އިންޑިއާގެ ބޮޑުވަޒީރު ނަރެންދުރަ މޯދީ (ކ) އާ ދިވެހި ފޮރިން މިނިސްޓަރު އާސިމް ސަލާމް ކުރައްވަނީ
02 ފެބުރުއަރީ 2018 - 15:34
17 comments
ޖަލު ހުކުމް އިއްވާފައިވާ ސިޔާސީ ލީޑަރުންނާއި ސިޔާސީ އެހެން މީހުން ދޫކޮށްލުމަށް ރޭ ސުޕްރީމު ކޯޓުން ނެރެފައިވާ އަމުރަށް ސަރުކާރުން އަމަލު ކުރުމަށް އިންޑިއާގެ ސަރުކާރުން ގޮވާލައިފި އެވެ.
އިންޑިއާގެ އެކްސްޓާނަލް އެފެއާޒުން މިއަދު ނެރުނު ނޫސް ބަޔާނެއްގައި ބުނީ ސިޔާސީ މީހުން ދޫކޮށްލުމަށް ސުޕްރީމު ކޯޓުން ރޭ ނެރުނު އަމުރު އެތަނަށް ފެނިފައިވާ ކަމަށާއި ޑިމޮކްރަސީގެ ރޫހާ އެއްގޮތަށް، އަދި ގާނޫނު ނެގެހެއްޓުމަށް ސަރުކާރުގެ ހުރިހާ މުއައްސަސާތަކަކުން ވެސް އެއަށް އަމަލު ކުރުން މުހިއްމު ކަމަށެވެ.
އަދި ރާއްޖޭގެ ހާލަތު ގާތުން ބަލަމުން ދާނެ ކަމަށާއި ގާތް އަވައްޓެރި ގައުމެއްގެ ހައިސިއްޔަތުން ރާއްޖޭގައި އަމާން ވެއްޓެއް ގާއިމުވެފައި އޮންނަތަން ދެކެން ބޭނުންވާ ކަމަށް އެ ބަޔާނުގައި ބުނެފައި ވެ އެވެ.
އިންޑިއާގެ ސަރުކާރުން ނެރުނު އެ ބަޔާނުގައި ބުނީ ކޮންމެ ހާލަތެއްގައި ވެސް ރާއްޖޭގައި ތިބި އިންޑިއާގެ މީހުންގެ ސަލާމަތާއި ރައްކާތެރިކަން ސަރުކާރުން ކަށަވަރުކޮށްދޭނެ ކަމަށް އުއްމީދު ކުރާ ކަމަށެވެ.
ސުޕްރީމު ކޯޓުން ރޭ ވަނީ ކުރީގެ ރައީސް މުހައްމަދު ނަޝީދާއި ޖުމްހޫރީ ޕާޓީގެ ލީޑަރު ގާސިމް އިބްރާހީމާއި އަދާލަތު ޕާޓީގެ ރައީސް އިމްރާން އަބްދުﷲ އާއި ކުރީގެ ނައިބު ރައީސް އަހުމަދު އަދީބާއި ކުރީގެ ޑިފެންސް މިނިސްޓަރު މުހައްމަދު ނާޒިމާއި ދިއްގަރު ދާއިރާގެ މެމްބަރު އަހުމަދު ފާރިސް މައުމޫނާއި ކުރީގެ ޕްރޮސިކިއުޓާ ޖެނެރަލް މުހުތާޒް މުހުސިނާއި އދ. މާމިގިލީ ކޯޓުގެ އިސް މެޖިސްޓްރޭޓް އަހުމަދު ނިހާނާއި ވިޔަފާރިވެރިޔާ ހާމިދު އިސްމާއިލް (ހާމިދު ސޭޓް) މިނިވަން ކުރުމަށް އަމުރުކޮށްފަ އެވެ.
