އެކި ސްކޭމްތަކުން މި އަހަރު 7.4 މިލިއަން ރުފިޔާގެ ގެއްލުން!

ޕީއެސްއެމް ނިއުސްގެ "ރާއްޖެ މިއަދު" ޕްރޮގުރާމްގައި ސްޕްރިންޓެންޑެންޓް އޮފް ޕޮލިސް އަލީ ފާއިޒު އާއި ޗީފް އިންސްޕެކްޓާ އޮފް ޕޮލިސް ނާހިދު ހުސައިން ވާހަކަދައްކަވަނީ.--

އިފްރާޒް އަލީ، މިހާރު

19 ޖޫން 2021 - 15:28

17 comments

މިދިޔަ އަހަރުން ފެށިގެން މި އަހަރުގެ މިހާތަނަށް، އެކި ސްކޭމްތައް ހަދައިގެން މަކަރާއި ހީލަތުން މީހުންގެ އަތުން 7.4 މިލިއަނަށް ވުރެ ގިނަ ރުފިޔާ އަތުލާފައިވާ ކަމަށް ފުލުހުން ބުނެފި އެވެ.

ފުލުހުން މި މައުލޫމާތު ހިއްސާކުރީ ރޭ ޕީއެސްއެމް ނިއުސް އިން ގެނެސްދިން "ރާއްޖެ މިއަދު" ޕްރޮގްރާމްގަ އެވެ. ސްޕްރިންޓެންޑެންޓް އޮފް ޕޮލިސް އަލީ ފާއިޒު އާއި ޗީފް އިންސްޕެކްޓާ އޮފް ޕޮލިސް ނާހިދު ހުސައިން މި ޕްރޮގުރާމްގައި ބައިވެރިވެވަޑައިގެންނެވި އެވެ.

މިދިޔަ އަހަރު އެކަނި ވެސް މަކަރާއި ހީލަތުން ފައިސާ ހޯދުމުގެ 226 މައްސަލައެއް ފުލުހުންނަށް ހުށަހަޅާފައިވެ އެވެ. އެ މައްސަލަތަކުގައި އޮޅުވާލައިގެން މީހުންގެ އަތުން 3.5 މިލިއަން ރުފިޔާ ނަގާފައިވާ ކަން ފުލުހުންގެ ތަހުގީގަށް ވަނީ ފާހަގަކުރެވިފަ އެވެ.

މި އަހަރުގެ މިހާތަނަށް އެފަދަ 259 މައްސަލައެއް ހުށަހަޅާފައިވެ އެވެ. އަދި އެ މައްސަލަތަކުގައި 3.9 މިލިއަން ރުފިޔާ، އެކި މީހުންގެ އަތުން ނަގާފައިވެ އެވެ.

ފުލުހުން ބުނީ އެގޮތަށް ފައިސާ އަތުލަމުންދަނީ އެކި މީހުންގެ ނަމުގަ އާއި ފިހާރަތަކާއި ޖަމިއްޔާތައް އަދި ކުންފުނިތަކުގެ ނަމުގައި އެކި މީހުންނަށް ގުޅައިގެން ކަމަށެވެ. އަދި މިފަދަ މައްސަލަތައް ކޮވިޑް ތެރޭގައި އިތުރުވި ކަމަށް ވެސް ބުންޏެވެ.

ކުންފުނިތަކުގެ ލިޔެކިއުންތައް ހަދައި އެ ކުންފުނިތަކުގެ ނަމުގައި ވެސް މަކަރާއި ހީލަތުން ފައިސާ ހޯދަމުންދާ ކަމަށާއި ފައިސާގެ ތަނަވަސްކަން ހުރި މީހުންނަށް ސީދާ އަމާޒުކޮށްގެން މިހާރު މިކަން ކުރަމުންދާކަން ވެސް ފުހުންނަށް ފާހަގަކުރެވިފައިވެ އެވެ.

މިފަދަ ސްކޭމް ކޯލްތައް އެންމެ ގިނައިން އަންނަނީ ޖަލުން ކަމަށް ފާހަގަކުރަމުން ފުލުހުން ބުނީ މި ކޯލުތަކުގައި ބޭނުންކުރާ ނަމްބަރުތައް ހުންނަނީ ބިދޭސީންގެ ނަމުގައި ކަމަށާއި އަދި އެކަކުގެ ނަމުގައި 800 ވަރަކަށް ނަމްބަރު ނަގައިފައި ހުންނަ ކަމަށެވެ. އެހެންވެ، މައްސަލަ ތަހުގީގު ކުރަން ވެސް ފުލުހުންނަށް އުނދަގޫވާ ކަމަށާއި އެގޮތަށް ގެއްލޭ ފައިސާ އަނބުރާ ހޯދެނީ ވެސް މަދު މައްސަލަތަކެއްގައި ކަމަށް ފުލުހުން ބުންޏެވެ.

