ކޮވިޑް-19 އަށް ޕޮޒިޓިވްވާ މީހުންގެ ތެރެއިން ހައި ރިސްކު މީހުންނަށް ފަރުވާދިނުމަށް އަލުން މަރާމާތުކުރި، ފަރުކޮޅުފުށި އައިސޮލޭޝަން ފެސިލިޓީގެ އެތެރެ ފެންނަ ގޮތް --.ފޮޓޯ: ނިޝާން އަލީ/މިހާރު
05 އެޕްރީލް 2020 - 12:38
14 comments
ކޮވިޑް-19 ޖެހިފައިވާ މީހުން ކަރަންޓީނުކުރަން ފަރުކޮޅުފުށި މަރާމާތުކުރަން ޖުމްލަ 5.9 މިލިއަން ރުފިޔާ ހަރަދުވެފައިވާ ކަމަށް، ސަރުކާރުން ރޭ ބުނެފި އެވެ.
ދަރުބާރުގޭގައި ރޭ ބޭއްވި ނޫސްވެރިންގެ ބައްދަލުވުމުގައި ސަރުކާރުގެ ތަރުޖަމާނު މަބްރޫކް އަޒީޒް ވިދާޅުވީ ފަރުކޮޅުފުށި ތަރައްގީކުރީ ދެ ފިޔަވިއްސަކަށް ބަހާލައިގެން ކަމަށެވެ. ވަސީލަތްތަކާ އެކު އެ ދެ ފިޔަވައްސަށް 5.9 މިލިއަން ރުފިޔާ ހަރަދުވެފައިވާ ކަމަށް ވިދާޅުވި އެވެ.
ޗައިނާގައި މިދިޔަ ޑިސެމްބަރު މަހު ކޮރޯނާވައިރަސް ފެތުރެން ފެށުމުން، އެ ވައިރަހަށް ޝައްކުކުރެވޭ މީހުން ކަރަންޓީނުކުރަން އެންމެ ފުރަތަމަ ހަމަޖެއްސި އެއް ތަނަކީ ހުޅުމާލޭގެ ދެ ވަނަ ފިޔަވައްސާ ޖެހިގެން އޮންނަ ފަރުކޮޅުފުއްޓެވެ. އޭރު އެތަން ބޭނުންކުރަން ފެށީ ވެސް މަރާމާތުތަކެއް ކޮށްގެންނެވެ. ނަމަވެސް މަދިރީގެ އުނދަގުލާއި އެހެން ވެސް ޝަކުވާތަކާ ގުޅިގެން މަރާމާތަށް ބަންދުކުރީ އެވެ.
އެތަން އެންމެ ފުރަތަމަ ބޭނުންކުރަން ފެށިއިރު ހުރީ 30 އެނދެވެ. ފަރުކޮޅުފުށި މަރާމާތުކުރިއިރު ހަތަރު ވޯޑަކަށް ބަހާލައިގެން އެނދުގެ އަދަދު ވަނީ 50 އަށް އިތުރުކޮށްފަ އެވެ. އޭގެ އިތުރުން އައިސީޔޫ ދެ އެނދާއި ވެންޓިލޭޓަރުގައި ފަރުވާ ދެވޭނެ އިންތިޒާމު ވަނީ ހަމަޖައްސައިފަ އެވެ.
ފަރުކޮޅުފުށި މަރާމާތުކުރުމުގައި އަމަލީގޮތުން އުޅުނީ ސިފައިންނެވެ. އެ މަސައްކަތުގައި ވިއްސަކަށް ސިފައިން ބައިވެރިވިއިރު އެކަން އެއްކޮށް ނިންމާފައިވަނީ އެންމެ ހަތަރު ދުވަހުންނެވެ.
މަރާމާތުގެ މަސައްކަތްތައް ނިންމާލައި، ފަރުކޮޅުފުށި އަލުން ބޭނުންކުރަން ފެށުމުގެ ކުރިން އެތަން ދައްކާލަން މިދިޔަ ބުރާސްފަތި ދުވަހު ވަނީ ނޫސްވެރިން ގެންގޮސްފަ އެވެ. މަބްރޫކް އޭރު ވިދާޅުވީ ފަރުކޮޅުފުށި ބޭނުންކުރަން ތައްޔާރުވެފައިވާ ކަމަށެވެ. އަދި އެތަނުގައި ފަރުވާދޭނީ، ކޮވިޑް ޖެހިފައިވާ މީހުންގެ ތެރެއިން ހައި ރިސްކް މީހުންނަށެވެ.
މިހާރު އެ ތަނުގެ އިންފްރަސްޓްރަކްޗާ އަށް ވެސް ބަދަލުތަކެއް ގެނެސްފައި ވެ އެވެ. ބައެއް ވޯޑުތަކުގައި ދޮރުތައް މީގެ ކުރިން ހުރީ ހާމައަށް ފެންނާށެވެ. ނަމަވެސް މިހާރު ފިިލާ ޖަހައި އެ ތަންތަން ރަނގަޅަށް ބައްދައި އޭސީކޮށް ޓީވީ ބަހައްޓާފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހައިވް
05 April 2020
މީ ހަމައެކަނި ރިނޮވޭޓު ކުރުމަށް ކުރި ޚަރަދުބާ؟ނޫނީ އިކުއިޕްމެންޓާ އެކު ޚަރަދުވީވަރުތޯ؟
ކައުންސެލަރު
05 April 2020
ބަލާނެކަމެއްނެތް. ޖީބުތައް ލައްކަބަރުވާނެ މިހާރު. ދަތްހުއްޓާ ކާށިކާލާފަ.
