ގްރޭޑް އެކެއްގެ ގުރުއާން ފޮތުގައި އޮޅުމެއް އޮތްކަން ފާހަގަކުރެވިފައިވާ ކަމަށާއި އެކަން ބަލަމުން އަންނަ ކަމަށް އެޑިއުކޭޝަން މިނިސްޓްރީން މިއަދު ބުނެފި އެވެ.
އެޑިއުކޭޝަން މިނިސްޓްރީން މިއަދު ކުރި އިއުލާނެއްގައި ބުނީ ގްރޭޑް އެކެއްގެ ގުރުއާން މާއްދާގެ ދަރިވަރުންގެ ފޮތް ޗާޕްކުރި އިރު ދެ ސޫރަތެއްގެ އާޔަތްތައް އެކުވެފައިވާކަން ފާހަގަވެފައިވާ ކަމަށެވެ. އެކަން ފާހަގަވި ހިސާބުން އެ މައްސަލަ ހައްލުކުރަން ނެޝަނަލް އިންސްޓްޓިއުޓް އޮފް އެޑިއުކޭޝަން (އެންއައިއީ) އިން މަސަައްކަތް ފަށާފައިވާ ކަމަށް ވެސް އެ އިއުލާނުގައި ބުންޏެވެ.
"...މި ފޮތްތަކަކީ ޕްރިންޓްކުރުމުގެ ކުރިން އެންއައިއީ އާއި އިސްލާމިކް މިނިސްޓްރީން ޗެކްކުރެވިފައިވާ ފޮތްތަކެކެވެ. މި ފޮތްތަކުގައި މައްސަލަ ދިމާވި ސަބަބު ދެނެގަތުމަށް ވެސް މިހާރު މިހާރު ވަނީ މަސައްކަތް ފަށްޓައިފަ އެވެ،" އެޑިއުކޭޝަން މިނިސްޓްރީގެ އިއުލާނުގައި ބުންޏެެވެ.
ގްރޭޑް އެކެއްގެ ގުރުއާން ފޮތުގައިވާ އެ މައްސަލަ ބައެއް އިލްމުވެރިންނާއި އާއްމުން ވެސް ވަނީ ސޯޝަލް މީޑިއާގައި ފާހަގަކޮށްފަ އެވެ. އޭގެ ތެރޭފައި ކުރީގެ އިސްލާމް މިނިސްޓަރު ޑރ. މުހައްމަދު ޝަހީމް އަލީ ސައީދު ވެސް ހިމެނިވަޑައިގަންނަވަ އެވެ.
