ކޮވިޑް-19 ޖެހުނު އަދަދު 2000 އަށް، ފަރުވާ ހޯދާ މީހުންގެ އަދަދު 800 އަށް ދަށަށް

ކޮވިޑް-19 ފެތުރޭތީ މާލޭ ސަރަހައްދުގައި އިއުލާނުކޮށްފައިވާ ލޮކްޑައުން އަށް ލުއި ދިނުމާ އެކު މީހުން ބޭރަށް ނުކުމެ އުޅުން ވަނީ އިތުރުވެފައި. -- ފޮޓޯ: ނިޝާން އަލީ/މިޙާރު

12 ޖޫން 2020 - 22:11

7 comments

ރާއްޖޭން އިތުރު 27 މީހަކަށް ކޮވިޑް-19 ޖެހި، ޖުމްލަ ކޭސްތަކުގެ އަދަދު 2،003 އަށް މިއަދު އަރައިފި އެވެ.

މި އިތުރުވުމާ އެކު، މިއަދު ވަނީ އިތުރު 40 މީހަކު ބަލިން ރަނގަޅުވެފަ އެވެ. ރަނގަޅުވި މީހުންގެ ޖުމްލަ އަދަދު 1،193 އަށް އިތުރުވެ މިހާރު ފަރުވާ ހޯދަމުން އަންނަ މީހުންގެ އަދަދު ވަނީ 800 އަށް ދަށްވެފަ އެވެ.

ރާއްޖޭން މިހާތަނަށް ބަލި ޖެހުނު މީހުންގެ ތެރެއިން 8 މީހަކު ވަނީ މަރުވެފަ އެވެ. އަދި ބަލި ޖެހިފައި ވަނިކޮށް ރާއްޖޭން އިޓަލީ ދެ މީހަކު ފުރައިގެން ގޮސްފައިވެ އެވެ.

މިއަދު އަލަށް ޕޮޒިޓިވްވި މީހުންގެ ތެރޭގައި ހިމެނެނީ 14 ދިވެއްސަކާއި ބަންގްލާދޭޝް 12 މީހަކާއި އިންޑިއާ މީހެކެވެ. މިހާތަނަށް ބަލި ޖެހުނު ދިވެހިންގެ އަދަދަކީ 700 އެވެ. ބަންގްލާދޭޝްގެ 1،058 މީހަކާއި އިންޑިއާގެ 191 މީހަކާއި ސްރީ ލަންކާގެ 11 މީހަކާއި އެހެން ގައުމުތަކުން 43 މީހަކަށް ރާއްޖޭގައި ވަނީ ކޮވިޑް-19 ޖެހިފަ އެވެ.

ކޮވިޑް-19ގެ ޖެހިފައި ހުރި މީހަކު ރާއްޖޭން ފުރަތަމަ ފެނުނީ މާޗް ހަތް ވަނަ ދުވަހު އެވެ. އެއީ ރާއްޖެ އައި ޓޫރިސްޓެއްގެ ގައިންނެވެ. މި ކޭސް އަށް ފަހު އޭޕްރީލް ހަތަރު ވަނަ ދުވަހާ ހަމަ އަށް 20 ކޭސް ފެނިފައި ވާއިރު އެ އެންމެންނަކީ ވެސް ރާއްޖެ އައި ޓޫރިސްޓުންނާއި ރިސޯޓްތަކުގެ ބިދޭސީ ބައެއް މުވައްޒަފުންނާއި ރާއްޖޭން ބޭރުން އައި ބައެއް ދިވެހިންނެވެ. ކޮމިއުނިޓީ ސްޕްރެޑެއްގެ ގޮތުގައި ރާއްޖޭން ކޮވިޑް-19 ފެނުނީ އޭޕްރީލް 15 ވަނަ ދުވަހު މާލެއިންނެވެ.

ކޮވިޑް-19 ފެތުރުން ކޮންޓްރޯލްކުރަން މާލެ ސަރަހައްދު ލޮކްޑައުންކުރިތާ 43 ދުވަހުން ފަހުން މިދިޔަ މަހުގެ 30 ގައި ވަނީ ލުއިތައް ދޭން ފަށައިފަ އެވެ. އަދި މި ލުއިތައް އެކި މަރުހަލާތަކަށް ބަހާލައިގެން ދިނުމަށް ތާވަލެއް އާންމުކޮށް މި މަހުގެ 15 އިން ފެށިގެން ބޮޑެތި ލުއިތަކެއް ދޭން ވަނީ ނިންމައިފަ އެވެ.

