މޯލްޑިވް ގޭހުގެ ޕިކަޕެއް ޑިސްއިންފެކްޓް ކުރަނީ: އެ ކުންފުނިން ކޮވިޑް-19 އަށް ގެނައި އޮކްސިޖަލް ސިލިންޑަރުތަކުގެ މައްސަލަ އޭސީސީއިން އަންނަނީ ތަހުގީގު ކުރަމުން--
15 ޖޫން 2020 - 16:25
9 comments
އެސްޓީއޯގެ ސަބްސިޑަރީ ކުންފުނި، މޯލްޑިވް ގޭހުން ކޮވިޑް-19 އަށް ހާއްސަ ކޮށްގެން އޮކްސިޖަން ސިލިންޑަރުތަކެއް ގެނައުމުގައި ކޮރަޕްޝަން އެކުލެވޭ ކަމަށް ތުހުމަތު ކުރެވޭތީ، އެންޓި ކޮރަޕްޝަން ކޮމިޝަން (އޭސީސީ) އިން އެ މައްސަލަ ބަލަން ފަށަައިފި އެވެ.
ކޮވިޑް-19އާ ގުޅިގެން މޯލްޑިވްސް ގޭހުން 4،128 ސިލިންޑަރު ގެނައީ 40 މިލިއަން ރުފިޔާ އަށެވެ. ދެ ކުންފުންޏަކާ ހަވާލުކޮށްގެން މިދިޔަ މަހު އެ ސިލިންޑަރުތައް ގެނެސްފައިވާއިރު އޭގެ ތެރޭގައި ވަރަށް ބާ ސިލިންޑަރުތަކެއް ހިމެނޭ ކަމަށް ބުނެ ސޯޝަލް މީޑިއާގައި ފޮޓޯތަކެއް ވަނީ ދައުރުވެފަ އެވެ.
STO in Covid19 ah balimeehunnah faruvaadheyn GAS fill kohgen genaa kuni gondu ga huri Scarap Fulhi thaku ge photo thau. @ACC_Maldives @AuditMV @HusenAmr pic.twitter.com/B8RkR6iFNF
— Mohamed Musthafa (@Thimarafushi) June 6, 2020
ކޮރަޕްޝަންގެ ތުހުމަތުކޮށް ތިމަރަފުށީ ދާއިރާގެ ކުރީގެ މެމްބަރު މުހައްމަދު މުސްތަފާ ކުރި ޓްވީޓް--
އޭސީސީގެ މީޑިއާ އޮފިޝަލް، "މިހާރު" އަށް ވިދާޅުވީ ނޭޝަނަލް އިމަޖެންސީ އޮޕަރޭޝަންސް ސެންޓަރު (އެންއީއޯސީ) އަށް މޯލްޑިވް ގޭހުން ސިލިންޑަރު ގެނައުމުގައި ކޮރަޕްޝަނަށް ތުހުމަތު ކުރެވޭ ކަންތައްތަކެއް ފާހަގަ ވުމުން އަމިއްލަ އިސް ނެގުމަކަށް ބަލާ މައްސަލައެއްގެ ގޮތުގައި މިމަހުގެ ހަ ވަނަ ދުވަހު އެ މައްސަލަ ބަލަން ފަށައިފައިވާ ކަމަށެވެ.
އެ މައްސަލައާ ގުޅޭ އިތުރު ތަފްސީލެއް އޮފިޝަލް ނުދެއްވަ އެވެ.
އެ މައްސަލައާ ގުޅޭގޮތުން ސުވާލު ކުރުމުން، މޯލްޑިވްް ގޭހުގެ އެކްޓިން މެނޭޖިން ޑިރެކްޓަރު އަލީ އިކްރާމް ވިދާޅުވީ، އެއީ ތަހުގީގު ކުރަމުން އަންނަ މައްސަލައަކަށް ވާތީ ވަކި އެއްޗެއް ވިދާޅުވާން ބޭނުން ނުވާ ކަމަށެވެ.
"އަމިއްލައަށް ދިފާއު ވާކަށް ނެތިން. އޭސީސީ ރިޕޯޓް ނެރުމުން ނުވަތަ އަޅުގަނޑުމެންގެ އިންޓާނަލް ރިޕޯޓް ނެރުމުން ހަގީގަތް އެނގޭނެ،" އިކްރާމް ވިދާޅުވި އެވެ.
އިތުރު އޮކްސިޖަން ސިލިންޑަރުތަކެއް ގެންނަން ސަރުކާރުން ނިންމީ ކޮވިޑް-19 އަށް ފަރުވާ ދޭން އޮކްސިޖަންގެ ކެޕޭސިޓީ އިތުރު ކުރުމަށެވެ.
