މިލަންދޫ: އެ ރަށުގެ އަންހެނަކު މިއަދު ވަނީ ކުއްލި ގޮތަކަށް މަރުވެފައި. -- ފޮޓޯ: އަހުމަދު ހަލީލް
27 ޑިސެމްބަރ 2020 - 18:36
10 comments
ށ. މިލަންދޫގައި މިއަދު މޫދަށް އެރި އުޅުނު ޒުވާން އަންހެނަކު ކުއްލި ގޮތަކަށް މަރުވެއްޖެ އެވެ.
އެ ރަށުގެ ކައުންސިލް މެމްބަރު އަބްދުﷲ ފާއިޒު "މިހާރު" އަށް ވިދާޅުވީ މަރުވި 33 އަހަރުގެ މީހާ މެންދުރުފަހު މޫދަށް ދިޔައީ އޭނާގެ މަންމައާ އެކު ކަމަށެވެ. މޫދުން އަރައި ގެއަށް ދާން އުޅެނިކޮށް ކުއްލިއަކަށް ހޮޑުލާފައި ހޭނެތުނީ ކަމަށް ކައުންސިލަރު ވިދާޅުވި އެވެ.
"އަސްލު ވީގޮތެއް ނޭނގެ، އޭނާގެ މަންމައާ އެކު ގެއަށް ދާން ވެގެން ސައިކަލަށް އަރަން ދިޔައީ. ދެން ކުއްލިއަކަށް ހޮޑުލާފައި [ހޭނެތިގެން] ވެއްޓުނީ،" ފާއިޒު ވިދާޅުވި އެވެ.
ވަގުތުން އެމްބިއުލާންސްގައި ސިއްހީ މަރުކަޒަށް ގެންދިޔަ އެވެ. އޭނާ މަރުވީ އެތަނުގައި ފަރުވާދެމުން ދަނިކޮށެވެ.
އޭނާ ވަޅުލަން ހަމަޖައްސާފައި ވަނީ މިރޭގެ އިޝާ ނަމާދަށް ފަހު އެވެ.
މަރުވި އަންހެން މީހާ އުޅެނީ ކައިވެނިކޮށްގެންނެވެ. ދެމަފިރިންގެ ދަރިއެއް ނުހުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
Brunswicktree
29 December 2020
މިހާރު މަލަކުލް މައުތުގެ ފާނު އަންނާނީ ކޮން އިރަކު ކަމެއް އެއްވެސް މީހަކަށް ނޭގޭނެ. ވަގުތު ޖެހުމުން ފުރާނަ ނަގާ އޭގެ ވެރި ކަލާގެއާ ހަވާލު ކުރާނެ.
ހަސަން ދިހަވަނަ
29 December 2020
މިހާރު އޭ..؟؟ އެއްވެސް އިރެއްގަ ނޭނގޭނެ މަރު އަންނަ ވަގުތެއް...
ރީތި މޫސަ
28 December 2020
ހާދަ ހިތާވެރި ޚަބަރެކޭ ޔާﷲ މަރުޙުމާގެ ފުރާނަޔަށް ސުވަރުގޭގެ ދާއިމީ ނިޢުމަތްލައްވާ ޢާއިލާއަށް ކެއްތެރިކަން ދެއްވާށި އާމީން
ހައްސާނު
28 December 2020
ހީވަނީ ސެކަންޑަރީ ނުވަތަ ޑްރައި ޑްރައުނިންގެ ކޭސް އެއް ހެން
ކަކުނިބޯ
28 December 2020
ނިދާފައި ތިއްބާވެސް އެބަ މަރުވޭ. އެނދުގެ މައްސަލައެއްތާ! އެއީ.
ކިއްލިބަސް
27 December 2020
މިކަހަލަ މަރުތައް ޕޯސްޓް މޯޓަމް ހަދައިގެން މަރުވި ސަބަބު ދެނެގަތުމަށް މަސައްކަތްކުރަންޖެހޭ.
ރަނަނަމާރީގެ ކޮއްކޮ
27 December 2020
ތިކަން ކުރާނެ ބަޔަކު ނެތީ. މިހާރު މި ރާއްޖޭގަ ކަންތައް އޮންނަ ގޮތުން މަރުވާ މީހަކަށް އޮތީ ކަށްވަޅު. ވީހާވެސް އަވަހަކަށް ވަޅުލާ ގެއްލުވާލަނީ. މި ފަހަކަށް އައިސް ރާއްޖޭގަ މޫދުން މަރުވާ މީހުން މިވަނީ ވަރަށް ބޮޑަށް އިތުރުވެފަ. މިކަމުގެ ސަބަބު ހޯދެންޖެހޭ. ވިހައެއްގެ އަސަރުކޮށްގެންތޯ ނުވަތަ ޖިންނި އަދި ސިހުރުގެ ވަޑާމެއްތޯވެސް ބެލެންޖެހޭ. މަރުވާ ކޮންމެ މީހަކު މަރުވާ ސަބަބު ކަމުގައި މިއޮންނަނީ ހާޓް އެޓޭކް ނުވަތަ ސްޓްރޯކް.
ކަކުނިބޯ
28 December 2020
މިރާއްޖެއަކީ ނުހަނު މޮޅަށް ޑޮކްޓަރުން އުފައްދަމުންދާ ޤައުމެއްކަން ނޭންގޭތަ. އަދި މެޑިސިންގ ކޯސް ސިލަބަހަކީ ދުނިޔޭގެ އެންމެ މޮޅު ޑޮކްޓަރުން އުފައްދާ އަދި އުފައްދަމުންގެންދާ ފަހުރުވެރި މެލޭޝިޔާގެެ މެޑިސިން ކޯސް ސިލަބަސްކަން ނޭންގޭތަ؟ އަދި ދުނިޔޭގެ ކޮންމެތާކު މެޑިސިންކޯސް ހަދާދެނީ ޕޯސްޓް މޯޓަމްހަދާ ދައްކާގެން ކަމަށް ވާއިރު މިދިވެހިރާއްޖޭގެ ސިލަބަސްގައި ފަޅާނީ ފޮޓޯ އެއްނު އެއިރުން ގޮޑީގައިދެގެން ވާނެއްނު އެކަންވެސް ނޭންގޭ ދޯ ؟ ލަލަލަ
ހުސެން
28 December 2020
ރަނަނަމާރީގެ ކޮއްކޮ :: ވަރަށް ރަނގަޅުވާހަކައެއް، ނަމަވެސް ކައިފާ ތީންކަމެއް ކުރާކަށް ބާކީއެއްނުވޭ، ކޮވިޑޭ ކޮވިޑޭ ކިޔަމުންވެސް ކާލިވަރުބަލާބަލަ
ބާލައާދަނު
28 December 2020
މަރުވާ ކޮންމެ މީހަކު ޕޯސްޓް މޯޓަމް ހެދުމުގެ ބޭނުމަކީ ކޮބަޔޯ؟ މަރުވި ސަބަބު ދެނެގަނެވުނީމަ އެކަމުން ދެންތިބި މީހުން ރައްކާތެރި ކުރެވެނީތަ؟ މަގުމަތީގަ ހިނގާ އެކްސިޑެންޓް ތަކުގަ މަރުވާ މީހުންނާ، މުސްކުޅި ބަލީގަ މަރުވާ މީހުންވެސް ޕޯސްޓް މޯޓަމް ހަދަންވީ.