އަޝްރަފް އަލީ (ޝުމްބާ): އޭނާގެ މޮބައިލް ފޯނު ފުލުހުންގެ ބެލުމުގެ ދަށަށް ގެންދިޔައީ 30 ދުވަހުގެ މުއްދަތަކަށް.
10 މާޗް 2020 - 01:21
52 comments
ސޯޝަލް މީޑިއާ ޕްލެޓްފޯމް "އެމްވީކްރައިސިސް" ގައި ދައުލަތުގެ ސިއްރު ހާމަކުރާ ކަމަށް ބުނެ، އެ މައްސަލައިގެ ތަހުގީގަށް އަހުމަދު އަޝްރަފް (ޝުމްބާ) ގެ މޮބައިލް ފޯނު މިރޭ ފުލުހުންގެ ބެލުމުގެ ދަށަށް ގެންގޮސްފި އެވެ.
ކްރިމިނަލް ކޯޓުގެ ގާޒީ އަލީ ރަޝީދު ހުސައިން އިއްޔެގެ މެންދުރު 1:00 ގައި ނެރުނު އަމުރެއްގެ ދަށުން، ސޯޝަލް މީޑިއާ އެކްޓިވިސްޓް ޝުމްބާގެ ފޯނު ފުލުހުން އަތުލީ މޯލްޑިވްސް ޕޮލިސް ސާވިސް އަށް ހާޒިރުކުރުމަށް ފަހު އެވެ.
ކޯޓު އަމުރުގައިވާ ގޮތުން، ޝުމްބާގެ ފޯނު ފުލުހުންގެ ބެލުމުގެ ދަށަށް ގެންދިޔައީ އެމްވީކްރައިސިސް މެދުވެރިކޮށް، ދައުލަތުގެ ސިއްރު މައުލޫމާތު ހުއްދަ ނޫން ގޮތުގައި ހާމަކުރަން އެދުމާއި ދައުލަތުގެ މަސައްކަތްތަކަށް ހުރަސް އަޅަމުންދާ ކަމަށް ތުހުމަތު ކުރެވޭ މައްސަލައިގަ އެވެ. އެހެންވެ، ޝުމްބާ ބޭނުންކުރާ މޮބައިލް ފޯނުތަކާއި އެ ފޯނުގައި ބޭނުންކުރާ ސިމްކާޑުތަކާއި މެމޮރީ ކާޑުތަކާއި އެ ތަކެތިން ކޮށްފައިވާ މުއާމަލާތުތަކާއި މައްސަލައާ ގުޅުން ހުރި މުއާމަލާތްތައް ހޯދަން ބޭނުންވާ ކަމަށް އަމުރުގައި ވެ އެވެ.
އަމުރުގައިވާ ގޮތުން، އެމްވީކްރައިސިސް ޕޭޖު ހިންގާ ކަމުގެ ތުހުމަތު ފުލުހުން ކުރަނީ ޝުމްބާ އަށެވެ. އަދި އޭނާގެ ފޯނު ފުލުހުންގެ ބެލުމުގެ ދަށަށް ގެންދަން ޖެހޭ ހެއްކަކީ ކޯޓު އަމުރުގައިވާ ގޮތުން، އެ ޕޭޖުން ކޮށްފައިވާ ޕޯސްޓުތަކާއި އިންޓެލިޖެންސް ރިޕޯޓެވެ.
ޝުމްބާގެ ފޯނު ފުލުހުންގެ ބެލުމުގެ ދަށަށް ގެންދިޔައިރު، މިހާރު ރާއްޖެ އިން ވެސް ފެނިފައިވާ ކޮވިޑް-19 ބައްޔާ ގުޅޭ ގޮތުން ސަރުކާރުން މިރޭ ބޭއްވި ނިއުސް ބްރީފިންގައި ވެސް އޭނާ ބައިވެރިވެ، ސުވާލު ކުރި އެވެ.
ފުލުހުންގެ ސްޕޯކްސް ޕާސަން، ޗީފް އިންސްޕެކްޓާ އޮފް ޕޮލިސް އިޒްމިއާ ޒާހިރު ވިދާޅުވީ، ފުލުހުން ބަލަމުން އަންނަ މައްސަލައަކާ ގުޅިގެން މައުލޫމާތު ސާފުކުރުމަށް ޝުމްބާ ފުލުހުންގެ އިދާރާ އަށް ހާޒިރުކުރި ކަމަށެވެ. އަދި އެ މައްސަލައާ ގުޅިގެން ފުލުހުން އަޅަންޖެހޭ ފިޔަވަޅުތައް އަޅަމުން އަންނަ ކަމަށް އޭނާ ވިދާޅުވި އެވެ. އިތުރު ތަފްސީލެއް ނުދެއްވަ އެވެ.
އެމްވީކްރައިސިސްގެ ނަމުގައި ޓެލެގްރާމްގައި ހިންގާ ގުރޫޕުން އަންނަނީ ކޮވިޑް-19 އާ ގުޅޭ ތަފާތު މައުލޫމާތުތައް ގެނެސްދެމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮންބެގެ ގޯތި
10 March 2020
ޔާމިންތައް އަދިވެސް ވެރިކަމުގައި ހުރީ!!!
އެއްމެން
10 March 2020
ކޮން ޝުންބާއެއް ސަރުކާރަކަށް އޮންނާނީ. ދުއްޕާން ކުރަންޏާ ސައިޒް ކުރާނެ. މިހަދަނީ އެހެން. ދޮގެއްތޯ؟ކޮންމެހެން ޔާމީނު ވީމަކައެއް ނޫން!
