01 މެއި 2020 - 13:35
29 comments
ދައުލަތުގެ މީޑިއާ، ޓީވީއެމުން އިއްޔެ ހަވީރު ގެނެސްދިން ކުޑަކުދިންގެ ޕްރޮގްރާމެއްގައި ކުޑަކުއްޖަކު ލައްވައި ކުރީގެ ދެ ރައީސަކަށް ފާޑުކިޔާފައިވާ ރައިވަރެއް ކިޔުއްވި މައްސަލަ ހޫނުވެއްޖެ އެވެ.
ޕްރެޒެންޓާ، ޝަމްރާ ޝަމީމް (ކުޑޫ) ހުށަހެޅި "ކުޑަ މަސައްކަތެއް" ޕްރޮގްރާމްގައި ބައިވެރިވި ކުދިން ލައްވައި ތަފާތު ރައިވަރުތައް ކިޔުއްވިއިރު އޭގެ ތެރޭގައި ހިމެނުނު ސިޔާސީ ރައިވަރުގެ މައިގަނޑު މާނައަކީ ރައީސް މައުމޫން އަބްދުލްގައްޔޫމް އަރިހުން މަކަރާއި ހީލަތް ދަސްކުރައްވައިގެން ރައީސް އަބްދުﷲ ޔާމީން، މަޖިލިސް މެމްބަރުން ގަނެގެން ކުރެއްވި ކަންތައްތަކުން ސަލާމަތްވެވެން ނެތް ކަމެވެ.
ކުދިން ލައްވައި އެ ރައިވަރު ކިޔުއްވުމަކީ ކުޑަކުދިންގެ ކަރާމާތައް އުނިކަން އަންނަ ފަދަ އަމަލެއް ކަމަށް ބުނެ ބައެއް މީހުން ގެންދަނީ ސޯޝަލް މީޑިއާގައި ޝުއޫރު ފާޅުކުރަމުންނެވެ. އޭގެ ތެރޭގައި އިދިކޮޅު ޕާޓީތަކުގެ މަޖިލިސް މެމްބަރުން ވެސް ހިމެނެ އެވެ.
Covid19 ge biruverikan rayyithun thahammal kuramundha dhandivalhehgai adhi barakaitheri Ramazan mahehge haveerugadeegai vakin khaassakoh kudakudhinge programehga kudakujjaku lavva dhaulathge TV @tvmaldives in kuran emme rangalhukamakee meetho? Shame @broadcomMV @mmc_mv @MoGFSSmv pic.twitter.com/PtEVokbv3w
— Ahmed Shiyam (@Shiyamaldives) April 30, 2020
މެމްބަރު ޝިޔާމް ކުރެއްވި ޓްވީޓް--
ބައްޕާފުޅާއި ބޭބޭފުޅާ ބެހޭ ގޮތުން ހަދާފައިވާ އެ ރައިވަރު ޓީވީއެމުން ކުޑަކުއްޖަކު ލައްވާ ކިޔުއްވުމުން އެކަން ކުށްވެރިކޮށް ކުރެއްވި ޓްވީޓެއްގައި ގުރައިދޫ ދާއިރާގެ ޕީޕީއެމްގެ މެމްބަރު ގައްސާން މައުމޫން އެއްސެވީ ގައުމު އެއްބައިވަންތަ ކުރަންވީ ވަގުތު ފެނިގެން މިދަނީ ކޯލިޝަން މުގުރާލުމުގެ އަމަލެއްތޯ އެވެ. ދެން ފެންނާނީ ފެނަށް ވުރެ ލޭ އޮލަކޮށް ކަމަށް ވެސް އޭނާ ވިދާޅުވި އެވެ.
"ފުޅިއެއްގެ ތެރެއަށް ފެނާއި ތެލާ އަޅައި ކިތަންމެ ވަރަކަށް ތެޅުވިޔަސް، ތެޅުވުން ހުއްޓާލުމުން ވަކިވާނެ،" ނުސީދާ ގޮތަކަށް ފާޑުވިދާޅުވަމުން ގައްސާން ވިދާޅުވި އެވެ.
