މާލޭގެ އުތުރު ބަނދަރުގައި ހުރި ބޯޓްތަކެއް. މިމަހު 15 ގައި މާލެއިން ފުރި އަމާޒް ބޯޓްގެ ކެޕްޓަން ވަނީ ކޮވިޑަށް ޕޮޒިޓިވް ވެފައި.
25 އެޕްރީލް 2020 - 23:20
16 comments
މިމަހުގެ 15 ވަނަ ދުވަހު މާލެއިން ފުރައިގެން އުތުރުގެ ތިން އަތޮޅަކަށް ދަތުރުކުރި "އަމާޒު" ބޯޓްގެ ކެޕްޓަން ކޮވިޑް-19 އަށް ޕޮޒިޓިވް ވެފައި ވުމުން ގިނަ ރަށްތަކެއްގައި ބަލި ފެތުރުމުގެ ބިރު ބޮޑުވެއްޖެ އެވެ.
ނެޝަނަލް އިމަޖެންސީ އޮޕަރޭޝަން ސެންޓަރުން މިރޭ ބޭއްވި ޕްރެސް ބްރީފިންގައި ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ ޑޮކްޓަރު އިބްރާހީމް އަފްޒަލް ވިދާޅުވީ ރާއްޖޭން ކޮވިޑް-19 އަށް ޕޮޒިޓިވްވި ކޭސްތަކުގެ ތެރެއިން ކޭސް 133 އަކީ ށ.ނަރުދޫ އަމާޒް ބޯޓުގެ ކެޕްޓަން ކަމަށާއި އެބޯޓް މާލެއިން ފުރައިގެން އުތުުރުގެ ރަށްތަަކަށް ދަތުރުކުރީ 98 މީހަކު ގޮވައިގެން ކަމަށެވެ. އެ ބޯޓް ހއ، ށ އަދި ނ. އަތޮޅުގެ ރަށްތަކަށް ދަތުރުކޮށްފައިވެ އެވެ. އަދި އެ ބޯޓްގެ ކެޕްޓަން ޕޮޒިޓިވް ވެފައި ވުމުން، އެ ބޯޓާ ގުޅޭ ގިނަ ކޭސްތަކެއް ފެނުމުގެ ބިރު އެބަ އޮތް ކަމަށް އަފްޒަލް ވިދާޅުވި އެވެ. އޭނާ ވިދާޅުވީ އެހެންވެ ކޮންޓެކްޓް ޓްރޭސިންގެ މަސައްކަތް ވަރަށް ބޮޑަށް ކުރަމުން އަންނަ ކަމަށެވެ.
"އެހެންވީމާ މި އަމާޒު ބޯޓާ ގުޅިގެން، ވަރަށް ބޮޑަށް އިތުރު މައްސަލަތަކެއް ފެނިދާނެ ކަމުގެ ބިރު އޮވެގެން ކޮންޓެކްޓް ޓްރޭސިންގެ މަސައްކަތް ވަރަށް ގަދައަށް ކުރިއަށް އެބަ ދޭ މިހާރު،" ޑޮކްޓަރު ވިދާޅުވި އެވެ.
އަފްޒަލް ވިދާޅުވީ އަމާޒު ބޯޓުން ޕޮޒިޓިވްވި އުމުރުން 49 އަހަރުގެ މީހާއާ ގުޅުން ހުރި 50 ކޮންޓެކްޓެއް މިހާރު ވެސް ހޯދިފައިވާ ކަމަށެވެ.
މިރޭގެ ބްރީފިންގައި ޑރ. އަފްޒަލް ބައިވެރިވެވަޑައިގަންނަވަނީ.
އަމާޒު ބޯޓް ދަތުރުކުރި ރަށްތައް
ނ. އަތޮޅު: މާފަރު، ހެނބަދޫ، މިލަދޫ، ވެލިދޫ، ހޮޅުދޫ، ކެނދިކުޅުދޫ
ށ. އަތޮޅު: ނަރުދޫ، ފުނަދޫ، މިލަންދޫ، ފީވަށް، މާއުނގޫދޫ
ހއ.އަތޮޅު: ދިއްދޫ، އުތީމު
އަތޮޅުތަކަށް ދަަތުރުކުރާ ނާލުބޯޓް ފަހަރުގެ އާއްމު އުސޫލު އޮންނަ ގޮތުން ބޯޓް ދަތުރުކުރި ރަށްތަކުން އިތުރު އެތައް ބަޔަކު ކެޕްޓަނާ ކޮންޓެކްޓްވެފައި ވުމަކީ އެކަށީގެންވާ ކަމެކެވެ. އާއްމު އުސޫލަކީ ރަށްރަށަށް އުފުލާ މުދަލުގެ ލިސްޓް، ބޯޓުގެ ކޭޝިއަރާ އެކު ދެން ބަލަހައްޓާ މީހަކީ ކެޕްޓަނަށް ވުމެވެ. ނާލުގެ ގޮތުގައި ލިބޭ ފައިސާއާ ހަވާލުވެ ފައިސާގެ ކަންކަން ބެލެހެއްޓުމަކީ ވެސް ކޭޝިއަރެކޭ އެއްފަދައިން ކެޕްޓަން ވެސް ބައެއް ފަހަރު ކުރާ ކަމެކެވެ. އެކަމަކު އަމާޒު ބޯޓުގައި އެ އިންތިޒާމް އޮތް ގޮތެއް އަދި ނޭނގެ އެވެ.
