ޕެޑުން ޓެކްސް ނެގުން ހުއްޓާލަން ގޮވާލާ ކެމްޕޭނެއް ފަށައިފި

މާލޭގެ ފިހާރައަކުން އަންހެނަކު ވިޔަފާރި ކުރަނީ: އަންހެނުން ބޭނުން ކުރާ ޕެޑުން ޖީއެސްޓީ ނަގާތީ އެކަމާ ދެކޮޅަށް ވަނީ ކެމްޕޭނެއް ފަށާފައި.-- ފައިލް ފޮޓޯ: މުހައްމަދު ޝަރުހާން/ މިހާރު

އަލީ ނާފިޒް، މިހާރު

29 އޯގަސްޓް 2016 - 11:10

75 comments

އަންހެނުން ބޭނުން ކުރާ ޕެޑުން ޖީއެސްޓީ ނެގުން ހުއްޓާލަން ގޮވާލައި އިއްޔެ ކެމްޕޭނެއް ފަށައިފި އެވެ.

މައްސަރު ކަންތައް ޖެހުމުން ބޭނުން ކުރާ ޕެޑަކީ އަސާސީ އެއްޗެއްގެ ގޮތުގައި ޖީއެސްޓީ ނަގާއިރު ނުބަލަ އެވެ. އެހެންވެ، އާއްމު ރޭޓުން، ހަ ޕަސެންޓުގެ ޖީއެސްޓީއެއް ޕެޑުން މިހާރު ނަގަ އެވެ.

އެކަމަކާ ދެކޮޅަށް ބަޔަކު އިސް ނަގައިގެން މިހާރު ވަނީ އޮންލައިން ޕެޓިޝަނެއް ހަދައިފަ އެވެ. ސަރުކާރަށާއި ރައްޔިތުންގެ މަޖިލީހަށް ރައްދުވާ ގޮތަށް ހަދާފައިވާ މި ޕެޓިޝަންގައި މިހާތަނަށް 500 އަށް ވުރެ ގިނަ މީހުން ވަނީ ސޮއިކޮށްފަ އެވެ.

ޕެޑުން ޓެކްސް ނެގުމާ ދެކޮޅު ކެމްޕޭން ފެށި ޝަފާ ރަމީޒް ބުނި ގޮތުގައި ކުޑަކުދިންނާއި ބޮޑެތި މީހުންގެ ނެޕީން ޖީއެސްޓީ ނުނަގާއިރު، ޕެޑުން ވެސް ޓެކްސް ނަގައިގެން ނުވާނެ އެވެ. އާއްމު ހާލަތުގައި ކޮންމެ އަންހެނަކު ވެސް މައްސަރު ކަންތަކާ ކުރިމަތިލާން ޖެހޭކަން ފާހަގަކޮށް އޭނާ ބުނީ ސޯޝަލް މީޑިއާގައި ހިންގާ ކެމްޕޭނުގެ ސަބަބުން މި މައްސަލައާ ގުޅޭ ގޮތުން އާއްމުންގެ ހޭލުންތެރިކަން އިތުރުވެ، ޕެޑުން ޓެކްސް ނެގުން ހުއްޓޭނެ ކަމަށް އުއްމީދު ކުރާ ކަމަށެވެ.

"މިހާރު މި އޮތް ގޮތުން ގުދުރަތީ ގޮތުން ބަޔަކަށް ކުރިމަތިވާ ކަމަކުން ޓެކްސް މި ނަގަނީ،" ޝަފާ ބުންޏެވެ.

