ކޮވިޑް-19: މިނިސްޓަރު އަމީނާއި އިސް ޓީމެއް ނަރުދު އަށް

މިނިސްޓަރު އަމީން ނަރުދު އަށް މިއަދު ވަޑައިގެން އެ ރަށުގެ އިސްބޭފުޅުންނާ ބައްދަލުކުރައްވައި ހާލަތު އޮޅުން ފިލުއްވަނީ.

އަހުމަދު ސާއިލް އަލީ، މިހާރު

03 މެއި 2020 - 19:02

މާލެ ފިޔަވައި އެންމެ ގިނަ މީހުން ރާއްޖޭން ކޮވިޑް-19 އަށް ޕޮޒިޓިވް ވެފައިވާ ށ. ނަރުދޫގެ ހާލަތު ބެއްލެވުމަށް ހެލްތް މިނިސްޓަރު އަބްދުﷲ އަމީނާ އެކު ސަރުކާރުގެ އިސް ޓީމެއް އެ ރަށަށް މިއަދު ވަޑައިގެންފި އެވެ.

މިނިސްޓަރު އަމީންގެ އިތުރުން އެ ޓީމުގައި ހިމެނިވަޑައިގަންނަވަނީ ރައީސް އޮފީހުގެ ޗީފް އޮފް ސްޓާފް އަލީ ޒާހިރާއި ކޮމިޝަނާ އޮފް ޕޮލިސް މުހައްމަދު ހަމީދާއި ޗީފް އޮފް ޑިފެންސް ފޯސް މޭޖާ ޖެނެރަލް އަބްދުﷲ ޝަމާލާއި ޓެކްނިކަލް އެޑްވައިޒަރީ ގްރޫޕް (ޓެގް) ޓީމުގެ ލީޑަރު ޑރ. އަލީ ލަތީފާއި އެސިސްޓެންޓް ކޮމިޝަނާ އޮފް ޕޮލިސް އަބްދުﷲ ފައިރޫޝް އެވެ. އެ ބޭފުޅުން ނަރުދު އަށް ވަޑައިގަތީ މާސްކް އަޅުއްވައި ރައްކާތެރިކަމުގެ ފިޔަވަޅު އަޅުއްވައިގެންނެވެ.

މި ޓީމުގެ ބޭފުޅުން ވަނީ އެ ރަށުގެ ވެރިންނާ ބައްދަލު ކުރައްވައިފަ އެވެ.

ރަށުގެ ހާލަތު ބެއްލެވުމަށް ކުރައްވާ އެ ދަތުރާ ގުޅޭ އިތުރު މައުލޫމާތެއް އަދި ނުލިބެ އެވެ.

މިނިސްޓަރު އަމީނާއި ސީޕީ ހަމީދު އަދި ސަރުކާރުގެ އެހެން ބައެއް އިސްވެރިން މިއަދު ނަރުދޫގައި.

ގާތްގަނޑަކަށް 600 މީހުންގެ އާބާދީއެއް އޮންނަ ނަރުދޫން ކޮވިޑް-19 އަށް 11 މީހަކު ވަނީ ޕޮޒިޓިވްވެފަ އެވެ. އެންމެ ފުރަތަމަ އެ ބައްޔަށް އެ ރަށުން ޕޮޒިޓިވްވީ މިދިޔަ މަހުގެ 15 ވަނަ ދުވަހު މާލޭން ފުރި އެ ރަށުގެ އަމާޒު ބޯޓުގެ ކެޕްޓަނެވެ. އެ އަށް ފަހު އޭނާގެ އާއިލާގެ އިތުރު ހަތް މީހުންނާއި އިތުރު ބަޔަކު މިހާރު ވަނީ ކޮވިޑް-19 އަށް ޕޮޒިޓިވް ވެފަ އެވެ.

އިދިކޮޅު ކޯލިޝަން، ޕީޕީއެމް/ޕީއެންސީން މިއަދު ވަނީ ނަރުދޫން އެކަށީގެންވާ ފަރުވާއެއް ދެވެން ނެތް ކަމަށް ބުނެ ކަންބޮޑުވުން ފާޅުކޮށްފަ އެވެ. އަދި ކޮވިޑް-19 އަށް ޕޮޒިޓިވްވި މީހުންނާ ކޮންޓެކްޓްވި އެތައް ބަޔަކު އެ ރަށުގައި ތިބިއިރު އެ މީހުން ކަރަންޓީން ކުރުމުގެ އިންތިޒާމު ހަމަޖައްސާފައި ނުވާ ކަމަށް އެ ދެ ޕާޓީން ވަނީ ބުނެފަ އެވެ.

އަތޮޅުތަކުން މި ބަލި މިހާތަނަށް ފެނިފައި ވަނީ ނަރުދޫގެ އިތުރުން ހއ. ތަކަންދު އާއި ހއ. އުލިގަމާއި ށ. މިލަންދޫ އަދި ކ. ތުލުސްދޫންނެވެ. ރާއްޖެ އިން މިހާތަނަށް މި ބައްޔަށް ވަނީ 519 މީހަކު ޕޮޒިޓިވްވެފަ އެވެ. އޭގެ ތެރޭގައި ގިނައީ ރާއްޖޭގައި މަސައްކަތް ކުރާ ބަންގްލަދޭޝްގެ މީހުންނެވެ.

