14 އެޕްރީލް 2020 - 15:52
29 comments
ބަންގްލަދޭޝްގައި ކޮރޯނާވައިރަސް ބާރަށް ފެތުރެމުންދާއިރު، ރައްކާތެރިކަމުގެ ފިޔަވަޅުތަކާ ދޭތެރޭ ޝައްކުވާ ކަމަށް ބުނެ، އެ މީހުން ވީހާ އަވަހަކަށް ރާއްޖެ ގެނެސްދޭން އެދެމުން އެބަ ދެ އެވެ.
ބަންގްލަދޭޝްގައި ކިޔަވާ ދަރިވަރަކު "މިހާރު" އާ ވާހަކަ ދައްކަމުން ބުނީ، އެ ގައުމުގައި ހަލުއިކަމާ އެކު ވައިރަސް ފެތުރެމުންދާ އިރު، ދިވެހި ދަރިވަރުން ތިބީ ވަރަށް ބޮޑު ކަންބޮޑުވުމެއްގެ ތެރޭގައި ކަމަށެވެ. އޭނާ ފާހަގަކުރި މައިގަނޑު ކަންކަމުގެ ތެރޭގައި ވައިރަސް ހުރި މީސްމީހުން ފިލުމާއި ކަރަންޓީން ފެސިލިޓީގެ ކަންކަން ހުރި ގޮތާއި ބަލި މީހުން ބެލެހެއްޓޭ ގޮތާއި އައިސޮލޭޓްކުރާ މީސްމީހުން ނުކުންނަ މައްސަލަ ހިމެނެ އެވެ. އެހެންވެ، ދިވެހި ދަރިވަރުންނަށް ބަލި ނުޖެހި ސަލާމަތްވެދާނެ ކަމުގެ އުންމީދު އެ މީހުންނަށް އޮތީ ކުޑަވެފަ އެވެ.
ކޮވިޑާ ގުޅިގެން ބަންގްލަދޭޝް މިހާރު އޮތީ ލޮކްޑައުން އަށް ގޮސްފަ އެވެ. ވައިގެ ދަތުރުތައް ވެސް ހުއްޓާލުމާ ގުޅިގެން، ގިނަ ދިވެހި ދަރިވަރުންތަކެއް ވަނީ ވެރިރަށް ޑާކާގެ އިތުރުން ބަންގްލަދޭޝްގެ ބައެއް އެހެން ސިޓީތަކުގައި ވެސް ތާށިވެފަ އެވެ. ރާއްޖެ އާދެވޭނެ ކަށަވަރު ދުވަހެއް އެއްވެސް ދަރިވަރަކަށް ނޭނގެ އެވެ.
އެކަމަކު، ލޮކްޑައުން އަށް ދިޔަ ބައެއް ގައުމުތަކުން މިހާތަނަށް 800 އަށް ވުރެ ގިނަ ދިވެހިން ވަނީ ރާއްޖެ ގެނެސްފަ އެވެ. ސަރުކާރުން ބުނެފައި ވަނީ ބަންގްލަދޭޝްގައި ތިބި ދިވެހިން ވެސް ކަންކަން ވެސް ގާތުން ބަލަމުން އަންނަ ކަމަށެވެ.
ފޮރިން މިނިސްޓްރީގެ ޑިރެކްޓާ އޮފް ކޮމިއުނިކޭޝަންސް މިއުވާން މުހައްމަދު މިއަދު ވިދާޅުވީ، އެއްވެސް ގައުމެއްގައި ދިވެހިން ހާލުގައި ޖެހުނަ ނުދޭނެ ކަމަށެވެ. އެގޮތުން ބަންގްލަދޭޝްގެ ހާލަތު ވެސް ވަރަށް ގާތުން ބަލަމުން އަންނަ ކަމަށާއި، އެ ގައުމުގައި ތިބި ދިވެހިންނަށް ވެސް އެހީވަމުން އަންނަ ކަމަށް އޭނާ ވިދާޅުވި އެވެ.
މިއުވާން ވިދާޅުވީ ބައެއް ގައުމުތަކުން މީހުން ގެނައުމުގައި ދަތިތަކެއް އެބަހުރި ކަމަށާއި އޭގެ ތެރޭގައި ބަންގްލަދޭޝް ވެސް ހިމެނޭ ކަމަށެވެ. އެކަމަކު ވިދާޅުވީ އެ ދަތިތަކާ އެކު ވެސް، ދިވެހިން ރާއްޖެ ގެނައުމުގެ މަސައްކަތް ކުރިއަށްދާ ކަމަށެވެ.
