އާސަންދަ ކުންފުނީގެ މެނޭޖިން ޑިރެކްޓަރަކަށް، ހުޅުމާލޭ ހޮސްޕިޓަލް ހިންގުމާ މިހާތަނަށް ހަވާލުވެ ހުންނެވި އަހުމަދު އަޒީމް މިއަދު އައްޔަން ކުރައްވައިފި އެވެ.
އާސަންދައިގެ އެމްޑީއަކަށް އެންމެ ފަހުން ހުންނެވި ހަސަން އަލީ، މިދިޔަ އަންގާރަ ދުވަހު މަގާމުން ވަކިކުރުމާ ގުޅިގެން، އެ މަގާމަށް އައްޔަން ކުރެއްވި އަޒީމް ވަނީ ގިނަ ދުވަސްތަކެއް ވަންދެން އާސަންދަ ކުންފުނީގައި ވެސް މަސައްކަތް ކުއްވައިފަ އެވެ.
ހެލްތު މިނިސްޓަރު ނާޒިމް ހުޅުމާލޭ ހޮސްޕިޓަލް މިދިޔަ އޮކްޓޫބަރު މަހު ބައްލަވާއިރު، އާސަންދައިގެ އާ އެމްޑީ އަޒީމް ފަހަތުން މެދުގައި.---ފޮޓޯ: ހުސެއިން ވަހީދު/މިހާރު
އޭނާ މިހާތަނަށް ހުންނެވީ އާސަންދައިގެ އެސިސްޓެންޓް ޖެނެރަލް މެނޭޖަރުގެ މަގާމުގަ އެވެ.
އާސަންދައިގެ އެމްޑީގެ މަގާމުގައި އެންމެ ފަހުން ހުންނެވި ހަސަން ވަނީ އެޑިއުކޭޝަން މިނިސްޓްރީގެ ސީނިއާ ޕޮލިސީ އެގްޒެކެޓިވްގެ މަގާމަށް މިދިޔަ ބުދަ ދުވަހު އައްޔަން ކުރައްވައިފަ އެވެ.