ދެ ރައީސެއްގެ ވަނަން ދޭހަވާ ގޮތަށް، އަދި ރައީސް ޔާމީން ވެރިކަން ކުރެއްވި ކަމަށް ކިޔައި އުޅޭ ގޮތް ސިފަވާ ގޮތަށް ހަދާފައި ވާ މި ރައިވަރު ދައުލަތުގެ ޓީވީއިން ދެއްކި ކަމީ ހިތާމަހުރި ކަމެއް.#މަގޭހިޔާލު#StayHome #WashYourHands pic.twitter.com/6cs3Gv5qIL
— ޢަލީ ރަޝީދު ޢަޙްމަދު 🇲🇻 (@alirasheedahmed) April 30, 2020
ޕީއެސްއެމްގެ އަމަލު ކުށްވެރިކޮށް އަމިއްލަ މީހަކު ކުރި ޓްވީޓެއް
ޕީއެންސީގެ ނައިބު ރައީސް، އަދި މާވަށު ދާއިރާގެ މެމްބަރު މުހައްމަދު ސައީދުގެ ޓްވީޓެއްގައި ރައީސް އިބްރާހިމް މުހައްމަދު ސޯލިހް ޓެގް ކުރައްވައި ސުވާލުކުރެއްވީ ދައުލަތުގެ މީޑިއާއަށް ގެނައި އިސްލާއީ އެޖެންޑާއަކީ އެއީތޯ އެވެ. އަދި އެކަން ކުރި ބަޔަކު ވަޒީފާއިން ދުރުކޮށް ތަހުގީގުކުރަން ވެސް އޭނާ ގޮވާލެއްވި އެވެ.
ސިޔާސީ ޕާޓީތަކަށް ނިސްބަތް ނުވާ މިނިވަން ހިޔާލުގެ އެތައް ބަޔަކު ވެސް އަންނަނީ ޓީވީއެމްގެ އެ އަމަލު ކުށްވެރިކުރަމުންނެވެ. ހާއްސަކޮށް ކުޑަކުދިންގެ ޕްރޮގްރާމެއްގައި އެފަދަ ކަމެއް ކުރުމުން އެކަން ބްރޯޑްކާސްޓިން ކޮމިޝަނުން ބަލަން ވެސް ބައެއް މީހުން ގޮވާލި އެވެ.
ދަޢުލަތުގެ މީޑިއާއިން ކުޑަކުދިން ލައްވައި މިފަދަ ބޭއަދަބީ ރައިވަރުތައް ކިޔުއްވަން ޖެއްސުމަކީ ލަދުވެތިކަމެއް.އަނެކުންނަށް އިހުތިރާމްކުރަން ތިމަންމެނަށް ނޭނގުމަކީ އަންނަންއޮތް ޖީލަށް އެކަން ވާރުތަކޮށްދޭންޖެހޭ ސަބަބެއް ނޫން."ޢަދާވާތްތެރި ވިޔަސް ވާންވީ ހިތަށް ކުޅަދާނަ މިންވަރަކުން" https://t.co/d2qDd1Zlqh
— Ismail Razeen Imran (@razeen_imran) April 30, 2020
ޕީއެސްއެމްގެ އަމަލު ކުށްވެރިކޮށް އަމިއްލަ މީހަކު ކުރި ޓްވީޓެއް
ޕީއެސްއެމްގެ މެނޭޖިން ޑިރެކްޓަރު އަލީ ހާލިދު، "މިހާރު" އަށް ވިދާޅުވީ އެއީ އޮޅުމަކުންވީ ކަމެއް ކަމަށެވެ. ތަފްސީލް ފަހުން ހާމަކުރައްވާނެނެ ކަމަށް ވެސް އޭނާ ވިދާޅުވި އެވެ.
"ވަރަށް ދެރަކޮށްވި ކަމެއް އެއީ،" އަލީ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝެނާލީ މަންމަ
01 May 2020
ހޫ އިޒް ޝެނާލީ ޝަމީމް؟
ޝެނާލީ ގެ މަންމަ
10 May 2020
މަބްރޫކް އަޒީޒްގެ ތިމާގެ ބޭފުޅެއް. ރީނދޫ ލޭ ހިނގާ ކުއްޖެއް.
ހާމަ333
01 May 2020
ދައުލަތުގެ މީޑިއާ ލަދުގަންނަންޖެހޭ....މިއަށްވުރެ ޒިންމާދާރުވާން ޖެހޭ ރައްޔިތުންގެ ޓެކްސް ފައިސާއިން ހިންގާތަންތަން....ހިދުމަތް ދޭންތިބީ ވަކިކުލައިގެ ނުވަތަ ވަކިބަޔަކަށްނޫން...އެހެން ނޫނަސް ތީ ނުބައ ސަގާފަތެއް ކުޑަކުދީންނަށް ދަސްކޮށްދެވޭ...ރެސްޕެކްޓް މި މުޖުތަމައުގަ ނޯންނަނީ މިފަދަ ބޯދާ ޖަހިލީޒަމާނުގެ ވިސްނުމާއި އަމަލު އަދިވެސް ހުރީމަ.
