އުއްތަމަ ފަނޑިޔާރު: ޖޭއެސްސީގެ ރިޕޯޓަށް ޖަވާބުދާރީވެ ވަޑައިގަންނަވަންޖެހޭ އަސާސެއް ނެތް ކަމަށް އެމަނިކުފާނު ވަނީ ޖޭއެސްސީއަށް އަންގަވާފައި -- ފޮޓޯ/މިހާރު
12 ނޮވެމްބަރ 2019 - 13:24
35 comments
ސުޕްރީމް ކޯޓުން ނިންމާފައިވާ ބައެއް މައްސަލަތަކާ ގުޅިގެން ޖުޑީޝަލް ސާވިސް ކޮމިޝަން (ޖޭއެސްސީ) އިން ބަލަނީ ގާނޫނުތަކާ ޚިލާފަށް ބަލަމުންދާ މައްސަލަތަކެއް ކަމަށާއި އެކަމާ ގުޅިގެން އެ ކޮމިޝަނުން ފޮނުވި ރިޕޯޓަށް ޖަވާބުދާރީވެ ވަޑައިގަންނަވަންޖެހޭ އަސާސެއް ނެތް ކަމަށް ވިދާޅުވެ، އުއްތަމަ ފަނޑިޔާރު ޑރ. އަހުމަދު އަބްދުﷲ ދީދީ ޖޭއެސްސީ އަށް އެކަން އަންގަވައިފި އެވެ.
ސުޕްރީމް ކޯޓުން، އެ ކޯޓުގެ އިހްތިސާސްތަކުގެ ބޭރުން ނިންމާފައިވާ ނިންމުންތަކުގެ މައްސަލަ ޖޭއެސްސީން ބަލަން ނިންމައި، އުއްތަމަ ފަނޑިޔާރާއި ސުޕްރީމް ކޯޓުގެ އިތުރު ތިން ފަނޑިޔާރެއްގެ މައްސަލަ އެ ކޮމިޝަނުން ދަނީ ބަލަމުންނެވެ. އެ މައްސަލައިގައި އުއްތަމަ ފަނޑިޔާރުގެ މައްޗަށް ޖޭއެސްސީން ކުރި ތަހުގީގުގެ ރިޕޯޓް އެމަނިކުފާނަށް ފޮނުވިޔަސް، އެ ރިޕޯޓާ ހަވާލުވެ ވަޑައިގަތުމަށް ވަނީ ދެކޮޅު ހައްދަވައިފަ އެވެ.
އެނގިފައިވާ ގޮތުގައި، އުއްތަމަ ފަނޑިޔާރު ވަނީ ކޯޓަކުން ނިންމާފައިވާ އެއްވެސް ނިންމުމަކާ ގުޅިގެން ފަނޑިޔާރެއްގެ ސުލޫކީ މައްސަލަ ބެލުމަކީ ނުވަތަ ފިޔަވަޅު އެޅުމަކީ ގާނޫނުއަސާސީ އާއި އިސްލާމީ ޝަރީއަތާ ޚިލާފް ކަމެއް ކަމަށާއި ޖޭއެސްސީގެ ތަހުގީގަކީ ގާނޫނުތަކާ ޚިލާފަށް އެ ކޮމިޝަނުން ބެލި މައްސަލަތަކެއް ކަމަށް ވިދާޅުވެ، ޖޭއެސްސީ އަށް ސިޓީފުޅެއް ފޮނުއްވައިފަ އެވެ.
އެހެންވެ، އެ ކޮމިޝަންގެ ތަހުގީގު ރިޕޯޓަށް ޖަވާބުދާރީވެ ވަޑައިގަންނަވަންޖެހޭ އަސާސެއް ނެތް ކަމަށް އުއްތަމަ ފަނޑިޔާރު ޖޭއެސްސީ އަށް އަންގާވައިވާ ކަމަށް އެނގިފައި ވެ އެވެ. އަދި އެ ކޮމިޝަނުން ގާނޫނާ ޚިލާފަށް ހިންގާ އިޖްރައާތަކަށް އެމަނިކުފާނު ތަބާވެ ވަޑައިގަތުމަކީ ހަގީގަތާ ޚިލާފަށް އޭގައި ގާނޫނީ ކުލަ ޖެއްސުމަށް އެހީތެރިވެ، އެ އަށް ގާނޫނީ ބުރަދަން ދިނުން ކަމަށް ނޫނީ ނުވާނެ ކަމަށް ވެސް އެމަނިކުފާނުގެ ސިޓީފުޅުގައި ވިދާޅުވެފައިވާ ކަމަށް އެނގިފައިވެ އެވެ.