"#Massarutax"ގެ ނަން ދީފައިވާ ކެމްޕޭނަށް ރައްޔިތުންގެ މަޖިލީހުގެ ބައެއް މެމްބަރުން ވެސް ވަނީ ތާއީދު ކުރައްވައިފަ އެވެ. ޓުވިޓާގައި އެ ކެމްޕޭނާ އެއްކޮޅަށް ވަކާލާތު ކުރެއްވި މެމްބަރުންގެ ތެރޭގައި މަޖިލީހުގެ ކުރީގެ ރައީސް، ހެންވޭރު އުތުރު ދާއިރާގެ މެމްބަރު އަބްދުﷲ ޝާހިދާއި މައްޗަންގޯޅި އުތުރު ދާއިރާގެ މެމްބަރު މާރިޔާ އަހުމަދު ދީދީ އާއި ގަލޮޅު އުތުުރު ދާއިރާގެ މެމްބަރު އީވާ އަބްދުﷲ އާއި އައްޑޫ މީދޫ ދާއިރާގެ މެމްބަރު ރޮޒައިނާ އާދަމް އަދި ކެންދޫ ދާއިރާގެ މެމްބަރު އަލީ ހުސެން ހިމެނިވަޑައިގަންނަވަ އެވެ.

"[ޕެޑުން ޓެކްސް އުނިކުރަން] ސަރުކާރުން ހުށަހަޅައިފި ނަމަ އެއްވެސް އިއުތިރާޒެއް ނެތި ތާއީދުކުރާނަން،" މާރިޔާ ވިދާޅުވެފައިވެ އެވެ.

We'll willingly give our support if Govt proposes https://t.co/z6aqGZd5tN
— Mariya Didi (@MariyaDidi) August 28, 2016

މާރިޔާގެ ޓުވީޓު

@ShafaRameez @Roxeyna @MariyaDidi Opposition not allowed to submit tax bills. Will have full support if you can convince Govt to do so.
— Eva Abdulla (@evattey) August 28, 2016

އީވާގެ ޓުވީޓު

@ShafaRameez Majlis Qawaid onnagothun tax nagan/unikuran hushahelheynee Sarukaarah#MassaruTax unikuran vote dheynan pic.twitter.com/O2zq1GkLDm
— Abdulla Shahid (@abdulla_shahid) August 28, 2016

ޝާހިދުގެ ޓުވީޓު

@Afarymz I am against #MassaruTax
— Ali Hussain (@AleeVoice) August 28, 2016

އަލީ ހުސެންގެ ޓުވީޓު

މަޖިލީހުގެ ގަވާއިދު ބުނާ ގޮތުން އެއްވެސް ޓެކްސްއެއް ނަގަން ނުވަތަ އުނިކުރަން ހުށަހެޅޭނީ ހަމައެކަނި ސަރުކާރަށެވެ.

"އެހެންވެ، މިކަން ކުރެވެން އަންނަނީ ސަރުކާރުގެ އެއްބާރުލުން ލިބިގެން. އަޅުގަނޑުމެން އުއްމީދު ކުރަނީ ސޯޝަލް މީޑިއާގައި މި ކުރާ މަސައްކަތުން ސަރުކާރުގެ ސަމާލުކަން ލިބޭނެ ކަމަށް،" ޝަފާ ބުންޏެވެ.

ރާއްޖޭގައި މިހާރު ޖީއެސްޓީ ނުނަގަނީ ގިނައިން ކާއެއްޗެހިންނެވެ. އޭގެ އިތުރުން ދެން ހިމެނެނީ ތެލުގެ ބާވަތްތަކާއި ކައްކާ ގޭސް އަދި ކުޑަކުދިންނާއި ބޮޑެތި މީހުންގެ ނެޕީ އެވެ. އަސާސީ މުދަލުގެ ގޮތުގައި ބަލާ މި ތަކެއްޗަކީ ޖީއެސްޓީ ގާނޫނުގައި ހިމަނާފައިވާ ލިސްޓަކަށް ވާއިރު، އެ އަށް އުނި އިތުރު ގެނެވޭނީ މަޖިލީހަށް ހުށަހަޅައިގެން ގާނޫނަށް ގެންނަ އިސްލާހަކުންނެވެ.

