ވިޔަފާރިވެރިޔާ މަރާލި ކަމުގެ ތުހުމަތަށް މިހާރު ވަނީ ދަނގެތީގައި އުޅޭ ތޮއްޑޫ ދެ މީހަކު އަތުލައިގެންފައި.
ދަނގެތީގައި މަރާލާފައި އޮއްވައި ފެނުނު މަހްމޫދު އަބޫބަކުރު. -- ފޮޓޯ: މިހާރު
14 އޮކްޓޯބަރ 2021 - 15:48
61 comments
އދ. ދަނގެތީގައި އެ ރަށުގެ މަޝްހޫރު ވިޔަފާރިވެރިއަކު މަރާލައި ވަޅަކަށް ވައްޓާލާފައި އޮއްވައި މިއަދު ފެނިއްޖެ އެވެ.
ދަނގެތި ކައުންސިލްގެ ރައީސް މުއާވިޔަތު ރަޝީދު "މިހާރު" އަށް ދެންމެ ވިދާޅުވީ، އެ ރަށުގައި ހޮޓަލަކާއި ކާޑުގެ ބާވަތްތައް ވިއްކައި އަދި އޮޑިދޯނިފަހަރު ވެސް ގެންގުޅޭ، އުމުރުން 57 އަހަރުގެ މަހުމޫދު އަބޫބަކުރު މަރާލާފައި އޮއްވައި ފެނުނީ ފަޅު ގެއެއްގެ ތެރޭގައި ހުރި ފެން ވަޅެއްގެ ތެރެއަށް ވައްޓާލާފައި އޮއްވައި ކަމަށެވެ.
"އޭނާ އަދިވެސް އޮތީ އެ ވަޅުގެ ތެރޭގައި،" މުއާވިޔަތު ވިދާޅުވި އެވެ.
ފުލުހުން ބުނީ، ދަނގެތީގައި ގޯންޏަކަށް ލައި އެއްލައިލާފައި އޮތް މީހަކު ފެނިފައިވާ ކަމުގެ ރިޕޯޓެއް ފުލުހުންނަށް ލިބިފައިވާ ކަމަށެވެ. އިތުރު ތަފުސީލެއް އަދި ނުދެ އެވެ.
ދަނގެތީގައި މަހުމޫދު މަރާކައި ވައްޓާލާފައި އޮތް ވަޅު. -- ފޮޓޯ: މިހާރު
"އެ ސަރަަހައްދުގައި ފުލުހުން ދަނީ ހަރަކާތްތެރިވަމުން،" ފުލުހުން މީޑިއާ އަށް ފޮނުވި މެސެޖެއްގައި ވެ އެވެ.
ކައުންސިލްގެ އެހެން މެމްބަރަކު ވިދާޅުވީ، މަހުމޫދަށް ވީނުވީއެއް ނޭނގި ގެއްލުނީ ސާފް ޗެމްޕިއަންޝިޕްގައި ރޭ ރާއްޖެ އާއި އިންޑިއާ ކުޅުނު މެޗު ބަލަން އިނދެފައި ބޭރަށް ނުކުތް ފަހުން ކަމަށް އެނގިވަޑައިގެންފައިވާ ކަމަށެވެ.
"އޭނާ ގެއްލިގެން އުޅޭ ކަމުގެ ރިޕޯޓް ކައުންސިލަށް ލިބުނީ މިއަދު ހެނދު 10 ޖެހިއިރު. އޭނާ ފެނުނީ ރައްޔިތުން ނުކުމެ ހޯދަމުން ދަނިކޮށް،" ކައުންސިލްގެ އެހެން މެމްބަރަކު ވިދާޅުވި އެވެ.
ކައުންސިލުން ބުނީ ވިޔަފާރިވެރިޔާ މަރާލި ކަމުގެ ތުހުމަތުކުރެވޭ ދެ މީހަކު ރަށު ރައްޔިތުން ނުކުމެ މިހާރު ހައްޔަރުކޮށް ފުލުހުންނާ ހަވާލު ކޮށްފައިވާ ކަމަށެވެ. އެ ދެ މީހުންނަކީ މީގެ ތިން މަހެއްހާ ދުވަސް ކުރިން ތޮއްޑޫން ދަނގެއްޗަށް ގޮސް އެ ރަށުގައި އުޅޭ ބައެކެވެ.
"އެތަނުން އެކެއްގެ އާއިލާގެ މީހަކު މި ރަށުގައި އުޅޭތީ އެ ދެ މީހުން ވެސް އުޅެމުން އައީ މި ރަށުގައި. މީގެ ކުރިން ވެސް މިރަށުން އެ ދެ މީހުން ގުޅިގެން ބޮޑު ވައްކަމެއް ކޮށްފައިވާ ކަމަށް މިހާރު ތުހުމަތުކުރެވޭ، ކައުންސިލް މެންބަރަކު ވިދާޅުވި އެވެ.