މީގެ އިތުރުން، ކޯޓެއްގެ ނިންމުން ގޯސް ކަމަށް ބުނެ ޖޭއެސްސީން ބަލަމުންދާ މައްސަލަތަކަކީ ކޯޓުގެ ހުރުމަތް ކެނޑުމުގެ އަމަލެއް ކަމަށް ޖޭއެސްސީ އަށް އުއްތަމަ ފަނޑިޔާރު ފޮނުއްވި ސިޓީފުޅުގައި ވެ އެވެ. އަދި އެއީ އަދުލު އިންސާފަށް ހުރަސް އެޅުމުގެ އަމަލެއް ކަމަށާއި އެކަންކަމުގައި ބައިވެރިވާ ޖޭއެސްސީގެ މެމްބަރުން އެކަމަށް ފަރުދީ ގޮތުން ޖަވާބުދާރީވެވަޑައިގަންނަވަން ޖެހޭނެ ކަން ވެސް އެމަނިކުފާނުގެ ސިޓީގައި ހަނދާންކޮށް ދެއްވާފައިވެ އެވެ.
އެ މައްސަލަތަ ބަލަން ފެށުމުން، އެކަމާ ދެކޮޅަށް އުއްތަމަ ފަނޑިޔާރު މީގެ ކުރިން ބަޔާން ނެރުއްވުމުން އެކަން ވެސް ވަކި ސުލޫކީ މައްސަލައެއްގެ ގޮތުގައި ޖޭއެސްސީން ބަލަން އޮތީ ނިންމައިފަ އެވެ.
އުއްތަމަ ފަނޑިޔާރުގެ އިތުރުން ސުޕްރީމް ކޯޓުގެ އިތުރު ތިން ފަނޑިޔާރެއްގެ މައްސަލަ ޖޭއެސްސީން ދަނީ ބަލަމުންނެވެ. އަދި އެ ކޯޓުގެ ފަނޑިޔާރަކަށް ހުންނެވި އަބްދުﷲ ދީދީ ވެސް ދާދި ފަހުން ވަނީ މަގާމުން ވަކިކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިޔާލު3
12 November 2019
ފަޑިިޔާރުން ހުކުމްތައް ހިތުހުރިގޮތަކަށްނެރުމަކީ ފަޑިޔާރެއްގެ ނިން މުން ކަ މަށްބެލެވޭނެ ޝަރުޢީ އަދިި ގާނޫނީ ހަ މައެއްވެސް ނޯންނާނެނޫންތޯ.؟ ޗާޓުން ބޭރުވިި މީހަކު ޗާޓުގެ ތެރެއަށް ރުހު މުގައިި ނާއިިނަ މަ ބަލާދާ މީހުނަށް އެ ބަޔަކު ގެނެވޭނީވެސް ޗާޓުން ބޭރުވެގެންނޫންތޯ؟ އިންސާފަކީ ކިިހާ މުހިން މު އެއްޗެއްކަން މިހާރު އެގޭ ނޫންތޯ؟
ތުރާކުނުމީހާ
12 November 2019
ހިސާނުމެން އަންނިމެން ރިޔާސީ އިންތިހާބުން ކުރީފަހަރު ބަލިވީމަ އެކަމުގެ ބަދަލު ހިފަން ކުރާހާކަންކަން ތީ މުޅިންވެސް. ތިޔަކަހަލަ ސިޔާސީބަޔަކު ތިބެގެން ޖޭއެސްސީ އިސްލާހެއް ނުވާނެ. ކޮބާ ވެރިކަމަށް ނާދެވިގެން އުޅުނު ޖޭއެސްސީގެ ކޮންޕްޒިޝަން ބަދަލުކުރާނަމޭ ކިޔައިފަ ދެއްކިހާވާހަކަ؟ މަޖިލިސް ރެއާދުވާލު ހުޅުވައިގެންވެސް ކުރަން ބޭނުންވާ ކަންކަން ކޮށްނިންމަނީއެންނު. މީގެން އިނގެނި ޖޭއެސްސީއަށް އިސްލާހީ ބަދަލުގެނައުމުގެ ވާހަކައަކީ ފުލޯކްވާހަކައެއްކަން.