އެކަމަކު އަމުރު ނެރުނުތާ 16 ގަޑިއިރު ވީއިރު ވެސް މިހާތަނަށް އެ އަމުރު ތަންފީޒުު ނުކުރާތީ ސަރުކާރަށް އަންނަނީ ފާޑުކިޔުންތައް އަމާޒު ވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުއްލާ
03 February 2018
މިއީ އިންޑިޔާއާ ބެހޭ ކަމެއްނޫން . ރޭޕް ހުއްޓުވޭތޯ އުޅެބަލަ
ދިވެހި
02 February 2018
ބަލަ އިންޑިޔާ އަށް ކޮން ކަމެއް! އަހަރުމެންގެ ޤައުމު
ކޮސް
02 February 2018
ހޫން. ކަމެއް ވާއިރައް އެހީ އޭ ކިޔާފަ އެންމެ އަވަހައް ދުވާނީ އންޑިޔާ ފަހަތުން. ދެން އިހައްދުވަހު ފެނުނު ޗައިނާ އެއް ނާންނާނެއަމިއްލަ އެދުމެއްނެތި.އެއޮއް ލަންކާ މިހާރު ދަވާލީ.. ދެން އޮތީ ރައްޖެ.
Ainthu
02 February 2018
އިންޑިއާއިން ރާއްޖޭގެ ދާޚިލީ ކަންކަންމުގެ ތެރެއަށް ނުވަނުމަށް ގޮވާލަން . ޢަދި އަކިލިޝް މިޝްރާ މި ގައުމުން ފޮނުވާލަން ގޮވާލަން.
ޏ އައިކު
02 February 2018
ކޯޓު އަމުރު ތަންފީޒު ކުރަން ޖެހޭ. އެކަމަކު އިންޑިއާ ބުނެގެނެއް ނޫން. އިންޑިއާގެ ކަންތަކާ ބޭހޭނީ އިންޑިއާ. ދިވެހިންގެ ނިއްމުން ދިވެހިން ނިއްމާނެ.
އަލިހޮއްކޮ
02 February 2018
މި ސަރުކާރަކީ އެއްގޮތަކަށްވެސް ކަމުދާ ސަރުކާރެއް ނޫން. އެކަމަކު ރޭގަ މި ނެރުނު ހުކުމަކީ ބަޔަކު ފީޑްކޮށްފަ (އިންޑިއާ އަދި އިނގިރޭސީން) އޮތް އެއްޗެއްހެން ވަރަށް ބޮޑަށް މިހާރު ހީވާން ފަށައިފި.
ޝާދިޔާ
02 February 2018
ކޮބައިތޯ މަމެން ހަޔަރކޮށްގެން ކައުންސިލްބެއްޔާ މެން ... ފިލީ ދެތްތޯ.)؟
މަލިކައްޑޫ
02 February 2018
މަލިކު މި ރާއްޖެއައި ޙަވާލު ކޮއްފަ، ކަޝްމީރާއިބެހޭ ގޮތުން އދ. އިންފާސް ކޮށްފައިވާ ގަރާރަށް އަމަލު ކުރަން އިންޑިއާ އިން ފަށާނީ ކޮން އިރަކުންތޯ؟
ާދިމާކުރާތީ
02 February 2018
ދިވެހިންގެ ކަންކަން ނިންމަންވާނީ ދިވެހިން. މިކަމާއި އެމެރިކާ އަދި އިންޑިޔާ ބެހުމާއި އަހަރެންދެކޮޅު. އަދި ބޭރުގެ އެހީހޯދައިގެން ނުވާނެ.
ފަޅުވެރިން
02 February 2018
ރާއްޖެއޭ ކިޔައިގެން ފާޑުފާޑުގެ ބަޔާން ނުނެރެއްޗޭ ގެރިގުއި ސަރުކާރު! ތިޔަތަނުގައި ރޭޕްކުރާ ތުއްތުކުދިންގެ މައްސަލަ ހަމަޖައްސަން ކަލޭމެން ތެޅުނިއްޔާ މާރަނގަޅުވާނެ!! ރާއްޖޭގެ ކަންކަން ކުރަންވާ ގޮތް އެނގޭނީ ދިވެހި ރައްޔިތުންނަށް، ހިންދޫ ހާމުދުރު ބައިގަނޑަކަށް ނޫން އިނގޭ!!