ވާދޫގައި ރެދަން ލާފައިވަނިކޮށް މީހަކު ނަގާފައިވާ ފޮޓޯއެއް
20 ޑިސެމްބަރ 2017 - 15:05
14 comments
ރާއްޖޭގެ ރަށެއްގެ ގޮނޑުދޮށް، ވިދާ ބަބުޅާ ނޫކުލައިގެ ރީތި ތަރިތަކެއްހެން ޖަރީވެފައި އޮއްވާ ނެގި ފޮޓޯއެއް ހަނދާންވޭ ހެއްޔެވެ؟ ދުނިޔޭގެ ސަމާލުކަން ވެސް ހުއްޓުނު އެ ފޮޓޯއަކީ މާލެ އަތޮޅު ވާދޫ ރިސޯޓުގެ ގޮނޑުދޮށެވެ. އެކަމަކު މިހާރު ރ. ވާދޫ ގޮނޑުދޮށުން ވެސް ރޭގަނޑުގެ ވަގުތުގައި ފެންނަނީ އެ ހިތްގައިމު މަންޒަރެވެ.
ރޭގަނޑުގެ ވަގުތުގައި ވާދޫގެ ގޮނޑުދޮށް އޮންނަނީ ނޫކުލައިގެ އަލިން ދިއްލާލައިފަ އެވެ. އިރުއޮއްސި އަނދިރިވުމާއެކު، އެ ރަށު ގޮނޑުދޮށަށް ބީއްސާލާ ކޮންމެ ރާޅަކާއެކު އެ އަލި ގަދަވެ އެވެ. އަދި އިރު އަރަންދެން ރަށުގެ ވަށައިގެންވާ ގޮނޑުދޮށުން ފެންނަނީ މި އަލިކަމެވެ.
ރ. ވާދޫގައި ރެދަންލާފައި--
"ރެދަން ލުމަކީ ތާރީހީ ގޮތުން ވެސް މި ރަށުގައި ފާހަގަކޮށްލެވޭ ކަމެއް. އެކަމަކު މިހާރު ރެދަން ލައިގެން މި އުޅެނީ އެހެން ފަހަރުތަކަށް ވުރެ ބޮޑަށް، މާ ރީއްޗަށް،" ވާދޫ ކައުންސިލްގެ ރައީސް ހުސައިން އަލީ ވިދާޅުވި އެވެ.
"ރޭގަނޑު ވުމާއެކު ގޮނޑުދޮށް ވިދާ ބަބުޅަން ފަށާ،"
ވާދޫ ވަށައިގެންވާ ގޮނޑުދޮށުގައި ރެދަން ލީ ނަމަވެސް، މަންޒަރު އެންމެ ރީތިކޮށް ފެންނަނީ އެ ރަށުގެ އިރުމަތީ ފަރާތުންނެވެ. އިރުއޮއްސުމާއެކު ރާޅުފަށުގައި ހުންނަ ނޫކުލައިގެ އަލިކަން ވިދަވިދާ ހުރެ އެވެ. އެކަމަކު އެ އަލި އެންމެ ގަދަވަނީ ރާޅު ބީއްސާލާފައި ދަމާލާ ވަގުތުގަ އެވެ. އެ ވަގުތު މުޅި ގޮނޑުދޮށް ފެންނަނީ ނޫކުލަ އިން ދިއްލިފައިވާ ސާލެއް ވައިރޯޅިއަކާ އެކު ހަރަކާތްކުރާ ފަދަ އިންނެވެ.
ރ. ވާދޫގައި ރެދަންލާފައި.
މިގޮތަށް ވާދޫގައި އެންމެ ފަހުން ރެދަންލީ 2013 ވަނަ އަހަރު އެވެ. އޭރު ގިނަ މީހުންގެ މާ ބޮޑު ސަމާލުކަމެއް ނުލިބެ އެވެ. އެކަމަކު ކައުންސިލުން ބުނި ގޮތުގައި މިފަހަރު ރެދަން ލާން ފެށުމުން އެ މަންޒަރު ބަލާލަން ގޮނޑުދޮށަށް އެއްވާ މީހުން އެ ސަރަހައްދުން ހުސްނުވެ އެވެ.
"ފޮޓޯ ނަގާށާ މަންޒަރު ބަލާލަން އަދި މަޖާކޮށްލަން ގޮނޑުދޮށަށް ވަރަށް ގިނަ މީހުން ޖަމާވޭ. ކައިރި ރަށްތަކުގެ މީހުން ވެސް ދަތުރު ހަދާފައި މި މަންޒަރު ބަލަން އެބަ އާދޭ،" ހުސައިން ވިދާޅުވި އެވެ.