އަޒާ
01 May 2020
އެއް އަނގައިން ޤައުމު އެއްބައިވަންތަވާށޯ، ކިޔާ އަނެއް އަނގައިން ތިޔަކަހަލަ ހަޔާތްކުޑަ ވާހަކަ ދެއްކީމާ ޤަބޫލެއްނުކުރަން. ޕްރޮގްރާމް ހުށަހެޅި މީހަކަށް އަހަރެމެންގެ ޓެކުސް ފައިސާއިން މުސާރަދީފައި ބަހައްޓައިގެންނުވާނެ.
falcon_autho
01 May 2020
އޮޅިގެން ރައިވަރު ކިއޭތަ؟ ބޯހަމަނުޖެހޭ މީހުން ދައްކާކަހަލަ ވާހަކަ މީނާ މިދައްކަނީ. މައުމޫނުގެ ވެރިކަމުގައިވެސް ވެރިކަން ކުރާ ފަރާތް ރުއްސަން މީނާ މިކަލަހަ ކިތަންމެ ކަމެއް ހިންގާފައި އެބަހުރި. ގައުމީ ޓީވީއާއި ރޭޑިއޯ އަކީ ގައުމުގެ ދަރިންނަށް މަލާމާތްކުރަން ހުންނަތަނެއްބާއޭ ހީވޭ.
ސަންގުމަރުމަރު
01 May 2020
ތިކަން ކޮމިޝަނަކުން ނުބަލާނެ. އެއީ މިސަރުކާރުގެ ޢަމަލެއް ވީމާ. ތިޔައީ ގަސްތުގައި ރާވައިގެން ކޮށްފަ އޮތް ކަމެއް. އެއިރުންތާ މިވަގުތު ހިނގަމުންދާ އެހެން ކޮރަޕްޝަންގެ ކަންތައްތަކުން ރައްޔިތުންގެ ފޯކަސް އެހެން ދިމާލަކަށް އަނބުރާލެވޭނީ.
އަގީމު ސަރައްކާލި
01 May 2020
މިހިރީ ދައުލަތުން އުޅޭ ގޮތް. ދެން އެހެންމީހުން ކިހިނެއް އުޅޭނީ. ބޮޑުމީހެއްލައްވާ ކިއުއްވިނަމަވެސް ތަންކޮޅެއް ތާހިރުވީސް. ޤައިމު ތި ޕްރެޒެންޓަރަށްވެސް ކުޑަކުދިންގެ ހުރުމަތަކީ ކޮބައިކަން ނޭނގެނީ ތޯއްޗެއް .
ޒުއްނަވާރު
01 May 2020
ރަމަޟާން މަހުގެ ތަހުނިޔާ އެކިމީހުން ފޮނުވާނީ އެކި ގޮތަށެވެ. މިވެސް ގޮތެކެވެ.
ަލިކޮ
01 May 2020
ޒުއްނަވާރު ތި ގޮތް ކަޑަ! ވީމަ ދޯ ތިބާގެ ލިޔެކިޔުންތަށް ވެސް ޗެކް ނުކޮށް ބަލައިގަނެ ފަހުން ފަޅާއެރީ!
ރަމަޟާން
01 May 2020
އަލީ ޚާލިދު ވިދާޅުވި ކަަމަށް މިލިޔުމުގައި ވަނީ މިއީ އޮޅުމަކުން ކުރެއްވެވުނު ކަމެއް ކަމަށެވެ. އެހެން ކަމުން މިވަރުގެ ޒިންމާދާރުކަން ކުޑަ މީހުން މަގާމުގައި ބެއިތިއްބުމީ އިންސާފުވެރި ވެރިޔަކާ ލާއިގުވެގެންވާ ޢަމަލެއްނޫނެވެ. މިކަލޭގެ ވަޒީފާއިން ދުރުކޮށް އޮޅުން ބޮޅުން ކުޑަމީހަކާ ޒިންމާ ހަވާލުކުރަން ވެއްޖެއެވެ.
އޮޅުންސުވާލި
01 May 2020
އަލީ ޚާލިދު އެވިދާޅުވީ ހެޔޮކޮށް އެއީ އޮޅުމަކުން ވީކަމެއް، އިބޫވެސް އޮޅުމަކުން އަލީ ޚާލިދު މަގާމުން ވަކިކޮށްލާ
ދެތިކި
01 May 2020
ތީގައި ކިޔާފައި ތިއޮތީ ހަގީގަތް. ލޮލް