ކުޅުދުއްފުށި ރީޖަނަލް ހޮސްޕިޓަލުގައި ޑޮކްޓަރަކާއި ނަރުހަކު ބަލި މީހަކު ބަލަނީ.-- ފައިލް ފޮޓޯ / ކުޅުދުއްފުށި ރީޖަނަލް ހޮސްޕިޓަލް
10 އޯގަސްޓް 2021 - 23:01
10 comments
ކުޅުދުއްފުށީ ރީޖަނަލް ހޮސްޕިޓަލް (ކޭއާރުއެޗް) ގައި ކަކުލު ހުޅު ބަދަލުކުރުމުގެ އޮޕަރޭޝަންތަކެއް މި މަހު ފަށަން ނިންމައިފި އެވެ.
މި އޮޕަރޭޝަންތައް ކުރައްވާނީ ގދ. ތިނަދޫގައި ހުންނަ ޑރ. އަބްދުލް ސަމަދު މެމޯރިއަލް ހޮސްޕިޓަލްގައި މަސައްކަތް ކުރައްވާ ކަށީގެ ހާއްސަ ޑޮކްޓަރު ޑރ. އާޒިމް އަބްދުއްޝަކޫރެވެ. ޑރ. އާޒިމް މިއަދު ވަނީ ކޭއާރުއެޗުގައި ހިދުމަތް ދޭން ފައްޓަވައިފަ އެވެ.
ކޭއާރުއެޗްގެ ކްލިނިކަލް ސާވިސް ޑިވިޝަންގެ ހެޑް، ޑރ. މުހައްމަދު ނަޒީފު ވިދާޅުވީ "ޓޯޓަލް ނީ ރިޕްލޭސްމަންޓް ސާޖަރީ" ގެ މި އޮޕަރޭޝަންތަކަކީ ހެލްތު މިނިސްޓްރީގެ އެހީތެރިކަމާ އެކު، ޑރ. އަބްދުލް ސަމަދު ހޮސްޕިޓަލާއި އެ ހޮސްޕިޓަލު ގުޅިގެން ކުރާ އޮޕަރޭޝަންތަކެއް ކަމަށެވެ.
"ދެ ހޮސްޕިޓަލު ގުޅިގެން އެ ސަރަހައްދުގައި ތިބި، ކަކުލު ހުޅު ބަދަލުކުރުމުގެ އޮޕަރޭޝަން ކުރަން ޖެހޭ ބަލި މީހުންނަށް އެ ހިދުމަތް ފޯރުކޮށްދިނުމަށްޓަކައި ފަށާ މަސައްކަތެއް،" ނާޒިފު ވިދާޅުވި އެވެ.
ކަކުލު ހުޅު ބަދަލުކުރުމުގެ އޮޕަރޭޝަން ކުރަން ބޭނުންވާ މީހުންނަށް ވެއިޓް ލިސްޓުގައި ޖެހިގެން ހިދުމަތް ހޯދަން މިހާރު ހުޅުވާލައިފަ އެވެ. ކޮންމެ ހަފުތާއަކު ހަތަރު އޮޕަރޭޝަން ކުރަން އެ ހޮސްޕިޓަލުން ވަނީ ނިންމައިފަ އެވެ. މި މަސް ނިމެންދެން ޑރ. އާޒިމް އެ ހޮސްޕިޓަލުގައި ބަލި މީހުން ބެއްލުވުމާއި ކަކުލު ހުޅުގެ އޮޕަރޭޝަންތައް ކުރައްވާނެ އެވެ.
"މި އޮޕަރޭޝަންގެ އިތުރުން ބައެއް ދުވަސް ދުވަހު ހޮސްޕިޓަލުގައި ބަލި މީހުން ވެސް ބަލާނެ. ކަށީގެ އެހެނިހެން ބައެއް އޮޕަރޭޝަންތައް ވެސް ކުރެވެން ހުރި ނަމަ ކުރާނެ،" ނާޒިފު ވިދާޅުވި އެވެ.
ކޭއާރުއެޗްގެ ޑެޕިއުޓީ ޗީފް އެގްޒެކެޓީވް އޮފިސަރު އަހްމަދު ދާވޫދު ވިދާޅުވީ 2019 ވަނަ އަހަރު ވެސް އެ ހޮސްޕިޓަލުން ކަކުޅު ހުޅު ބަދަލުކުރުމުގެ އޮޕަރޭޝަންތަކެއް ކޮށްފައިވާ ކަމަށާއި އަލުން އެ އޮޕަރޭޝަން މި ފަށަނީ ކޮވިޑްގެ ސަބަބުން އެ މަސައްކަތް މެދުކެނޑިފައި އޮތުމަށް ފަހު ކަމަށެވެ.