ސިއްހަތު ހެލްތު ޕްރޮޓެކްޝަން އެޖެންސީ ލޮކްޑައުން ބަލިތައް

7 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މޯޑް

13 June 2020

މިހާރު ދެއިރު ކާ ބޭހެން ހެން އެޗްފީއޭއިން ގަވާއިދުތައް ބަދަލު ކުރޭއެބަ. ހެނދުނުބުނީ ކަރަށްޓީނު ކޮށްފަ ތިބޭ ގޭގޭ މީހުންނަކަށް ވެސް ބޭރަކަށް ނުދެވޭނޭ. މިރޭ ބުނެފި ބޭރަށް ދެވޭނޭ އިހުތިޔާރީ ކަމެކޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދުން999

12 June 2020

އަބަދުވެސް ރާއްޖޭގައި 2000 އަށްވުރެ ގިނަ މީހުން ރޯގާޖެހިފައި ތިބޭނެ. ކޮވިޑްގައި ފަރުވާ ހޯދީ 800 މީހުން. މަރިވީ 80 އަހަރުން މަތީ 3 މީހުން. މިއީ ރާއްޖޭގެ އަހަރެއްގެ ބަޖެޓް ހުސްކޮށްލަން ޖެހޭވަރުގެ ޕެންޑަމިކް އެކޭ ނުބުނެވޭނެ. ބޭކާރު ހަރަދު ތިކުރީ. މިފަދަ ފުލޫ އެއްގައި އަހަރުކު 650000 މީހުން މަރުވޭ އަބަދުވެސް. މުޅިދުނިޔެއިން މިފަހަރު ހުރިހާ ގައުމުތަކުން ހިސާބު ކޮށް ބެލިއިރު COVID19 ގައި މަރުވި އަދަދު ހަތަރުލައްކައަށް ނާރާ. ކޮން ވާހަކައެއްތޯ ތިދައްކ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެސްޓް

13 June 2020

ޑަބްލިއޫއެޗެއޯއިން ކަންތައްތަކެއް ކުރަން ބުނީމަ މިގައުމުގެ ޑރން އެކަންކަން ކުރަންތާ ޖެހޭނީ އެކުރަންވާ އެންމެ ރަގަޅަކަށް އެކަން ނުކުރެވުނަސް. ފުރަތަމަ މީހާ ފެނިގެން ލޮކްޑައުން ކުރިއްސުރެ ޕޮޒިޓިވްވާ މީހުން ފުދޭވަަރަކަށް އުޅޭނަމަ އޭގެ މާނައަކީ ޓްރޭސިންގވެސް ރަގަޅަށް ނުހެދެއޭ. އޭގައި މައުލޫމާތުދޭ މީހާގެ މައްސަލަވެސް އުޅޭނެ. އެކަމު ފިހާރައެއްގެ މީހަކު ޕޮޒިޓިވްވުމުން އެފިހާރައާ ކޮންޓެކްޓްވީ އެންމެން ނުބެލި ހުރިކަންވެސް އެއީ ހަގީގަތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދުން888

13 June 2020

ނަސީބެއް ތިކަހަލަ މީހަކާ މި ގައުމުގެ ވެރިކަން ނުވަތަ ސިއްހީ ދާއިރާ ހަވާލުކޮށްފައި ނެތްކަން، އަހަރެން ކަލާނގެ އަށް ހަމަ ޝުކުރު ކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެދާނޯމޮސް

12 June 2020

އަދިވެސް ލޮކްޑައުން އަކަށް ދާންޖެހޭނެ އެއްސަބަބަކީ ރާއްޖެއިން ބޭރުންއަންނަ ދިވެހިން ނުވަތަ ބިދޭސިންގެ ޓެސްޓްތައް ފަރުވާތެރިކަމާއި އެކު މޮނީޓަރ ނުކުރެވޭނެ ތީއެވެ. އެއީ މިކަމުން ބަޔަކު އަވަދި ވެލަން ލިބޭފުރުސަތުގެ ފަހުން ކުރިން ދެއްކި ޝައުގުވެރިކަން ނުދެއްކި ދާނެތީއެވެ. އަދި އެކަމަށް އެއްވެސް ދާއިރާއަކުން އެހާބޮޑަށް އަޅާލުން ނުބަހައްޓާނެއެވެ. އާންމު ހާލަތު ގޯހަށް ދާހިސާބުން ކަމުގެ ތަކްލީފު ޖެހެނީ ހަމަ އިހުޖެހުނު ތާއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

12 June 2020

އިއްޔެ ބަލި ޖެހިފައިވާ މީހުންގެ އަދަދުން ބަލި ރަނގަޅުވެފައިވާ މީހުންގެ އަދަދު ކަނޑާލީމަ 821. މިއަދު ހިސާބު ހަދާލީމަ 800 އަށް ވެއްޓިއްޖެ. މާނައަކީ ޖުމްލަކޮށް ބަލާނަމަ މި ވަގުތު ޕޮޒިޓިވް މީހުންގެ އަދަދު އިއްޔެއަށްވުރެ 21 މަދޭ. ފަހަރެއްގައި ސުރުހީ އެހެން އޮތީމަ މީހުންނަށް އޮޅިދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޖްލާ

12 June 2020

ކޮވިޑް ޖެހުނު މީހުންގެ އަދަދު 2000 އެރި ނަމަވެސް، 1193 މީހުން ރަނގަޅު ވެފައިވާތީ، މިވަގުތު ޕޮޒިޓިވް މީހުންގެ އަދަދަކީ 800. މާނައަކީ، މިވަގުތު ބަލި ޖެހިފައިވާ މީހުންގެ އަދަދަށްވުރެ ބަލި ރަނގަޅުވެފައިވާ މީހުން އަދަދު ގިނައޭ. އަލްހަމްދުލިއްﷲ.