ރައީސް އިބްރާހިމް މުހައްމަދު ސޯލިހް ގައުމާ މުޚާތަބުކުރައްވަނީ
15 އެޕްރީލް 2020 - 17:28
70 comments
ކޮވިޑް-19 އަށް ޕޮޒިޓިވް މީހަކު މާލެއިން ފުރަތަމަ ފަހަރަށް ފެނުމާ ގުޅިގެން ރައީސް އިބްރާހިމް މުހައްމަދު ސޯލިހް ގައުމާ މުހާތަބުކުރައްވަމުން ކީރިތިކުރައްވައި، ކަމާބެހޭ އިދާރާތަކަށް ރައްޔިތުން އެއްބާރުލުން ދިނުމަށް އެދިވަޑައިގެންފި އެވެ.
ގައުމާ މުހާތަބުކުރައްވަމުން ރައީސް ވިދާޅުވީ ރާއްޖޭގައި ކޮވިޑް-19 ފެތުރިދާނެ ހާލަތަކަށް މިދިޔަ ޖެނުއަރީ މަހުގެ ފުރަތަމަ ހަފުތާއިން ފެށިގެން އައީ ތައްޔާރުވަމުން ކަމަށެވެ. ހާއްސަކޮށް، ރާއްޖޭގައި އެ ބަލި ފެތުރިދާނެ ކަމަށް ވިސްނައި ދިޔައީ ފުރިހަމައަށް ތައްޔާރުވަމުން ކަމަށް ވިދާޅުވި އެވެ.
މާލެއިން ޕޮޒިޓިވްވި މީހާ ބަލީގެ އަލާމާތްތައް ހުރުމުން ފްލޫ ކުލިނިކަށް ޓެސްޓް ކުރަން ދިޔައީ އިއްޔެ އެވެ. އޭނާއާ ކޮންޓެކްޓްވި 11 މީހެއްގެ ސާމްޕަލް މިހާރު ނަގާފައިވާ ކަމަށާއި އެ މީހައާ އެކި ގޮތްގޮތުން ބައްދަލުވި އެހެން މީހުން ދެނެގަތުމުގެ މަސައްކަތް ކުރަމުން އަންނަކަމަަށް ރައީސް ވިދާޅުވި އެވެ. އެކަމުގެ ރައްކާތެރިކަމުގެ ފިޔަވަޅެއްގެ ގޮތުން މާލެ ސަރަހައްދު އަދި ގުޅިފަޅު 24 ގަޑިއިރަށް ލޮކްޑައުންކޮށް، ކ. ކާށިދޫ ވެސް ވަނީ މޮނިޓަރިންގެ ހާލަތަށް ގެންގޮސްފަ އެވެ.
ރައީސް ވަނީ އެ ދެ ސަރަހައްދަށް ކަމާބެހޭ ފަރާތްތަކުން ނެރެފައިވާ އަމުރު ތަންފީޒުކުރުމުގައި، ރައްޔިތުން ކެތްތެރިވެ، ކަމާބެހޭ ފަރާތްތަކަށް އެއްބާރުލުން ދެއްވުމަށް އެދިވަޑައިގެންފަ އެވެ. ލޮކްޑައުން ކުރުމާ ގުޅިގެން އާއްމު ދިރިއުޅުމުގައި ދަތިތަކާ ދިމާވާނެކަން އެނގިވަޑައިގަންނަވާ ކަމަށާއި ނަމަވެސް މުޅި މުޖުތަމައުގެ ރައްކާތެރިކަމަށް އެކުގައި މަސައްކަތްކުރުން ވަރަށް މުހިއްމު ކަމަށް އަސަރާ އެކު ރައީސް ވިދާޅުވި އެވެ.