"އަޅުގަނޑުމެންގެ އުއްމީދަކީ ދާއިމީ ގޮތެއް މި ހޮސްޕިޓަލުން މި ހިދުމަތް ދެވޭނެ ގޮތެއް ވުން. ހޮސްޕިޓަލުގެ އާ އިމާރާތާ އެކު ޖާގަ އިތުރުވެގެން ދިއުމާ އެކު މި ހިދުމަތާ އަދިވެސް އިތުރު ހިދުމަތްތައް ދެވޭނެ،" ދާވޫދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޫސުން.
11 August 2021
މިއީ ކ.އަތޮޅު މާލެ އާއި ރާއްޖޭގެ އެހެން ރަށްރަށުގެ ރައްޔިތުންނާއި ދެމެދު ސަރުކާރުން ގެންގުޅެމުންދާ ތަފާތު ކުރުމުގެ މިސާލެއް. ފުރޯ ކޮޑަށް ލައިގެން ދަރުކޮށާން ނިކުތުން ފަދަ ކަމަކަށް ސިއްޙީ ހިދުމަތް ހަދެމަކީ ވަރަށް ދެރަކަމެއް.
ދޮންއާދަނު
11 August 2021
އަތޮޅުހޮސްޕިޓަލްގައި ހަމުގެ ޑޮކްޓަރެއް ނެތިގެން މާލެއައިސް އައިޖީއެމްއެޗް އާއި ހުޅުމާލެ ހޮސްޕިޓަލް ބެލިއިރު އެތައް ބަޔަކު ކިޔޫގަ ތިބުމާއެކު ގިނަދުވަހު މާލޭގައި ހުރުމަށް ދަތިވާތީ އަމިއްލަ ކުލިނިކަކުން ޑޮކްޓަރަށް ދައްކަން ދިޔައިރު ޑޮކްޓަރަށް ދެއްކުމުގެ ފީއަކީ 450 ރުފިޔާ. އާސަންދަ ކަވަރުކުރަނީ 100 ރުފިޔާ. ބާކީ އަމިއްލަ ޖީބުން ދައްކަން ޖެހުމުން ހިތަށްއެރީ މީ ހައްގުމިންވަރުބާއޭ. އަހަރަކު އެއްލައްކަ ރުފިޔާގެ ބޭސްފަރުވާ ކުރެވޭނެ ކަމަށް ބުނަނީ ނަމެއްގަ.
ނަންނު
11 August 2021
މާލޭ އައިޖީއެމް އެޗް ، ދަރުމަވަންތަ ހޮސްޕިޓަލުގަ އުޅޭ ޑޮކްޓަރަކު ޗުއްޓީއެއް ހަދާލަން ރަށަކަށް ގޮސްފަ އޮޕަރޭޝަނެއް ކޮށްފަ ފަލަ ސުރުހީއަށް އެރުވުމުން އެ ނިމުނީ. އޭނަ ތިރަށުން ފުރައިގެން ދިޔުމުން ދެން ތިބުނާ އޮޕަރޭޝަން ތި ހޮސްޕިޓަލުން ކުރެވޭނެބާ..
އަބްޑޫޅް
11 August 2021
ބީރައްޓެހި ރަށެއްގަ މިކަހަލަ ކަމެއް ރަގަޅަށް ކުރެވޭނެ ހެނެއް ހިޔެއް ނުވޭ. ކަނާތު ފައިގެ ހުޅު ވާތު ފަޔަށް ބަދަލު ނުކަޮށްފިއްޔާ ވެސް ވާނީ ނަސީބަކުން ވީކަމަކަށް. ރާއްޖޭގަ ފިރިހެނުން ޔޫރިން ޓެސްޓު ކުރިމަ ވެސް އަންގަނީ ބަލިވެ އިން ކަމުގަ.
ޙަސަން އަޙްމަދު
11 August 2021
ތިމާ އުޅެބޮޑުވި ރަށް ނޫން ކޮންމެ ރަށަކީ ބީރައްޓެހި ރަށެއް. އެހެންވީމަ ކަލޭ ރަށުގަ މިކަހަލަ ކަންކަން ވާނީ.
ޙަސަދަ އަލީ.
