އޭދަފުށީގައި ހަތަރު ފަގީރުން، ޒަކާތުގެ ގޮތުގައި މީހަކަށް 12،000ރ.

ބ.އޭދަފުށީ އަތިރިމަތީގައި ހުރި ޖޯލިފައްޗެއްގައި ބަޔަކު އަރާމުކޮށްލަނީ. -- ފޮޓޯ: އީޓީ

05 ޖުލައި 2016 - 23:49

ފިތުރު ޒަކާތުގެ ގޮތުގައި ބ. އޭދަފުށީގެ ކޮންމެ ފަގީރަަކަށް މިފަހަރު 12000ރ. އަށް ވުރެ ގިނައިން ލިބުނު ކަމަށް އެ ރަށު ކައުންސިލުން ބުނެފި އެވެ.

ކައުންސިލުން ބުނީ އެ ރަށުން މި ރޯދަ މަހު 2918 މީހަކު ޒަކާތުގެ ގޮތުގައި 51،101ރ. ދައްކާފައިވާ ކަމަށާއި ޒަކާތް ހައްގުވާ ފަގީރުންގެ ގޮތުގައި ތިބީ އެންމެ ހަތަރު މީހުން ކަމަށެވެ.

ފަގީރުންގެ ގޮތުގައި އޭދަފުށީން 31 މީހަކު ނަން ނޯޓްކުރި ނަމަވެސް އިސްލާމިކް މިނިސްޓްރީން އެ މީހުންގެ ފޯމުތައް ޗެކްކުރުމަށް ފަހު ފަގީރުންގެ ގޮތުގައި ކަނޑައަޅާފައި ވަނީ ހަތަރު މީހެކެވެ. އެހެންވެ ޒަކާތުގެ ފައިސާ އެ ހަތަރު މީހުންގެ މެދުގައި ބަހާލުމުން ބޮލަކަށް 12،776ރ. ވަނީ ލިބިފަ އެވެ.

މި ރޯދަ މަހު އެއް ލައްކަ އަށް ވުރެ ގިނަ މީހުން ޒަކާތް ދައްކާފައި ވާއިރު މާލެ ސަރަހައްދުން ފަގީރުންގެ ގޮތުގައި ރަޖިސްޓްރީކުރި 5000 އަށް ވުރެ ގިނަ މީހުންގެ ތެރެއިން ކޮންމެ މީހަކަށް ދިނުމަށް ކަނޑައަޅާފައި ވަނީ 500ރ. އެވެ. ޒަކާތުގެ ގޮތުގައި މިފަހަރު 2.7 މިލިއަނަށް ވުރެ ގިނަ ރުފިޔާ ލިބުނު ކަމަށް އިސްލާމިކް މިނިސްޓްރީން ވަނީ ބުނެފަ އެވެ.

ބ. އޭދަފުށި ޒަކާތް ފިތުރު އީދު ފަގީރުކަން

8 ކޮމެންޓް, 88 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަލީ.

07 July 2016

ޝިފާޤު ރަނގަޅަށް ޚަބަރު ނުކިޔާ ކޮމެންޓް ނުކުރޭ. ޚަބަރު އެއޮތީ ބާރަހާސްރުފިޔާ ލިބުނު ވާހަކަ. މީގެ އެންމެ ރަނގަޅުބަޔަކީ ޒަކާތް ލިބިގަތުމަށް ނަންނޯޓް ނުކުރި މީހުންނެވެ. ޙަޤީޤަތުގައި އަސްލު ފަގީރުން ވަރަށް މަދުވާނެއެވެ. އެހެންކަމުން ކޮންމެ މީހަކުވެސް ބަލަންވާނީ، އެމީހާއަށްވުރެ ބޮޑަށް އޭގެ ބޭނުންޖެހިފައިވާ ބަޔަކަށް އެ ލިބޭނެ ގޮތެކެވެ. މި ނަމޫނާ ހުރިހައި ރަށަކަުންވެސް ބަލަން ޖެހެއެވެ. އަޅުގަނޑުމެންނަށް މިފެންނަނީ ވަޒީފާތަކުގައި އުޅޭ ހަމަރަނގަޅު މުސާރަ ލިބޭމީހުންވެސް ފަގީރުންގެ ލިސްޓްގައި ޖެހިގެން އެފައިސާ ލިބިގަންނަތަން މިހެން ނަހަދާ. ޤަބޫލުކުރަން ލިބޭ މުސާރައިން ދެކޮޅުނޖެހޭމީހުން ތިބޭނެ. އެހެންނަމަވެސް އެއީ އސްލު ފަގީރުންނެއްނޫން ދޮއްތޯ. އެވަރުން ފުއްދޭތޯ ބަލަން ދަސްކުރަންވީ، ބޭކާރު ޚަރަދު ނުކުރަންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބހސދަ

07 July 2016

އެބުނީ މަހަކަށް 1000 އޭ، ފިތުރު ޒަކާތް ލިބެނީ އަހަރަކު އެއްފަހަރު،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަމްކުޅިބޭ

06 July 2016

އެދަފުށީ މީހުން އެސްއެމް އިން ދެއްކިފައިސާ ރަށަށްލިބުނުނަމަ އަދި ތިއަދަދު މާ މަތިވީސް. އެސްއެމްއެސް އިން ދައކާ ފައިސާ މިލިބެނީ މާލެއަށް . މީ ވަރަށްބޮޑު ގޯހެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުހާ

06 July 2016

މިރާއްޖޭގައި ތެދުވެރިކަމާއެކު މުދަލުޒަކާތް ދައްކަނީ ނައިފަރާއި އޭދަފުށިން. އެންމެ ގިނަ އަދަދަކަށް ފައިށަ ދައްކާފާ ހުންނަކަމަށް ހިށަބުތަކުން ދައްކަނީ މި ދެރަށުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝިފާގު

06 July 2016

ފަގީރަކަށް މަހަކު 1000 ރ. ލިބުނީމަ އެއީ ބޮޑު ޚަބަރަކަށް ވީމަ ހައިރާން ވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބުރާހިމްފުޅު

06 July 2016

މައުމޫން ބުނާހެން މި އިންވެސް އެނގިގެން މިދަނީ އޭދަފުއްޓަކީ ނަނޫނާ ރަށެއް ކަން. ސުކުރިއްޔާ ރައީސް މައުމޫން، އޭދަފުށި ތައުލީމަށް ގެނެސްދެއްވި ކުރި އެރުމައްޓަކައި. ފަގީރު ކަން ނެތި ދިއުމަށް ތައުލީމު ލިބިގެންވާ މުޖުތަމައުއެއްގެ މުހިމުކަން މުޅި ރާއްޖެއިން މިއަދު ގަބޫލު ކުރަންޖެހޭނެ. އޭދަފުށިން މިއަދު މިވަނީ އެކަން ސާބިތު ކޮށްދިފައި ކަން ޔަގީން.