އަމީނިއްޔާ ސްކޫލްގެ ޓީޗަރަކު ކޮވިޑް-19 އަށް ޕޮޒިޓިވްވެ، ބައެއް ޓީޗަރުން ކަރަންޓީން ކޮށްފި އެވެ.
ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) އިން ބުނީ އަމީނިއްޔާ ސްކޫލުން ކޮޮވިޑް-19 އަށް މިއަދު ޕޮޒިޓިވްވީ ގްރޭޑް 3 އަށް ކިޔަވައިދޭ ޓީޗަރެއް ކަމަށެވެ. އެހެންވެ، އޭނާއާ ކްލޯޒް ކޮންޓެކްޓުންގެ ގޮތުގައި ބައްދަލުވި އިތުރު ޓީޗަރުން ކަރަންޓީން ކޮށްފައިވާ ކަމަށާއި އެ ޓީޗަރުންނާ އޭނާއާ ދިމާވެފައި ވަނީ ސްކޫލުން ބޭރުގައި ކަމަށް އެޗްއީއޯސީން ބުންޏެވެ.
އެޗްއޯއީސީން ބުނީ އަމީނިއްޔާ ސްކޫލްގައި ރައްކާތެރިކަމުގެ ފިޔަވަޅުތައް އެޅިފައިވާތީ އެއްވެސް ދަރިވަރަކު އެ ޓީޗަރާ ކޮންޓެކްޓްވެފައިވާ ކަމަށް ނުބެލެވޭ ކަމަށެވެ.
ރައްކާތެރިކަމުގެ ފިޔަވަޅުތަކާ އެކު، ސްކޫލްތައް ހުޅުވައި، ކިޔަވައިދޭން ފެށީ މިދިޔަ އާދިއްތަ ދުވަހު އެވެ.