ޚަބަރު / މެމްބަރު މުހައްމަދު ސައީދު (މާވަށް)

އެފްޓީއޭ އިން ރާއްޖެ ރީއެކްސްޕޯޓް ހަބަކަށް ހެދޭނެ، ދައްކަނީ އޮއްޓަރެއް ނެތް ވާހަކަ: ސައީދު

ސައީދު، މަޖިލީހުގައި ވާހަކަ ދައްކަވަނީ: އެފްޓީއޭ ތަންފީޒުނުކުރަން ސަރުކާރުން ދައްކާ ވާހަކަތަކާ މެދު ހިތްހަމަޖެހިވަޑައިނުގެން އަންނަނީ ރައްދު ދެއްވަމުން. --ފޮޓޯ/މިހާރު

12 އޮކްޓޯބަރ 2020 - 12:30

8 comments
angry icon 70%

ކުރީގެ ރައީސް އަބްދުﷲ ޔާމީންގެ ވެރިކަމުގައި ޗައިނާއާ އެކު ސޮއިކުރި މިނިވަން ވިޔަފާރީގެ އެއްބަސްވުމުން ފައިދާ ހޯދެން އޮއްވައި، މި ސަރުކާރުން ދައްކަނީ އޮއްޓަރެއް ނެތް ވާހަކަ ކަމަށް ވިދާޅުވެ ކުރީގެ އިކޮނޮމިކް މިނިސްޓަރު އަދި މާވަށު ދާއިރާގެ މެމްބަރު މުހައްމަދު ސައީދު ފާޑުވިދާޅުވެއްޖެ އެވެ.

ސައީދު މިހެން ވިދާޅުވީ، މިހާރު އޮތް ގޮތަށް އެއްބަސްވުން ތަންފީޒުކޮށްފި ނަމަ އިގްތިސާދަށް ވަރަށް ބޮޑެތި ނޭދެވޭ އަސަރުތަކެއް ކުރާނެތީ އެފަދަ ވިސްނުމެއް މި ސަރުކާރުގައި ނެތް ކަމަށް އިކޮނޮމިކް މިނިސްޓަރު ފައްޔާޒް އިސްމާއިލް ވިދާޅުވުމުންނެވެ. މި ސަރުކާރުގެ ވިސްނުމަކީ އެއްބަސްވުން ރިވިއުކުރުމެވެ.

ސައީދު ވިދާޅުވީ އެފްޓީއޭގެ ވާހަކަ ސަރުކާރުން ދައްކަނީ އެއްވެސް ޒިންމާދާރުކަމެއް ނެތި ކަމަށެވެ. އެއީ ހުސް ވާހަކަ ގޮތުގައި ސިފަކުރައްވައި އޮއްޓަރު ހުރި އެންމެ މިސާލެއް ދެއްކެވުމަށް އެދިވަޑައިގަތެވެ.

އެ ހިތްވަރު ސަރުކާރުގައި ހުންނަންވާނެ ކަމަށް ވެސް ވިދާޅުވި އެވެ.

"އެފްޓީއޭގެ ސަބަބުން ރާއްޖެ އަކީ ސީފުޑް އަދި އަގުބޮޑު މުދަލުގެ ރީއެކްސްޕޯޓް ހަބަކަށް ހެދޭނެ،" ސައީދު ވިދާޅުވި އެވެ.

ފައްޔާޒު ވިދާޅުވީ، އެއްބަސްވުމުގައި ބައެއް ކަންކަން ރަނގަޅު ނަމަވެސް ޖުމުލަކޮށް ރާއްޖޭގެ އިގުތިސާދަށް މާ ބޮޑު ފައިދާއެއް ނެތް ކަމަށެވެ. ޗައިނާ އިން އަގުހެޔޮކޮށް މުދާ އެތެރެކުރެވުނަސް އެހެން ގައުމުތަކުގެ މުދަލުން ބޮޑު ޕަސެންޓެއްގެ ޑިއުޓީ ނެގުމުން ވަރަށް ގިނަ ވިޔަފާރިތަކާ އެކު އޮތް ގުޅުން ހީނަރުވާނެ ކަމަށް ވިދާޅުވި އެވެ.