ބަންގްލަދޭޝްގައި މިހާރު 78 ދިވެހިން ރަޖިސްޓްރީވެގެން ދިރިއުޅެ އެވެ. ބަންގްލަދޭޝްގައި ޑޮކްޓަރުކަން ކިޔަވާ މީހަކު "މިހާރު" އަށް ބުނި ގޮތުގައި، މި ހާލަތުގައި ރައްޔިތުންގެ ސަލާމަތާއި ރައްކާތެރި ކަމަށް އެ ގައުމުން ފިޔަވަޅު އަޅާފައި އޮތީ ވަރަށް ދޯދިޔާކޮށެވެ. އޭގެ އިތުރުން މި ހާލަތުގައި ދިރިއުޅެން ޖެހިފައިވަނީ ވެސް އެހާ ދަތިކޮށް ކަމަށް އޭނާ ބުންޏެވެ.
އެ ގައުމުގައި ކިޔަވަމުންދާ ދަރިވަރުންނަށް ބަލާއިރު، ހޮސްޓެލްތަކުގައި ކިޔަވަމުންދާ ދަރިވަރުންނަށް ބޮޑެތި ގެއްލުންތައް ވަމުންދާކަން ވެސް އޭނާ ފާހަގަކުރި އެވެ. އެގޮތުން ހޮސްޓެލްތައް ބަންދުކޮށް ކުދިން މަގުމަތިވަމުންދާ ކަމަށް އޭނާ ބުންޏެވެ. މިއީ، ސަރުކާރުން ކޮންމެހެން ވެސް އެހީ ފޯރުކޮށްދޭން ޖެހޭ ވަގުތެއްކަން އޭނާ ފާހަގަކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޚިޔާލު
15 April 2020
ދިވެހި ސިފައިންގެ އަޕާޗޭ ހެލިކޮޕްޓަރުތަކުގައި މިމީހުން ސަލާމަތްކުރުމަށް ރެސްކިއު މިޝަނެއް ފޮނުވުމަށް ގޮވާލަން
ކަކުނިބޯ
15 April 2020
އެގިލައްވާތޯ ތިޔަތަނުގައި ޑރ ކަން ދަސްކުރަންތިބި ކުދިން ނަށް ދިވެހި އާއިލާތަކުންނާއި ސަރުކާރުނ ލޯނުނަގާގެން ކިހާވަރެއް ހަރަދުކޮށްފަ ތިބި ކުދިންކަން ތިފަރުވާކުޑަކޮށްގެން ތިއުޅެނީ ތިމާގެ އާއިލާމީހުންކޮޅުގެނެވުނީމާ ނިންމާލައިގެ މިތިބެނީ
falcon_autho
14 April 2020
ބަންގްލާދޭޝްގައި އެކަނިނޫން ދިވެހިން ބިރުވެރިކަމެއްގައި ތިބީކީ. މާލޭގައިވެސް ބަންގާޅީން އެކިގޯޅި ކަންކަންމަތީގައި ބައިގަނޑު ހަދާފައި މިހާރުވެސް އެތިބެނީ. އެކަމަކު 3 މީހުންނަށްވުރެ ގިނައިން ޖަމާވެ ތިބުމަކީ މަނާ ކަމެކޯ ގޮވާނަގާއިރުވެސް ހުއްޓުމެއްނެތް. އެމީހުންގެ ސަބަބުން މާލޭގައި ބޮޑު އިޖްތިމާޢީ ބަލިމަޑުކަމެއް ފެތުރިފައިވާއިރު ދެން ފެތުރޭނީ ކޮރޯނާގެ ނުރައްކާތެރި ވަބާ ނޫންކަމެއްވެސް ނޭނގޭ. ފުލުހުން ދަނޑިބުރި ހިފައިގެން ނުކުމެ ތަޅާ ފޮޅައިގެން ނޫނީނުވާނެ.
ޝޮކްތެރަޕީ
14 April 2020
ސަރުކާރުގެ ނާގާބިލްކަން މިފެންނަނީ. ބޭރުގެ ޤައުމުތަކުގަ ތާޝިވެފަ ތިބިމީހުން ގެނެވޭހާ ދުވަސްވެއްޖެ އަދިވެސް މި ސަރުކާރަ މިއުޅެނީ މިކަން ނުވެގެން.
އުދުހޭ މޮހޮދޭ
15 April 2020
ކަލޯ ތިކަހަލަ ގައުމުތަކަށް ދިވެހިން ކިޔަވަން ފޮނުވަން ފެށި މީހާ މިހާރު އެހެރީ ޖަލުގައި. އޭނަ ތިކަމުގައި ދިވެހި ކިޔަވާ ކުދިންނަވާ އަނިޔާގެ ޒިއްމާ ނަގަން ޖެހޭ
ހިޔާލު.