"އަޅުގަނޑު ހުރިހާ ރައްޔިތުންނަށް ވެސް ޔަގީންކަން އަރުވަނީ ސަރުކާރުގެ އެންމެ މުހިއްމު އަމާޒަކީ ދިވެހި ރައްޔިތުންނަށް ސިއްހީ ރައްކާތެރިކަން ފޯރުކޮށްދިނުންކަން. އެގޮތުން މި ބަލި ފެތުރޭ މިންވަރު ވީހާ ވެސް ކުޑަ ކުރުމަށް ކުރެވެން ހުރި ހުރިހާ މަސައްކަތެއް އަޅުގަނޑުމެން ކުރަމުން ގެންދާނެ ވާހަކަ ދަންނަވަން،" ރައީސް ވިދާޅުވި އެވެ.
"ކެތްތެރިކަމާއި ހިކުމަތްތެރިކަމާއެކު، އެންމެން އެކުގައި މަސައްކަތް ކުރުމުން މިކަމުން އަރައިގަނެވޭނެ،" ކީރިތިކުރެއްވި، ވާހަކަފުޅު ކޮންމެވެސް ވަރަކަށް މެދުކެނޑުނު ހިތާބުގައި ހިތްވަރު ދެއްވަމުން ރައީސް ވިދާޅުވި އެވެ. އެމަނިކުފާނު ވިދާޅުވީ ކާބޯތަކެއްޗާއި ޒަރޫރީ އެހެން ބޭނުންތަކަށް ބޭނުންވާ ސާމާނު އެކަށިގެންވާ ވަރަށް އެބަހުރި ކަމަށެވެ. އެ ކަންކަމުގެ ތަފްސީލްތައް އިދާރާތަކުން ހާމަކުރަމުން ގެންދާނެކަން ފާހަަގަކުރެއްވި އެވެ. "އަޅުގަނޑު ނިންމާލަމުން އަދި ވެސް އެއްފަހަރު، ހުރިހާ ރައްޔިތުންގެ ކިބައިން މި އެދެނީ، އެކަކު އަނެކަކާމެދު އޯގާތެރިކަމާއި އެކުވެރިކަމާއެކު މުއާމަލާތް ކުރުމަށް. އަދި ކެތްތެރިކަން އިސްކުރައްވައި އިސްލާމްދީނުގެ މަތިވެރި އުސޫލުތަކުގެ ތެރެއިން އެކަކު އަނެކަކަށް އެހީތެރިވުމަށް،" ކީރިތި ކުރައްވަމުން ރައީސް އެދިވަޑައިގަތެވެ.
ރާއްޖޭން މިހާތަނަށް ކޮރޯނާވައިރަހަށް ޕޮޒިޓިވްވެފައިވަނީ 21 މީހެކެވެ. އޭގެ ތެރެއިން ހަ މީހުންނަކީ ދިވެހިންނެވެ. މާލެއިން މިއަދު ފެނުނު ކޮވިޑް-19 ގެ ޕޮޒިޓިވް މީހާ ފިޔަވައި ބާކީ ތިބި އެންމެންނަކީ ވެސް ރާއްޖެއިން ބޭރުން އައި ފަހުން ޕޮޒިޓިވްވި ބައެކެވެެ. އެ މީހުންގެ ތެރެއިން ދެ ދިވެހިން ވަނީ ރަނގަޅުވެފަ އެވެ. އެހެންވެ މިހާރު ފަރުވާ ދެމުން އަންނަނީ ތިން ދިވެހިންނަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޭހުނުއިލޮށި
16 April 2020
މިއަދު އިހުސާސްވާނެ އެދުވަހު ބޮއެކަޓްކުރަން ގޮވިގޮވުން.