ސިއްހަތު ބަލިތައް މުހައްމަދު ހަމީދު (ޕޮލިސް ކޮމިޝަނަރު) އަބްދުﷲ އަމީން، ކުރީގެ ހެލްތު މިނިސްޓަރު

39 ކޮމެންޓް, 66 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިޝާމް

04 May 2020

ފުރީ ހަވީރު 3 ޖެހި އިރު. ދެވުނީ 4 ޖެހިފަހުން. އިރުއޮއްސުމުގެ ކުރިން މާލެ ދާން ފުރައިފި. މި ހުރިހާ ވެރިން ހަމަ ގޮސްގެންތައް ހާލަތު ބެލެން އޮތީ ؟ މި އެއްމެން ގޮސްގެންތަޢް ދަތިވެފަ ހުރިކަންތައް ހައްލުވާނީ ؟ ދޮޅުގަޑިއިރު ތެރޭ ގައިމުވެސް ފޮޓޯ ކޮޅެއް ނެގޭނެ ނޫހަށް އަރުވާލަން. ތި ދަތުރަށް ހޭދަ ކުރި ބޭކާރު ފައިސާ އެރަށު ރައްޔިތުންނަށް ދިންނަމަ މާސަޅިވީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިމްނާ

04 May 2020

މިނިސްޓަރ އަމީނާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިލް

04 May 2020

މާލޭގެ އިތުރުން ޕޮޒިޓިވްވެފައިވާ މީހުން ފެނިފައި ނަރުދޫގެ ހާލަތު ބަލާލަން ވަޑައިގަތުމުން އެނގެނީ މާލެ އެކޭ އެއްގޮތަށް ރާއްޖެތެރޭ މީހުންގެ ކަންތައްވެސް މިނިސްޓަރު ބަލަހައްޓަވާނެކަން. ޝުކުރިއްޔާ މިނިސްޓަރާއި ޓީމަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިލް

04 May 2020

ޕޮޒިޓިވްވްފައިވާ މީހުން ފެނުމުން ދިއުމެއް ނޫން މުހިއްމީ. އަމާޒު ބޯޓު ފުރިގޮތަށް އޭގެ ކުރިންވެސް ފުރަފުރައިގެން ދިއަ ބޯޓްތަކުން ކޮންކޮން ރަށްތަކަކަށްތޯ ވައިރަސް ގެންދެވިފައިވަނީ ބަލަން އުޅުން މުހިއްމީ. އަލާމާތްހުރި މީހުން ކިހާވަރަކަށްތޯ ބެލުން މުހިއްމީ. ލޮކްޑައުން ދުވަހު ފުރާ ބޯޓުގަ އެކަނި ނޫން ޕޮޒިޓިވް މީހުން ތިބޭނީ. ޓެސްޓްނުކުރެވި ރަށްތަކުގައި ފެތުރެމުންދާ ގޮތުގެ އެއްވެސް ހިލަމެއްވާހެނެއް ހިއެއްނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިރާގު

04 May 2020

ނަރުދޫއަކީ މިވަގުތު ކްރިޓިކަަލް ތަނެއް. މާލެ އިތުރުން އެންމެ ގިނަ މީހުން ޕޮޒިޓިވް ވެފައި ވާއިރު، ބަލީގެ ޒާތުން އަވަސް ފިޔަވަޅު ނޭޅިއްޖެ ނަމަ މުޅި ރަށަށް ފެތުރުމުގެ ފުރުސަތު ބޮޑު. ވީހާވެސް ހަލުވި ކަމާއެކީ މިކަމަށް އެޓެންޑު ކުރަން މިނިސްޓަރާއި މެޑިކަލް ޓީމުން ދިޔުމަކީ މި ދަތި ދަނޑިވަޅުގައި ވެސް ވަރަށް މުހިންމު ކަމެއް. ރޯދަ މަހުގައި ބުރަކޮށް އުޅުއްވަމުންވެސް ވަޑައިގެންދެއްވީމަ ރާއްޖެތެރޭ މީހުންވެސް ތި ބޮޅުގައި ހިމެނޭކަން ފާހަގަވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ކޮވިޑް

04 May 2020

‫ހުސްބިމެއް ބަލަން ގޮސް ކަންނޭގެ އެއުޅެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަމީލު

04 May 2020

ފިތުނަ ފިތުނަ ފިތުނަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާރުބުރު

04 May 2020

އަދުރޭ އަތުގައި އެބައޮތް މިވަގުތުވެސް ލ އަތޮޅުން ހޯދާފައި އޮތް ބިޔަ ބޮޑު ބިމެއް. ނަޝީދު އަތުގައި އެބައޮތް ލ އަތޮޅުން ހޯދާފައި އޮތް ބިޔަ ބޮޑު ބިމެއް. އެހެންވީމަ ހަސަނަށް ހީވާނެ ފާރުބުޑުން ދަންޏާ ކެޔޮގަނޑު ކަނޑާލާނެޔޭ. އެއީކީ މައްސަލައެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސީދުގެ

