ރައްޔިތުންގެ މަޖިލީހުގެ ކެންދޫ ދާއިރާގެ މެމްބަރު އަލީ ހުސެއިން ސުޕްރީމް ކޯޓަށް ހާޒިރުވާން މިއަދު އަމުރުކޮށްފި އެވެ.
އަންނަ އާދީއްތަ ދުވަހުގެ މެންދުރު 1:30 އަށް ރާއްޖޭގެ އެންމެ މަތީ ކޯޓަށް ޖުމްހޫރީ ޕާޓީގެ މެމްބަރު އަލީ ހުސެއިން ހާޒިރުވާން އެންގީ، އަމުރުގައިވާ ގޮތުން އެ ކޯޓުގެ ބޭނުމަކަށެވެ. އިތުރު ތަފުސީލެއް ނެތެވެ.
މިހާރު އިދިކޮޅު ހަރަކާތުގައި އިސްކޮށް އުޅުއްވާ ބޭފުޅުންގެ ތެރޭގައި ހިމެނިވަޑައިގަންނަވާ ގާނޫނީ ވަކީލް އަލީ ހުސެއިން ސުޕްރީމް ކޯޓަށް ހާޒިރުކުރާއިރު، އޭނާގެ ވަކީލު ކަމުގެ ހުއްދަ ވެސް ދޮޅު އަހަރެއްހާ ދުވަސް ވަންދެން އޮތީ ހިފަހައްޓައިފަ އެވެ. އޭނާ އަށް ވަކީލް ކަމުގެ ހުއްދަ އަލުން ދިނީ މިދިޔަ މަހު އެވެ.
