ތުހުމަތުކުރަނީ ވ. އާރަށުން ލިބުުނު 1 މިލިއަން ޑޮލަރު އަމިއްލަފުޅު އެކައުންޓަށް ޖަމާކުރި ކަމަށް
ކުރީގެ ރައީސް އަބްދުﷲ ޔާމީން. -- ފޮޓޯ: މިހާރު
30 އެޕްރީލް 2021 - 12:15
ވ. އާރަށުގައި ރިސޯޓެއް ތަރައްގީކުރަން އެ ރަށް ވިއްކައިގެން ލިބުނު އެއް މިލިއަން ޑޮލަރު (15 މިލިއަން ރުފިޔާ) ކުރީގެ ރައީސް އަބްދުﷲ ޔާމީންގެ އަމިއްލަފުޅު އެކައުންޓަށް ޖަމާކުރިކަމުގެ ތުހުމަތުގައި ކުރި ތަހުގީގު ނިންމައި ދައުވާކޮށްދިނުމަށް އެދި ޕްރޮސިކިއުޓާ ޖެނެރަލްގެ އޮފީހަށް ފޮނުވައިފި އެވެ.
ވ. އާރަށަކީ ޑީއާރްޕީގެ ކުރީގެ ލީޑަރު ތަސްމީންގެ އަލީގެ މަސްލަހަތު އޮންނަ ކުންފުންޏަކަށް ދީފައި އޮއްވައި 2015 ވަނަ އަހަރު ވ. ފެލިދޫ ކައުންސިލާ ހަވާލުކުރި ރަށެކެވެ. އެ ރަށް ޓޫރިސްޓް ރިސޯޓެއްގެ ގޮތުގައި ތަރައްގީކުރުމަށް ފަހުން ޓޫޖީ މޯލްޑިވްސް ކިޔާ ކުންފުންޏަކާ ހަވާލުކުރި އެވެ. އެ ރަށް އޭގެ ފަހުން ބޭރު ކުންފުންޏަކަށް ވިއްކާލީ އެވެ.
ޔާމީންގެ މައްޗަށް މި މައްސަލާގައި ތަހުގީގު ހިންގާފައިވަނީ ރަށް ވިއްކާލައިގެން ލިބުނު އެއް މިލިއަން ޑޮލަރު ޔާމީންގެ އަމިއްލަފުޅު އެކައުންޓަކަށް ޖަމާކޮށްފައިވާކަން އެމްއެމްޕީއާރްސީގެ ތަހުގީގުގެ ތެރެއިން ހާމަވުމުންނެވެ.
ގެސްޓް ހައުސް ވިޔަފާރި ހިންގާ ވ. ތިނަދޫ ކައިރީގައި އޮންނަ ކުޑަކުޑަ މި ރަށުން ލިބުނު ފައިސާގެ މައްސަލާގައި ޔާމީންގެ މައްޗަށް ދައުވާކޮށްދޭން އެދިފައި ވާއިރު ޔާމީން މިހާރު ތަންފީޒުކުރާ ފަސް އަހަރުގެ ޖަލު ހުކުމް ވެސް އައިސްފައި ވަނީ ރިސޯޓް ހަދަން ވިއްކި ރަށަކުން ލިބުނު ފައިސާގެ ތެރެއިން އެއް މިލިއަން ޑޮލަރު ޔާމީންގެ އަމިއްލަފުޅު އެކައުންޓަށް ޖަމާކޮށް މަނީ ލޯންޑަރިން ހިންގިކަން ސާބިތުވެގެންނެވެ.
މި މައްސަލާގައި ފަސް އަހަރަށް ޖަލަށް ލައި ފަސް މިލިއަން ޑޮލަރުން ޖޫރިމަނާކުރި ހުކުމް ތަންފީޒުކުރަމުން ގެންދާ ޔާމީން ރޭގެ ވަގުތެއްގައި ވަނީ ގެޔަށް ބަދަލުކޮށްފަ އެވެ. އާ މައްސަލަ ޕީޖީ އަށް ފޮނުވީ ޖަލުގައި ކޮވިޑް ފެތުރޭތީ ވަގުތީ ގޮތުން ޔާމީން ރޭ ގެޔަށް ބަދަލުކުރުމުގެ ކުރުގެ ދެތިން ދުވަސް ކުރިންނެވެ.
