ހުޅުދޫ ދާއިރާގެ މެމްބަރު އިލްޔާސް ލަބީބް
15 މެއި 2021 - 15:36
20 comments
ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަވަހަރާކޮށްލަން ދިން ހަމަލާގެ ކުރިން، އެފަދަ އަމަލެއް ހިންގަން ބަޔަކު ރާވާ ކަމުގެ މައުލޫމާތު ލިބިގެން ސިފައިންނަށް ރިޕޯޓް ކުރެއްވި ހުޅުދޫ ދާއިރާގެ މެންބަރު އިލްޔާސް ލަބީބު ފުލުހުންގެ ތަހުގީގަށް ބަޔާން ދެއްވައިފި އެވެ.
މަޖިލީހުގެ ގައުމީ ސަލާމަތާ ބެހޭ ކޮމިޓީގެ މެންބަރުންގެ ތެރޭގައި ވެސް ހިމެނޭ އިލްޔާސް ލަބީބް އިއްޔެ ނެރުއްވި ބަޔާނެއްގައި ވިދާޅުވެފައިވާ ގޮތުގައި ނަޝީދަށް އަމާޒުކޮށް ހަމަލާއެއް ދޭން އުޅޭ ކަމަށް އާންމު މީހެއްގެ ފަރާތުން މައުލޫމާތު ލިބުމާ އެކު، އެ މައުލޫމާތު ޑިފެންސް މިނިސްޓަރު މާރިޔާ އަހުމަދު ދީދީ އަށް ދެއްވާފައި ވާނެ އެވެ.
މި ބަޔާނުގައި އޭނާ ވަނީ ތަހުގީގަށް އެއްބާރުން ދެއްވަމުން އަންނަ ކަމަށް ވެސް ވިދާޅުވެފަ އެވެ. ފުލުހުންނަށް ބަޔާން ދެއްވި ކަމަކަށް ވިދާޅެއް ނުވެ އެވެ. ނަމަވެސް "މިހާރު" އަށް އެނގިފައިވާ ގޮތުގައި ފުލުހުން އޭނާގެ ބަޔާން މިހާރު ވަނީ ނަގައިފަ އެވެ.
އިލްޔާސް ލަބީބު އިއްޔެ އާންމުކުރެއްވި ބަޔާނުގައި ވިދާޅުވެފައި ވަނީ ނަޝީދު އަވަހާރަކޮށްލަން ރާވާކަމުގެ މައުލޫމާތު ލިބިވަޑައިގަތުމާ އެކު، ވަގުތުން ނަޝީދަށް އެ މައުލޫމާތު ހިއްސާ ކުރެއްވި ކަމަށެވެ. އަދި މިނިސްޓަރު މާރިޔާއަށް ގުޅުއްވައި، ތަފުސީލު ދެއްވީ ނަޝީދުގެ އިރުޝާދާ އެކު ކަމަށް ވެސް ވިދާޅުވެފައިވެ އެވެ. ނަމަވެސް އޭނާ ވިދާޅުވީ ފުލުހުންނަށް އެކަން ރިޕޯޓް ނުކުރައްވާ ކަމަށެވެ.
ޓެރެރިޒަމް މަނާކުރުމުގެ ގާނޫނުގައި، ޓެރަރިޒަމްގެ އަމަލެއް ހިންގަން އުޅޭކަމުގެ އެއްވެސް މައުލޫމާތެއް އެއްވެސް ފަރާތަކަށް ލިބިއްޖެ ނަމަ އެކަން ފުލުހުންނަށް އަންގަން ޖެހޭނެ ކަމަށް ބަޔާންކޮށްފައި އޮވެ އެވެ. އަދި ރިޕޯޓް ނުކޮށް ހުއްޓައި އެކަން ހިނގައި ލިބޭ ގެއްލުންތަކަށް ބަލައި އެ މީހަކަށް ބޮޑެތި އަދަބުތައް ވެސް ކަނޑައެޅެ އެވެ.
ނަޝީދަށް ހަމަލާއެއް ދޭން އުޅޭކަމުގެ މައުލޫމާތު ލިބުމަށް ފަހު، ނަޝީދުގެ ސަލާމަތީ ފިޔަވަޅުތައް އެންމެ މައްޗަށް ޖައްސާފައިވާ ކަމަށް ބުންޏަސް ސަލާމަތީ ކަންކަން ހުރި ގޮތުންނާއި ނަޝީދުގެ ސަލާމަތަށް އެކަށީގެން ފިޔަވަޅެއް އެޅިފައި ނުވާތީ ޑިފެންސް މިނިސްޓަރު މާރިޔާ އާއި ސިފައިންނަށް ވަނީ ފާޑުކިޔުން ވަރަށް ބޮޑަށް އަމާޒުވެފަ އެވެ.
ނަޝީދަށް ދިން ހަމަލާއާ ގުޅިގެން މިހާތަނަށް ތިން މީހަކު ހައްޔަރުކޮށް، އެކަމާ ގުޅޭ ގިނަ މައުލޫމާތުތަކެއް ފުލުހުން ވަނީ އާންމުކޮށްފަ އެވެ. އަދި ތަހުގީގަށް މި ތިން މީހުން ބަންދުގައި ބައިތިއްބަން ވަނީ ކޯޓުން 15 ދުވަހުގެ މުއްދަތެއް ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕާޓީ
16 May 2021
އިލްޔާސް ލަބީބު ކަހަލަ ޕާޓީގެ މުހިއްމު މީހަކު ބުނީމަ ފިޔަވަޅު ނޭޅޭނަމަ ދެން އެހެން ކޮންފަދަ ބައެއް ބުނެގެންބާ ކަމެއްވާނީ؟ އެއްލަވައެއް ކިޔާ އެއްކޮށް އުޅޭ ބަޔަކު ބައި މީހާއަށް ތިހެން ހެދީމަ އެ ވީ ގޮތެއް ފަހުމެއްނުވޭ.