އަފްޒަލް ވިދާޅުވީ އަމާޒް ބޯޓްގެ ކެޕްޓަނާ ކޮންޓެކްޓްވެފައިވާ ފަރާތްތަކުގެ ތެރޭގައި އެޗްޕީއޭ އަށް ނޭނގޭ ބަޔަކު ވެސް އަދި ތިބެދާނެ ކަމަށެވެ. އެހެންވެ، އެ ފަރާތްތަކުން އެޗްޕީއޭ އަށް މައުލޫމާތު ދިނުމަށް އޭނާ އެދިވަޑައިގަތެވެ.
"އެހެންވީމާ އެ މީހުންގެ ފަރާތުން އަޅުގަނޑުމެން އެދޭ އެދުމެއް އެއީ އަޅުގަނޑުމެންގެ ހޮޓްލައިނަށް ގުޅައިގެން އަޅުގަނޑުމެންގެ ކޮންޓެކްޓް ޓްރޭސިންގެ ތެރެއަށް އައިސް އެ މައުލޫމާތު އަޅުގަނޑުމެނަށް ދިނުން،" އޭނާ ވިދާޅުވި އެވެ.
އަމާޒު ބޯޓްގެ ކެޕްޓަނާ ގުޅުން ހުރީ މާލޭން ޕޮޒިޓިވްވި މީހުންގެ ތެރެއިން ކޮން ބަޔަކާ ކަމެއް އަދި ނޭނގެ އެވެ. މާލޭގެ ކްލްސްޓާތަކުގެ ތެރޭގައި، ފުޅާ ދާއިރާއެއްގައި ހޯލްސޭލްކުރާ ފިހާރަތަކުގެ މުވައްޒަފުން ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ަސޕު
26 April 2020
ދުނިޔޭގައި މިބައްޔަށް ޓެސްޓު ކުރާ މެޝިން ނެތީތޯ؟ ނޫނީ އަހަރަ މެން ފަރުވާކުޑަ ވެގެން ނުލިބިގެން އުޅެނީތޯ؟ މީކީ ޤަބޫލު ކުރެވޭނޭ ކަ މެއްނޫން މުޅި މިގައުމުގައި މީހުން ދިރިއުޅޭ އެތައް ރަށަކާއި އަތޮޅެއް އޮތްއިރު ހަމައެކަނި މާލޭގައި އެންމެ މެޝިނެއް ބަހައްޓައިގެން ޓެސްޓް ކުރުން. ޓެސްޓް ކުރެވޭނެ ގޮތެއްނެތި ކަރަންޓީން ފެސިލިޓީތަކެއް ނެތި ޝައްކުވާ ހުރިހާމީހުން ކަރަންޓީން ކުރަނީ ކިހިނެއްތޯ.
ސަލީމްބެ
26 April 2020
ބޯޓް މާލޭން ފުރިއިރުވެސް ކައްޕި ހުރީ ކުޑަކޮށް ރޯގާ ވެފަ. މިބާވަތުގެ މަސައްކަތް ކުރާ މީހުން ކިތަންމެ ކުޑަކަމެއް ޖެހުނަސް ދައްކަަލުން ރަގަޅީ.
ހުސެން
26 April 2020
އަމާޒު ބޯޓު ފުރީ 15 އޭޕްރީލު ގެ 3:30 ގެ ކުރިން
ނަން އިތުރު
26 April 2020
މިއީ އަމާޒު ބޯޓު ގެ ވެރިމީހާ އަމިއްލައަށް ތިމަންނަ އައް ލޮކްޑައުން ކުރަން އުޅޭކަން އެގިގެން އަވަހައް ނައްޓާލީ ކަމައް ބުނެފައި ވޭ! މީ ސީރިއަސް މައްސަލަ އެެއް! ޖިނާއީ ދައުވާ ކުރެވެން ޖެހޭ!