މީގެ އިތުރުން ފިހާރަތަކުން މުދާ ގަތުމަށް ފަހު ސައްހަ ނޫން ސްލިޕް ފޮނުވުމާއި ޑޮލަރުގެ މުއާމަލާތްތައް ހިންގުމާއި ފިހާރަތަކާއި ރިސޯޓުތަކަށް މުދާ ފޮނުވުމުގައި ވެސް މަކަރާއި ހީލަތް ހަދަމުން ދާ ކަމުގެ ގިނަ މައްސަލަތަކެެއް ފުލުހުންނަށް ވަނީ ހުށަހަޅައިފަ އެވެ.

ފުލުހުން ވައްކަމާއި ފޭރުން އޮޅުވާލައިގެން ފައިސާ ހޯދުން

17 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގައިދާ

20 June 2021

ހަލާލްގޮތުގަ ގައިދީންނަށް އާމްދަނީ ހޯދޭނެ ގޮތްތައް ހަމަޖައްސަދީބަލަ. އޭރުން ޖަލުގަ ތިބެގެން އެ ކަހަލަ ކަންކަމެއް ނުކުރާނެނު. އެންމެ ދާހިތްލާ ޒާތުގެ ބުރަ މަސައްކަތް ކުރަން ދުވާލު ޖެއްސީމަ ވަރުބަލިވެގެން ރޭގަނޑު ސަކަރާތްޖަހަން ހޭލާ ތިބޭކަށް ބުންވަރެއް ނުހުންނާނެ. ހިލޭ ކާންބޯންދީފަ ހުސް ގަޑި ދީފަ ބޭތިއްބީމަ ކުރާނީ އެކަހަލަ ކޮންމެވެސް ނުލަފާ ކަމެއް ނޫނީ ބައިވެރިވާނީ ކޮންމެވެސް ހަރުކަށި ދީނީ ކްލާހެއްގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާދަނު2

20 June 2021

100% އިސްލާމް ގައުމުގެ ހާލަތު.. މަކަރާ ހީލަތުން ފައިސާހޯދުމަކީ ލާދީކަމެއްނޫންބާ؟!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙދެކ

20 June 2021

މިކަމުންވެސް އިގެނީ ފުލުހުންގެ ނާޤަބިލްކަން ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލި

20 June 2021

މަގޭރާއްޖެ ގެއްލި ހިނގައްޖެ! ބޮންގޮއްވަނީ މަކަރާ އޮޅުވާލައިގެން މީހުންގެ އަތުގަ ހުންނަފައިސާކޮޅު ދަމާގެންދަނީ ހައްގަކާނުލާ މީހުންމަރަނީ އެވަރައްވައްކަންކުރަނީ ކައްޓަލައައްވުރެ މަސްތުވާތަކެތި ގިނަވެއްޖެ, ކުޑަކުދިންނާ ބެހުން އާއްމުވެއްޖެ, ކޮރަޕްޝަނާ ފަސާދަ އެއައްވުރެގިނަ އަނެކައްޗެއް ނެއްވަރައް އާއްމު ވެއްޖެ, މަގޭރާއްޖެ ގެއްލިއްޖެ!,

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢްޒްރާ

19 June 2021

ކޮބާ ރައްޔަތުން އަތުން ދުވާލެއްގެ މައްޗަށް ނަގާ ޖޫރީމައިނާ ލާރިދިވެހިންގެ ލޭ ދިވެހިން ބޮނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުއިއްޒު

19 June 2021

ސްކޭމް ހަދާ ދިރާގުންވެސް. ފާޑެއްގެ އަމިއްލަ ޕޯސްޓް ޕެއިޑެއް ހަދައިގެން މަގޭއަތުން 2500 އަށްވުރެ ގިނަ ރުފިޔާ ކާލި. ވީމާ މަކަރުހަދަނީ އެންމެންވެސް. މީ މަކަރު ރާއްޖެ. ދިވެހިރާއްޖެ އެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގެއްލުނު ދިވެހިރާއްޖެ

19 June 2021

މިއީ މިހާރު ދިވެހިރާއްޖެ އެއްނޫން، މިތަނުގެ ނަން ބަދަލުކުރަންވީ " ކޮރަޕްޓް އައިލެންޑްސް" އަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައަޔަ ބޮޑޭ

19 June 2021

800 ނަމްބަރު އެކަކައް ދެނީކީއްކުރްންތޯ! އެވަރުން ނޫނީނުފުދެނީތޯ ދެންއެވާހަކަ ދައްކާނެ ކަމެއްނެތެއްނުންތޯ, ޖަލަކީ ފޯނުވެއްދުން މަނާތަނެކޯ! އެކަމަކު ޖަލުގަ އެއައްވުރެ ގިނަ އަނެކައްޗެއްނެތްދާދި މިދާކައް ދުވަހުވެސް އަޑުއެހިން ގާތްގަޑަކައް ތިންޑަޒަނައް ވުރެގިނަފޯނު ޖަލުން ނެއްލިވާހަކަ!