ޕީޕީއެމް މެމްބަރުންނާއި އައިޕީޔޫގެ އެޗްއާރު ކޮމިޓީ މެމްބަރުން ފޮޓޯއަކަށް ހުއްޓިގެން.
19 މާޗް 2018 - 14:15
101 comments
ރާއްޖެ އައިސް އުޅޭ އިންޓަ ޕާލަމެންޓްރީ ޔޫނިއަން (އައިޕީޔޫ)ގެ ވަފުދާ ބައްދަލުކުރައްވައި، އެމްޑީޕީ ޕާލަމެންޓްރީ ގްރޫޕްގެ ލީޑަރު އިބްރާހިމް މުހައްމަދު ސޯލިހް (އިބޫ) ޖަލުން "ދޫކޮށްލި" ކަމަށް ޕީޕީއެމް މެމްބަރު އަހުމަދު ނިހާން ވިދާޅުވުމުން އެމްޑީޕީން ކަންބޮޑުވުން ފާޅުކުރައްވައިފި އެވެ.
އިދިކޮޅު ހަރަކާތްތަކުގައި އެންމެ އިސް ދައުރެއް އަދާކުރައްވާ އިބޫ ހައްޔަރުކުރީ މިދިޔަ ހުކުރު ދުވަހު ބޭއްވި މުޒާހަރާގެ ބައިވެރިންނާ އެކު ޖުމްހޫރީ މައިދާނަށް ވަންނަވަން މަސައްކަތް ކުރެއްވުމުންނެވެ. އޭނާ ހައްޔަރު ކުރީ ކުއްލި ނުރައްކަލުގެ ހާލަތުގެ ދަށުންނެވެ.
އިބޫ އަދިވެސް ހުންނެވީ ހައްޔަރުކޮށްފަ އެވެ.
ނަމަވެސް އައިޕީޔޫގެ ވަފުދުން ޕީޕީއެމްގެ މެމްބަރުންނާ އެކު ބޭއްވި ބައްދަލުވުމުގައި އެ ޕާޓީގެ ޕީޖީ ގްރޫޕްގެ ލީޑަރު ނިހާން ވިދާޅުވި ކަމަށް ވަނީ، އެމްޑީޕީ މެމްބަރުން ވިދާޅުވި ގޮތުގައި، އިބޫ ދޫކޮށްލާފައިވާ ކަމަށެވެ.
އެމްޑީޕީގެ މެމްބަރުންނާ އެކު ވަކިން ބޭއްވި ބައްދަލުވުމުގައި ބައިވެރިވެވަޑައިގެންނެވި މާފަންނު އުތުރު ދާއިރާގެ އިމްތިޔާޒު ފަހުމީ (އިންތި) "މިހާރު" އަށް ވިދާޅުވި ގޮތުގައި އިބޫ ދޫކޮށްލާފައިވާ ކަމަށް ވިދާޅުވެ އައިޕީޔޫގެ މެމްބަރުންނަށް ދެއްވީ ދޮގު މައުލޫމެއްކަން އެނގިވަޑައިގަތުމުން އެ ބޭފުޅުން ހައިރާންވެވަޑައިގެންނެވި އެވެ.
"އަޅުގަނޑުމެންގެ ކުރިން ޕީޕީއެމް މެމްބަރުންނާ އެބޭފުޅުން ބައްދަލުކުރެއްވި. ޕީޕީއެމުން ބުނީ އިބޫ ދޫކޮށްލާފައި ހުރި ކަމަށް. އެކަމަކު، އަޅުގަނޑުމެން އައިޕީޔޫ މެމްބަރުންނަށް ވަނީ ރަނގަޅު މައުލޫމާތު ދީ، އިބޫ ހައްޔަރުކޮށްފައި ހުރި ކަމަށް ބުނެފައި،" އިންތި ވިދާޅުވި އެވެ.
މި މައްސަލާގައި ނިހާން ވަނީ އޭނާ ދެއްކެވި ވާހަކަތައް ދިފާއުކުރައްވައިފަ އެވެ. އެގޮތުން އޭނާ "މިހާރު" އަށް ވިދާޅުވީ އިބޫ ދޫކޮށްލިއެކޭ ވިދާޅުވެފައި ނުވާނެ ކަމަށާއި ދެންނެވީ "ދޫކޮށްލާނެ" ކަމަށެވެ.
އޭނާ ވިދާޅުވި ގޮތުގައި އިބޫއަކީ "ވައިލެންޓް" ބޭފުޅެއް ނޫނެވެ. އެހެންކަމުން އިބޫ ވެސް ދޫކޮށްލާނެ ކަމަށް އެ މެމްބަރުންނަށް ދެންނެވި ކަމަށް އޭނާ ވިދާޅުވި އެވެ.
