެވަނަ ބުރަކަށް ދާއިރު ދެއްތޯ އަނެއް ކެންޑިޑޭޓަކަށް ތާއީދުކޮށްގެން ކުރިއަށްދާނީ....!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެހެހެހޭ

22 October 2017

ބާގީ އޯކޭ ކޯލިޝަން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭނުބެ

22 October 2017

ގުޅިގެން ކުރާކަށް ދެން މާގިނަ ކަންތައްތަކެއް ނުހުންނާނެ!!! ހުރިހާ ކުޅިއެއްވަނީ ކުޅެ ނިމިފަ!! ބެދިތާށިވެފަ!!! އަރާނެ އިތުރު ގެއެއް ނެތް!!! ސަރުކާރުންވަނީ ބޮނދު ބުޑަށް ސައިކިޔާފަ!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު

22 October 2017

މި ވަގުތު އެހެން ގޮތެއް ނެތް.. ގައުމު މިވަނީ ހާއްސަ ހާލަތެއްގާ.. މީ ހުރިހާ ސިޔާސީ މީހުން ގުޅިގެން ގައުމު ސަލާމަތް ކުރަން ވީ ވަގުތު.. އޭގެ ފަހުން ސިޔާސީ ވިސްނުމަށް ދީލާލަން ވާނީ...