"ކުރިން ފަށާފައި ހުރި ވިޔަފާރިތައް އަލުން ފައްޓާނެ ޖާގައެއް އޭރަކުން ނޯންނާނެ. އެހެންވެ އޭގައި އޮތް ގޮތަށް މިހާރު ކުރިއަށް ގެންދިއުން އެއީ އަޅުގަނޑު އިގުތިސާދީ މިނިސްޓަރަކަށް ހުރެ ކުރިއަށް ގެންދާނެ ކަމެއް ނޫން،" ފައްޔާޒު ވިދާޅުވި އެވެ.

އޭނާ މިހެން ވިދާޅުވިއިރު، ކުރީގެ އިކޮނޮމިކް މިނިސްޓަރު އަދި މަޖިލީހުގެ މާވަށު ދާއިރާގެ މެމްބަރު މުހައްމަދު ސައީދު ދާދި ފަހުން ވިދާޅުވެފައި ވަނީ މި އެއްބަސްވުން ތަންފީޒު ނުވެގެން އުޅެނީ ބާރުވެރިކަން ހޯދުމުގައި ރައީސް އިބްރާހީމް މުހައްމަދު ސޯލިހާއި ރައްޔިތުންގެ މަޖިލީހުގެ އަދި އެމްޑީޕީގެ ރައީސް މުހައްމަދު ނަޝީދާ ދެމެދު އޮތް އަރައިރުމެއްގެ ސަބަބުން ކަމަށެވެ.

ސައީދުގެ މި ތުހުމަތު އައީ. އެފްޓީއޭ ތަންފީޒުކުރުމަށްޓަކައި މަޖިލީހުން ހަދަން ޖެހޭ ގާނޫނުތައް ނުހަދައި އޮތުމުން، އެ އެއްބަސްވުން މިހާރު ނެތް ކަމަށް މަޖިލީހުގައި ނަޝީދު ވިދާޅުވުމުންނެވެ.

މިނިވަން ވިޔަފާރީގެ އެއްބަސްވުމުގައި ޗައިނާއާ އެކު ސޮއިކުރަން ދިވެހި ސަރުކާރުން ނިންމިއިރު، ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި އޭރުގެ އިކޮނޮމިކް މިނިސްޓަރު ސައީދު ވިދާޅުވެފައި ވަނީ ޗައިނާއާއެކު ފްރީ ޓްރޭޑް އެގްރީމަންޓެއް ގާއިމް ކުރުމަށް ކުރާ މަސައްކަތުގައި، އެއްބަސްވުމުގައި ސޮއިކުރަން ނިންމުމަކީ މަސްވެރިކަމާއި ޓޫރިޒަމްގެ ދާއިރާ އަށް ލިބުނު ވަަރަށް ބޮޑު ކުރިއެރުމެއް ކަމަށެވެ. އެއްބަސްވުމުގެ ސަބަބުން ދުނިޔޭގެ އެންމެ ބޮޑު "ކޮންސިއުމާ މާކެޓް"ގައި އެއްވެސް ޑިއުޓީ އަކާ ނުލައި، މަހުގެ ބާވަތްތަކުގެ ވިޔަފާރި ކުރެވޭނެ ކަމަށް ސައީދު ވިދާޅުވި އެވެ.

8 ކޮމެންޓް, 9 ރިއެކްޝަންސް

icon happy icon happy 22%
icon sad icon sad 0%
icon angry icon angry 78%
icon wow icon wow 0%
icon inlove icon inlove 0%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

އަބްދޫ

14 October 2020

ތިޔައީ ރާއްޖެއަށް ފައިދާހުރި އެގްރީމެންޓެއް.އެގްރިމެންޓް ތަންފިޒު ކޮށް ފައިދާހޯދަންފެށުމުން އިންޑިޔައާ ލަންކާ އާ ޑުބާއީ ސިބަގަޕޯރ ފަދަ ތަންތާގެ ސިޕިންގ މާކެޓަށާ އިމްޕޯޓް ތަކަށް ބަދަލު އައުން އެކަށީގެންވޭ.އެކަމަކު މިހާރަށް ވުރެ ދިވެހިގައުމަށް ދިވެހިންގެ ވިޔަފާރިއަށް ހާއަސަކޮށް ޗައިނާ އިން އިޕްޕޯޓް ކޮށްގެން ކުރާ ވިޔަފާރީގަ މިހާރަށް ވުރެ ނަފާ ބޮޑުވާނެ.

