ކޮވިޑް-19 އަށް ޓެސްޓްކުރުމަށް ނަގާފައިވާ ސާމްޕަލްތަކެއް
17 މެއި 2020 - 01:27
6 comments
އެއް މަސް ނުފުރޭ ކުއްޖަކު ކޮވިޑް-19އަށް ޕޮޒިޓިވްވެއްޖެ އެވެ.
މިއީ، މިހާތަނަށް ރާއްޖެ އިންމި ބަލި ޖެހުނު އެންމެ ތުއްތު ކުއްޖާ އެވެ.
ނެޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ން ބޭއްވި މީޑިއާ ބްރީފިންގައި، ހެލްތު ޕްރޮޓެކްޝަން އެޖެންސީ (އެޗްޕީއޭ) ގެ މެޑިކަލް އޮފިސަރު ޑރ. ނަޒްލާ ރަފީގް ވިދާޅުވީ 17 ދުވަހުގެ ކުއްޖާ ޓެސްޓްކުރީ ކޮންމެވެސް ވަރަކަށް ބަލީގެ އަލާމާތްތައް ފެނިގެން ކަމަށެވެ. އެ ކުއްޖާ ޕޮޒިޓިވްވުމުން މަންމަ ވެސް އަންނަނީ ޓެސްޓްކުރަމުން ކަމަށް ނަޒްލާ ވިދާޅުވި އެވެ.
މިރޭގެ މީޑިއާ ބްރީފިންގައި ޑރ. ނަޒްލާ ވާހަކަ ދައްކަވަނީ.
އޭނާ ވިދާޅުވި ގޮތުގައި އެ ކުއްޖާ ޕޮޒިޓިވްވީ، ބައްޔަށް ހުށަހެޅިފައިވާ މީހަކާ ގާތުން ދިމާވި މީހަކު އެ ކުއްޖާއާ ބައްދަލުވުމުންނެވެ.
"ޕޮޒިޓިވް މީހެއްގެ ކޮންޓެކްޓެއް ހުރީ މި ކުއްޖާއާ ކޮންޓެކްޓް ވެފައި. ކުއްޖާގެ ފަރާތުން އަލާމާތްތައް ފެނިގެން ޓެސްޓްކުރީ،" ޑރ. ނަޒްލާ ވިދާޅުވި އެވެ.
ކޮވިޑް-19 އަށް ރާއްޖެ އިން މިހާތަނަށް 1،078 މީހުން ޕޮޒިޓިވްވެފައިވެ އެވެ. މީގެ ތެރޭގައި އުމުރުން 10 އަހަރު ނުފުރޭ 27 ކުދިން ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގޫގްލް
17 May 2020
އެންމެ އަވަހަށް ފަސޭހަވަނީ ކުޑަކުދިން. ނުރައްކަލީ 65 އަހަރުން މަތީގެ މީހުންނަށް.
ރިކްށާން
17 May 2020
ޒަމްޒަމް ފެނާއި މާމުއި އަކީ ޝިފާއެވެ. ސުންނަތުން އެގޭ.
އަލިހަންދަރޯ
17 May 2020
ތިހާ ފަސޭހައިން ލިބެން ހުރި އެއްޗަކުން މި ބަލި ފަސޭހަވާނަމަ 4 މިލިއަން މީހުންނަށް މި ބަލި ނުޖެހުނީސް.
ޙެޔޮ މީހާ
17 May 2020
ޢެކުއްޖާގެ މަންމަ އަށް ބުނެލަންއޮތީ ޢެކުއްޖާ ލޮލަށް ފެންނަހިސާބުގަ ހުންނާތި. ޢިނަޝާ ﷲ ރަނގަޅުވާނެ
ހިކުމަތު
17 May 2020
އެއްވެސް މީހަކު ތިމަން މިހުރީ ސަލާމަތުން ނޭ ހީކޮށް އެހެން މީހުންގެ ރައްކަލަށް ނުބަލާ ގޭތެރޭގައި ވެސް ނޫޅޭ ށެވެ.
ޫވުބު
17 May 2020
ޔާﷲ އެތުއްތު ކުއްޖާއަށް އަވަސް ޝިފާއެއް މިންވަރުކުރައްވާށި! އާމީން