ނުރަބޯ
16 April 2020
ހުސްވެސް ޑްރާމާ
ބޮލާ
16 April 2020
މިއީ އިދިކޮޅު މީހުންނަށް ބަވަންވީ ވަގުތެއް ނޫނެނެވެ. އެއްކޮޅު މީހުން ސަނާކިޔަންވީ ވަގުތެއް ވެސް ނޫނެވެ. މިއީ ގައުމު އިސްކުރަންވީ ވަގުތެވެ. ސިޔާސީވާދަވެރިކަން ދޫކޮށް އެކުވެރިވާންވީ ވަގުތެވެ
ކެޔޮޅުބޭ
16 April 2020
ރިޔާސީ އިންތިޚާބުގަ ނިކަމެތިކޮށް ބަލިވި ރަހުމް ކުޑަ ވެރިއެއްގެ ކޮރަޕްޓް އައުވާނުންގެ ކޮމެންޓްތަކުން އިތުރަށް ޔަގީންވާ ކަމަކީ މިވެރިންގެ ވިހަ ކޮރޯނާ ވައިރަސްގެ ވިހައަށް ވުރެ މާ ނުބައިކަން. ދިވެހިންގެ ނަސީބު މިގައުމު މި "ގޭންގުން" ސަލާމަތް ވިކަން. ﷲ ގެ އިރާދަ ފުޅާއެކީ ދިވެހިންނަށް ދުޅަ ހެޔޮކަމާ ރައްކާތެރިކަން ދެއްވާށި. އަހަރުމެން ގޮވައިގެން އަމާން އައްސޭރިއަކަށް ދިއުމަށް މިއަދު ރައީސް ސޯލިހު ކުރައްވާ މަސައްކަތުގަ އެކަލާނގެ ބަރަކާތް ލައްވާށި. އާމީން!
މުފައްކިރު
16 April 2020
ވެރިންނަކީ މިފަދަ ޙާލަތް ތަކުގަވެސް ހިތްވަރާ އެކު މަސައްކަތް ކުރާ މީހުން. ކީރިރތި ކުރެއްވުމަކީ ޢާއްމު ސަޕޯރޓަށް ދަޅަ ދައްކަން ކުޅުނު ޑްރާމާ އެއް.
ފުރެންޑު
16 April 2020
ރައީސް ގެ ވާހަކައިން ވަރަށް ހިތް އެލި އުއްމީދު ގެއްލުނު. ނަސީބަކުން ސިފައިންގެ ވެރިޔާ، ޕޮލިސްގެ ވެރިޔާ އެޗްޕީއޭގެ ވެރިންގެ ވާހަކަ އަޑު އިވުނީމަ ހިތްވަރު އާވެ އިތުބާރު ލިބުން. ރައީސުން ނަކީ އުދަގޫ ދަޑިވަޅުގައި ރޯން ތިބޭބައެއް ނޫން. ރައްޔިތުންނަށް ހިތްވަރު ދީ ކޮންފިޑެންސް ދެވޭވަރު މީހަކަށް ވާންވާނެ
ފްރެންޑް ޓޫ
16 April 2020
ޔޫ ހޭވް ނޯ އައިޑިއާ މައި ފްރެންޑް. އިޓް ވޯޒް މޯ ދެން ނެސަސަރީ.
