ވެލާ ރިސޯޓުގެ ހިއްސާދާރުން: ޖިރީ ސްމެކް (ވ) އާއި ޑެނިއަލް ކްރެޓިންސްކީ (ކ).
02 މެއި 2020 - 08:47
75 comments
ކޮވިޑް-19އާ ދެކޮޅަށް މަސައްކަތްކުރުމަށް ބޭނުންވާ ގިނަ އަދަދެއްގެ ސާމާނު ވެލާ ޕްރައިވެޓް އައިލެންޑް ރިސޯޓުން ރާއްޖެ އަށް ހަދިޔާކުރަން ނިންމައިފި އެވެ.
ރާއްޖޭގައި ހިންގާ އެންމެ މަތީ ފެންވަރުގެ އެއް ރިސޯޓް ކަމަށްވާ ވެލާގެ ހިއްސާދާރުންގެ ފަރާތުން ރާއްޖެ އަށް ހަދިޔާކުރައްވާ މި ތަކެތި މިއަދުގެ ވަގުތެއްގައި ރާއްޖެ އަށް ގެންނާނެ ކަމަށް އެ ރިސޯޓުގެ އޮފިޝަލަކު ވިދާޅުވި އެވެ. އޭނާ ވިދާޅުވި ގޮތުގައި މި ތަކެތި ގެންނަން ހަމަޖެހިފައި ވަނީ އެ ރިސޯޓުގެ ހިއްސާދާރުން ކަމުގައިވާ ޖިރީ ސްމެކް އާއި ޑެނިއަލް ކްރެޓިންސްކީ ވަޑައިގަންނަވާ ޕްރައިވެޓް ދެ ޖެޓުގަ އެވެ.
ވެލާ ރިސޯޓުގެ ހިއްސާދާރުން ހަދިޔާކުރައްވާ ތަކެތި
- 10،000 ޓެސްޓް ކިޓު
- 5 ވެންޓިލޭޓަރު
- 100،000 ފޭސް މާސްކް
- 200 ރެސްޕިރޭޓާ
- 500 ޕީޕީއީ ކިޓް
މިއަދު ރާއްޖެ ވަޑައިގަންނަވާ ހިއްސާދާރުންގެ ތެރެއިން ޑެނިއަލް ވަނީ މިދިޔަ މާޗު މަހު ޗެކް ރިޕަބްލިކުގައި ކޮވިޑް-19 އަށް ޕޮޒިޓިވް ވެފަ އެވެ. ނަމަވެސް އޭނާ ރާއްޖެ އަށް ވަޑައިގަންނަވަނީ އެ ބައްޔަށް ފަރުވާ ލިބި އެއްކޮށް ރަނގަޅު ވުމުން ކަމަށް ވެލާ ރިސޯޓުން ބުންޏެވެ.
ވެލާ ރިސޯޓުގެ ހިއްސާދާރުންގެ ޖެޓުތަކުގައި އެ ބޭފުޅުންގެ އިތުރުން އެހީތެރިން ވެސް އަންނާނެ ކަމަށް އެނގިފައިވެ އެވެ. އެ މީހުން ތިބޭނީ ވެލާ ރިސޯޓުގަ އެވެ.
ޑެނިއަލް އަކީ ޗެކް ރިޕަބްލިކްގެ ބިލިއަނަރުންގެ ތެރޭގައި ހިމެނޭ ބޭފުޅެކެވެ. އަދި ޖެރީ ސްމެކް އަކީ ވެލާ ރިސޯޓުގެ ހިއްސާދާރެއްގެ އިތުރުން އެ ރިސޯޓުގެ ޖެނެރަލް މެނޭޖަރެވެ.
މުވައްޒަފުންނަށް ރަނގަޅު ރިސޯޓެއްގެ ގޮތުގައި މަޝްހޫރު ވެފައިވާ ވެލާ އިން ވަނީ ކޮވިޑް-19 ގެ ސަބަބުން ރިސޯޓްތައް ބަންދުކުރަން ޖެހި އެތައް ރިސޯޓެއްގެ މުވައްޒަފުން ވަޒީފާ އިން ވަކިކޮށް އަދި ނޯޕޭގައި ފޮނުވާލި އިރު، މުވައްޒަފުންނަށް މުސާރައިގެ އިތުރުން ފައިސާގެ އިތުރު އެހީ ވެސް ދޭން ނިންމައިފަ އެވެ.
ރާއްޖޭގެ 400 އަށް ވުރެ ގިނަ މީހުންނަށް ކޮވިޑް-19 ޖެހިފައިވާއިރު މީގެ ތެރޭގައި ރެންޑަމްކޮށް ޓެސްޓު ކުރި މީހުން ވެސް ހިމެނެ އެވެ. އެހެން ކަމުން ގިނަ މީހުން ޓެސްޓު ކުރުމަށް ވީހާ ވެސް ގިނަ ޓެސްޓު ކިޓު ރާއްޖެއަށް ބޭނުންވާ ކަމަށް ނެޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ)ގެ ތަރުޖަމާން މުހައްމަދު މަބްރޫކް އަޒީޒް ވަނީ ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙުސްނާ
03 May 2020
ޙަހަހަ! ޙިނިއަންނަނީ! ދިވެހި ސަރުކާރުގެ ފރންވަރު! ދެންވީ އެނެއް 50 އަހަރައް ދެތިން ރައްދޭން! .ދިވެހި ނިކަމެތި ރައްޔަތުން ހަމަ ބިކަ!