ފުލުހުން ފަހުން ފޮނުވި މި މައްސަލާގައި ޕީޖީން އަދި ވަކި ގޮތެއް ނުނިންމަ އެވެ.
މިހާރުވެސް ކްރިމިނަލް ކޯޓުގައި ޔާމީނާ ދެކޮޅަށް އެމްއެމްޕީއާރްސީ ޚިޔާނާތުގެ ތެރެއިން ދައުވާތަކެއް މިދިޔަ ޖޫން މަހުން ފެށިގެން ކުރިއަށް ދެ އެވެ. އެއީ އެއީ އެމްއެމްޕީއާރްސީ މެދުވެރިކޮށް ރ. ފުއްގިރި ވިއްކައިގެން ލިބުނު 1 މިލިއަނަށް ވުރެ ގިނަ ޑޮލަރު ޔާމީންގެ އެކައުންޓަކަށް ޖަމާކުރި މައްސަލައިގަ އެވެ. އެ މައްސަލާގައި ކުރަނީ މަނީ ލޯންޑްރިންގެ ދައުވާއަކާއި ރިޝްވަތު ގަބޫލުކުރުމުގެ ދައުވާއެކެވެ.
މަނީ ލޯންޑަރިންގެ ކުށް ސާބިތުވުމުން، ޔާމީން ޖަލަށްލައި ޖޫރިމަނާކުރަން ކްރިމިނަލް ކޯޓުން ހުކުމްކުރީ ނޮވެމްބަރު 28، 2019 ގަ އެވެ. އެ ހުކުމަށް ހައި ކޯޓުން ތާއީދުކޮށް ހުކުމް ދެމެހެއްޓުމަށް މިހާރު ވަނީ އިސްތިއުނާފަށް ސުޕްރީމް ކޯޓަށް ހުށަހަޅައިފަ އެވެ. އެ ކޯޓުން އަދި މައްސަލައިގެ ޝަރީއަތެއް ނުފަށަ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ޢަނީ
01 May 2021
އެމްއެމްޕީއާރުސީ ބޮޑު ވައްކަމުގެ ލާރީގައި ޖެހިފައި ތިބީ މިގައުމުގެ އެންމެ 4 މީހުން (ޔާމީން، އަދީބު، ޒިޔަތު، ހާމިދުސޭޓު) ކަމަށް ރައްޔިތުން ގަބޫލުކޮއްލައިގެން ތިބެންވީތޯ؟ރައްޔިތުން މިހާރު ތިހާ ފަސޭހައެއްކޮށް ސިޔާސީ ކަންކަމަކު ނުހެއްލޭ އެނގޭތޯ.ހުރިހާ ޕާޓީއެއްގެ އިސްވެރިން އަދި ބޮޑެތި ވިޔަފާރިވެރިން މިލާރީގާ ހޭކިފައި އެބަހުރިކަން އެންމެނަށްވެސް އެނގޭ.100 ވަގުންތެރެއިން 4 ވަގުން ބަންދުކޮއްފަ ހައްގުހޯދަދިނީއޭ ބުނީމަ ވައުދުފުއްދުނުކަމަށް ނުވާނެ.
1234
01 May 2021
ސަރުކާރުން ބުނަނީ ރަށްވިއްކައިގެން ލިބުފައިސާއޭ، ޖަމާކުރި މީހާ ނުވަތަ ޔާމީނު އެއީ އެ ފައިސާ ނޫންކަންކަން ސާބިތުކޮށްދިނީމަ އެކަން ނިމުނީނު
ރޯޒަސް
01 May 2021
އެވަރު ކަމެކޭ
4321
02 May 2021
ސާބިތުކުރެވޭތަ ވަކި ގޮތަކަށް ލިޔެގެން ގާޒިން އަރާ ތިބޭއިރު؟
ޙަސަންބެ14
01 May 2021
މި ގައުމަށް އެންމެ ހަރާމްކޯރުވި، ގައްދާރުވި މީހުން އެތިބީ ސަރުކާރާއި ޑީލް ހަދައިގެން މިނިވަންކޮށް. ޙަމައެކަނި ފެންނަނީ ޔާމީން!