ތުއްފާޝަނާކިލެގެ
10 March 2020
މިއުޅެނީ ޔާމީނު ފައްތާލަން ހެދި ޑީލްތައް ފަޅާއަރާފާނެތީ ކަންބޮޑުވެގެން، އޮޅުވާލުމާ މަކަރުހެދުމާ، ނޭއްގާނީ ޢަމަލުތަކަކީ އެއްވެސް ފަރާތަކުން ކޮށްގެންވާނެ ކަމެއްނޫން، އަދި އެއްވެސް މީހަކަށް އަނިޔާވެރިވުމުގެގޮތުން ރޭއްވުންތައް ރާވައިގެން ކަންކަންކުރުމަކީވެސް ކޮށްގެންވާނެ ކަމެއްނޫން، އާޚިރުގައި ނަތީޖާ ރަނގަޅެއްނުވާނެ.
ފޮނިޓައްޕު ހަސަނު
10 March 2020
ސިލޯނު ފުލުހުން މިސޮރު ހައްޔަރު ކުރަން ދިއުމުން ހޭރުނުވަރު ހަނދާން ނެތުނީތޯއްޗެ. މިސޮރު އެބަޖެހޭނުން ވަޒީފާއަކަށް ގޮސްގެން ހަރުދަނާ މީހަކަށްވާން މިކަހަލަ ސިޔާސީ އެބައުޅޭ މިބައުޅޭ މީހެއްގެ ބައި ނުކުޅެ.
ޢީކިއު
10 March 2020
ހަމަ ބަރާބަރު. ދޮގު ހަބަރާއި ފިތުނަ ފަތުރަން އަރާހުރި މީހެެއްތީ.
ނަސްރު45
10 March 2020
ޢެމްވީ ކްރައިސިސް ގެ ވެރިޔާ އޭ ބުނޭ. ޜައްޔެތުން މެދުގާ ވަރަށްހާސްކަން އިތުރުވާ ގޮތަށް ކުއްލި ހަބަރު ނެރޭ ބައެއް.
ކެރަފާ 19 ޝަހީ ސިއްރުއެޖެންޑާ
10 March 2020
މިސަރުކާރުން އެބަޖެހޭ ލޫކަސްޖަލީލުވެސް ހައްޔަރުކުރަން ދީނައް ފުރައްސާރަ ކުރުމާ މަލާމާތްކުރި ސަހިން ދާވެސް ހައްޔަރު ކުރަން
ރޔޒ ވެސް
10 March 2020
ތިޔަ އުޅޭ ދޮގުމަނު ތޮއްޔިބް ޝަހީމްވެސް
ފޭލި
10 March 2020
ކޮންމެ ދިމާލަކުން ބަލާލިޔަސް މި ފެންނަނީ މިނިވަންކަން. ޙިޔާލު ފާޅުކުރުމުގެ މިނިވަންކަމާއި، ޙިޔާލު ބަންދުކުރުމުގެ މިނިވަންކަން. ރަށްވެހިފަތިސް
ޒާހިދުު
10 March 2020
އިއްޔެ ހިންނަވަރުން ސާމްފަލް ނަގައިގެން ގެނައީ އައިސް ބޮކްސްއެއްގަ. މިފަދަ ޑެޑްލީ ވައިރަސްއެއް އައިސް ބޮކްސްއެއްގަ ކެރީކުރަން ހެޔޮނުވާނެ. މި ގައުމުގަ ސާމްޕަލް ކެރިއަރ ބޮކްސްގަޑެއްވެސް ނެތް. އެކަމަކު ކޮންމެ ރެއަކު އަމީން ކިޔާ ސާމާނު ފޮނުވީމޭ. ދޮގު ވާހަކަ ދައްކާތީ މީނަ އަށް ފިޔަވަޅު އަޅާކަށް ނުޖެހޭތަ. ދެން އާދޭ މަގޭ ފޯނު އަތުލަން.
އެސްކޮބާރ
10 March 2020
މިގައުމުގެ މަސް އެކްސްޕޯޓުކުރަނީވެސް އައިސް ބޮކްސްގަ. އެގައުމެއްގެ ފެންވަރުން ނޫންތޯ އެގައުމަކުން ކަންތައް ކުރާނީ.
ހެޔޮނުބައި ވަކިނުވާ ވެރިކަން
10 March 2020
މި ސަރުކާރުގެ އަނިޔާވެރިކަން ފެށޭ ކަމުގެ އަލާމާތްތައް ތިޔަ ފެންނަނީ. ފުލުހުން ސިޔަސީ ވެއްޖެ. ރޭ އެމް.ޑީ.ޕީ އެތެރޭން ބިރު ދެއްކުމަށް ހަވަލުކުރި ރައްޓެއްސަކު ބުނި ވަޒީފާ އިން ވަކި ކުރުމާ، އާމްދަނީ ހޯދުމަށް ހުރަސް އެޅުމާ، ފުލުހަށް ހާޒިރުކޮށް ބަންދު ކުރުމާ، ޖަލަށް ލުމަށްވެސް މި ސަރުކާރު ފަސްނުޖެހޭނެ ކަމަށް. ރައީސް އިބޫ ޔާމިނަށްވުރެ 1000 ގުނަ އަރާހުރިކަމަށް. ކެމްޕޭން ޝަކުވާ 2 ރައީސުންނަށް އެޕަކުން ވަގުތުން މައުލޫމާތު ދިނުމަށް ގެންގުޅޭ ކަމަށް.