މިއަދު
12 November 2019
ސާބަސް.އުއްތަމަގަޑިޔާރަށް ޤާނޫތަކުގައި ގަދަޔަށް ހިފަހައްޓަވާތި ފުކެއްވެސްދޫނުކުރައްވާތި
ބަލަގަ
12 November 2019
މބަލަ އިލްޔާސޫ. ކީކޭތަ ތިކިޔަނީ. މީހަކަށް އެއްޗެއް އެނގުމަކީ އޭނާ ކުށްނުކުރާނެ ކަމުގެ ހެއްކެއް ނޫނޭ. އިލްޔާސް ވެސް ހަމަ ބިމަށް ތިރިވެލާފަ ވާނުވާ އެނގިގެން ވާހަކަދެއްކުން ބުއްދިވެރި.
ރެކިފުތާ
12 November 2019
ގާނުނަށްވުރެ މަތީގައި ތިބިބައެއްމީ.
ރައްޔަތުމީހާ
12 November 2019
" ކޯޓަކުން ނިންމާފައިވާ އެއްވެސް ނިންމުމަކާ ގުޅިގެން ފަނޑިޔާރެއްގެ ސުލޫކީ މައްސަލަ ބެލުމަކީ ނުވަތަ ފިޔަވަޅު އެޅުމަކީ ގާނޫނުއަސާސީ އާއި އިސްލާމީ ޝަރީއަތާ ޚިލާފް ކަމެއް " - މިހެން މިކަން އޮއްވާ ނޫންތޯ ކުރީގެ އުއްތަމަ ފަނޑިޔާރު ޢަބްދުﷲ ސަޢީދާއި ފަނޑިޔާރު ޢަލީ ޙަމީދު އަށް ސަރުކާރުން ފިޔަވަޅު އެޅިއިރު އެފިޔަވަޅު މަތީ ތިބޭފުޅުން ފައިހަމަކުރަމުން ގޮސް ތިޔަ ގޮނޑީގައި މިއަދު ތިޔަ އިންނެވީ. މިހެންވެ ބުނަނީ "އެދުވަސް އެނބުރި އަންނާނެއޭ". والحمد لله
އަވަސް
12 November 2019
ޤައުމަށް ޖެހިފަވާ ވަބާއިން ރައްޔިތުންގެ ބާރުން ހުރިހާ ފަނޑިޔާރުން ވަގުތުން ވަގުތަށް ވަކިކުރަން ޖެހޭ,
ދާންދޫ
12 November 2019
ފަނޑިޔާރުންގެ ޤާނޫނުގެ 9 ވަނަ މާއްދާ ޖޭ.އެސް.ސީ މެމްބަރުންގެ ހަނދުމަފުޅަކު ނެތް ކަހަލަ !
ފައިދިގުބޯވަ
12 November 2019
ކޮންކަމަތޯ ތިހާ ބިރުފުލު ގަންނަނީ! ރަގަލަށް ޙުކުމްތައް ކޮއްފައިވާނަމަ ޖެހިލުންވާންޖެހޭނެ ކަމެއް ނޯންނާނެދޮތަ! ނަމަވެސް ރައްޔިތުންނަށް މިހާރު ޔަޤީންވެ ކަށަވަރުވެއްޖެ ތަމެން ބޭއިންސާފުން ޙުކުމްތަކެއް ނެރެފައިވާކަން.
އުދުހޭ
12 November 2019
ޕީއެޗްޑީގައި ކިޔަވައިދެނީ އެއްމައްސަލައެއްގައި ދެފަހަރު ދެގޮތަށް ހުކުމްކުރަންތޯ؟؟؟
ޖަޒީރާބޭ
12 November 2019
ގާބޮލާ އެހެންވެސް ކުރެވިދާނެ. އެތާގަ ތިބެނި އިންސާނުން! އިންސާނުން ކުށްކުރާނެ! އެއީ މިރާއްޖޭގަ އެކަނި ވާކަމެއް ނޫން. ދުނިޔޭގެ އެންމެ ބާރުގަދަ އެމެރިކާގަވެސް ކަންހިނގަނި އެގޮތަށް! މުޅިއުމުރު ދުވަހު މީހުން ޖަލުގަ ބަހަށްޓައިފަ ސްޕްރީމް ކޯޓުން ފަހުން ހުކުމް ރިވީއުކޮށްފަ މީހުން ދޫކޮށްލައިފަ އެބަހުރި! ތަންދޮރު ދަނެގެން ކޮމެންޓް ކުރީމަ ރަނގަޅުވާނެ. ހުރިހާއެއްޗަކީ ތިމާ ތާއިދުކުރާ ޕާޓީ ލީޑަރުބުނާއެއްޗަކަށް ވީމަ އަދި ކަމަކުނުދާނެ ދެއްތޯ!