ރަށުން ވާހަކަ ދެއްކި މީހަކު ބުނި ގޮތުގައި، މަހްމޫދު ގެއްލިގެން ހޯދަމުން ދިޔައިރު ވެސް އޭނާގެ ފޯނަށް ގުޅެ އެވެ. އެކަމަކު ފޯނަށް ގުޅުން ކެނޑުނީ މެންދުރު ފަހު ކަމަށްވެ އެވެ. އެ ފޯނު އަދިވެސް ނުފެނެ އެވެ.
މަރާލި މަހްމޫދުގެ އަންބަކާއި ހަތަރު ދަރިން ތިބޭ ކަމަށް އެނގިފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޅޮޅު
15 October 2021
ޢަދިވެސް މުސްކުޅި ފަނޑިޔާރުން ލައިގެން 80 އަހަރުތަކުގަ ކުށްކުރާމީހުން 2021 ގަ ފުލުހުން ސިޔާސީ މީހުންދަށުވެ 60 ގަ ލޮލް
މޫސާ11
14 October 2021
ތިޔާ އެއްއާއިލާ އެއްގެ ދެބެން، ތޮއްޑޫ އިންވެސް ބޭރުކޮއްލީ މާރާމާރި ހިންގާ ފިހާރަޔަކާ ކެފޭ އެއްގެ އިތުރުން ޑައިވިން ސެންޓަރެއް ވެސް ފަޅާލި ފަހުން،
ޥަކީލު
14 October 2021
މިހާރު ގާނޫނު ހަދާ މަޖިލީހުގައި ތިބި ކަޑުކޮހުން ހަދަން އުޅޭ ހެއްކާ ބެހޭ ގާނޫނަށް ބަލާލިއިރު އޭގައި އޮތީ މަރު ސާބިތުވާނީ އިއުތިރާފުންނާއި ލޮލޮަށް ފެނުނު 2 ފިރިހެނުންގެ ހެކިބަހުން ކަމަށް. މިއީ މަރުގެ ކުށް އިސްލާމް ދީނުގައި އޮތް ގިސާސްގެ އަދަބު މިގައުމުން ނައްތާލުމަށް ރާވާ ހީލަތްތެރި ރޭވުމެއް. މީހުން މަރާނީ ދެފިރިހެނުން ހެކިންގެ ގޮތުގައި ބައިތިއްބާފައެއްނޫން. އެކަން ކޮށްފަ އިއުތިރާފްވާނީ ކާކުތޯ¿ ޒަމާނީ ފޮރެންސިކްގެ ހެކިތައް ބޭނުންކުރަންޖެހޭ.
ސަރީއާ
15 October 2021
ދެހެކިންގެ ހެކިބަސް އެއީ ސަރީއާގައި މަރު ސާބިތުވާން އޮންނަގޮތްކަމަށް ލަފާކުރެވެނީ. ސާބިތުވިޔަސް، މެރުމަށް ނިންމުމަކީ ވާރިސުންގެ އަތްމަތީގައިވާކަމެއްހެން ހީވަނީ. މަޖްބޫރުކޮށްފަ އޮތްކަމެއްކަމަށް ފާހަގައެއްނުވޭ. މަގުސަދަކީ މަރަށް އޮތް ހަމައެކަނި ހުކުމަކީ މެރުންނޫންކަން މީސްތަކުންނަށް ހާމަކޮށްދިނުންކަމަށް ވެސް ވެދާނެދޯ.
ކުރުކޮއް ފޮނިކޮއް
14 October 2021
ބޮޑެތި ކުއްތައްކުރާ މީހުންގެ މައްޗައް އަހަރުމެންނައް ގަދަނުވެވޭނެކަން އެނގޭނެ ފަތިސް ނަމާދުގެ ޖަމާއަތައް ވިސްނާލިޔަސް. އެކަމް ނަމާދު ނުކޮއް އެގަޑީ ނިދާފައޮންނަ މީހާވެސް މިތާނގަ އިސްލާމީ ޝަރީއަތް ގާއިމް ނުކޮއްގެން އެވާހަކަ މިދައްކަނީ. އިސްލާމް ކަމަކީ ކޮބައިތޯ؟.