މޯލްޑިވްސް ގޭހަށް ކޮރަޕްޝަންގެ އިތުރު ތުހުމަތުތަކެއް ކުރެވޭއިރު އެފަދަ ތުހުމަތުކޮށް، އެ ކުންފުނީގެ މެނޭޖިން ޑިރެކްޓަރު ޝަޒައިލް ޝިޔާމް މިދިޔަ އަހަރު ފަހުކޮޅު ވަނީ ސަސްޕެންޑް ކޮށްފަ އެވެ. މިދިޔަ އޮކްޓޯބަރު 15 ގައި ޝަޒައިލް ސަސްޕެންޑްކުރީ ކޮރަޕްޝަންގެ މައްސަލަތައް ހުށަހަޅަން ރައީސް އޮފީހުން އާއްމުކޮށްފައިވާ ޕޯޓަލް އަށް ލިބުނު ޝަކުވާތަކަކާ ގުޅިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަޑްޔައްތޮކިނަބާ
15 June 2020
ތިޔައީ ސަރުކާރުން ގަންނަ އެއްޗެތި އަބަދުވެސް ގަންނަ އުސޫލެވެ. އިންޖީނެއް ގަތަސް ވެހިކަލެއް ގަތަސް އާއެއްޗެތީގެ އަގުގައި ގަންނަނީ ބާވެފައި ހުންނަތަކެއްޗެވެ. މާޒީގައިވެސް މިކަންއޮތީ މިގޮތަށެވެ.
އޭސީސީ
15 June 2020
ކުރުމަގަކުން އެތަކެތި ހޯދާފައިވަނީ ރަނގަޅަށް.
އިރުއަލި
15 June 2020
ތިޔަކަންދާނީ އެކިޔާ ޖަމަލު ފޮޑިއަށް. ތަޅުވަ ތަޅުވާފައި، ފާޑެއްގެ ރިޕޯޓެއް ހަދާލާފަ ނިންމާލަފާނެ. މިކަމުގައިވެސް ކުރީގެ ސަރުކާރުގެ ކަމެއް ފެނޭތޯ ބަލާނެކަމަށް ވަރަށް ބޮޑަށް ބެލެވޭ.
އަލީ ސަލީމް
15 June 2020
ތިޔަ ކޮމިޝަނަށް ހުށަހަޅާފައި ހުރި މައްސަަތައް އިހައް ނިންމަބަަލަ އަވަަހަށް. ދެ އަަހަރު ވަނީ މައްސަަލަ ތަހުޤީޤު ކުރަނީއޭ ބުނިތާ. ގުޅާ ކޮންމެ ފަަހަރަކު ބުނޭ ބަލަން ހުންނަ މައްސަލަތައް ގިނަ ކަމުން ލަސްވަނީއޭ. ވަަރަށް ކޮރަޕްޓް ގައުމެއްތާ މިއީ.
ރަދީފު ބުން ކުމާރު
15 June 2020
އަމުރު ގޯހެއް ނުހަދާނެ. ދެން ނުބައިވާނީ ސިލިންޑަރު ފުޅިތައް.
އަޝްރަފު
15 June 2020
ތިޔަ ސިލިންޑަރުތައް ތިބޭނީ ހަނު!
ގަޓް ބްރޯ
15 June 2020
"ޒީރޯ ޓޮލެރެންސް" ގަ ތިޔަ ހުރިހާާ ކަމެއްވެސް ވާނެ. ކުންފުންޏެއްގަ "އުނގުޅިލާފަ" ދިޔަސް އެމީހަކު ނުވަތަ އެބަޔަކު އެތިބެނީ މަހުޖަނުންނާ އެއްފަންތިއެއްގަ. ގައުމު ކިތަންމެ ކުޑަޔަސް ވަރަށް ބޮޑެތި ވަގުން އުޅޭ ގައުމެއް ރާއްޖެއަކީވެސް.
ނިރު
15 June 2020
ވެރިކަން ނިމި ބިތު ފަންގި ނެގީމަ އިގޭނީ ކެޔޮކާފަ ހުރިވަރު.. ރައީސް ޔާމީނޭ ކިޔަން ލަދުގަންނަން ޖެހޭނެ ހިސާބައްގޮސް.. ކެޔަސް ވަރިހަމަތާ ޤައުމުގެ ކޮންމެ ދިމާލަކުން ބަލާލިޔަސް ފެންނަނީ ތަރައްގީ.. މިހާރު ހަޒާނާ ހުސްވެ ދިވެހި ރުފިޔާ ޗާޕްކޮއްގެން ނެރެފި ... ދިވެހި ފައިސާ އަގުވެއްޓި ޑޮލަރުރޭޓް 17 އަރާފި
ތުނިޔަ
15 June 2020
ތިޔަ ތަނުން ބަލާ މައްސަލަޔަކުން ދުވަހަކުވެސް "މައަސަލަ" އެއް ނުފެއްނާނެ!