މައުމޫން ހުށަހެޅުއްވީ ރިޔާސީ ނިޒާމެއް ބާއްވަން

ީރައީސް މައުމޫން ގުޅިފައިވާ ޕާޓީތަކުގެ ކެނޑިޑޭޓާއެކު--

އަހުމަދު ސާއިލް އަލީ، މިހާރު

26 އޯގަސްޓް 2018 - 14:19

އިދިކޮޅު ކޯލިޝަންގެ މައި ޕާޓީ އެމްޑީޕީން ބަރުލަމާނީ ނިޒާމަކަށް ވެރިކަން ހިންގަން ހުށަހަޅާފައިވަނިކޮށް ރިޔާސީ ނިޒާމެއްގެ ތެރެއިން ސަރުކާރު ހިންގާގޮތަށް ރައީސް މައުމޫން އަބްދުލް ގައްޔޫމުގެ މެނިފެސްޓޯ މިއަދު އިއުލާން ކުރައްވައިފި އެވެ.

ގުޅިފައިވާ ޕާޓީތަކުގެ ތެރެއިން އެމްޑީޕީގެ ފިޔަވައި އެހެން ޕާޓީތަކުން ބޭނުން ވަނީ ރިޔާސީ ނިޒާމެކެވެ. އަދާލަތު ޕާޓީ އާއި ޖުމްހޫރީ ޕާޓީގެ އިތުރުން މައުމޫން ރިފޯމް މޫވްމެންޓް (އެމްއާރްއެމް) އިން ހުށަހަޅާފައި ވަނީ ރިޔާސީ ނިޒާމެއްގެ ދަށުން ސަރުކާރު ހިންގުމަށެވެ.

އާ ގާނޫނު އަސާސީ އެކުލަވާލުމުގެ ތެރޭގައި، ރާއްޖޭގައި ބާއްވަން ފެންނަނީ ކޮން ކަހަލަ ވެރިކަމެއްތޯ ބެލުމަށް ރައީސް މައުމޫންގެ ވެރިކަމުގައި 2007ގައި އާންމު ވޯޓެއް ނެގި އިރު ރައީސް މައުމޫން އޭރު ވެސް ތާއީދު ކުރެއްވީ ރިޔާސީ ނިޒާމަކަށެވެ.

ރައީސް މައުމޫންގެ ފަރާތުން އިއުލާން ކުރި މެނިފެސްޓޯގައި މައިގަނޑު ގޮތެއްގައި ހިމަނާފައިވަނީ ރިޔާސީ ނިޒާމުގެ ތިން ބާރު ހަރުދަނާ ކުރާނެ ގޮތްތަކެވެ. އޭގެ އިތުރުން ކޮށްދޭނެ ކަންކަން ހިމަނާފައިވެ އެވެ.

ރިޔާސީ ނިޒާމް ހަރުދަނާ ކުރުމަށް ހުށަހެޅި މުހިންމު ކަންކަން

* ޖުޑީޝަލް ސާވިސް ކޮމިޝަން އެކުލެވިގެންވާ ގޮތް އިސްލާހުކޮށް ބާރުތަކާއި މަސްއޫލިއްޔަތައް ބަދަލު ގެނައުން

* މިނިވަން މުއައްސަސާތަކާއި ޝަރުއީ ދާއިރާގެ ބަޖެޓް ކަނޑައެޅުމުގައި ސަރުކާރުގެ ދައުރު ކުޑަކުރުން

* ޝަރުއީ ދާއިރާ އިސްލާހު ކުރުމަށް ބޭރުގެ ފަންނީ ބޭފުޅުންނާއި އެހީ ބޭނުން ކުރުން

* މަޖިލިސް ބައިކެމެރަލް ނިޒާމަކަށް ހަދައި ފަންނީ އަދި ތަޖުރިބާކާރުން އިންތިހާބު ކުރާ ސެނެޓެއް ހެދުން

* މަޖިލިސް ނަޒާހަތްތެރި ތަނަކަށް ހެދުމަށް ގާނޫނުތަަކަށް ބަދަލު ގެނައުން

* މަޝްރޫތަކާއި ކަންކަން ރޭވުމަށް ފަންނީ މާހިރުންގެ ނޭޝަނަލް ޕްލޭނިން ކައުންސިލެއް އުފެއްދުން

މާލީ ނިޒާމް ހަރުދަނާ ކުރަން ކުރާ ކަންކަން

* އިންކަމް ޓެކްސް ނަގަން ފެށުން

* ޖީއެސްޓީ ތިން ޕަސެންޓަށް ކުޑަކުރުން

* 2023 ގެ ބަޖެޓު އަރަނި ކުރުން

* ބޭރުގެ ދަރަނި ކުޑަ ކުރުން

* އެންމެ ދަށް މުސާރައެއް ކަނޑައަޅައި ސިވިސް ސާވިސްގެ މުސާރަތައް ރިވިއުކުރުން

* ދިވެހި މުވައްޒަފުން ގިނަ ކުންފުނިތަކަށް ފުރުސަތު ފަހިކޮށްދިނުން

އިޖުތިމާއީ ސިޔާސަތުތައް

* ޕެންޝަނަރުންނަށް ޕެންޝަން ފައިސާގެ އިތުރުން 65 އަހަރުން މަތީ މީހުންނަށް ލިބޭ އިނާއަތް ދިނުން