އިނގިރޭސި ވިލާތާއި ކެނެޑާ ފަދަ ދުނިޔޭގެ ކުރިއަރާފައިވާ ބައެއް ގައުމުތަކުން ވަނީ އަންހެނުން ބޭނުން ކުރާ އަސާސީ ބައެއް އެއްޗެހިން ޓެކްސް ނެގުން މި ފަހުން ހުއްޓާލައިފަ އެވެ. އޭގެ ތެރޭގައި ޕެޑާއި މައްސަރު ކަންތައް ޖެހުމުން ބޭނުން ކުރާ އެހެން ބައެއް ތަކެތި ވެސް ހިމެނެ އެވެ.

The Maldivian Government and People's Majlis: Stop #MassaruTax - Sanitary napkins should NOT be subject to GST

In the Maldives, sanitary napkins are subject to GST at standard rates because they are not considered an "essential" product. Just to give you some perspective: PADS: Used by a large percentage of the female population (FYI the female population makes up half the total population) ADULT DIAPERS:...

Change.org

ޕެޑުން ޓެކްސް ނެގުމާ ދެކޮޅަށް ހަދާފައިވާ ޕެޓިޝަން

އަންހެނުން އަންހެނުންގެ ހައްގުތައް ޓެކްސް ޖީއެސްޓީ

75 ކޮމެންޓް, 161 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޭބެ

29 September 2016

ލާރި ހުސްވީމަ ދެން ލާރި ލިބޭނެ ގޮތެއް ބަލާނެތާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަމަނަ/އައްޑޫ

01 September 2016

މިތާ ކޮމެންޓް މިކުރާ ކުދިން މިބުނާ ގިނަ އެއްޗެއް އަގުބޮޑުކަމުން އަހަރެން ބޭނުމެއްނުކުރިޔަސް ކޮންމެ މަހަކު ދެޕެކެޓު ޕެޑް ބޭނުންކުރަންޖެހޭ،،،އެއީ އެހެންއެއްޗެހި ނުލާއުޅެވުނަސް ޕެޑް ބޭނުންނުކޮށް ނުވެގެން،،،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓެކުސް

31 August 2016

ޓެކްސް ކަނޑާލިޔަސް ތި ގަންނަށް ތިބޭ މީހުނަށް ވާނެ ފައިދާ އެއް އޮންނާނެ ހެނެއް ހިއެއް ނުވޭ. އަގަކުން އެނގުމެއް ނުވާނެ. ވިއްޔާ ވާނީ ބޮޑު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަރެން

31 August 2016

އަހަރެންނަކީ ޕީޕީއެމް މީހެއް. އެކަމަކު ޕެޑްޓެކްސް އާ ވ ދެކޮޅު. މިކަމާ ދެކޮޅު ހަދަނީ ހަމައެކަނި ޔެލޯ މީހުނެއަ ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު

30 August 2016

ހަމަ ނަގަންވީ ތެކްސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

007

30 August 2016

ކޮން ޑަމުންވެސް ޓެކްސް ނަގުން ހުއްޓުވާ ބިލެއް އަހަރަމެން ބޭނުން. އެވެސް އަސާސީ އެއްޗެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަރަށް ރަގަޅު

30 August 2016

ތީޢަޥަޙަށް ޢެކަބަޅުން ނަށްޓަކާ އަޥަހަށް ކުޜަން ޥެއްޖެ ކަމެޢް، އަވަސް ކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިތުރު

30 August 2016

ޕެޑުން ނުނަގާނަމަ، ކައެއްޗެތީގެ ޓެކްސް ވެސް އުވާލަންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިރާސާ

