13 އޯގަސްޓް 2020 - 19:29
13 comments
ކޮވިޑާ ގުޅިގެން ރާއްޖެ ގެންނަން އެކި ފަރާތްތަކާ ހަވާލުކުރި ވެންޓިލޭޓަރުގެ ތެރެއިން މެޑްޓެކާ ހަވާލުކުރި 50 ވެންޓިލޭޓަރު ގެނެސްފި އެވެ.
އެ ކުންފުނިން މިއަދު ކުރި ޓުވީޓެއްގައި ބުނީ މިއަދު ބާކީ 14 ވެންޓިލޭޓަރު ގެނެސްފައިވާ ކަމަށާއި އެއާ އެކު އެ ކުންފުނިން ގެންނަން ހަވާލުވި 50 ވެންޓިލޭޓަރު ގެނެސް ހަމަވީ ކަމަށެވެ.
މެޑްޓެކުން ބުނީ މިއަދު ގެނައި ވެންޓިލޭޓަރުތައް ކުރިއަށް އޮތް ދެ ދުވަސް ތެރޭގައި ހެލްތު މިނިސްޓްރީއާ ހަވާލުކުރާނެ ކަމަށެވެ.
Today we have imported an additional 14 ventilators to the Ministry of Health. This completes the delivery of 50 ventilators contracted to Medtech by @MoHmv. We, with our partners across the globe, are honored to serve the country in a critical time like this. #COVID19 #StaySafe
— Medtech Maldives (@MedtechMaldives) August 13, 2020
މެޑްޓެކާ ހަވާލުކޮށްފައި ވަނީ 50 އައިސީޔޫ ވެންޓިލޭޓަރު ގެނައުމަށެވެ. އޭގެ ތެރެއިން ފުރަތަމަ 18 ވެންޓިލޭޓަރު ގެނެސްފައި ވަނީ މެއި މަހުގެ 10 ވަނަ ދުވަހު އެވެ. ދެވަނަ ބެޗު ގެނެސްފައި ވަނީ ޖުލައި މަހުގެ 2 ވަނަ ދުވަހު އެވެ.
މެޑްޓެކުން ބުނީ އެ ކުންފުނިން ގެނައި ހުރިހާ ވެންޓިލޭޓަރަކީ ވެސް އެމެރިކާގެ ޖީއީ ހެލްތުކެއާ އާއި ސްވިޒަލޭންޑްގެ އައިއެމްޓީ މެޑިކަލް އިން އުފައްދާފައިވާ ވެންޓިލޭޓަރު ކަމަށެވެ. އެއީ އެމެރިކާގެ އެފްޑީއޭ އެޕްރޫވްޑް އަދި މެޑިކަލް އިކުއިޕްމަންޓް އުފެއްދުމުގައި އެންމެ ކުރީގައި އުޅޭ ކުންފުނިތަކުގެ ތެރޭގައި ހިމެނޭ ދެ ކުންފުންޏެވެ.
މެޑްޓެކުން މިހާތަނަށް ޖުމްލަ 52 ވެންޓިލޭޓަރު ރާއްޖެ ގެނެސްފައިވާއިރު އޭގެ ތެރެއިން ދޭތި ހަވާލުކޮށްފައިވަނީ ރާއްޖޭގައި ހުންނަ ދުނިޔޭގެ ސިއްހަތު ޖަމިއްޔާގެ އޮފީހާ އެވެ. ބާކީ ވެންޓިލޭޓަރުތައް ހަވާލުކުރީ ހެލްތު މިނިސްޓްރީއާ އެވެ.
ކޮވިޑް-19އާ ގުޅިގެން ސަރުކާރުން ފެށި ތައްޔާރީތަކުގައި އެކި ކުންފުނިތަކުން 149 ވެންޓިލޭޓަރު ރާއްޖެ ގެނައުމަށް ހަވާލުކޮށްފައި ވެއެވެ. އެއީ ނާޑު ޕްރައިވެޓް ލިމިޓެޑް 24 ވެންޓިލޭޓަރު، މެޑްޓެކް މޯލްޑިވްސް ޕްރައިވެޓް ލިމިޓެޑް 50 ވެންޓިލޭޓަރާއި ދުބާއީގެ އެގްޒެކިއުޓާސް ޖެނެރަލް ޓްރޭޑިން އިން 75 ވެންޓިލޭޓަރެވެ.