* ރާއްޖޭގެ ތިން ސަރަހައްދެއްގައި ރީޖަނަލް ޑިވެލޮޕްމެންޓް ހިންގުން

* އަރަބި ބަހާއި އިސްލާމީ ތައުލީމް އަދި ދިވެހި ބަސް ތައުލީމުގެ ހުރިހާ ހަރުފަތެއްގައި ކިޔަވައިދިނުން

* އާބާދީގެ 95 ޕަސެންޓަށް އިންޓަނެޓުގެ ހިދުމަތް ދިނުން

* މުއާސަލާތީ ހިދުމަތުގެ އަގު 50 ޕަސެންޓް ހެޔޮކުރުން

ބޯހިޔާވަހިކަން:

* ހައުސިން ލޯންތަކުގެ އިކުއިޓީ އާއި އިންޓްރެސްޓް ރޭޓް ކުޑަކުރުން

* ހައުސިން ސަބްސިޑަރީ ނިޒާމެއް ގާއިމް ކުރުން

* ހައްގުވާ މީހުންނަށް ފްލެޓް ދިނުން

އެކަން ކަމުގެ އިތުރުން ރާއްޖެއިން ކޮރަޕްޝަން ނައްތާލައި މިނިވަން މާހައުލެއް ބިނާކޮށް ޒުވާނުންނާއި އަންހެނުން ބާރުވެރި ކުރުމަށް ކުރަން ނިންމާފައިވާ ކަންކަން އެ މެނިފެސްޓޯގައި ހިމަނާފައިވެ އެވެ. އަދި އިސްލާމް ދީނާއި ރާއްޖޭގެ ތަރިކަ ހިމާޔަތްކޮށް ރައްކާތެރި ކުރާނެ ކަމަށް ބުނެފައިވެ އެވެ.

ގުޅިފައިވާ ޕާޓީތަކާއި ރައީސް މައުމޫން ހުށަހަޅުއްވާފައިވާ މެނިފެސްޓޯއާ މެދު ކޯލިޝަނުން މިހާރު އަންނަނީ މަޝްވަރާ ކުރަމުންނެވެ. އޭގެ ތެރެއިން ގިނަ ކަންތައްތަކަކަށް އެއްބަސްވެވިފައިވާ ކަމަށް ކޯލިޝަނުން ބުނެ އެވެ.

ރައީސް މައުމޫން އަބްދުލްގައްޔޫމް އިދިކޮޅު ފަރާތްތައް ރައީސް އިބްރާހިމް މުހައްމަދު ސޯލިހް ޕީޕީއެމް މެނިފެސްޓޯ

31 ކޮމެންޓް, 98 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލޭޑީ

27 August 2018

މައުމޫނަށް މާފުށީ ޖަލުގަ އޮވެގެން މެނިފެސްޓޯއެއް ނެރެވޭއިރު، ޔާމީނު ބޮޑު ގަނޑުވަރެއްގައި ހުރެ އަދި ސަރުކާރުގެ ހުރިހައި މުއައްސަސާއެއް އަމިއްލަ މުށުތެރޭގައި އޮތް އިރުވެސް މެނިފެސްޓޯއެއް ނުހެދިގެން މިއުޅެނީ ކީއްވެ؟ އެއްވެސް އިހްުލާސްތެރިކަމެއް ހުރި މީހެއް ނަމަ ރިޔާސީ އިންތިހާބަކަށް ކުރިމަތިލާނީ ރައްޔިތުންނަށް ކޮށްދޭނެ ކަންތައްތަކެއް ކަރުދަހުގައި ލިޔެގެން. އެކަމަކު ރަށްރަށުގައި ޖަލްސާ ބާއްބާ ރައްޔިތުންނަށް "ހޮޅި" ވައުދުވަމުން ދާއިރު، އެ ދައްކާ ވާހަކަ ޑޮކިއުމެންޓް ކޮށްލާނެ ހަކަތައެއް ރައީސް ޔާމިންގެ ނެތް. ހިތާމަހުރި. މާތް ﷲ. ދިވެހިން މި މަކަރުވެރިކަމުން ސަލާމަތް ކުރައްވާ، ތެދުވެރި އިހްލާސްތެރި ވެރިއެއް އިންތިހާބުކުރުމުގެ ތައުފީގު ދެއްވާންދޭވެ! އާމީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޝީދު

05 September 2018

މަޢުމޫނު ކީއްކުރަން މަށައްވެސް ގޫގުލް ކޮށްލާފަ 2 ގަދީއިރުން މެނިފެސްޓޯއެއް ހަދާލެވިދާނެ. އެއީކީއްވެ ؟ އެއީ މަށަށްއިނގޭ މަށަކަށް އެމެނިފެސްޓޯ ތަނފީޒުކުރަން ނުޖެހޭނެކަން. އެކަމު ޔާމީން ނޫނީ އިބޫ އެއްޗެއް ހަދައިގެން ނެރޭއިރު ވިސަނަންޖެހޭނެ ވާވަރުގެ ކަނތައްތައްކަން އޭގަހުންނަންވާނީ. އެއީ 2 ކެޑިޑޭޓުންތިބީމަ 50-50 ދޮ ؟ ހަމަ ކޮންމެ މީހަކަށްވެސް ވެރިކަން ލިބިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

26 August 2018

ބަރުލަވާނީ ނިޒާމަކީ ރިސްވަތާ ހަމަނުޖެހުމްގެ ބޮޑުކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިގްތިސާދު

26 August 2018

ކޮބާ އެންމެ މުހިއްމުކަން އިގްތިސާދީ ސިޔާސަތު. ޓެކްސް ގެ ސިޔާސަތަށް ވުރެން މުހިއްމީ އިގްތިސާދީ ސިޔާސަތް. ގައުމެއްގެ އެންމެ ބޮޑު އަސާސަކީ އިގތްސާދު. ގައުމެއްގެ ހުރިހާ ކަމެއް ހަމަޖެހުމަކަށް ގެންނަން ބޭނުންވާނެހާ ކަމަކީ ފުދުންތެރިކަން އިތުރުކުރުން. ކޮރަޕްޝަނާ ޑޮރަގްއާ ކުށްކުރުން ކުޑަ ކުރެވޭނީ ފުދުންތެރިކަން އިތުރުވެގެން. ކުޑަ އިގްތިސާދަކުން ޓެކްސް އިތުރުކުރުމުން އިތުރަށް މީހުން ޑިޕްރެޝަނަށް ވައްޓޭނީ. ކޮރަޕްޝަން އިތުރުވާނީ. ރާއްޖޭގެ އިގްތިސާދަކީ ވަރަށް ހަނި އިގްތިސާދެއް. ގިނަ ވިޔަފާރިއަކީ ޡަރޫރަތް ފުދިގެން ފާއިދާ އިތުރުވާ ވިޔާފާރި ތަކެއްނުން، ފޮތުން އިކޮނޮމިސްޓުންނަށް ވެގެން އުޅެގެން އަދި ނުފުދޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަޑިގިއްލާ

26 August 2018

ތީ އެމްޑީޕީއަށް ލިބުނު ވަރަށްބޮޑު ކުރިއެރުމެއް! ސަރުކާރެއް ހިންގުމުގައި ޤާނޫނީގޮތުން ކޯލިޝަނަކަށް ބާރުވެރިކަންދޭން އެމްޑީޕީން ބޭނުންވީ ބަރުލަމާނީ ނިޒާމަކަށް ބަދަލުކުރަން. ނަމަވެސް ކޯލިޝަންގެ ދެންތިއްބެވި ފަރާތްތަކުން އެގޮތްބޭނުންނުވާނަމަ ކޯލިޝަންވެގެންދާނީ ހިޔާލީ އެއްޗަކަށް! ކޯލިޝަނަކީ ބަރުލަމާނީ ނިޒާމުގެ ސިފައެއް! އެއީ ރިޔާސީނިޒާމް ދަންނަކަމެއްނޫން! ވީމާ ކޯލިޝަން ރޫޅުމުގެ ޒިންމާ އެމްޑީޕީން ދެން ނަގަން ޖެހޭނެކަމަކަށް ނުދެކެން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

26 August 2018

އިދިކޮޅު ކޮންމެ ޕާޓީއަކުން މެނިފެސްޓޯއެއް. ދެން ވެރިކަމަށް އަރާ އަމަލު ކުރަނީ މިތަނުން ކޯއްޗަކަށް؟ ޖަވާބު. ކެނެރީގޭ މެނިފެސްޓޯއަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހައްމަދު އަހައްމަދޭ

26 August 2018

ތީތި ގޯހެއް ނޫން އެހެނެއްކަމަކު ކޮންމެ ބަޔަކު ވަކިވަކިން ހަދާ ބަޖެޓަކީ އެބަޔަކަށް ރައްޔަތުންގެ ތާއީދު ހޯދުމައް ކުރަހާ ކަރުދާހެއްކަމުގައި މެނުވީ ނުވޭ ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާނާ

26 August 2018

އިންކަމް ޓެކްސް ނެގޭނީ މަޖްލިސް އިންތިހާބު ކާމިޔާބު ކޮށްގެން... ޖީއެސްޓީ 3 ޕަސެންޓް އަށް ތިރި ކުރަން ވިސްނުމަކީ ގައުމަށް ލިބޭ އާމްދަނީ އާއި ހަރަދު ފުށުއަރާ ބަޖެޓް ޑެފިސިޓް ވާނެ ސަބަބެއް....