ނަށީދު
14 October 2021
މީހުން މެރުން ގިނަވަނީ. މަރާ ބަޔަކު ނުހޯދޭ. އަދަބެއް ނުދެވޭ. ކިހިނެއް މިވަނީ؟ ދުނިޔެ ނިމެން ކައިރިވަނީ އުތަ؟
ކަނބިލި
14 October 2021
ދެންވެސް ހުޅަގު ރުއްސަން އަނގަފުޅާކޮށްފައި ގޮވާނެ މަރުގެ އަދަބު ދޭކަށް ނުފެނޭ. ބަލަ! ދޮން މީހުންގެ ގޮވެލިތަކަށް އިޖާބަދީގެން އަހަރެމެންގެ ގައުމުގައި އަމާންކަށް ގާއިމުކޮށްދޭން އެވެރިން ކޮށްދޭ ކަމަކީ ކޮބާ. ގައުމަށް ބޭނުންވަނީ ކުލީ ވެރިންނެއް ނޫން. ގައުމަށް ރައްޔިތުންނަށް ވަފާތެރި ހިތްވަރު ގަދަ ކެރޭ މުސްތަގިއްލު މިނިވަން ލީޑަރުން
ޢަނެއްދިވެހިރާއްޖެ
14 October 2021
އަސްތާ ޔާމިނު ވެރިކަމުގަ ހުރިނަމަހީވާނީ އެހެންފަދަކަމެއް ވެގެންއުޅޭހެން މިހާރު ވާނުވާގަ މީހަކު ޖަލުގަ މަރުވިޔަސް ހަމައޯކޭ ސަފާރީކުޅިވަރުވެސް އޯކޭ ބަގާވާތްކުރި މީހުންވެސް އޯކޭ ވެރިކަން ލިބުނީމަ ހަމައޯކޭ ރައްޔިތުން ހޭވެރި ވާނީ ކޮންއިރަކުން މީ މަޑުކަށިފިކުރުބާ
ނޭގުނޭ
14 October 2021
ކޮންމެ ކަމަކަށް ޔާމީން ގެންނާތި. ކަލޭމެންނަށްވެސް ޔާމީން ވައްކަންކުރީމަވެސް އޯކޭއެެއްނު.
ތާކިހާބެ
14 October 2021
ޖަޒީރާ ރާއްޖޭގެ މިއަދުގެ ފަލަސުރުޙީ 1. 100 ކިލޯ މަސްތުވާ ތަކެތި އަތުލާ 10މީހުން ހައްޔަރުކޮށްފި 2. ދަނގެތީގައި ވިޔަފާރިވެރިއަކު މަރާލައި ވަޅަކަށް ވައްޓާލާފައި އޮއްވައި ފެނިއްޖެ. މިއޮތީ ޖަޒީރާ ރާއްޖެ އިން ޢަނެއްދިވެހިރާއްޖެ އަށް އާދެވި ފައްކާ ރައްވެހި ފަތިހަކަށް ހޭލެވިފަ ..ކުރިޔަށް ބާރަށް.
ޢަރުތަ
14 October 2021
ތާކިހާބެގެ ވިސްނުން ތިހިރީ ވަރަށް ދެރަ ހާލަތެއްގަ، ތިކަމަށް އަވަހަށް ބޭސްކުރުން ބުއްދިވެރި، އާނފަހެ ތާކިހާބެ އަށް ހީވެފތިއޮތީ، މަސްތުވާ އެއްޗިހި އަތުލައިގަތުމާ މީހުން މެރުމާ ވައްކަން ކުރުމާ ފޭރުމަކީ ވަކި ސަރުކާރެއް އޮތީމަ މިތާ ހިނގާކަންކަން ކަމަށް އުތަ، ސާބަސް ދެލޯފުޅާ......
ކޮންކުރިޓް
15 October 2021
ކޮންކުރިޓް ރާއްޖޭގައި ޑްރަގް ގެނެސް ބޯކޮށް ވިއްކުން އޮތީ. މައްސަލައަކީ ޖަޒީރާ ރާއްޖޭގައި އެކަން ހުއްޓުވާތީދޯ؟ މީހަކު މެރީމާ އެކަން އޮއްބާނުލާ ނޫސްތަކުގައި އެވާހަކަ ދެއްކުމުގެ ފުރިސަތު އޮތީމަދޯ؟
ޙަސިމު 2
14 October 2021
ޥާނުވާވެސް އެނގޭ މި ވަނީ ކިިހިނެތްކަންވެސް އެނގޭ މުޅިގައުމުގަ އޮތީ މަސްތުވާތަކެތި އެންމެ ގަދަޔަށް އެކަމުގަ އެނީ ރައިތުންނަށް އޮޅުވާލައިގެން އުޅޭ ސިޔާސީ މީހުން ކަންކަން ހައްކު ކުރަން ބެނުންނަމަ ކަންކަން ހައްލުވެސް ކުރެވޭނެ މަސަކީ އެތްވެސް ސިޔާސިީ މީހަކަށްތާއިދު ކުރާމިހެތްނޫން އަދި ސިޔާސީ މީހަކު ދައްކާ ވާހަކައެތް ގަބޫލު ކުރާނެ މީހެތްވެސް ނޫން ސަޔާސީ ޕާޓީތަށް ހަދައިގެން މުޅިން މަކަރާހީލަތުން މުއްސަނދިކަން ހޯދަނީ
ޙިނި
14 October 2021
ގޯންޏައް ލާފަ އެއްލާލީމަ ލަފާކުރެވެނީ ތީ ކުރިޔާލާ ރާވައިގެން މަރާލީ ކަމައް، ﷲ މަރުހޫމައް ހެޔޮރަހުމަތް ލައްވާށި އެވެ