"އިބޫ ވެންނެވީ އެއްވުން މަނާ ޒޯނަކަށް. އިބޫ އަކީ ވައިލެންޓް ބޭފުޅެއް ވެސް ނޫން. އިބޫ ހަމަ ގެންގޮސްފައި ދޫކޮށްލާނެ ވާހަކަ ބުނީ. ދޫކޮށްލިއެކޭ ބުނެފައި ނުވާނެ،" ނިހާން ވިދާޅުވި އެވެ.
އިންތި ވިދާޅުވީ އައިޕީޔޫގެ ވަފުދާ އެކު އޮތް ބައްދަލުވުމުގައި އިދިކޮޅު ފަރާތްތަކުން ވަނީ ސިފައިން ނިކުމެ، މަޖިލިސް ހިސޯރުކޮށްފައި އޮތް ކަމުގެ މައުލޫމާތާއި މެމްބަރުންނަށް ހުރި ގޮންޖެހުންތައް އޮޅުން ފިލުވައިދީފައި ކަމަށެވެ. އޭގެ އިތުރުން ގާނޫނާއި ގަވައިދާ ހިލާފަށް ހައްޔަރުކޮށްފައިވާ މެމްބަރުންގެ މައުލޫމާތު ވެސް ދެއްވާފައިވާނެ ކަމަށް އޭނާ ވިދާޅުވި އެވެ.
އިންތި ވިދާޅުވި ގޮތުގައި ގޮނޑި ގެއްލުނު ކަމަށް ބުނެ މަޖިލީހަށް 12 މެމްބަރަކު ނުވައްދާ މައްސަލާގައި އައިޕީޔޫގެ މެމްބަރުން ވެސް ތިއްބެވީ ކަންބޮޑުވެވަޑައިގެންފަ އެވެ.
އައިޕީޔޫގެ އެޗްއާރު ކޮމިޓީގެ މެމްބަރުން މިއަދު ޕީޕީއެމް މެމްބަރުންނާ ބައްދަލު ކުރައްވަނީ.
އެކަމަކު ނިހާން ވިދާޅުވީ މިދިޔަ އަހަރުގެ ޖުލައި 24 ގައި އިދިކޮޅު މެމްބަރުން މަޖިލީހަށް ވަންނަވަން މަސައްކަތް ކުރެއްވުމުން ހިނގި ހަމަނުޖެހުންތަކާ ގުޅިގެން އިދިކޮޅު ފަރާތްތަކުން ހަގީގަތާ ހިލާފު މައުލޫމާތު އައިޕީޔޫގެ މެމްބަރުންނަށް ދެއްވި ކަމަށެވެ.
އައިޕީޔޫގެ އެޗްއާރު ކޮމިޓީގެ މެމްބަރުންނާ އެކު، އެމްޑީޕީގެ ތިން މެމްބަރަކު
އެގޮތުން އޭނާ ވިދާޅުވި ގޮތުގައި އެ ދުވަހު މެމްބަރުން މަޖިލީހަށް ވެންނެވުމުން، ސަލާމަތީ ބާރުތަކުން މެމްބަރުން "ނަގައި އުކައި"، "ބިން މައްޗަށް ވައްޓާލައި"، "މެމްބަރުން ޗިސްކޮށްލި" ކަމަށް، އިދިކޮޅު މެމްބަރުން ވިދާޅުވެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަސީ
20 March 2018
ނިހާނުމެންގެ ގަޓު ހުންނަނީ މާބޮޑަށް
ނިހާނާ
20 March 2018
ތިއެއްނޫނޭ..... ބަލަ ފުލުހުން ހައްޔަރު ކުރާ މީހުންގެ ތެރެއިން ދޫކުރާ މީހުންނާއި ދޫނުކުރާ މީހުން ނިހާނަށް އެނގެންވީ ކީއްވެހޭ؟ ޕޮލިސް އެއީ ދަރުބާރުގުރޫޕުގެ ސްލޫކީ ކޮމެޓީއޭ މިކިޔަނީ މިއީ ހަމަ ރަނގަޅު އެއްޗަކީ ބާ؟
ބެނޭ
20 March 2018
ފުރަތަމަ ކަމަކަށް އިންތި އަކީ ދުވަހެއްގެ ކޮޅުންވެސް ދިވެހި ރައްޔިތުންނަށް ތެދެއްހެދި މީހެއްނޫން. މިހާރު ނިއުސްއަށްވެސް އެގޭނެ ކަމަށް މި ހީކުރަނީ މިވަގުތު އިދިކޮޅު ފަރާތްތަކުން ބޭނުންވާނީ ހަމަ އެންމެ ކަމެއް، އެއީ ސަރުކާރަށް ނުވަތަ ރައީސް ޔާމީން އަށް ތާއީދުކުރާ މެންބަރުންގެ މިސާލަކަށް އަޙްމަދު ނިހާން ފަދަ ބޭފުޅުންގެ އަގު ރައްޔިތުން ކުރިމަތީ ވައްޓާލަން. އެންމެނަށްވެސް އެގޭނެފަދައިން ނިހާން އަކީ ދިވެހިންނަށް ގައްދާރުވާނެ ބޭފުޅެއްނޫން، މިކަން ހުރިހާ ދިވެހިންވެސް ގަބޫލުކުރާނެ. ސުކުރިއްޔާ.