ރ. ވާދޫގައި ރެދަންލާފައި ވަނިކޮށް މީހަކު ފޮޓޯއަކަށް ހުއްޓިގެން
އޭނާ ބުނީ ކުރިން މިއީ މީހުން ޖެހިލުންވާ އަދި ބިރުވެރި މަންޒަރެއް ނަމަވެސް، މިހާރުގެ ޒުވާނުންނާ ކުޑަކުދިންނަށް މިކަން ވަރަށް ޝައުގުވެރި ކަމަށެވެ.
"ހަގީގަތުގައި ވެސް ވަރަށް ޝައުގުވެރި މަންޒަރެއް މިއީ. އަޅުގަނޑުމެން ކުޑައިރު ރެދަންތަކުގެ މައްޗަށް މޫދަށް އެރި، މުޅި ގައި ދިއްލާލައިގެން އުޅެން. މިހާރު ވެސް ރާޅު ފަށުގައި ހިނގައިލާއިރު ފިޔަވަޅު ވެސް ދިއްލޭނެ،" ހުސައިން ވިދާޅުވި އެވެ.
ރެދަން ލަނީ ލޮލަށް ނުފެންނަ ވަރުގެ ކުދި ސޫފިތަކެއް ކަމަށްވާ ބަޔޮލުމިނެސެންސް ފައިޓޮޕްލެންކްޓަންސްގެ ސަބަބުންނެވެ. މިއީ ވަކި މޫސުމަކަށް މޫދުގައި ގިނަވާ ސުއިއްޕެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮސްބެ
21 December 2017
މިސްވެރިކަމާ ގުޅިފައި ހުންނަކަމެއް ތިޔައީ . އެންއަރަންވީމާ، ބައެއް ފަހަރަށް އާދަޔާ ޚިލާފަށް އެެތެރެ ވަރީތެރެއިން ފެންނާނެ ކުދިކުދި ބޯޅަ ތަކެއްފަދައިއިން އެތެރޭގައި ކަޅުކުލައިގެ ތިއްކެތް ލާފައި ހުންނަ ކުނޑިތަކެއް . އެއަށް ބައެއް މަސްވެރިން ކިޔަނީ "ތެލާހި" ވައްތަރީ މިކުނޑިތައް ނުވަތަ ތެލާހި ބައިގަނޑު ގޮނޑުދޮޮށަށް ލެއްކީމާ އެއިން އުފެދޭ ރެދަން ގަނޑެއްކަމަށް ތިޔަ ފެންނަނީ > މީގެ ދެއަހަރެއް ހާދުވަސް ކުރިން ބައެއް ރަށްރަށަށް ލެއްގި ރަތް ކުލައިގެ ކުނޑިތަކެއް . ފޯނު ކެމެރާއިން ފޮޓޯ ނަގަފައި ބޮޑުކޮށްލާފަ ބެލިއިރު ހުރީ ހުސް ކަކުނި މިވެސް ރޭގަނޑު މިގޮތަށް ރެދަންލީ އެއްޗެއް އެކަމަކު ތިޔަހާ ވަރަަކަށް ރެދަނެއް ލާފައެއް ނުހުރޭ.
ދުއްރަ ފުޅު
21 December 2017
ﷲގެ ކުޅަުންވަންތަކަމުގެ ހެކިތަކޭ ބުނުމުން ޑިސްލައިކު ކުރި ފަރާތްތަކަށް ދަންނަވަން އޮތީ، ޤާނޫނު އަސާސީގަ ވެޔޭ ދިވެހި ރައްޔަތަކު ކަމުގައި ވެވޭނީ މުސްލިމަކަށް ކަމުގައި. ތިޔަފާޑަށް އުޅުއްވޭނީ ކޮންމެވެސް އެހެންޤައުމެއްގަ.
އެޑަމް
21 December 2017
ގާނޫނު އަސާސީގައި އޮވޭ މީހުން މެރުމާއިާ ބަގާވަތްކުރުމާއިާ ޒިނޭކުރުމާއި ވައްކަންކުރުމާއި އެއްޖިންސުން ޖިންސީ ގުޅުން ހިންގުމަށްވެސް ބޮޑެތި އަދަބުތައް. ޢެކަމަކު އެކަންތައްތައްވެސް އެއްވެސް ބިރެއްނެތި ކުރަނީއެއްނު .ގާނޫނުގައި އޮތަސް މަޖުބޫރުކަމާއިއެކީ ހިތުގެއަޑިން ވަކިކަމެއް ގަބޫލުކުރުވުމަކަށް މަޖުބޫރުނުކުރެވޭނެ . ބޭރުފުށުން ލިބިދާނެ އަދަބަކަށްޓަކައި ގަބޫލުކޮށްފާނެ.