14 April 2020
ބަޔަކު ގެންނަންޏާ ހަގީގަތުގަ ފުރަތަމަ ގެންނަންވީ މިތާ ތިބި މީހުން. ދެން ލަންކާގަ ތިބި މީހުން. އެއީ އެއްވެސް ދިވެއްސަކު އޭނަގަ އާއިލާ މީހެއް އަންދާލާތަން ދެކޭކަށް ބޭނުމެއް ނުވާނެ. ޔޫރަޕް ތަންތާ ތިބި މުއްސަނދިން ގެނައުމުގެ މާ ބޮޑު ބޭނުމެއް ނެތް.
ފީއަލީ
14 April 2020
ބޭރު ޤައުމުތަކުގަ ފުދިގެން ވިއަސް ނުފުދިވިއަސް ގޮސްތިބިމީހުން ދިވެހިރައްޔިތުންގެ ޓެކްސްފައިސާއިން ޚަރަދު ކުރާކަށް ނުޖެހޭ އަމިއްލައަށް އާދެވެން އޮތްދުވަހު ނައީކީއްވެތޯ؟ ރާއްޖޭގަ ތިބިމީހުންމިތިބީ ބަޑަށް ދެންއެކި ޤައުމުތަކުގައި ތިބެންޖެހުމަކީވެސް މިންވަރުފުޅު ޝުކުރުކޮށްގެން ތިބެބަލަ
ކުދުބެއްޔާ
14 April 2020
މިކަމެއް ފެޝުމާއެކު ރެޖިސްޓްރީ ވުމަށް އިލްތިމާސްކޮށް އަޅާނުލާފަ، އަދި ލޮކްޑައުންގެ ކުރިން ނައިއްސަ ދެން ކޮން ބިރުވެރިކަމެކޭ، ތާއްޓެއް ވިއްޔޭ ގޮވާކަށް، މިގައުމުގަ ތިބި މީހުންވެސް މިތިބީ ބިރުވެރިކަމެއްގަ. މިތާގަ ދިރިއުޅޭ މީހުންއަތުން ނަގާ ޖަމާކޮށްފަހުރި ޓެކްސް ފައިސާ ޚަރަދުކޮށްގެން މިގައުމުގަ ނޫޅެން ގޮސް ތިބި މަހުޖަނުން ގެނެސަ ރިސޯޓުތަކު ޗުއްޓީ ހަދާލަން 14 ދު ަހުގެ ހިލޭ ޕެކޭޖެއް ޓެކްސް ދައްކާ މީހުންއަތުން ނަގާ ފައިސާ ހުސްކުރުން ބަލައިނުގަނެވޭ
ތާހިރު
14 April 2020
ބަންގްލަދޭޝްގޮތަށް އިންޑިއާގެ ބައެއްސަރަހައްދުތަކު ހާލަތުތުވަރަށް ގޯސްވުން އެކަށީގެންވޭ ބަޔަކުގެންނަންޏާ އިތުރަށް ގޯސްނުވަނީސް އިންޑިއާގަތިބި ކިޔަވާކުދިންނާއި ބޭސްފަރުވާއަށް ގޮސްތިބި މީހުންގެނައުން ބުއްދިވެރި. ކުޑަކުދިންނާއި އުމުރުންދުވަސްވީ މީހުނަށް އިސްކަންދީގެން. ވައިރަސް ބޮޑަށް ފެތުރެންފެށުމުން ގެނައީމަ ރާއްޖޭގައި އާންމުންގެތެރެއަށް ބޮޑަށް ބަލި ފެތުރުމުގެ ފުރުސަތު ބޮޑު. ފިޔަވަޅުތައް ވަރުގަދަކުރިޔަސް މިކަންކަމުން ސަލާމަތްވާން އުނދަނދޫވެދާނެ.
ބޮޑުމީހާ
14 April 2020
ވަރަށް ދަތި ދުވަސްތަކެއް އޮތީ ކުރިއަށް! އެކަކު އަނެކަކަށް އެހީތެރިވެދެއްވާ.
ބާބާ
14 April 2020
އަސްލުވެސް ބަންގާޅަކީ މިފަދަ ވަގުތެއްގައި ބަޔަކު ތިބެން ހެޔޮވާވަރު ތަނެއްނޫން. އެތާގައި އޮންނަނީ ނަމެއްގައި އޮންނަ ސަރުކާރެެއް. އެތާގައި އުޅޭ 2 އަންހެނުން ތަޅައިފޮޅުންނޫންކަމެއް ވެރިކަމާގުޅިގެން ނުހިނގާ. ކޮވިޑާ ގުޅިގެން މިހާރު ބޮޑުވަޒީރަކަށްހުރި އަންހެންމީހާ ވަރަށް ފުއްޕާފައި ބުނި މާވަރަކަށް ތައްޔާރުވެފައިވާވާހަކަ. ވާވަރަކީ ބަންގާޅީންގެ ދޮޅު ލައްކައަށްވުރެން ގިނަމީހުން މިރާއްޖޭގައި އުޅޭކަންވެސް އެތާގެ ސަރުކާރަކަށް ނޭނގޭނެ.