އެހެން
26 April 2020
ކޮންމެރަށަކަށް ދަތުރުކުރަން ވަކިދޯނިތަކެއް ކަނޑައަޅއްވައިދެއްވާ. މުދާބަރުކޮށްގެން ދާ ބޯޓުތައް ވީހާވެސް މަދު ރަށްރަށަށް މަޑުކޮށްގެންނޫނި ކޮންޓެކް މަދުކުރެވޭނެކަމަށް ނުބެލެވޭ. ކޮންމެ ދޯޏެއް އެތަށްރަށަކަށް މަޑުކުރުމުގެ ބަދަލުގައި ރިސޯޓްތަކަށް ސަޕްލައިކުރަންބޭނުންކުރި ދޯނިތަކުގެ އެހީ މިކަމަށްހޯދާ. ދޯނިފަހަރުނެތް ރަށްރަށަށް ކޯސްޓްގާޑު މެދުވެރިކޮށް މުދާފޯރުކޮށްދީ
ައަފުރާސިޔާބު
26 April 2020
މީ ސަރުކާރުގެ ވަރަށް ބޮޑު އިހުމާލުވުމެއް. ބައެއް ބޯޓުތަކަށް ހެސްކިޔާފައި މީހުން އަރުވައިގެން ފުރުމުގެ ހުއްދަ އޮވެފައި އަނެއްބަޔަކު ގެންދަން ޖެހެނީ ފަޅުވެރިން ކޮޅު. މުޅި މާލެއަށް ވައިރަސް ފެތުރިފައިވާއިރު ބޯޓު ފަހަރުގެ ފަޅުވެރިންނާއި ކެޕްޓަނުވެސް ހުންނަން ޖެހޭނީ ބޯޓުގައި ކަރަންޓީނުގައި. އެއްވެސް އުޅަނދަކަށް މާލެއައުމަށްފަހު 14 ދުވަސް ކަރަންޓީނުގައި ނުއޮވެ ފުރިގެން ނުވާނެ. ބޭނުންވާ ތަކެތި ރައްކާތެރިކަމާއެކު ބޯޓާ ހަމައަށް ގެންދިއުމުގެ ނިޒާމެއް އޮންނަންވާނެ.
ޕޮގުބަ
26 April 2020
އެންމެ ނުރަށްކާތެރި ހާލަތުގަ ސަރުކާރު އޮތް ވާހަކަ ބުނި އެކަމަކު އެތަނެއް ނުފެނުނު ބަލި ރާއްޖެއިން (ފެނުނީމައެއް) އެންމެ ނުރަށްކާތެރި ހާލަތުގަވެސް ސަރުކާރު އޮތީ ސަރުކާގަ އޮތްހާލާރި ބައި ބަޔަށް އަޅައިގެން ކެއުމުގަ
ރައްޔިތެއްގެ ޚިޔާލު
26 April 2020
ބަލީގެ އެއްމެ ނުރައްކާހިސާބަށް ދިޔައީއެވެ. ބިރުވެރިކަން އިންތިހާއަށް ދިޔައީއެވެ. ކެތްތެރިކަމާއި އެކު އެމީހަކަށް ކުރެވުނު ކަމެއް އަނެކާއަށްޓަކައި ކޮށްދޭންވީ ވަގުތު ޖެހުނީއެވެ.
ކީއްބާކުރަނީ
26 April 2020
ހޮޓްލައިނަށް ގުޅައި ކޮންޓެކްޓް ޓްރޭސިންގއަށް މައުލޫމާތު ދެވިދާނެ. އެކަމަކު ވާނެ ކަމެއް އޮންނާނެބާ؟ އަޅުގަޑު ދަންނަ ކުއްޖަކު މިހާރުވެސް ތި ގޮތަށް މައުލޫމާތު ދިނީމާ، ގޭގާ މަޑުކުރަން ބުނެގެންްް މަޑުކޮށްގެން ހުރީ. ޓެސްޓެއް ކޮށްދިނީކީ ނޫން. ޚަބަރެއް ބަލަނީކީ ނޫން. ދެންކޮބާ މައުލޫމާތު ދިނެކޭ ކިޔާފަ އެތަނުން މިއަޅާ ފިޔަވަޅަކީ؟
ގަޓް ބްރޯ
26 April 2020
ގިނަ ބޯޓުތަކުގަ ކައްޕިންނަކީ ދަތުރުމަތީ ވަރަށްގިނައިން ރަށްރަށަށް ފައިބާ ބައެއް. އެއީ ރަށްރަށުގަ އެމީހުންގެ ގިނަ ރައްޓެހިންތަކެއް ތިބޭތީ. ބޯޓުން ރަށްރަށަށް މުދާބާލާ ނިމެންދެން ގޭގެއާ ހޮޓާތަކަށްގޮސް ސައިބޮއި ހަދާ ކައްޕިންވެސް އުޅޭ. އަމާޒުބޯޓުގެ ކައްޕިއަކީ އެފަދަ މީހަކަށްވެއްޖެނަމަ ތިޔައޮތީ އަނެއް ހަކަންތަކާ ލައިގެންފަ!