ބޮޑުމީހާ
05 April 2020
ހުރިހާ ރިސޯޓެއް ބަންދުކޮށްފަ އޮތީ. ދެން ހިލޭ އެތަންތަން ނަގަންވީ. މިވަރުކަމެއް ކޮށްދެވެންވާނެ. ކީއްކުރަން ޚަރަދުކޮށްފަ ހަދާ ވަގުތީ ތަންތަން
ކަޅުމަރިޔަނބު
05 April 2020
ލާރިގަނޑެއް ކާލަން.
ތުއްތުނާ
05 April 2020
މިތަންތަނުގައި މަރާމާތު ކުރުމަށް ބޭނުން ކޮށްގެން މިއުޅެނީ ޖަވާހިރު އާއި ރަން ދޯ ؟........ މަސައްކަތް ކުރީ ސިފައިން ކަމުގައި ވަނީ ނަމަ އިތުރު ހަރަދުތަކެއް މަސައްކަތަކަށް ނުދާނެ .......
ހަޒާނާ
05 April 2020
4 ދުވަހުން 20 ސިފައިން 5.9 މިލިއަން ރުފިޔާގެ މަސައްކަތް ކުރީމަ ހައިރާން ވެއް ޖެ އެވެ. ބަލާލަ ބަލާށެވެ.
ރަދީފްއޮފިޝިއަލް
05 April 2020
މެޓީރިއަލްސް ، މެޝިނަރީޒް ، އިކްވިޕްމެންޓްސްގެ އަގުވެސް ހިމެނޭ ދޯ.އަސްލު މަންޒަރު ފެންނާނީ އަދި 5 އަހަރުފަހުން ހަދާ އޮޑިޓްތަކުން.
ކަޅުމަރިޔަނބު
05 April 2020
ދަރުމަވަންތަ ހޮސްޕިޓަލް ޢިމާރާތްކުރުމަށް ދިޔަ ޅަރަދަށްވުރެ ތިތަން މަރާމާތުކުރަން ދިޔަ ޚަރަދު ނިސްބަތުން ބޮޑު. އަދި ކޮބާ މަސައްކަތްކުރީ ސިފައިންލައްވާ ހިލޭ ސާބަހަށް. ވަރަށް ވެދުން އެމް.ޑީ.ޕީ ކުދިންނަށް.
ރަދީފްއޮފިޝިއަލް
05 April 2020
އަދި 5 އަހަރުން ފަހުން ގާއިމް ކުރެވޭ އިންޑިޕެންޑެންޓް އިންސްޓިޓިއުޝަންތަކުން ހަދާ އޮޑިޓްތަކުން އަސްލު މަންޒަރު ފެންނާނީ.މިހެން ބުނަންޖެހުނީ އަބަދުވެސް އެއޮންނަ ސަރުކާރެއްް ނިމި އެހެން ބަޔަކު އައިސްގެން ނޫންގޮތަކަށް ހިނގަމުންދާ ސަރުކާރުގެ އެއްވެސް މިސްޓޭކެއް މިހާތަނަށް ރާއްޖޭގަ ފެނިފަނެތުން.ވ.ވެދުން
25 ބުރި ހަސފަތާލް
05 April 2020
4 ދުވަހުން 30 މިލިއަން ރުފިޔާގެ މަސައްކަތް.. ހުންނާނެ މަސައްކަތް ފަށެއް ކުރެވިފަ.. ތި ސިފައިން ހުސްވަގުތު ކޮޅެއްނަގާ ކައިބޮޔެ ހެދިބާ .. އަހަރެމެން ގަޅިކަމުން ނުވިސްނެނީ ޮަންނޭގެ..
އެންދެރި
05 April 2020
ފަރުކޮޅުފުށި 30 މިލިއަން ހަރަދު ވެދާނެ އެވެ. ޔާމީން ދައުރުގަ ވެސް މަރާމާތު ކުރަނީ އެވެ.. މަދިރި ކޮންޓްރޯލް ކުރަން ހަރަދު ވި ވަރު ބުނެ ބަލާށެވެ.
ކުޑޭ
05 April 2020
މިހާބޮޑަށް އިގްތިސާދު ދައްވެފައިވާއިރު ތިހާބޮޑެތި ހަރަދުކުރުން ރަނގަޅެއްނޫން، ރާއްޖެއަށް އަންނަ އެންމެން މިހާރު ކަރަންޓީނު ކުރޭ އެހެންވީމައި ރާއްޖޭގައި ތިބަލި ފެތުރުމުގެ ޗާންސް ވަރަށްވެސް ކުޑަ، ވީމާ ތިތަން ނެހެދިޔަކަސް ވެދާނެ، ކޮވިޑްގެ ކަންކަމަށް ސަރުކާރުން މާބޮޑަށް ހަރަދު ކުރާކަމަށް ފެންނަނީ
ކުޑޭގެ
05 April 2020
މިއީ އަދި މާމޮޅު އެކްސްޕާޓެއް. ތިޔަ ރިސާޗް އާންމުކުރީމަދޯ އެހެންމީހުންނަށްވެސް ވާނުވާއެއް އެނގޭނީ. ބައްޔާއި ދެކޮޅަށް މަސައްކަތްކުރުމަށް ތައްޔާރުވުމަކީ އެންމެންގެ ސަލާމަތާއި ރައްކާތެރިކަމަށް ކުރާކަމެއް. އިގްތިޞާދާއިމެދު ވިސްނަންޖެހޭނީ ބަލިން ސަލާމަތްވި ބަޔަކުދޯ.
އަސްލު ހަގީގަތް
05 April 2020
މިކުރާ ޚަރަދުގެ ފައިދާ ފަހުން ކުރާނެ. މިއީ އާދައިގެ ކޮށް ނެގޭނެ ކަމެއްނޫން.