ފަހަރި
16 May 2021
މިނިސްޓަރގެ އިހުމާލުން ސިފައިންގެ މުއައްސަސާގެ އިތުބާރު ވަރަށްބޮޑަށް ދަށަށްގޮއްސި. ނަޝީދުގެ އިރުޝާދަށް އިލްޔާސްވެސް ނުބައި ރޫޓިންގއެއް ފޮލޯކުރެވިފަކަމަށް ބެލެވޭ.
ޅަބީދު
16 May 2021
ޒެކް ބޭބެ ބުނީ މީނަގެ ވާހަކައޭ! ޢެކަމަކު މާރި ދައިތަ ޒެކް ބޭބެ ކައިރީ ބުނިހެން ހީނުވޭ! އޫޕްސް! ދައްތަ ހަނދާން ނެތުނީ!
ވަހީދު
16 May 2021
މިއިލިޔާސް ގާތު އެހެން ބުނި މީހާ ކޮބާ؟ އޭނައަށް އެކަން އެގުނު ގޮތަކީ ކޮބާ؟ މިދެސުވާލުގެ ޖަވާބުހޯދައިދީ!އ
އަލިކޮއްކޮ ކުޑޭ
15 May 2021
ތިވަރު މީހުން މަޖިލިސް ކޮމިޓީތަކުގެ ޗެއަރ ކަން ކުރަނީ ކިހިނެއް. ތަސައްރަފް ނުފުދޭ ކުޑަކުއްޖެއްތަ. ނޫން ތީ ހަމަ ބޮލެއް. މީނަ ހޮވި ދާއިރާގެ ރައްޔިތުން ކިހާވަރަކައް ބަލާފަބާ ހޮވާފަ މިހުރީ.
ރެޓޭ
15 May 2021
މީނާ މަޖިލީހުގަ ދައްކާ ވާހަކަތަކުންވެސް ސިކުނޑީގަ އެއްވެސް ތެއްކަމެއް ނުހުންނަކަން އެނގޭ! ޤާނޫނު ހަދާ މަޖިލީހުގައި އެއްދައުރު ހަމަކޮށް 2 ވަނަ ދައުރު ފެށިގެން ނިމޭއަތަށްއަޅާ އިރުވެސް ތިމާ ހަދާ ޤާނޫނު ތަކުގައި ބުނާއެއްޗެއް ފަހުމެއްނުވޭ! އެއަށް އަމަލު ކުރަންޖެހޭގޮތްވެސް ނޭގޭ!
އަސތްތާ
15 May 2021
މާރިޔާ ކައިރީ ބުނުމުން ދެން އިތުރަސް ކާކުޖައިރީ ކީކޭ ބުނަންވީ؟
އަލިބެ
15 May 2021
އިލިޔާސް ލަބީބުގެ ޒިންމާވެސް ތިއޮތީ އަދާނުކުރެވި. ތިވަރުން ތިކަން ނިންނައިގެން ނުވާނެ. އެނގިތިބެ އަޅާނުލުމުން ހިގާފައިވާ ކަމރއް
އެހެ
16 May 2021
މިހާރު ޓްވިޓަރާ ހަމައިން ކޮންމެ ކަމެއްވެސް ނިމޭނީ. ލަބީބު ދެން ފަހަރަކުން ޓްވީޓް ކުރާނީ. އޭރުން ކަމާ ބެހޭ ސެކިއުރިޓީމީހުން އެއްވެސް ކަމެއް ކުރާކަށްނުޖެހޭނެ. ހަމަލާދޭން އުޅޭ މީހުން އަމިއްލައަށް އެކަން އެވަގުތަށް ހުއްޓާލަފާނެ.
ރައުޔު
15 May 2021
މުޅި މައްސަލައަށް ފުރިހަމަޔަށް ބަލާއިރު ނަޝީދު އާއި އިލްޔާސް އާއި ދެމީހުންވެސް ވަނީ ޤާނޫނާ ޚިލާފު ވެފައެވެ. ޤާނޫނާ އެއްގޮތައް އިންޞާފު ޤާއިމުވާނެ ހެއްޔެވެ؟
ޢަލީ44444
15 May 2021
މާރިޔާ އިސްތިއުފާ ދިނުމަކީ ނަޝީދު އިސްތިއުފާ ދިނުން ކަހަލަ ކަމެއް. އެ ދެމީހުން އަތުގަ އެކަކު އަނެކަކުގެ ވަރަށް ސިއްރުތައް އޮންނާނެ. މީހަކު ޒިންމާކޮށް މަޤާމުން ދުރުކުރަންޏާ ބަލާބަލަ، އެ މައުލޫމާތު މާރިޔާއަށް ދޭން އިލްޔާސް ލަބީބު ގުޅައިގެން ހުއްޓާ އެ މަގުން ހޯމް މިނިސްޓަރ އިމްރާން ހިނގާފަ ނުވަތަ ދުއްވާ އެއްޗެއްގަ ދިޔަތޯ. ދިޔަނަމަ އިމްރާން އިސްތިއުފާ ދޭން ޖެހޭނެ