29 August 2016

ޕެޑުން ޓެކްސް ނެގުން ހުއްޓާލަން ވަކާލާތު ކުރާ ކުދިން ދޭންވީ ނޫންތޯ ހިސާބު އިލްމުގެ ބޭނުން ކޮށްގެން ރިޕޯރޓެއް ތައްޔާރުކޮށްފައި. އެއީ ރާއްޖެ އަށް ދުވާލަކު އެތެރެ ކުރަނީ ކިތައް ޓަނު ޕެޑް ތޯ އާއި އަދި ރާއްޖެ އިން ދުވާލަކު ބޭނުން ކުރަނީ ކިތައް ޓަނު ޕެޑް ތޯ. އަދި ޕެޑްސް ތަކުން ޑިއުޓީ އާއި ޖީއެސްޓީ ކަނޑާލައިފިނަމަ ޕެޑްސް ތަކުގެ ކޮންސަމްޕްޝަން މަތިވެ ޕެޑްސް ކުނި ބުނީގެ ގޮތުގައި ގިނަވެ އޭގެ ސަބަބުން ތިމާވެއްޓަށް ލިބިދާނެ ގެއްލުމަކާއި މެދު ވެސް ޖެހޭނެ ނޫންތޯ މަޝްވަރާ ކުރެވެން. މިހުރިހާ ފެކްޓަރސް ތަކަށް ބަލަން ޖެހޭނެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިވައިޒްޑް ދިރާސާ

30 August 2016

ޓެކްސް ކަނޑާލީމައި ނުވަތަ އަގު ހެޔޮ ވެގެން ކޮންސަމްޕްޝަން މަތިވާނެ އެއްޗެއް ނޫން ޕެޑަކީ. އަދި ޓެކްސް ނަގައިގެންވެސް ނުވަތަ އަގު ބޮޑުވެގެންވެސް ކޮންސަމްޕްޝަން ދަށްވާނެ އެއްޗެއް ނޫން ޕެޑަކީ. ސަބަބަކީ އެއީ ލަކްޒަރީ ގުޑް އެއް ނޫން، އެއީ ނެސެސިޓީ އެއް. އާބާދީގައި ޕީރިއަޑްވާ އުމުރުފުރާ މީހުން ގިނަވާވަރަކަށް ޕެޑްގެ ކޮންސަމްޕްޝަން އިތުރުވާނެ. ހިތާމަޔަކީ މިކަމުންވެސް ގެއްލުންވަނީ ގަންނަފަރާތަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައްސަރު ޓެކްސް

30 August 2016

ރާއްޖެއަށް ޕެޑް އެތެރެކުރަނީ އަންހެނުން ވެސް މިރާއްޖޭގައި އުޅޭތީވެ، މިއިކީ ޑްރަގެއް ނޫން. ނުވަތަ މަސްތުވާ އެއްޗެއް ނޫން. ޤުދުރަތީ ގޮތުުން އަންހެނުންނަށް ލައްވާފައިވާ ކަމެއްގައި ދެކޮޅު ހެދޭނީ ކިހިނެއް ހެއްޔެވެ؟ "ދިރާސާ" ދުނިޔެ އައުމަށް މެދުވެރި އަންހެނާއަށް ވެސް ބުނާނީ ތިހެންތޯއެވެ؟ ޕެެޑް ބޭނުން ކުރަނީ ރީއްޗަކަށް ނޫން، ނުވަތަ ކަންދައްކާކަށްވެސް ނޫން، މައްސަރު ދުަަވަސްވަރު އަޅާވޭން އިގޭނި އެކަމެއްގެ ތެރޭގައި އުޅޭބަޔަަކަށް. ބޭނުންކުރާ ޕެޑް އިން އެލާރޖިކް ވާތީވެ އެއަށްވުރެ ރަގަޅު ޕެޑެއް ހޯދަނީ އަމިއްލަ ސިއްޙަތަށާއި ފިރިމީހާގެ ވެސް ރައްކާތެރިކަަމަށް...... މިއަދު 60 ރުފިޔާއަށް ވިއްކާ ޕެޑް އަގުބޮޑުވީމަ އެންމެނަށްވެސް ވާނީ އުނދަގޫ ޖީބަށް ވާނީ ބަރު...... ޕެޑް އެއި ރަން ފޮށްޓަށްލާ ފޮރުވާ އެއްޗެއް ވެސް ނޫން....އެހެން ވީމާ މާ އިނގިގެން ފެކްޓާރސް ވާހަކަ ނުދެއްކުން ބުއްދިވެރި. މައްސަރު ޓެކްސް ނަގަން ބޭނުންވާ ނަމަ މައްސަރުގެ ލޭ ވެސް ގެންގޮސް ބޮޑު ފޮއްޓަށްލާ ފޮރުވާ......................................