މީގެ ތެރެއިން މިހާތަނަށް ހުރިހާ ވެންޓިލޭޓަރުތަކެއް ގެނެސްފައި ވަނީ މެޑްޓެކުން އެކަންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖުހާގެ ރަންބުއްދި
14 August 2020
ކަންކަން ސިޔާސީ ކުރުމުގައިވެސް ހަަމަ ގެންގުޅެން އެބަ ޖެހޭ ހެން ހީވަނީ. ވުޖޫދުގައިވެސް ނެތް ބައްޔެއް ދުނިޔެއިން ފެނި، މި ބަލިން ދިފާއު ވުމަށްޓަކައި އެންމެން އެކަތިގަނޑަކަށްވެ ހަނގުރާމަ ކުރަންވީ ވަގުތު މި ގައުމުގެ އެއްބައި މީހުން ނިކުތީ މަސައްކަތ ް ކުރަން ތިބި ބަޔަކާ ދެކޮޅަށް ހަނގުރާމަ އިއުލާން ކޮށްގެން. ކީކޭ ބުނާނީ.
ކައްދާނިކެ
14 August 2020
މިހާރު އެއްވެސް ބަޔަކު ތި ވެންޓިލޭޓަރުގެ ވާހަކަ ނުދައްކާ. ތިއިންކުރެވޭނެ ކަމެއް އަދި ނެތް. ބޭސް އަދި ވެކްސިން އަދި ނޫސްތަކުން ތިވާކަ ދެއްކުން ހުއްޓަލާ ދުވަހެއް ބޭނުންވަނީ.
ގަޓް ބްރޯ
14 August 2020
ދުނިޔޭގެ އެންމެ ކުރިއަރާފައިވާ ގައުމުތައްވެސް ވެންޓިލޭޓަރު ބަނޑަށް ޖެހުނުއިރު މި ގައުމު އޮތީ ވެންޓިލޭޓަރަށް ނުޖެހި. ކަލޭމެން އޭރުވެސް މިކަން ސިޔާސީ ކުރީ. އޮޅުވާލަން ނޫޅޭ.
ހަސީނައްތަ
14 August 2020
ސާބަހޭ، މިވެސް އެބަ ލިބޭދޯ މުޒާހަރާ ކޮށް އިތުރު ބަޔަކު އަނދަވަޅަކަށް ވައްޓާ ނުލިއަސް. ގައުމައިގެން ކުރިއަށް.
ސުމާރު
13 August 2020
ޖޫކލިމަނާ ކުރިތޯ ބަލާތި. ބިޑުކޮށްގެން ގެންނަން އޮތް މުއަދަތައްވުރެ ފަުން ގެނާމަ ޖޫރިމަނާވާނެ.
ކުމާރުު
14 August 2020
ކޮންޓްރެކްޓް ގާނޫނުގައި އިންނާނެ ދޮރެއް ކަނޑައި ދީފައި މުދާ ގެންނަން ހަވާލުވި ފަރާތަށް ނުފޫޒެއް ނުފޯރުވޭފަދަ ގުދުރަތީ ހާލަތެއް މެދުވެރި ވެއްޖެ ނަަމަ، މުއްދަތު އިތުރު ކޮށް ދެވޭގޮތަށް. އެވެސް ވިދާޅުވެލާ. އޭރުން ރޯނުއެދުރުކަން ފިލައިދާނެ.
ކުމާރު ގޯރަމް
14 August 2020
ކުމާރޫ. ކޮން ގުދުރަތީ ކާރިސާއެއްގެ ވާހަކަތަ ތިދައްކަނީ. ކާރިސާއެއްގެ ތެރޭގައި ކާރިސާގެ ހުރިހާކަމެއް ހުރިހާ ދަތިތަކެއް އެނގި ތިބެ އެހުރިހާ ކަމަކަށް އެލަވަންސް.ލާފަ ހުށަހަޅާ އަގަކަށް ދެން ކޮން ފޯސްމެޖޯގެ ވާހަކައެއް ތި ދައްކަނީ. ލަސްވީމމަ ކަމުގެ އަލާކެނޑުމުން ލިބުނުއިރަކުން ތަކެތިގެނެސް އިންސްޓޯލް.ކުރވުނުއިރަކުން އިންސްޓޯލް ކުރަން ދިން ފައިސާއެއްނޫން އެއީކީ. ބޮޑު އަގުގަ ގެންނަން ހުށަހަޅާ ލަސްވީމމަ ހަމަ ޖުރުމަނާކުރަންޖެހޭ.
ބޮޑުމީހާ
13 August 2020
އޭރުވެސް މަ ބުނީމެއްނު މި އެއްޗިހިވެސް އަންނާނެއޭ. ކަންކަން ސިޔާސީ ކޮށްގެން އުޅޭއިރު ހީވަނީ ދެންމެ ދެންމެ މީހަކު މަރުވެދާނެހެން ވެންޓިލޭޓަރަށް ނުލެވިގެން. މޮޔަވެދާނެ!