އަބޭ އައްބާސް
20 March 2018
ވަރަށް އުފާވެއްޖެ ، އިދިކޯޅޭމެން ކަންބޮޑުވީމަ. މިފަހަރު ގުއި ރަޯނުގަ ޖެހިއްޖެ. ހައްހައްހާ
މަންސޫރު
20 March 2018
ކަލޭމެންނަށް ރޯނެއް ދެމިގެންތާ ރޯނެއްގައި މީހަކު ޖެހޭނީ! ދަމަން ގެންނަ ރޯނު ވެސް ނުދެމެނީސް ބައި އަޅައިގެން ތީގެން ބަޔަކު ކައްވާލާނީ.
ލިޕޭ
20 March 2018
މުޒާހަރާ އައް ގެނައިމީހުން 10 މީހުން 15 މީހުން އެއް ކޮޓަރިއެއް ގައިނިދަން ޖެހި، ބަޑައްތިބެން ޖެހުމުން ކަންބޮޑެއް ނުވޭ ދޯ؟
ަExpired MUO
20 March 2018
އެހެންތަ! ކަންބޮޑުވިތަ! ތި ނިމުނީ. އަބަދުވެސް ކަލޭމެން ކަންބޮޑުވެ ދެލޯވެސް ބޮޑުވެ ހާސް އަރުވާފަ ބައިތިއްބަން ޖެހޭނެ. ތިވީ ހަމަ ރަނގަޅަށް. ހހހހހ
އަމަން
20 March 2018
އައިޕީޔޫ އިން މާލެ އައީ ހަމަ ކަށަވަރުންވެސް ތަންދޮރުފިލާ ދުނިޔޭގެ ހާއްދަފާއްދަ ދަންނަ ތައުލީމީ ބޭފުޅުން. ސަރުކާރަށް ނިސްބަތްވާ، މިގައުމުން ބައްދަލުކުރީ އަމިއްލަ ވިސްނުން ބޭނުންނުކޮށް މީހަކު ބުނީމަ ބުނާގޮތެއް ހަދާ ޖާހިލު ތަނެއްދޮރެއް ނުދަންނަ ގަމާރު ބައެއް. ކޮންމެފަދަ ދޮގެއްވެސް ހަދާފާނެ އަދި އެމީހުންގެ ކުރިމަތީގަ މިގައުމުގެ ތަސައްވަރު ހަލާކުވެސް ކޮށްފާނެ. މިގައުމަށް މިވަގުތު ދިމާވެފަ މިއޮތީ ތާރީޚުގަ އަންނާނެ އެންމެ ހިތާމަވެރި ދުވަސްތައް. މިކަމުން މިންޖުވާނީ ގައުމުގަ ތިބި ތަންދޮރުފިލާ ރަގަޅުމީހުން މިކަމުގަ ބަސްބުނެ ކުރީ ސަފަށްނިކުމެ މަސައްކަތެއް ކޮށްގެން.
ކަމަނަމަނަ
20 March 2018
އަނިޔާ ލިބޭ މީހުންގެ ދޫމައްޗަށް ތި ޒުވާން ކުދިން ނުވެއްޓޭށެވެ.
ނަންބެ
20 March 2018
ނިހާނު މިހާރަކަށް އައިސް ހަދަނީ މުޅީން ދޮގުކަން މަޑުމަޑުން ފަޅާއަރަނީ!
ޖިންނިބޭ
19 March 2018
ރައްޔިތުންނޭ އައިޕީޔޫ އިން އެއްޗެކޭ ނުބުނަނިސް މި ވެރިން ދައްކާ ވާހަކައަކުން ތަނެއް ދޮރޯއްޓެއް ބައްޖެއް ނޭނގޭނެ