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫދަނީ

29 August 2016

މިއަދު އަންހެން ކަނބަލުން ގޮވާނީ ޕެޑުން ޓެކްސް ނެގުން ހުއްޓާލަން. މާދަން ގޮވާނީ ބްރާއިން ޓެކްސް ނެގުން ހުއްޓާލަން. އަނެއް ދުވަހުން ގޮވާނީ ލިޕް ސްޓިކް އިން ޓެކްސް ނެގުން ހުއްޓާލުން. އަނެއް ދުވަހުން ގޮވާނީ ލޮލުގައި އަޅާ އަނދުން އިން ޓެކްސް ފްރީ ކުރަން. އަނެއް ދުވަހު ގޮވާނީ ޖަނގިޔަލުން ނަގާ ޓެކްސް ކަނޑާލަން. އަނެއް ދުވަހު ގޮވާނީ ޓައިޓް އިން ނަގާ ޓެކްސް ކަނޑާލަން. މީ ނިމުމެއް އޮންނާނެ ކަމެއް ނޫން މިކަން މިގޮތަށް ކޮށްފިނަމަ. ދުނިޔޭގައި އަރާމު ދިިރިއުޅުން އުޅެވޭނީ މަސައްކަތް ކޮށްގެން ފައިސާ ހޯދައިގެންނެވެ. ޕެޑް ނުޖެހޭ ފެންވަރު ބޭފުޅުން އެހެން އަލްޓަރނޭޓިވް ސޮލިއުޝަންސް ތައް އެކަމަށް ހޯދިދާނެއެވެ. ކުރީ ޒަމާނުގައި ޕެޑް ހުރެގެނެއް ނޫން ދިވެހިން އުޅުނީކީ. އެހެން ކަމަށްވާނަމަ އެޓްރެޑިޝަަނަލް މެތަޑް ޕެޑް ގަތުމުގެ ގާބިލް ކަން ނެތް މީހުން ބޭނުން ކުރީމާ ނިމުނީ އެވެ. ދެން ތިހެން ގޮސް އަންހެން ކުދިން އަރާ ފައިވާނަށް ދަން ދެން ޓެކްސް ފްރީ ކުރަން ޖެހޭނެ ތިކުޅި ގަނޑު ފެށިއްޖެނަމަ. އެއާއި ވިއްދާ ފިރިހެން ވެރިން ވެސް ބޭނުންވާނެ ފިރިހެން ކަމަށް ގަދަ ކުރާ ސާމާނު ވެސް އެއީ އަސާސީ އެއްޗަކަށް ހަދާ އެއިން ވެސް ޓެކްސް ކަނޑާލަން. މީ އަކީ މިފަދަ ކަންކަން ކުރަން ޖެހޭނެ ގޮތެއް ނޫނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަންދޮރު.

30 August 2016

ހާދަ ނާތަހުޒީބު މީހެއްދޯ. ކުރީގައި ކުޑަކުދިންނާއި ބޮޑެތި ބަލިމީހުންވެސް ގެންގުޅުނީ ނެޕީ ޖަހައިގެންތަ؟ ޕެޑަކީ ޤުދުރަތީ ގޮތުން ދިމާވާ ކަމެއްގެ ސަބަބުން ބޭނުން ކުރާ އެއްޗެކޭ. ހިޔެއްނުވޭ ތިމީހާ އަދި ބާލިޣުވި ހެނެއް. އެހެން ނޫންނަމަ ވިސްނުނީސް ކަންނޭނގެ.