ސަލީމު އިދުރީސް
16 April 2020
މީހަކު ލޮލުން ކަރުނަ ފޮދެއް ވެއްޓުމަކީ އެމިހެއްގެ ފިޑިކަން ނުވަތަ ނާގާބިލު ކަމެއްނޫން! މިވަރުނޭގޭ ޜައްޔިތުން ތަކާއެކު މީގެކުރިން ދުނިއެނުދެކޭފަ ބިރުވެރި ދުވަސްތަކާއެކު ކުރިޔައްދާންވީމަ މީހަކައް ރޮވިވެސްދާނެ
ޚިޔާލު
16 April 2020
ޓޫރިޒަމް މިނިސްޓަރުގެ މައްސަލާގައިވެސް ހަމަ މިގޮތަށް ކީރިތިކުރެއްވިބާ؟ މިވަގުތު ބޭނުންވަނީ ވިސްނުންތެރިކަމާއެކު، ކެރުމާއެކު ފިޔަވަޅުއަޅަން ކެރޭ ހަރުދަނާ ލީޑަރެއް. ޔާމީން ކަހަލަ ރުންކުރު ކަރަޕްޓް ލީޑަޜެއް ބޭނުމެއް ނުވޭ. ނަޝީދު ކަހަލަ ރުންކުރު ހުރިހާކަމެއް ތިމާއަށް އެގޭކަމަށް ގަބޫލުކުރާ ލީޑަރެއް ވެސް ބޭނުމެއް ނުވޭ. މިހާތަނަށް މިކަހަލަ ކާރިސާއެއްގައި ލީޑަރޝިޕް ދެއްކެވީ އިބްރާހިމް ނާސިރު. އެކަން އަހަރެމެން މިތިބީ ކޮލެރާގެ ދުވަސްވަރު ތަޖުރިބާކޮށްފައި
ސަމަރުބުލޫ
16 April 2020
ހަލޯ މިހިރަ ބޮޑު މޮޔޔ! މުޅި ދުނިޔެ ހުއްޓުވާލާ ގައުމުތަށް ކުޑަކަކޫ މައްޗަށް ތިރި ކޮށްލި ކޮރޯނާ ވައިރަސް އާ ތި އަޅާކިޔަނީ ރާއްޖެއަށް އައި ކޮލެރާ ދުވަސްވަރާ؟؟؟ ތިވަރުގެ ތަނެއްދޮރެއް ނޭގޭ "ސްޓުޕިޑް" މީހެއް ކައިރީގަ އެއްޗެއް ބުނުމުގެ މާބޮޑޫ ބޭނުމެއް ނެތް. "ސިޔާސީ ގޮތުން ހައްދު ފަހަނަޅާ ދިއުމަކީ" ވެސް ފާޑެއްގެ ބައްޔެއް. އެބަލިން ހަލާކުވަނީ މީހާގެ ހަމަ ބުއްދި.
ދޮންވެލި
16 April 2020
ސަރުކާރު އަދި ސަރުކާރު ހިއްސާވާ އެއްވެސް ތަނެއްގަ މުސާރަ އާއި އެލަވަންސް 35 ހާހައްވުރެ ބޮޑުނަމަ ކުޑަކުރަންވީ އެވެ. ސިޔާސީ.މަގާމްތަކުގެ މުސާރަތައް.މާބޮޑެވެ. ރައްޔިތުން ގެ ވަޒީފާ ތައްް ގެއްލޭ އިރު ސަރުކާރުގަ އެހީވާން ފައިސާ އެއް ނެތެވެ.
އިސްމާލު
16 April 2020
ރައީސަށް ނަފުރަތުކޮށް ލިޔެފައި ހުރި ކޮމެންޓްތަކުގެ ލައިކް : ޑިސްލައިކް ރޭޝިއޯ ބަލާލީމައި އެނގޭ ދިވެހި ގިނަ ރައްޔިތުންނަކީ ހެޔޮވިސްނޭ ބައެއްކަން.
މަނިކުބޭ
16 April 2020
ޔާނުގެ ވެރިކަމުގައި ބޮޑެތިވައްކަން ކޮށްފައިވާމީހުންނާއި އެބައިމީހުންގެ އައުވާނުން ކޮންމެހެން ރުޅިއައިސްގެން ރައީސް ސޯލިހްގެ ހިތާބައް ބަދުބަސް ބުނުމަކުން އެބައިމީހުންގެ މައްސްލަތައް ނުބަލާ ދޫކޮށެއް ނުލެވޭނެ. މިއަދު ފެނިގެން އެ ދިޔައީ އިންސާނީޔަތުކަން ހުރި ދިވެހި ދަރި ރައީސުލް ޖުމްހޫރިއްޔާގެ އަސްލު. ރައީސް ސޯލިހު ދެނެލައްވާ އެންމެނަށް މިއީ އެމަނިކުފާންގެ ހަގީގަތްކަން އެނގޭނެ. ވަރަށްހުލްގު ހެޔޮ ދިވެހި ދަރިއެއް ރައީސް އިބްރާހިމް މުހައްމަދު ސޯލިހަކީ.