އިރުއަލި
13 August 2020
މައްސަލަ ޖެހިގެން އުޅެނީ ދުބާއީ ކުންފުނާ ހަވާލުކުރު ވެންޓިލޭޓަރ ތަކުގައެވެ. އެޑްވާންސައް އެތައްމިލިއަނެއް ދިނީމަވެސް އަދި ރިކުއަރމަންޓަށްފެތޭ އެނެމެ ވެންޓލޭޓަރެއްވެސް ނުގެނެއެވެ.
ބޮޑުމީހާ
13 August 2020
މިވަރު ވާއިރުވެސް ނޭނގޭތަ އެވެސް އަންނާނެކަން؟ ނޭނގެންޏާ ލޯ ހުޅުވާފައި ދުނިޔޭގެ ހަތަރު ބިތުގައި ހިނގާ ކަންކަން ތިމާއަށް އެނގޭތޯ ދިރާސާކޮށްބަލަ. ވެންޓިލޭޓަރު ހޯދުމުގެ ދަތިކަން ތަހައްމަލް ނުކުރާ ގައުމެއް ފެނިއްޖިއްޔާ އެވާހަކަވެސް ދިރާސާގައި ހިމަނާލާތި.
ހޭލާ
13 August 2020
ކޮބައިތަ ދެ އިރު ދެ ދަޅައަށް ވެންޓިލޭޓަރު ނުލިބިގެން މުޒާހަރާ ކުރި ގްރޫޕު؟ ފެނޭތަ؟ އަދިވެސް ފިތުނަ ހަދާ. ތިމާމެންނަސް ސިޔާސީ ގޮތުން ޕޮއިންޓެއް އިތުރުވާނަމަ ހަމަ ކޮންމެ އެއްޗެކޭވެސް ގޮވަންވީ. ހަގީގަތެއް އެޔެއް މިޔެއް ނުބަލާ މީހުން ބޮލުގައި ކޮންމެފަދަ ބަދުނާމެއްވެސް އަޅުވަންވީ.
ލޮލްމޭން
13 August 2020
އާންމު ރައްޔިތުންނާއި ސިޔާސީ މީހުން އެވާހަކަ ދެއްކީ ފިތުނަ އުފައްދާކަށް ނޫން. ނިޔުސްކޮންފަރެންސް ތަކަށް އަރާ އެ ގެންްނަން ބުނި ތާރޯޚާއި އޭރު ދެއްކި ވާހަކަ ދިމާނުވީމަ. މުޅިންވެސް ހެދީ ދޮގު. ސަުކާރުން އަމިއްލަޔަށްވެސް އެއްބަސްވި ޑުބާއީގެ ކުންފުންޏަށް ހަވާލުކުރި އެއްޗެހި ނުލިބި ވާނުވާގަ ހުރި ވާހަކަ. ބިޑަކާނުލާ ގެންނަން ހަވާލުކުރީ އަވަހަށްގެންނަށްކަމަށް. ކިތައްމަސްބާ މި ދިޔައީ ނުލިބި؟؟ ފިތުނަޔަށްވާންވި ސަބަބެއް މީގަނެއް. ސަޕޯޓްކުރިޔަސް ފުކެއްބޮޑު
ބޮލްމޭން
13 August 2020
ވާނުވާ ހޯދާ ބަލާ މީހަކަށް އެނގޭނެ ކޮވިޑްތެރޭ ހުރިހާ ގައުމަކުން އެއްފަހަރާ ވެންޓިލޭޓަރު ހޯދަން އުޅެގަތީމަ އެ ހޯދުމުގެ ދަތިކަން ދުނިޔޭގެ ހުރިހާ ގައުމަކަށްވެސް ދިމާވިކަން. އަދި ބޮލެއް ހުރި މީހެއްވިއްޔާ އެނގޭނެ އެ ގެނައުމުގެ ދަތިކަންވެސް ހުންނާނެކަން މުޅި ދުނިޔޭގެ ދަތުރު ފަތުރުގެ ނިޒާމު އެއްކޮށް ހުއްޓިފައި އޮތް ދުވަސްވަރެއްގައި. އެކަމަކު މިކަން ސިޔާސީ ކުރަންވެއްޖެ ޕީޕީސީ އަދި ނަޝީދުގެ މީހުން. ރައްޔިތުން އޮޅުވަން ދެންވެސް ވާހަކަ ނުކިޔާ މައިތިރިވެ ތިބޭ، އެވެސް ލިބޭނެ.