ސަރަކަ
01 May 2021
މިވަރުވާއިރު ވެސް އަދިވެސް މީނަ ވެރިކަމަށް ގެންނަން އުޅޭ ބަޔަކު އެއުޅެނީ، އެއުރެންނަށް ވެސް ވި ފައިދާއާއި ވާނެ ފައިދާއަށްޓަކައި. ޥެރިޔަކު މިވަރު ކޮށްލީމާ ތަންކޮޅެއް ހުތުރު. މެލޭގެ ބޮޑުވަޒީރެކޭ މީނައެކޭ ތަފާތެއް ނެތްތާ،
ރޮޒޭ
01 May 2021
ގައުމުގެ ވެރިކަމުން ހަމައެކަނި ކުރާކަމަކީ ޔާމީންގެ މައްސަލަބަލާ ޖަލައްލުން. ރައްޔިތުން ހަލާކުވާއިރުވެސް މިއޮންނަ ކަމަކީ ޔާމިން އަށް އަނިޔާދިނުން. އިބޫއާ އައްނިވެސް ރެޑީވެ ހުރޭ. ނުފިލޭނެ. އެދުވަސް އަރާހަމަކުރާނެ
ރޯޒަސް
01 May 2021
އެމީހަކަށް އުޅެވުނުގޮތަކުން އެހްނެ މީހުންނަށް އެހެރީ އެކަން ދަސްވެފަ. އުލޭވިފައި ހުރިލެއް ނުލަފާކަމުން މިއަދު ހަމްދަރުދީ ވާނެ މީހަކު ނެތް.
ޝާޠިރާ
01 May 2021
ރައްޔިތުންގެ ކިރިމަތީގައި މިހާވަރަށް ދެން މީހެއްގެ އިތުބާރާއި އަގު ވެއްޓޭނީ
އަހުމަދު ޗާބީބޮކާ
01 May 2021
މިވެރިކަމުގަ މިހާރުވެސް ކޮއްފަ ހުރި ވައްކަން މަދެއްނޫން" މިވެރިކަމުގަ ރައްޔަތުންނައް ކަމެއްކޮއް ނުދެވޭ ހުސްދޮގު ހަދަނީ އިންޑިޔާ މޯދީ ދިވެހި ސަރުކާރު ހިންގަނީ" ކުރީގަ ވައްކަން ކޮއްފަ ރައްޔަތުންނައް ކަންތައް ކޮއްދީފަ ހުރީ ހުޅުމާލެ ދެވަނަ ފޭސް ހިއްކާ އެތަނުގަ ފަންސަވީސް ބުރީގެ އެތައްޓަވަރު އަޅާ ނިންމާފަވީ ވަރުގަދަ ދަރުމަވަންތަ ހޮސްޕިޓަލް މާލެ ހުޅުމާލެ ބުރިޖު މިވަރު އޯކޭދޯ ފަސްއަހަރައް މައުމޫނު ތިރީސް އަހަރާ ނުބައްދަލު ކުދިންނޭ ހަޖަމުކުރޭ!!
ޝަރޫ
01 May 2021
ފުރަޔަމަ މިސަރުކާރުގެ ވައްކަން ތައް ބަލަންވީ ރައްޔިތުން މިތިބީ ހާލުގް ޖެހިފަ، ރައިސް އޮފީހުން އެކުރާ ވައްކަމޯ!
ޕޮގުބާ
01 May 2021
ރައީސްޔާމީން ވެރިކަމުގަ ތަރަށްގީއަށް ކުރި ކުރިކާ ކަމަކަށް ދައުވާ މިސަރުކާރުން ކުރާނެ ހުޅުމާލެ ބުރިޖް އެޅީމަ އެކަމަށްވެސް ދައުވާ ކުރަންވާނެ އެމްޑީޕީގެ އަނިޔާވެރިކަން ނިމޭނެ ދުވަސް އަންނާނެ
ރޯޒަސް
01 May 2021
ނޫން. ވައްކަމަށް އެކަނި ދައުވާ ކުރާނީ.. ރަނަގޅު ކަންކަމަށް ދައުވާއެއް ނުކުރާނެ،. ބުރިޖުންވެސް ވައްކަން ކޮށްފަ އޮތިއްޔާ އެއަށްވެސް ދައުވާކުރާނެ.
މަހުޖަނު
30 April 2021
ސުބުހާނަﷲ! އުމަރު ބުނީ ހަމަ ރަނގަޅަށް! މިކަލޭގެ ވެރިކަމުން ބޭލުނުއިރު ތިޖޫރީހުރިތަނުގަ ލަކުނުވެސް ނެތް! ެ