11 August 2021
އަބްޑޫޅް މެން ކ.އަޔޮޅު މާލެ ނޫން އެހެން ރަށްރަށް ބީރައްޓެހި ރަށްރަށުގެ ގޮތުގައި ބަލާ ފަދައިން އަހަރުމެން އެހެން ރަށްރަށުގެ މީހުނަށްވެސް ކ.އަތޮޅު މާލެ އަކީ ބީރައްޓެހި ރަށެއް. އެހެން ނޫނަށް ކަލޭމެން ކުދިންނަށް ތިއީ ނިއުޔޯކް ފަދަ ބޮޑު ސްތޭޓެއް ކަމުގައި ހީވިޔަސް އަހަރުމެންނަށް ތިޔަ ރަށްގަނޑު ފެންނަނީ ސްލަމް އެއްގެ ގޮތަށް. ތިތަނަށް އަރައިފި ބަލިމީހަކަށް އިތުރު ބައްޔެއް ޖެހުން ނޫންކަމެއް ނުވާނެ.
އޮނަރަބްލް އަފީފު ދީދީ.
11 August 2021
މިއީ މާލޭމީހުންދޭންބޭނުންވާ ލާމަރުކަޒީ ބާރުވެރިކަމުގެ ދަރަޖަ ހުންނާންޖެހޭމިންވަރަކީ. # ނަމުގެކުރިއަށް "ޓާޝަރީ" އޮތްކަމުގައިވިޔަސް އިކްއިޓޯރިއަލް ހޮސްޕިޓަލާއި، ސަމަދު ހޮސްޕިޓަލް އަދި ކޭއާރއެޗް އަކީ ހަމަ ބޮޑެތި ނަންތަނެއް. # އެގޮތަށް "ބައިނަލް އަޤުވާވީ" އެއަރޕޯޓްތަކުގެގޮތުގައި "ފްލައިޓް އޮޕަރޭޓްކުރުން މަނާ" އެއަރޕޯޓްތަކެއްގެގޮތުގައި ހަނިމާދޫ އަދި ގޭންއެއަރޕޯޓްވެސް ހަމަޖައްސާފަ އޮންނަނީ. މިއީ މާލެނޫން ސަރަޙައްދުތަކަށް "ޙައްޤު މިންވަރު" ކަމަށްވެދާނެ.
މުސްލިމް - ހިތަދޫ.
11 August 2021
ދީދީ އަށް މިކަން ހިގާގޮތް ނޭގެނީ ކަމަށް ވެދާނެ. ޑރ ސޯލިޙް މިކޮޅަށް ވަދައި ގަތުމަށް ފަހު ހޮސްޕިޓަލްގެ ގިނަކަންކަން ރަނގަޅު ކުރުމަށް އެބަ މަސައްކަތް ކުރޭ. އޯޕީޑީ ގަނޑި އިތުރުކޮށް އައްޑޫ ގުޅުމީދޫ އަވަށުން ނާއި އަވަށްޓެރި އެހެން އަތޮޅު ތަކުން އެޕޮއިންޓްމަންޓް ހަދައިގެން އަންނަ މީހުނާއި އެފަދަ އެހެން މީހުނަށް ފަސޭހައިން އޯ]ީޑީއަށާއި ސްޕެޝަލިސްޓުންނަށް ދެއްކޭނެ އިންތިޒާމް ވަރަށް އަވަހަށް ހަމަޖެހޭނެ.
މިއުމަތު އަލީ / އައްޑޫސިޓީ
11 August 2021
އަޑުއިވޭގޮތުން ޑރ ސޯލިޙް ދަނީ އިކްއިޓޯރިއަލް ހޮސްޕިޓަލަކީ ޙަޤީގަތުގައިވެސް ރާއްޖޭގެ އެންމެ ފެންވަރުމަތީ ހިދުމަތް ލިބޭނެ ހޮސްޕިޓަލަށް ޖެދުމުގެ ބުރަ މަސައްކަތް ކުރަމުން. އިންޑިޔާގެ ފެންވަރުމަތީ ހޮސްޕިޓަލެއްގެ އެހީތެރިކަމާއިއެކު ކުރަމުންދާ މިމަސައްކަތް ކޮޅެއްގައި ޖެހޭއިރު ޑރ ސޯލިޙްއަށް ފާޑު ކިޔާ މީހުން މުޅިން އެހެން ގޮތަކަށް ބަދަލުވެގެންދާނެ.
މުހައްމަދު - އައްޑޫސިޓީ
11 August 2021
ދެން ކޮންމެހެން ޑރ ސޯލިޛް ގޯސްވެގެން ވާހަކަ ދައްކާނެ ކަމެއްނެތް. އޭނާ އިކްއިޓޯރިއަލް ހޮސްޕިތަލްގެ ސީއީއޯ ކަމުގެ މަޤާމަށް ހަމަޖެއްސުމުން އަފީފު ދީދީ އޭނާގެ މޮޅުވާހަކަ މިތަނުގައި ކޮމެންޓްކޮށް އޭނާއަށް ތައުރީފު ކުރިހަދާން އަހަރުމެން އެބަހުރި.