ސަރުކާރު އޮޅުވާލި މުޑުވާލި
03 May 2020
ވެލާ ރިސޯޓަށް ޕްރައިވެޓް ޖެޓްގަ އިއްޔެވެސް 30 ބިލިއަނަރުން ގެނައި ނ އަތޮޅު އެއަރޕޯޓަށް. ކޮން ލޮކްޑައުން އަނދުނެއް. ކޮން 10 ހާސް ކިޓޭ ކިޔާ ފަސް އަޅާކަށް!
ގީސް
03 May 2020
މިތިބަ މޮޔަ ދިވެހިންނާހެދި ބޯހަލާކު. ބަލަ 150 ރުސޯޓް އޮތް ގައުމެއް މިހާއަވަހަށް ބަޑަށް ޖެހުނީ ކީއްވެ. ކޮރޮޕްޝަން ގިނަވެ. އެރަށްތަކުގެ ހަގީގީ މަންފާ ރާއްޖެއަށް ނުލިބޭތީ. މި ރިސޯޓްތައް ހިންގަންވީ ދައުލަތުން. ބަލަ ސައޫދީ ތަންތާވެސް ރިސޯޓްތައް ހަދާ ހިންގަން އެއުޅެނީ ދަރުލަތުން އާމްދަނީ ހޯދަންށޭ.
ޝޮކްތެރަޕީ
03 May 2020
މިކަހަލަ މީހުންނަ ރިސޯޓް ހަދަން ދިނީމަ ރާއްޖެއަ ލިބޭ ފައިދާ ބޮޑު. ކޮބާ ދިވެހި މަހުޔަނުން މޮއަޒަފުންނަ މުސާރަވެސް ނުދީ ފިލީ.
ރީތި މޫސަ
03 May 2020
ތިހަމައެއްވަނަ މުވައްޒަފުންނަށް އެހާރަނގަޅު މިހާރު އެވަނީ މުޅިރައްޔިތުންނަށްއެހީ ކޮބައިތަ ރާއްޖޭގެ ރިސޯޓް މަހުޖަނުނުން
ހުޅުލޭ ބޮޑުމީހާ
02 May 2020
ރާއްޖޭގަ ސަރުކާރުން ރިސޯޓް ވިޔަފާރީ ތެރެއަށް ނުވަދެ ރާއްޖޭގަ ކިތަންމެ ގިނަ ރިސޯޓްތަކެއް ހުއްޓަސް ރައްޔިތުންނަށް ވާނެ މާބޮޑު ފައިދާ އެއްނެތްކަން މިކަމުން އެބަ ހާމަވޭ
މަރު
03 May 2020
ތި މަވެސް ކޮށްލަން ބޭނުންވެފަ އޮތް ކޮމެންޓެއް.. ސަރުކާރުން މިކަން ހިންގަން އުޅޭންވީ... އަދި މިފަހަރު މުވައްޒަފުންނަށް ލޮޓިދިން ރިސޯރޓް އޯނަރުންނަށް އިތުރު ރަށްތައް ނުދޭންވީ.. އަދި ވެލާގެ އޯނަރުން ފަދަ މީހުނަށް އެކަނި ރާއްޖޭން ފުރުޞަތު ދޭންވީ..
900 ޑިގުރީ
02 May 2020
ޥެލާ ރިސޯޓުގެ އޯނަރުންނަކީ މިކަހަލަ މަސައްކތް އަބަދުވެސް ކޮށްދޭ ބައެއް އެ މީހުންގެ މަސައްކަތުގައި ބަރަކާތް ލައްވާށި
މަމޭ
02 May 2020
ބޭނުން ވަރަކަށް ފަޅުރަށް ލިބުނެވެ. ބިދޭސީން ވެސް އެތެރެކުރެވުނެވެ. ހާލުގަ ޖެހުނު ދުވަހު އެހީވާން ނުކެެރުނެވެ.
މޯޑް
02 May 2020
މިރާއްޖޭގަ މިއުޅޭ މަހުޖަނުން ހާލުގައި ޖެހޭމީހުންނަކަށް އެހީއެއްނުވާނެ؛ މިހާރުވެސް ސަރުކާރު ބަދަލުކުރަން މިލިއަނުން؛ ބިލިއަނުން ޚަރަދު ކޮއްފާނެ؛..!?
ސުނިލް
02 May 2020
ކޮބާ މި ރާއްޖޭގެ ރިސޯޓިތައް ހިންގާ މަހުޖަނުން؟ ޓެސްޓުކިޓެއް ވެސް ދިއްކޮށްލަން ނުކެރުނު. މިހާރު އެ ތިއްބެވީ ފަޅާށްހުރިބރިސޯޓުތަކުގައި ދިވެހި ރައްޔިތުން ކަރަންޓީނުވެ ތިބި ތިބުން އެއީ މަހުޖަނުން ހިލޭ ކޮށްދޭ ޚިދުނަތެއްކަމުގައި ދެކިގެން އަދި އެއީ ދިވެހިރައްޔިތުން މި މަހުޖަނުންނަށް ދެރި ދެރުމެއްކަމަށް ބަލައިގެން. ރައީސް އިބޫ އަށް ގޮވާލަން ރިސޯޓުތައް " ނެޝަނަލައިޒް" ކުރަން.