The name is already taken The name is available. Register?

އަރުވާލި އާދަނުގެ ސިޔާސީ ހާސަރު

14 October 2020

" ފައިދާވާނެ " ނުވާނެ ބުނަން ޖެހި ހިސާބު ކޮބާތޯ. ކުރި ދިރާސާ ކޮބާތޯ ؟ ކޮބާތޯ ތަޖުރިކާރުން ގެ ލަފާ ؟ ކޮބާތޯ ޗަންޕާ އަފީފް ،އޮއްޗު ،ގާސިމް ފަދަ ބިޔަ ވިޔަފާރި ތަޖުރިބާކާރުން ދެކޭގޮތް ؟ ފައިދާ އަކީ ސައީދު އިއްވާ ކޯޓް ހުކުމެއް ކޯޓް އަމުރަކުން ނެރޭ އެއްޗެއްނަމަ އޯކޭ ފައިދާ ވާނެ.

The name is already taken The name is available. Register?

1234

12 October 2020

އަދިވެސް ތިބޭކާރު ވާހަކަ ހުއްޓާކަށްނުވޭތަ ؟

The name is already taken The name is available. Register?

ކެރޯން

12 October 2020

މީއެއްވެސް އޮށްޓަރެއް ނުހުންނަ ވާހަކަ ދައްކާ ކޮހެއް.

The name is already taken The name is available. Register?

ވައިސޫރި

12 October 2020

ބާރުއޮއެއްއިރު މަޖުލީހައް އިދިކޮޅު މެންބަރުން ވަނަނުދީ ގެންދެވިއިރު އެގާނުނުތައް ނުހެއްދެވީ ކީއްވެގެންތޯ ތިޔަ އެއްބަސްވުމުގެ ސަބަބުން ރާއްޖޭގެ ވިޔަފާރީގެ ސިނާއަތް ޗައިނާގެ ބާރުގެދަށައް ނުދާނެތޯ ތަފާތުނަމެއްގާ ދެވަނަ ވޯރާވެރިން އުފެދިގެންނުދާނެތޯ މިހިރީ ހައްތަހާވެސް ވެދާނެ ގޮއެއްތައް ވިސްނަވާ

The name is already taken The name is available. Register?

12134

12 October 2020

ކީއްވެތަ އެކަންނުކުރީ ސަރުކާރު ވެއްޓުނީމާ ތިވާހަކަ ދެއްކުމުގެ ބޭނުމެއްނެތް؟

The name is already taken The name is available. Register?

އަލްޖިބްރާ

12 October 2020

ކަލޭމެންގެ ވެރިކަމުގައި މިޤައުމުން ތެޔޮވެސް ނަގައިފި! އެކަމު ވީފައިދާއެއް ނެތް ! ތިއީ ފެއިލްވެގެން އެކަހެރި ކޮށްފަ ތިބި ބައެއް ! ތިމައާއި ނުބެހޭ ކަންތަކަށް އަގަނުބާނާހުންނަން ދަސްކޮށްބަލަ ! ކިހާބޮޑު މުސީބާތެއް !

The name is already taken The name is available. Register?

އުމަރުބެ

12 October 2020

ފްރީޓްރޭޑް އެގްރީމެންޓު އިން ފައިދާކުރާނެ، އެހެން ޤައުމަކާއި ނުލައިވެސް އުޅެވޭނެ،

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454

Share your opinion about "Mihaaru" new website

"މިހާރު"ގެ އާ ވެބްސައިޓާ ބެހޭ ގޮތުން ހިޔާލު ފޮނުވުމަށް

ނަން އަދި ޚިޔާލު ޖައްސަވާ!
Please fill in name and opinion.
ތިޔަ ޚިޔާލު ލިބިއްޖެ. ޝުކުރިއްޔާ!
We have recieved your message. Thank You!