04 May 2020

ފޯނުން ކުރެވެން އޮތް ކަމެއް މިކުރީ އަގު ބޮޑުކޮށް ފުލައިޓެއް ޗާޓަރކޮށްގެން. މިއީ ބޭކާރު ހަރަދު. މިއީ ދައުލަތައް ގެއްލުންހުރި ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަގެބޮލްހަލާކު

04 May 2020

ނަރުދޫ މީހުން ފޯނު ކުރިނަމަ ކަލޭމެން ބުނާނީ ފޯނެއް ނުނަގައޭ އެޗްޕީއޭއަށް ގުޅާ ގުޅާ. ދެން މިހާރު އަރާ ފުރައިގެން ދިޔައިމަ ބުނަނީ އަނެއްކާ ތިހެން. ނުދިޔަނަމަ ބުނާނީ އެތައް ބަޔަކު ޕޮޒިޓިވްވި އިރުވެސް ނަޔޭ. ކަލޭމެންގެ ކަންތައް ތި ހުންނާނީ މުސާގެފާނު ގައުމުގެ ކާފިރުން ގެރީގެ މައްސަލައިގައި ވާހަކަ ދެއްކި ގޮތަށް. ރަނގަޅު އެއްގޮތެއްވެސް ނޯވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕަރްވީން

04 May 2020

ހުރިހާ ކައުންސިލެއްގެ ކަންތައް ކުރިއަށް ގެންދާތަން އެބަ ފެނޭ ފޯނުން ގުޅައިގެން. އައްޑޫގައި ޝައްކުވާ މީހަކު ހުރެގެން ފޯނުން ކަންތައް ކުރެވުނުތަން ފެނުން. އެެހެނަސް ނަރުދޫގެ ހާލަތް ތަފާތުކަން ފާހަގަކުރެވޭ. އެ ރަށުގައި ޕޮޒިޓިވްވި މީހުންގެ އަދަދު މާލޭގެ އިތުރުން އެންމެ ގިނައީ. އެހެންވީމަ މިނިސްޓަރާއި މެޑިކަލް ޓީމުން ވަގުތުން ނިންމަންޖެހޭ ނިންމުންތައް ހުންނާނެ މިވަގުތު. މިވަގުތު ފިޔަވަޅު އަވަސް ނުވެއްޖެނަމަ ބަލި ފެތުރުމުގެ ފުރުސަތު ބޮޑު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރުދު

04 May 2020

ނަރުދޫ މީހުންނަށް ފުނަދޫގައި އައިސޮލޭޝަން ޔުނިޓްތަކެއް ހަދާފައި ކަރަންޓީން ކުރުމަށް ވުރެ މޮޅު ގޮތެއް ނޯންނާނެ ! ނަރުދޫއަކީ އެއްވެސް ކަހަލަ ޞިއްޙީ ޚިދުމަތެއް އެހާ ފުރިހަމައަކަށް ދެވޭކަށް އޮތް ރަށެއްނޫން ! މިދަނޑިވަޅުގައި ރަނގަޅުވާނީ ތިޔަ ކަހަލަ ކުދި ރަށްތަކުގެ މީހުން ރަނގަޅު ތަންތާގައި ހަރުލެއްވުމަށް ބާރުއެޅުއްވުން !

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރީތި މޫސަ

04 May 2020

މިހާރުކަންކަންހިނގާގޮތުން ރައްރަށުކަންކަންބެލުމަށް މިނިސްޓަރާއި، މެޑިކަލްޓީމުގެ ބޭފުޅުންވަޑައިގެން ކައުންސިލްއާއި ރަށުގެ ރައްޔިތުންނަށް ކަމާބެހޭ ސައްހަ މައުލޫމާތުދިނުން ވަރަށްމުހިން ތީރަނގަނޅު ހަރުދަނާފިޔަވަޅެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަރުދީ އައިސަ

03 May 2020

މާލެ ކަންތައް ދިޔަ ގޮތަށް ބަލާފައި ހެޔޮ ވިސްނޭ ވެރިއެެއް ނުހުންނާނެ އެހެން ސަރަހައްދެއްގައި ތިކަމާ ކުރިމަތިލާއިރު ކައުންސިލް އަތްމައްޗަށް ތިކަން ދޫކޮށްގެން. މިވަގުތު މިނިސްޓަރު ވަޑައިގެން ކަންކަން ހަމައަކަށް އަޅުވާލަ ދިނުމަކީ ވަރަށް މުހިންމު ކަމެއް. ދެން ކައުންސިލްވެސް މިހާރު ރަނގަޅަށް ހިނގާނެ ކަމަށް އުއްމީދު ކުރެވޭ. މިނިސްޓަރު އަމީންގެ ފިޔަވަޅު އަވަސްވެފައި ދުރުވިސްނުން މޮޅު.