ޜަާމޯ
21 December 2017
Raajeyga alah redhan laafi
ޑިމޮކްރަސީ
21 December 2017
ތިވާނީ ފުރޭތަ އަރަނީކަމަށް
މީމިގިޅީ
21 December 2017
ޢަހަރެމެންގެ
ރަދީފް ލޮގްޑް އައުޓް
20 December 2017
މިހުރިހާ ކަމަކީވެސް މާތްﷲގެ ކުޅަދުންވަންތަކަމުގެ ހެކިތައް.ވިސްނާ ފިކުރުކުރާ ބަޔަކަށް މިކަމުން ހެކިތަކެއް ލިބޭނެކަން ކަށަވަރު.
މުއީން99
20 December 2017
ކީއްވެބާ ޑިސްލައިކު އެއް މިޔަށް މި ޖެހީ
ރަދީފް
21 December 2017
މުއީން99 ، އެއީ އެމީހުންގެ ވިސްނުންހުރިގޮތް ދޯ.މާތްﷲ އެމީހުންނަށް ތެދުމަގު ދައްކަވާށި.އާމީން
އެޑަމް
20 December 2017
ތީއާއްމު ކަމެއް. އާކަމެއްނޫން. އަޅުގަނޑުމެން ކުޑައިރު އާއްމުކޮށްފެނޭ ތިމަންޒަރު
ހޮޓްކިންގ
20 December 2017
ރަނގަޅުވާހަކައެއް. އެއީ ކުށެއް. ރަނގަޅުގޮތަކީ ޑިސެމްބަރު 18 އަދި 19 ވަނަ ދުވަހުގެ ރޭ. ރެދަން ލައި ދިއްލިފައިއޮތީ. ފަހަރެއްގައި މިރޭވެސް ދިއްލިދާނެ.
މޫދު
20 December 2017
މާޝާﷲ.
ހޮޓްކިންގ
20 December 2017
މިއީ ރާއްޖޭގެ ބައެއް ރަށްރަށުގެ ގޮނޑުދޮރުން ރޭގަނޑު ވަރަށް ގިނައިން ވަކި މޫސުމެއްގައި ކުރިން ފެނުނު މަންޒަރެއް. ނަމަވެސް ފަހަކަށް އައިސް އެކަން ވަނީ ގެއްލިފައި. މިހާރު އެމަންޒަރު އެންމެ ގިނައިން ފެންނަނީ ރ. ވާދޫ ގޮނޑުދޮށުން. މިކަން މީގެ ކުރިން މާލެ އަތޮޅު ވާދޫ ރިސޯޓް ގޮނޑުދޮށުން ވެސް ފެނުނު. އަކަމަކު ރ. ވާދޫ ގޮނޑުދޮށުން ފެންނަހާ ގިނަދުވަހަކު އެހެން ރަށަކުން ފެނުނުކަމެއް ނޭނގޭ. ވަރަށް ރީތި ދިއްލިފައި އޮންއިރު. އެރަށަށް ޓޫރިސްޓުންވެސް އާދޭ އެތަން ބަލަން. އެކަމަކު އެއީ ވަކި މޫސުމަކަށް ޙާއްސަ ކަމެއް. މިހާރު އެގޮތަށް ދިއްލޭތާ މިވީ ޖެހިޖެހިގެން 2 ރޭ. މިއަހަރު ފުރަތަމަ ރެދަންލައި ދިއްލާލީ މި ޑިސެމްބަރު މަހުގެ 19 ވަނަ ދުވަހުގެ ރޭ އަދި 20 ވަނަދުވަހުގެ ރޭވެސް ދިއްލިފައި އޮތީ. އަދިވެސް އޮތީ ކުރިޔަށް ހެންހީވަނީ.
ހޮޓްކިންގ2
20 December 2017
ހޮޓްކިންގ ކިހިނެއް މިރޭދިއްލިފަ އޮތް ކަން އެގުނީ އަދި މީ 20 ވަނަ ދުވަސް 20 ވަނަރެޔަކައް ވާނީ މިރޭ ދޮގުހަދަނީ ދޯ